ئالدىنقى ھەپتە ئاخىرىدا ئۈندىدار دوستلار چەمبىرىكىدە تارقالغان ھاۋارايى ئۇچۇرىغا ھەممەيلەن ئالاھىدە دىققەت قىلىشتى، ئۇچۇردا 15-ئىيۇن چۈشتىن كېيىندىن تارتىپ 17-ئىيۇنغىچە ئۈرۈمچىدە ياز كىرگەندىن بۇيانقى قاتتىق ھۆل-يېغىنلىق ھاۋارايى كۆرۈلۈپ، قارا يامغۇر يېغىپ، تېمپېراتۇرا ℃6 ئەتراپىدا تۆۋەنلەيدىكەن.
ئالدىنقى قېتىم ياغقان قاتتىق يامغۇر بىلەن سېلىشتۇرغاندا بۇ قېتىم كۆرۈلىدىغان ھۆل-يېغىنلىق ھاۋاراينىڭ داۋاملىشىش ۋاقتى بىر قەدەر ئۇزۇن بولۇپ، يامغۇر مىقدارى كۆپ بولىدىكەن. ئۈرۈمچى شەھەرلىك مېتېئورولوگىيە ئىستانسىسىنىڭ باشلىقى ۋاڭ جىيەننىڭ تونۇشتۇرىشىچە، ئۈرۈمچى 15-ئىيۇن چۈشتىن كېيىن ھۆل-يېغىنلىق ھاۋارايىنى كۈتۈۋالدىكەن، مۆلچەرلىنىشىچە، بۇ خىل ھاۋارايى 17-ئىيۇنغىچە داۋاملىشىدىكەن. بۇ قېتىم ھۆل-يېغىنلىق ھاۋارايى كۆرۈلگەندە ئۈرۈمچى شەھەر رايونى، مىچۇەن-كۆكتاغ رايونىدا قاتتىق يامغۇر يېغىپ قارا يامغۇرغا ئۆزگىرىدىكەن، يامغۇر مىقدارى 20~30 مىللىمېتىر ئەتراپىدا بولىدىكەن. جەنۇبىي شەھەر ئەتراپى ۋە يۇقىرىقى تاغ تاغلىق رايونى، مىچۇەن-كوكتاغ تاغلىق رايونىلىرىدا قارا يامغۇر يېغىپ، يامغۇر مىقدارى 24~40 مىللىمېتىر ئەتراپىدا بولىدىكەن، قىسمەن رايونلاردا قارا يامغۇر يېغىپ، يامغۇر مىقدارى 48 مىللىمېتىردىن ئېشىپ كېتىدىكەن. ئۇنىڭدىن باشقا، بۇ قېتىم داۋانچىڭ رايونىدا قاتتىق يامغۇر يېغىپ، تاغلىق رايونلاردا قارا يامغۇر ياغىدىكەن.