ئادەتتە، بازاردا سېتىلىۋاتقان بارماقدېسكىلارنى پەقەت يۇمشاق دېتال ئارقىلىق مەخپىيلەشتۈرۈشكە بولىدۇ، بۈگۈن بىز كۆپچىلىككە تونۇشتۇرماقچى بولغان Crypteks ناملىق بارماقدېسكا بولسا، قوش مەخپىيلەشتۈرۈش ئېلىپ بېرىلغان، بارماقدېسكا ئىچىدىكى ھۆججەتلەرگە نىسبەتەن قاتتىق قوغداش ئېلىپ بارىدىغان ئۆزگىچە لايىھەلەنگەن بارماقدېسكىدۇر…

Crypteks بارماقدېسكىسىنىڭ سىرتقى قېپى پۈتۈنلەي چىداملىق مېتاللاردىن تەشكىل تاپقان ئاليۇمىن قېتىشمىسىدىن ياسالغان، ئۇنىڭ ئۈستىگە ئىنتايىن قېلىن، يەنە تېخى ئوكسىدلاشتۇرۇلغان قەۋەت ئىشلەتكەن. بۇ قۇرۇق گەپلەرنى قويۇپ تۇرايلى، بۇ يەردىكى ئەڭ مۇھىم نەرسە يەنىلا، ئۇ ئىشلەتكەن «تەلۋە» خاراكتېرلىك مەخپىيلەشتۈرۈش ئۇسۇلىدا. ئاۋال فىزىكىلىق مەخپىيلەشتۈرۈش قۇلۇپى ھەققىدە توختىلايلى، سىرتقى قاپقا بەش دانە مەخپىيلەشتۈرۈش ھالقىسى ئورنىتىلغان، ھەر بىر ھالقىدا 26 ھەرپ بار، بىز ئادەتتە كۆرىدىغان سان-سىفىرلىق مەخپىيلەشتۈرۈش قۇلپىسىدىنمۇ ئىلغار دېيىشكە بولىدۇ، ناۋادا پارولنى ئۇنتۇپ قالسىڭىز، پەقەت ئەسلى زاۋۇتقا مالنى سېلىپ بەرمەكتىن باشقا ئامال يوق. ئىچىدىكى ئۇچۇرلار بولسا 256 بىتلىق AES قاتتىق دېتال مەخپىيلەشتۈرۈش تېخنىكىسى ئىشلەتكەن، ئاساسى جەھەتتىن بۇ خىل مەخپىيەتلىك ھالىتىنى يېشىۋېتەلەيدىغان ئۇسۇل يوق دېيەرلىك. ئەلۋەتتە، سىز پارولىڭىزنى چوقۇم ئەستە چىڭ ساقلىشىڭىز كېرەك، بولمىسا بۇ بارماقدېسكىنى ئىشلەپچىقارغان زاۋۇتمۇ سىزگە ياردەم قىلالماسلىقى مۇمكىن.

ھالبۇكى، مەخپىيلەشتۈرۈش ئۇسۇلىنىڭ ۋەھشىيلىكىگە قارىماي، بۇ كاساپەتنىڭ باھاسىمۇ خېلىلا ئۆرە ئىكەن. نۆۋەتتە 8G ۋە 16G لىق نۇسخىلىرى سېتىلىدىغان بولۇپ، باھاسى ئايرىم-ئايرىم ھالدا 130 دوللار ۋە 160 دوللار قىلىپ بېكىتىلگەن.