مەشرەب شېئىرلىرىدىن پارچىلار

سويلاپ ، سويلاپ ناز قىل، مەن ئۆرگۈلەيىن،

نازىڭ ئالدى كۆڭلۈمنى ، نازۇك نىھالىم،

تۈرلۈك،تۈرلۈك جىلۋەڭگە جانىم بېرەيىن،

ئالتۇن، كۆمۈش يولۇڭغا چېچىش خىيالىم.

خەمچە -خەمچە قاشلارىڭ، بادام قاپاغىڭ،

خۇمار-خۇمار كۆزلەرىڭ، يۈسۈف سىياقىڭ،

چىقتى جانىم ، ئەي پەرى، ھەي-ھەي فىراقىڭ،

ئەمدى ساڭا بولسۇن بۇ مېنىڭ ۋەبالىم.

چۈچۈك-چۈچۈك سۆزلەرىڭ شەكەردىن ئارتۇق،

مۇنچە لەبىڭ ھەسەلدىن بولۇرمۇ تاتلۇق؟

خالۇ-خەتىڭ قويۇپ داغ باغرىمغە ئوتلۇق،

ئارەزى رۇخسارىڭغە ياندى چىراغىم.

قارا - قارا كۆزلەرىڭ مۇغان نەشئەسى،

خىرمەن-خىرمەن جەمالىڭ زىلال چەشمەسى،

ئاشىقلارىڭنىڭ ئاھۇ-نالە تۇشەسى،

مەن بىر ئۆلۈك مۇرتەكمەن، قانى مەدارىم.؟

چەمەن-چەمەن گۇللارىڭ،نىھاللارىڭدىن،

سانسىز يارا كۆڭۈللەر مىژگانلارىڭدىن،

ئىشق ئەيلەسە قىز-يىگىت ئوغلانلارىڭدىن،

دۇنيا-دۇنيا ئاچىلۇر لالە ئۇزارىم.

دۇنيا - دۇنيا يىغلاغىل مەشرەب ياش ئاقسۇن،

ئاشىق ئېلىن كۆڭلىنە ئوت بولۇپ يانسۇن،

غەفلەتدە يۈرگەنلەر بۇ ئوتدە يانسۇن،

كۆيۈپ-كۆيۈپ كۈل بولسۇن بۇ كارى بارىم.

مەنبە : «مەشرەب شېئىرلىرىدىن تاللانما» ناملىق توپلامدىن.