دۆلەت رەئىسى شى جىنپىڭ 15-سېنتەبىر مالېدا مالدىۋې زۇڭتۇڭى يامىڭ بىلەن سۆھبەت ئۆتكۈزدى . ئىككى دۆلەت باشلىقلىرى قىزغىن ، دوستانە كەيپىياتتا ئىككى تەرەپ مۇناسىۋىتى ۋە ئورتاق كۆڭۈل بۆلىدىغان مەسىلىلەردە پىكىر ئالماشتۇرۇپ ، جۇڭگو بىلەن مالدىۋېنىڭ كەلگۈسىگە يۈزلەنگەن ئومۇميۈزلۈك دوستانە ھەمكارلىق ، شېرىكلىك مۇناسىۋىتى بەرپا قىلىشقا بىردەك قوشۇلدى

شىنخۇا تورى ، مالې ، 15-سېنتەبىر تېلېگراممىسى : دۆلەت رەئىسى شى جىنپىڭ 15-سېنتەبىر مالېدا مالدىۋې زۇڭتۇڭى يامىڭ بىلەن سۆھبەت ئۆتكۈزدى .ئىككى دۆلەت باشلىقلىرى قىزغىن ، دوستانە كەيپىياتتا ئىككى تەرەپ مۇناسىۋىتى ۋە ئورتاق كۆڭۈل بۆلىدىغان مەسىلىلەردە پىكىر ئالماشتۇرۇپ ، جۇڭگو بىلەن مالدىۋېنىڭ كەلگۈسىگە يۈزلەنگەن ئومۇميۈزلۈك دوستانە ھەمكارلىق ، شېرىكلىك مۇناسىۋىتى بەرپا قىلىشقا بىردەك قوشۇلدى .

سۆھبەتتىن ئىلگىرى ، يامىڭ جۇمھۇرىيەت مەيدانىدا شى جىنپىڭنى قارشى ئېلىش مۇراسىمى ئۆتكۈزدى . شى جىنىڭ ۋە ئۇنىڭ خانىمى پېڭ لىيۈەن كېمىگە ئولتۇرۇپ زۇڭتۇڭ مەھكىمىسى تۇرۇشلۇق مالې ئارىلى 1-نومۇرلۇق پىرىستانىغا كېلىپ ، زۇڭتۇڭ يامىڭ ۋە ئۇنىڭ خانىمىنىڭ قىزغىن كۈتۈۋېلىشىغا مۇيەسسەر بولدى .

قارشى ئېلىش مۇراسىمىدىن كېيىن ئىككى دۆلەت باشلىقلىرى سۆھبەت ئۆتكۈزدى . يامىڭ يەنە بىر قېتىم شى جىنپىڭنى قىزغىن قارشى ئالىدىغانلىقىنى بىلدۈردى . يامىڭ مۇنۇلارنى بىلدۈردى : مەن بىر ئاي ئىلگىرى جۇڭگودا نەنجىڭ ياشلار ئولىمپىك تەنھەرىكەت مۇسابىقىسىنىڭ باشلىنىش مۇراسىمىغا قاتنىشىپ ، رەئىس شى جىنپىڭ بىلەن تولىمۇ ياخشى سۆھبەتتە بولغانىدىم .مەن رەئىس شى جىنپىڭنىڭ بالدۇرراق مالدىۋېدا زىيارەتتە بولۇشقا تەكلىپ قىلغانىدىم ، سىز تەكلىپىمنى قوبۇل قىلىپ ، ناھايىتى تېزلا سەپەرگە ئاتلاندىڭىز ، مالدىۋې خەلقى بۇنىڭدىن تولىمۇ شەرەپ ھېس قىلىدۇ . مەن بۇ قېتىمقى زىيارىتىڭىزنىڭ مالدىۋې-جۇڭگو مۇناسىۋىتىنى يېڭى سەۋىيەگە كۆتۈرۈشكە تۈرتكە بولىدىغانلىقىغا ئىشىنىمەن .
شى جىنپىڭ مۇنداق دەپ كۆرسەتتى ، جۇڭگو-مالدىۋې ئىككى دۆلەت باشلىقلىرى قىسقىغىنە بىر ئاي ئىچىدىلا ئۆزئارا زىيارەتتە بولۇپ ، ئىككى دۆلەت مۇناسىۋىتىنىڭ تولىمۇ يېقىنلىقىنى نامايان قىلىپ بەردى . بىز نەنجىڭدا ياخشى سۆھبەتلەردە بولغانىدۇق . بۇ قېتىم مەن سىز بىلەن ئىككى دۆلەتنىڭ ھەمكارلىقى ، بولۇپمۇ 21-ئەسىر دېڭىز ئۈستى يىپەك يولىنى ئورتاق بەرپا قىلىش توغرىسىدا پىكىر ئالماشتۇرۇپ ، ئاكتىپ ئىلگىرىلەشلەرنى قولغا كەلتۈرۈشكە تۈرتكە بولۇشنى ئۈمىد قىلىمەن .

شى جىنىپڭ مۇنداق دەپ كۆرسەتتى ، جۇڭگو بىلەن مالدىۋېنىڭ مۇناسىۋىتى ئىنتايىن ياخشى ، ھېچقانداق قىيىنچىلىق ۋە توسالغۇ مەۋجۇت ئەمەس ، پەقەت دوستلۇقنى چوڭقۇرلاشتۇرۇپ ، ھەمكارلىقنى كۈچەيتىش بىزنىڭ ئورتاق ئارزۇيىمىز . جۇڭگو تەرەپ مالدىۋې تەرەپنىڭ مۇستەقىللىق ، ئىگىلىك ھوقۇقى ۋە زېمىن پۈتۈنلۈكىگە ھۆرمەت قىلىدۇ ، مالدىۋې خەلقىنىڭ ئۆزىنىڭ دۆلەت ئەھۋالىغا ئاساسەن تاللىغان سىياسىي تۈزۈلمىسى ۋە تەرەققىيات يولىغا ھۆرمەت قىلىدۇ . يېڭى ۋەزىيەتتە ، جۇڭگو تەرەپ مالدىۋې تەرەپ بىلەن بىرلىكتە ئەنئەنىۋى دوستلۇقنى چوڭقۇرلاشتۇرۇپ ، جۇڭگو بىلەن مالدىۋېنىڭ كەلگۈسىگە يۈزلەنگەن ئومۇميۈزلۈك دوستانە ھەمكارلىق ، شېرىكلىك مۇناسىۋىتى بەرپا قىلىشنى خالايدۇ .