بۈگۈن كۆپچىلىككە تەۋسىيە قىلىدىغان يۇمشاق دېتالنىڭ ئىسمى بولسا 刷机精灵، تۆۋەندە ShuaMe دەپلا ئاتايمىز. مەزكۇر قورال ئاساسلىقى Android سىستېمىلىق يانفونلارغا قايتىدىن سىستېما قاچىلاش، بىرلا كۇنۇپكا بىلەن ROOT ھوقۇقىنى ئېلىش قاتارلىق مەشغۇلاتلارنى ئېلىپ بارالايدىغان بولۇپ، بىر قىسىم يېڭى ئۆگەنگۈچىلەرگە نىسبەتەن ئىنتايىن ياخشى تاللاش بولالايدۇ.

ShuaMe نى ئىشلىتىش ئۇسۇلى ناھايىتى ئاددى

ئاۋال پروگراممىنى قوزغىتىپ، ئاندىن ئۇچۇر سىمى بىلەن يانفوننى كومپيۇتېرغا ئۇلىساق، ShuaMe ئاپتوماتىك ھالدا قوزغىتىش پروگراممىسىنى تېپىپ قاچىلايدۇ ۋە مۇۋاپىقىيەتلىك ئۇلانغانلىقىنى ئەسكەرتىدۇ. يۇمشاق دېتالنىڭ كۆرۈنمە يۈزىمۇ ئىنتايىن ئاددى، راھەت ۋە يېقىشلىق چىققان؛ بىز ئۆز ئېھتىياجىمىز بويىچە خالىغان مەشغۇلاتلارنى ئېلىپ بارالايمىز. Windows 7/XP قاتارلىق سېستىمىلاردىمۇ نورمال ئىشلەيدۇ(ئاڭلاشلارغا قارىغاندا، Windows8 تىمۇ نورمالكەن).

ShuaMe نۆۋەتتە 50 خىلدىن ئارتۇق Android سىستېمىلىق يانفوننى قوللايدىغان بولۇپ، ئادەتتە كىشىلەرنىڭ قولىدا كۆپ ئۇچراتقىلى بولىدىغان يانفونلارنى ئاساسەن ShuaMe ئارقىلىق ROM يېڭىلىغىلى ياكى Root قىلغىلى بولىدۇ. ئەلۋەتتە، ShuaMe نىڭ ئىقتىدارى بۇلا ئەمەس، ئۇنىڭدىن باشقا بىخەتەرلىك تەكشۈرۈش، Rom بازىرى، زاپاسلاش ۋە ئەسلىگە قايتۇرۇش قاتارلىق ئىقتىدارلىرىمۇ بار.

باشقا ئىقتىدارلىرىنى تەپسىلىي ئىشلىتىش جەريانىدا ھېس قىلىشقا بولىدۇ. بۇ قورالنى تەۋسىيە قىلىشتىكى ئاساسلىق مەقسەت، ھەمىشە تورلاردا Android سىستېمىلىق يانفونلارنىڭ Root ھوقۇقىنى ئېلىش ياكى باشقا Rom لارنى يېڭىلاش توغرىلىق سوئاللار ئۇچراپ تۇرىدۇ. يېڭى ئۆگەنگۈچىلەر ئۈچۈن بۇ مەشغۇلاتلار ئۇنچە ئاسانمۇ ئەمەس. ShuaMe نىڭ بىر كۇنۇپكىدا Root ھوقۇقىغا ئېرىشىش ۋە بىر كۇنۇپكىدا Rom يېڭىلاش ئىقتىدارى بۇ جەھەتتە ئىنتايىن قالتىس چىققان دېيىشكە بولىدۇ.

ئومۇمەن ئېيتقاندا، ShuaMe نىڭ كىشىگە بەرگەن تەسىرى، ئىنتايىن قولايلىق، پاكىز ۋە يېنىك. ناۋادا Android سىستېمىلىق يانفون ئىشلىتىۋاتقان بولسىڭىز، ئۇنداقتا ShuaMe بىر سىناپ بېقىشىڭىزغا ئەرزىيدۇ، ئەلۋەتتە، ئەتراپىڭىزدا Android سىستېمىلىق يانفون ئىشلىتىۋاتقان دوستلىرىڭىز بولسا، ئۇنداقتا ShuaMe نى تەۋسىيە قىلىپ قويۇشنى ئۇنتۇماڭ، بەلكىم يەنە نۇرغۇن كىشىلەر يانفونغا ئۇيغۇرچە تونۇتۇش ئۈچۈن Root ھوقۇقىنى ئالىمەن دەپ تەمتىرەپ ئولتۇرغان بولۇشى، ياكى MIUI دەك ROM لارنى يېڭىلايمەن دەپ ھەرەج تارتىپ ئولتۇرغان بولۇشى مۇمكىن.

چۈشۈرۈش مەنزىلى:

ShuaMe نى چۈشۈرۈش     |     مەنبە: تورخۇمار    |   Android قا مۇناسىۋەتلىك باشقا يازمىلار