迅雷7 ئۆزىدە Bolt دەپ ئاتىلىدىغان يۇقىرى ئۈنۈملۈك كۆرۈنمە يۈز ماتورى ئىشلەتكەن بولۇپ، ئەنئەنىۋى كۆرۈنمە يۈزنى چۆرۈۋېتىپ، تېخىمۇ كۆركەم بىر مەشغۇلات مۇھىتىنى ھازىرلىغان. قوزغىلىش سۈرئىتى بۇرۇنقىدىن روشەن تېزلەشتۈرۈلۈپ، توردىن ھۆججەت چۈشۈرۈش ئېھتىياجىغا بولغان تەقەززانى تېخىمۇ كۈچەيتكەن؛ پۈتۈنلەي يېڭىچە كۆرۈنمە يۈز، يېڭىچە پروگرامما قۇرۇلمىسى، ئەنئەنىۋى پروگرامما ئېچىش ھالىتىنى بۇزۇپ تاشلاپ 迅雷7 نى تېخىمۇ تېز ۋە تېخىمۇ مۇقىم ھالەتكە يەتكۈزگەن…

بۇداقى 7.1.8.2294 رەسمى نەشىرىدىكى ئۆزگىرىشلەر:

1. 离开模式 قوشۇلغان؛
离开模式 بولسا Vista ۋە Windows 7 گە قوشۇلغان ئېنىرگىيە(توك سەرپىياتى) تېجەيدىغان بىر خىل يېڭىچە ئىقتىدار بولۇپ، 离开模式 قوزغىتىلغاندىن كېيىن كومپيۇتېر ئۇخلاش ھالىتىگە كىرىدۇ. بۇ ھالەتتە سىنكارتا، ئۈنكارتا قاتارلىقلار تاقىلىدۇ، پەقەت ئىچكى ساقلىغۇچ، CPU، قاتتىق دېسكا ۋە تور كارتىسىلا نورمال خىزمەت ئېلىپ بارىدۇ، 迅雷 نىڭ بۇداقى نەشىرىدە مۇشۇ خىل ھالەتتىمۇ چۈشۈرۈش ئىقتىدارى قوشۇلغان بولۇپ، كومپيۇتېرنى ئوچۇق قويۇپ ماتېرىيال چۈشۈرگۈچىلەر ئۈچۈن توك سەرپىياتىنى تېجەشتە ئەھمىيىتى تېخىمۇ زور.
2. ماتېرىيال چۈشۈپ بولغاندىن كېيىن، كومپيۇتېرنى ئاپتوماتىك تاقاش، قۇلۇپلاش، ئۇخلاش ھالىتىگە ئۆتكۈزۈش ۋە 迅雷  دىن چېكىنىپ چىقىش ئىقتىدارلىرى قوشۇلغان؛
3. توردىكى كۆپ قىسىم سىنلارنىڭ ئەسلى ئادرېسىنى پۇراپ تېپىش ئىقتىدارى قوشۇلغان ۋە شۇنىڭدەك سىنلارنى ئايرىم كۆزنەكتە كۆرۈش ئىقتىدارىمۇ سەپلەنگەن؛
4. FireFox4 كە نىسبەتەن قوللاش ئىقتىدارى قوشۇلغان! بۇ ئىقتىدار كەڭ FireFox ھەۋەسكارلىرى 4-ئەۋلادقا كۆچكەندىن كېيىن تەقەززالىق بىلەن كۈتىۋاتقان ئىقتىدارنىڭ بىرى بولۇپ، 迅雷 نىڭ مەزكۇر نەشىرىدە تولۇق ئەمەلگە ئاشۇرۇلغان؛

تېخىمۇ تەپسىليلەشتۈرۈلگەن ئۆزگىرىشلەر:

1. BT چۈشۈرگەندە، ئۇرۇقنىڭ ساغلاملىق دەرىجىسىنى كۆرستىپ بېرەلەيدۇ؛
2. چۈشۈرۈش ئاخىرلاشقاندىن كېيىنكى ئۈنۈمدە ئازراق ئۆزگىرىشلەر بار.
3. تېخىمۇ كۆپ تەپسىلاتلارنى ئىشلىتىش جەريانىدا ھېس قىلىشقا بولىدۇ.

تەدبىركارمۇ ئىلگىرى ئىزچىل 迅雷 نىڭ 5.9 نەشىرىنى ئىشلىتىپ كېلىۋاتقان، نەچچە ھەپتىنىڭ ئالدىدا تۇيۇقسىز بېرىلگەن ئۆزىنى يېڭىلاش ئۇچۇرىنىڭ تۈرتكىسىدە بۇ يۈك چۈشۈرگۈنى يېڭىلاپ سالدىم ۋە يېڭىلانغاندىن كېيىنكى مەنزىرە مېنى تېخىمۇ مەمنۇن قىلدى. 迅雷7 دە يەنە پەقەت كۆرۈنمە يۈز چىرايلىقلاشتۇرۇپلا قالماي، ھەرقايسى توركۆرگۈلەرگە بولغان قوللاشمۇ شۇنداق ياخشى ئەمەلگە ئاشۇرۇلغان. ئىلگىرى FlashGot قىستۇرمىسى ئارقىلىق ئامراق جانىۋارىم FireFox تا 迅雷 دا چۈشۈرۈشكە تېگىشلىك ماتېرىياللارنى چۈشۈرۈشكە مەجبۇر بولاتتىم. بۇدا 迅雷 نىڭ بۇ ئىقتىدارى ئورگان تەرىپىدىنلا ئەمەلگە ئاشۇرۇلۇپتۇ ۋە IE، Opera، Maxthon، 360 تور كۆرگۈسى ۋە FireFox قاتارلىقلاردىمۇ 迅雷 نى كۆڭۈلدىكى يۈك چۈشۈرگۈ قىلىش ئىقتىدارى قوشۇلۇپتۇ.

ئەلۋەتتە بۇنىڭدىن باشقا يەنە نۇرغۇن ئىدراكلاشتۇرۇلغان ئىقتىدار ۋە ئۆزگىچە ئۈنۈملەرنى بۇ يەردە سۆزلەپ ئولتۇرۇپ كۆپچىلىككە چۈشەندۈرۈش ناتايىن. نېمىلا دېمىگەن بىلەن 迅雷 ھازىر دۆلىتىمىزدىكى ئەڭ چوڭ چۈشۈرگۈ بولۇپ قالدى، توردىكى نۇرغۇن بايلىقلارنى 迅雷 ئارقىلىق چۈشۈرۈشكە تەمىنلەۋاتىدۇ، جۈملىدىن تورخۇمار ۋە tedbirkar.net تىكى نۇرغۇن نادىر يۇمشاق دېتال ۋە كومپيۇتېر ئويۇنلىرىمۇ كۆپچىلىككە 迅雷 ئارقىلىق چۈشۈرۈشكە تەمىنلىنىۋاتىدۇ. ناۋادا سىز تېخىچە ئەنئەنىۋى كۆرۈنمە يۈزدىكى چاقماق چۈشۈرگۈچىسىنى ئىشلىتىۋاتقان بولسىڭىز، ئۇنداقتا ئەڭ يېڭى بىر ئەۋلاد 迅雷7 نى سىناپ بېقىشنى ئۇنتۇماڭ.

FireFox ۋە باشقا تور كۆرگۈلەردە 迅雷 نى كۆڭۈلدىكى چۈشۈرگۈ قىلىپ بېكىتىش ئۇسۇلى:
迅雷 نى قوزغىتىپ تىزىملىك قىسمىدىن 工具 نىڭ ئىچىدىكى 浏览器支持 دېگەن ئورۇندىن بىز نۆۋەتتە ئىشلىتىۋاتقان كۆڭۈلدىكى تور كۆرگۈنى تاللاپ بەرسەكلا كۇپايە.

چۈشۈرۈش مەنزىلى:

迅雷 نى چۈشۈرۈش | مەنبە: torhumar.com