4-ئاينىڭ 27-كۈنى، Ubuntu سىستېمىسى  Ubuntu 12.04 Precise Pangolin نىڭ ئۇزۇن مەزگىللىك قوللاش نۇسخىسىنى تارقاتتى، ئادەمنى خۇشال قىلىدىغان يېرى شۇكى، بۇ مەشغۇلات سىستېمىسىنىڭ 93 % ئۇيغۇرچىلاشقان تىل بولىقى بار. دېمەك، Linux ئائىلىسىدە بىزنىڭمۇ ئۆز يېزىقىمىزدا بىر مەشغۇلات سىستېمىمىز بولدى دېگەن گەپ.

ئۇزۇن مۇددەتلىك قوللاش نۇسقىسىنى 69 خىل تىل-يېزىقتا ئورنىتىشقا بولىدىغان بولۇپ، ئۇيغۇر تىل-يېزىقىمىزمۇ بۇ 69 تىل-يېزىقلارنىڭ ئىچىدىن ئورۇن ئالدى. ھەم يەنە، ئەرەب يېزىقى ئاساسىدىكى يېزىقلار ئىچىدە، ئۇيغۇر يېزىقىمىز بولسا، ئەرەبچە ۋە پارىسچىدىن كېيىنلا 3-ئورۇندا ئۇبۇنتۇ سىستېمىسىنىڭ ئورنىتىش تىل تاللانمىلىرىدىن ئورۇن ئالدى. ئەرەبچە، پارىسچە ۋە ئۇيغۇرچىدىن ئىبارەت 3 تىل-يېزىقتىن سىرت، باشقا ھېچقانداق ئەرەب يېزىقى ئاساسىدىكى يېزىقلار تېخى بۇ 69 خىل تىل-يېزىقلار ئىچىدىن ئورۇن ئالالىغىنى يوق.

كومپيۇتېرىڭىزغا ئۇبۇنتۇ نۇر تەخسىنى سېلىپ ياكى ئۇبۇنتۇ بارماق دىسكىنى ئۇلاپ، كومپيۇتېرنى قوزغاتسىڭىز، دەسلىپىدە يۇقۇردىكى ئېكران يۈزىنى كۆرىسىز. كېيىنكى قەدەملەرنى ئېكراندىكى ئۇيغۇرچە ئۇچۇرلارغا ئاساسەن ئېلىپ بېرىپ، ئۇبۇنتۇ سىستېمىسىنى سىناپ باقسىڭىز ياكى كومپيۇتېرىڭىزغا ئورنىتىۋالسىڭىز بولىدۇ.

ئاساسلىق يېڭى ئىقتىدارلار:

ئۈستەل يۈزى نۇسخىسى :
Unityئۈستەل يۈزىگە كۆتۈرۈلمە كۆرسۈتۈش(HUD) ئىزدەش ئىقتىدارى ، ئەنئەنىۋى تىزىملىكنىڭ ئورنىغا دەسسىتىلدى؛ Video Lens سىن ئىزدەش ئىقتىدارى ، بۇنىدا يەرلىك سىن ۋە توردىكى سىنلارنى ئىزدەشكە بولىدۇ؛ كۆڭۈلدىكىدەك مۇزىكا قويغۇچ  Rhythmboxغا ئۆزگەرتىلدى ؛ 3.2.14 kernel，LibreOffice 3.5.2，GNOME 3.4.1، يېڭى ئۈستەل يۈزىنى يىراقتىن كونتىرول قىلىش يۇمتالى Remmina ؛Software Centerدىن يۇمشاق دېتال قاچىلىغاندىن كېيىن ماس تىل بولىقىنى قاچىلاش ئىقتىدارى ؛ بۇنىڭدىن باشقا يېڭى مەزمۇنلار Upstart 1.5，GCC 4.6.3，Python 2.7.3 ۋە Python 3.2.3 قاتارلىقلارنى ئۆز ئىچىگە ئالىدۇ .

مۇلازىمىتىر نۇسخىسى :
ئەڭ يېڭى بولغان OpenStack ، رەسمى ھالدا Xen，Metal as a Service，Java，ARMقاتارلىقلارنى قوللايدۇ .

چۈشۈرۈش مەنزىلى(迅雷 دا چۈشۈرۈڭ):

32 بىتلىق نۇسخىسىنى چۈشۈرۈش     |     مەنبە: تورخۇمار     |    تور دېسكىسىدىن چۈشۈرۈش(32 ۋە 64 بىتلىق)