لىۋان مەيدان تېلېۋىزىيە ئىستانسىسىنىڭ 6-فېۋرالدىكى خەۋىرىدە دېيىلىشىچە، ئاشقۇن تەشكىلات «ئىسلام دۆلىتى» كونتروللىقىدىكى سۇرىيە بىلەن تۈركىيە چېگرا لىنىيەسى ئۈچتىن ئىككى قىسىمدىن ئارتۇقراق قىسقارغان.

     خەۋەردە دېيىلىشىچە، «ئىسلام دۆلىتى» سۇرىيەنىڭ شەرقىي شىمالىدىكى خاسساك ئۆلكىسىدىن غەربىي شىمالدىكى ھەلىب ئۆلكىسى بىلەن تۈركىيە چېگرالىنىدىغان كەڭ زېمىننى بىر مەھەل كونترول قىلغان، بۇ چېگرا لىنىيەسىنىڭ ئۇزۇنلۇقى 250 كىلومېتىرغا يەتكەن. ئەمما بۇلتۇردىن باشلاپ، «ئىسلام دۆلىتى» كونترول قىلغان چېگرا رايون پەيدىنپەي تارىيىشقا باشلىغان، نۆۋەتتە كونترول قىلىۋاتقان چېگرا لىنىيەسى قىسقىراپ 70 كىلومېتىرغا چۈشۈپ قالغان.

      خەۋەردە دېيىلىشىچە، «ئىسلام دۆلىتى كونترول قىلغان چېگرا شەھەر ئارقىلىق سۇرىيە ئىچىگە قورال-ياراق ۋە جەڭچىلەرنى توشۇيدىكەن. نۆۋەتتە «ئىسلام دۆلىتى» بىلەن تۈركىيە ئارىسىدا يەنە 3 ترانسپورت يولى مەۋجۇت: بىرى «ئىسلام دۆلىتى»گە دورا ۋە قورال-ياراق تەمىناتى تەمىنلەيدۇ، بىرى قوراللىق خادىم تەمىنلەيدۇ، يارىدار بولغانلارنى چېگرا سىرتىغا يۆتكەشنى ئۆز ئىچىگە ئالىدۇ، ئۈچىنچى يولدا «ئىسلام دۆلىتى» كونتروللىقىدىكى رايوندىكى خادىملار تۈركىيەگگ بېرىپ-كېلىپ قىلىدۇ.

      بۇنىڭدىن سىرت، ئەل-قائىد تەشكىلاتىنىڭ سۇرىيەدىكى تارمىقى بولغان «ئەل-نۇسرە فرونتى» ھەمدە سۇرىيە ئۆكتىچى قوراللىق كۈچ «ئەركىن سۇرىيە ئارمىيەسى» كونتروللىقىدىكى چېگرا رايونمۇ پەيدىنپەي تارايماقتا.

رۇسىيە ھاۋا ھۇجۇمىنىڭ قوللىشىدا، سۇرىيە ھۆكۈمەت ئارمىيەسى يېقىندىن بۇيان شىمالدىكى كۆپلىگەن ئۇرۇش سېپىدا ئىلگىرىلەشكە ئېرىشتى. سۇرىيە ئارمىيەسىنىڭ دېيىشىچە، ھۆكۈمەت ئارمىيەسى تۈركىيە-سۇرىيە چېگراسىنىڭ سۇرىيە تەرىپىدىكى چېگرا رايوننى كونترل قىلىش ئارقىلىق، سىرتقى قوراللىق كىشىلەرنىڭ سۇرىيەگە كىرىشىنى توسماقچى بولۇۋېتىپتۇ.