Bump – يانفوننى يېنىكلا مىدىرلىتىپ iPhone دىن Android قا ھۆججەت يوللاش! سۈرەتلىرىڭىز كومپيۇتېرغا ئۇچۇپلا بارىدۇ!
Bump بولسا بىر تۈرلۈك ئاجايىپ «سىرلىق» ئەپ بولۇپ ھېسابلىنىدۇ. Bump ئارقىلىق ئىككى يانفون(مەسىلەن بىر دانە iPhone بىلەن Android ئوتتۇرىسىدا) ئالاقە نومۇرلىرىنى ۋە سۈرەتلەرنى ئۆز-ئارا ئالماشتۇرۇشقا بولىدۇ. پەقەت تېلىفوندىكى Bump نى قوزغىتىپ يەنە بىر تېلىفون بىلەن يېنىكلا سوقۇشتۇرۇپ قويساق، Bump ئىنتايىن ئاقسا ھالدا ئالاقە نومۇرلىرى ۋە سۈرەتلەرنى يەنە بىر تېلېفونغا يوللاپ بېرەلەيدۇ. بۇنىڭ ئۈچۈن ھېچقانداق كۆكچىش ئىقتىدارىنى ئېچىش ياكى ئۇچۇر سىمىنى چېتىش ھاجەتسىز. ئەلۋەتتە، iPhone دەك 蓝牙 ئىقتىدارى ئارقىلىق ھۆججەت ئۇزىتىش قولايسىز بولغان يانفونلار ئۈچۈن بۇ خىلدىكى ھۆججەت ئۇزىتىش ئۇسۇلى تېخىمۇ فەچەت بولىدىكەن!
ئەلۋەتتە، Bump نىڭ ئىقتىدارى يالغۇز بۇلا ئەمەس. ھازىر Bump قا يېڭىدىن ئىنتايىن سىرلىق بىرخىل ئىقتىدار قوشۇلغان بولۇپ، سىز يانفوننى تۇتۇپ كومپيۇتېرنىڭ كۇنۇپكا تاختىسىغا يېنىكلا تەگكۈزۈپ قويسىڭىز، يانفوندىكى سۈرەتلەر شۇ ھامان كومپيۇتېرغا يوللىنىدۇ، بارلىق مەشغۇلاتلار شۇنداق ئاددى ۋە تېز، قولايلىق! ئۇنىڭ ئۈستىگە بۇ مەشغۇلاتلار ئۈچۈن ھېچقانداق ئالاھىدە تەڭشەش ھاجەتسىز، ئۇچۇر سىمى ياكى 蓝牙 دېگەندەك نەرسىلەرنى ئىشلىتىپ يۈرۈش تېخىمۇ ھاجەتسىز، سىزدە پەقەت بىر دانە iPhone ياكى Android سىستېمىلىق يانفون بولسىلا بولىدۇ…
Bump نى ئىشلىتىش:
ئۈستىدە ئېيتقىنىمىزدەك، Bump ئارقىلىق ئىككى يانفون ئوتتۇرىسىدا ئۇچۇر ئالماشتۇرغىلى بولىدۇ، بىز بۇ يەردە پەقەت Bump ئارقىلىق يانفوندىن كومپيۇتېرغا ئۇچۇر يوللاشنى كۆرۈپ ئۆتەيلى. ئاۋال يانفونغا قاچىلانغان Bump ناملىق ئەپنى قوزغىتىمىز، ئاندىن يوللىماقچى بولغان سۈرەتلەرنى تاللىۋالىمىز، ئاندىن كومپيۇتېردا https://bu.mp دېگەن تور ئادرېسىنى ئاچىمىز، ئۈستى تەرەپتە چىققان ئەسكەرتمە بويىچە بۇ تور بېكەتنىڭ جۇغراپىيەلىك ئورنىمىزنى ئوقۇپ ئېلىشىغا ماقۇل بولىمىز(Chrome ۋە Firefox دېگەندەك ئورۇن بەلگىلەش ئىقتىدارى بار تور كۆرگۈلەردە ئېچىڭ، ئاچقان ھامان ئۈستى تەرەپتە ئەسكەرتىش رامكىسى چىقىپ ئورۇن بەلگىلەشكە رۇخسەت قىلىشنى سورايدۇ، جەزملەشتۈرۈپ بەرسەكلا بولدى، IE6 دېگەن نەرسىلەردىن نېرى تۇرۇڭ)، ئاندىن يانفوننى كۇنۇپكا تاختسىدىكى بوشلۇق كۇنۇپكىسىغا تاققىدە بىرنى سوقۇپ قويۇپ، يانفوندىكى ئۇلىنىشنى جەزملەشتۈرىۋەتسەكلا بولىدۇ، تامام! يانفوندىكى سۈرىتىڭىز شۇ ھامان كومپيۇتېر ئېكرانىدا كۆرۈنىدۇ. ناۋادا WiFi شارائىتىدا سىناپ باقسىڭىز، بەلكىم بۇ سۈرئەت ئادەمنى تېخىمۇ ھەيران قالدۇرىشى مۇمكىن.
ئەمما دىققەت قىلىدىغان بىر ئىش شۇكى، سىز چوقۇم يانفوننىڭ GPS ئورۇن بەلگىلەش ئىقتىدارىنى قوزغاتقان بولۇشىڭىز، شۇنداقلا Bump قا مۇناسىۋەتلىك ئورۇن بەلگىلەش تەڭشىكىنى ئوچۇق قويغان بولۇشىڭىز شەرت، ئۇنىڭدىن باشقا يانفونمۇ چوقۇم تورغا ئۇلىنالايدىغان(GPRS/3G/wifi) بولسۇن. يانفوننى كۇنۇپكا تاختىسىغا سوققاندا تېزراق سۈرئەتتە ئەكىلىپ سوقۇڭ، لېكىن بەك كۈچىۋەتمەڭ، ئىشقىلىپ كۇنۇپكا تاختىڭىزنى چېقىپ قويسىڭىز بۇنىڭغا مەن ئىگە ئەمەس. بىراق ھېس قىلىشىمچە، ئادەتتە نورمال سۈرئەتتە يېنىك سوقۇپ قويساقلا بولىدىكەن.
قىسقىچە تەسىرات:
بۇنى سىناق قىلغان ۋاقتىمدا يالغۇز بولغاچ، يەنە بىر يانفون بىلەن ئۇچۇر ئالماشتۇرۇش ئىقتىدارىنى سىناشقا ئامالسىز قالدىم، بىراق يانفوندىن كومپيۇتېرغا رەسىم ئەۋەتىش ئىقتىدارىنى سىناپ كۆرۈپ ھەقىقەتەن ھەيران قالدىم. بولۇپمۇ iPhone نىڭ BlueToot(كۆكچىش) ئىقتىدارى تۈزۈك ئەسقاتمايدىغان ئەھۋال ئاستىدا، Bump دىن پايدىلىنىپ يانفوندىكى سۈرەتلەرنى كومپيۇتېردا ئېچىش ئىنتايىن قولايلىق ۋە ھەيران قالارلىق دەرىجىدە تېز بولىدىكەن، ئۇچۇر سىمىنى ئىزدەپ تېپىپ چاتىدىغان، QQ ياكى E-Mail دەك نەرسىلەرگە يوللىۋېلىپ ئاندىن PC دا قايتا ئاچىدىغان ئاۋارىچىلىقلار پۈتۈنلەي تۈگەيدىكەن. ئۇنىڭدىن باشقا iPhone غا ئوخشاش 蓝牙 ئىقتىدارى باشقا يانفونلار بىلەن ماسلاشمايدىغان ئۈسكۈنىلەر ئۈچۈن، ھۆججەت ئۇزىتىش ناھايىتى قولايلىق بولىدىكەن، بىر iPhone دىن يەنە بىر Android قا سۈرەت يوللاش ئۈچۈن، پەقەت ئىككى يانفوننى يېنىككىنە سوقۇشتۇرۇپ قويساقلا بولغۇدەك. بۇ خىلدىكى يېڭىچە ھۆججەت ئۇزىتىش شەكلى بەلكىم تېخىمۇ كۆپ تورداشلارنىڭ ياقتۇرىشىغا ئېرىشىشى مۇمكىن، ھەقىقەتەن ئاقساكەن!
Bump نى چۈشۈرۈش مەنزىلى:
ئۈندىدارغا يوللاش- يازمىنىڭ ئـورنى: [رەقەملىك دۇنيا]
- ھالقىلىق ســــۆز: Android، iPhone، wifi، تور، رەسىم، سۈرەت، يانفون
- يازمــا ئاۋاتلىقى: 21,516 ئادەم ئولىشىپ بولدى
- يوللانـغان ۋاقىت: 2012-يىلى 05-ئاينىڭ 31-كۈنى
- يازما مەنزىلى: bump.html [كۆچۈرىۋېلىش] (باشقا يەردە مەنبە ۋە ئۇلانمىنى ئەسكەرتىپ ئېلان قىلسىڭىز بولىدۇ)
- ئالدىنقى يازما > iOS 5.1.1 نى تۈرمىدىن مۇكەممەل قاچۇرۇش قورالى Absinthe 2.0 ئېلان قىلىندى! iPhone 4S/iPad3 لەرنى قوللايدۇ
- كېيىنكى يازما > ھەر يىلى تارقىلىدىغان ئەڭ مودا ئەپسانىۋى خەۋەرلەرنىڭ بىرى: يېڭى ئەۋلاد iPhone 5 نىڭ سۈرىتى ئاشكارىلاندى
- Google دىن چىققان ئەڭ يېڭى VR رەسىم سىزىش قورالى – Tilt Brush
- سىزما ھايات – فوتو-سۈرەت ۋە سىزما رەسىمنىڭ مۇكەممەل بىرىكمىسى
- سۈرەتكە جىق چۈشىدىغان قىزلار دىققەت | سۈرەتكە چۈشىمەن دەپ جېنىدىن ئايرىلغان كىشىلەر
- iPhone 7 نى ساقلاۋاتامسىلەر؟ تورخۇمار ئاللىقاچان مۇناسىۋەتلىك ۋىدېئونى قولغا چۈشۈرۈپ بولدى!!!
- كىچىك ئوغرى(Tiny Thief) – ئاجايىپ نەپس ياسالغان تەۋەككۈل تىپىدىكى يانفون ئويۇنى (iOS/Android)
- مىكروسوفت چىقارغان «سۈرەتكە قاراپ يېشىنى تېپىش» تور بېكىتى، ياش يوشۇرىدىغان قىزلار ئېھتىيات قىلىڭلار
- يانفونىنى چېقىپ قويۇپ يەنە خۇشال يۈرەلەيدىغان كىشىلەر
- 14 دانە ئالما ئۈسكۈنىسىدىن پايدىلىنىپ ياسالغان ئاجايىپ قالتىس مۇزىكىلىق MV
- سامسۇڭ ئىككى دانە يېڭى يانفون ئېلان قىلدى! ئاخىرى سەل-پەس تۈس كىرىپتۇ
- 20 پارچە ئاز ئۇچرايدىغان تارىخى سۈرەت
ئالامەت! ماۋزۇسىدىنلا تېمىنى چۈشەنگەندەك بولدۇم، تەپسىلىي بىر ئوقۇپ چىقىپ سىناپ جاۋابىنى قالدۇرىمەن.
بۇندىن كىيىن، تەدبىركار تىلفۇنىنى تەڭلىسە، نىرى قىچىڭلار
لېكىن ماۋۇ ئەپ يامان يېڭىكەن. كۈلىۋېتىپتىمەن ما ئىقتىدارىغا قاراپ! يېڭىلىقتە …
ۋاي قايسى ئەپ ئىكىن دەپتىمەن، مۇشۇ Bump مىتتى..؟ مەن خېلى ئۇزۇن بولغان بۇ ئەپنى ئىشلىتىۋاتقىلى، جىق ئادەمنى بىلىدۇ دەپ ئويلاپ ، ئانچە دىققەت قىپكەتمەپتىمەن بۇ ئەپكە…
ھەم ئىقتىدارىغا سەل چاغلاپ قالغان ئوخشايمەن..
ئەلۋەتتە مۇشۇ Bump قاچىلانغان قانداق تىپتىكى تېلفۇن بولسىلا بولىۋىرىدۇ دە.. ئىىسل يىرى مۇشۇ.. بولۇپمۇ مۇشۇ iPhone دىگەن كاساپەتكە ، يا كۆك چىش ئىشلەتكىلى بولمىغاندىكىن خالىغانچە..
لېكىنزە ماۋۇ يېڭى ئىقتىدارىدا دىققەت قىلمىسا كومپيۇتېرنىڭ بوشلۇق كۇنۇپكىسىنى چېقىپ قويغۇدەك ئادەم..
مەنمۇ بۇ ئەپ بىلەن ئالما تېلېفونىدىن كومپيۇتېرغا سۈرەت ئۇزىتىپ باقتىم ۋە ھەيران قالدىم. بىر يىرى، سۈرەتنى كىچىكلىتىپ يوللاپ بېرىدىكەن. بەلكىم بۇمۇ نەشر ھوقۇقىغا ئالاقىدار ئىش بولغاچقا ئەسلى ئېنىقلىقىدا يوللىمىسا كېرەك.
پەچەتكەنغۇ بۇ
كونۇپكا تاختىسىغا خېلى قاتتىق ئۇرمىسا بولمايدىكەن. لېكىن ماۋۇ تور كۆرگۈلەرنىڭ ئورۇن بەلگىلەيدىغان ئىقتىدارىدىن ھەيران قالدىما؟ بۇ كونا ئىقتىدارمۇ يا؟
بۇ نەرسىە زادى قولايلىق ! تەخمىنەن 1يىل ئىلگىرى ئىشلىتىشكە باشلىغان ! ئەترافىمدىكىلەر بىلەن ئورتاقلىشىپ بولالماي ئىشلەتمەي بىر ياقىدا تاشلاپ قويۇپ تىكەنمەن ! بايا قايتا قاچىلاپ نەشىرنى كۆتۈرگەن ئىدىم ، راستىنلا يېڭىلىقلار كۆپىيىپتۇ !
بۇ ئاندروئىدتىكى zapya بىلەن ئوخشاشكەن.
ئەڭ مۇھىمى gpsبىلەن مۇناسىۋەلىك ئوخشايدۇ.
ئېقىم كېتەمدىكەن؟
رەسىمدىن باشقانەرسەئۇزاتقىلى بولمامدىكەن بۇنىڭدا.سىناپ باقاي دىسەم تورخانىنىڭ pcسىغا Chrome ياكىFirefox نى قاچىلىغىلى بولمايدىكەن قايتاقوزغىلىپ ئەسلىگەكىلىۋىلىپ چىباڭ قىلدى ئادەمنى.لىكىن ئاندرويد نىڭ zapyaدىگەن دىتالى ھەقىقەتەن بولىدىكەن جۇما،كارتىدابارلىكى بولغان ھەرقاندا نەرسىنى ئۇزاتقىلى بولىدىكەن،3-4 mbنەرسە بىسىپ بولغىچە بىرىپ بولىدىكەن.
كونا نەشرىدە mp3 مۇ يوللىغىلى بولاتتى، ھازىرقى نەشىرنىڭ ئالدىدىكىنىڭ ئالدىدىكىنىڭ يەنە ئالدىنقى نەشىردە بولاتتى، ئۇنىىڭدىن كىيىنكى نەشىرلىرىدە رەسىملا يوللايدىغان قىلىپ قويۇپتۇ.
مەن بۇنى ئىشلىتىۋاتقىلى 1 يىلدىن ئاشتى…
قارىماققا سىرلىق تۇيۇلغىنى بىلەن پىرىنسىپى ئاددىيكەن…بوشلۇق كونۇپكىسىنى قولىڭىز بىلەن باسسىڭىزمۇ بولىدىكەنغۇ؟لىكىن ئىسېل ئەپ.
مەنمۇ قولۇمدا سىناپ باققان، ئىشلىمىگەنتى، ھەيران قاپتىكەنمەن تېخى… تېلفۇننى سىلكىش بىلەن تەڭ بوشلۇق كۇنۇپكىسىنى تەڭلا بېسىپمۇ باققانتىم بولمىسا..
ھەي مەن چۈشۈرەلمىدىمغۇ ؟؟؟بىرەسىڭلار چۈشۈرۈپ ماڭا يوللاپ بەرسەڭلا بولمامدۇ ئاندرويىد تىپىنى،
كوت-كوت:179213610
مەنمۇ خېلى بولغان ئىشلىتىۋاتقىلى، يېڭىلاڭ دىسە يىڭىلىماپتىكەنمەن، ئەمدى بىلدىم مانا يېڭى ئىقتىدارىنى…
Android نۇسخسىمۇ باغۇ بۇنىڭكى…
ۋاي ئىقىم مىقدارى لىتەمدۇ نىمە … رەسمنىڭ سۇزۇكلىكىنى سۇسلاشتۇرۇپ يوللاپ بىرىدكەن…يانفۇننى سىلكىسىلا بولدىكەن،،..مۇھىمى ناخشا دىگەنلەرنى يوللىغىلى بولسا ياخشى بولتى…
سىز ئاۋۇ كىنو خانىنى قانداق چىقدىڭىز مەن بىر سۈرەتلىك ناخشا بېتى قۇشاي دىگن سىزنىڭ كىنو خانڭىڭىزغا ئوخشاش ئازراق چۇشەنچە بەسىڭىز بوپتىكەن
ما تەدبىركار يان ستوننى ئېلان بىلەن توشقۇزۇپتۇ!
سىناپ بېقىلدى، رەسىم سۈزۈكلىكىگە ئېغىر تەسىر يەتكۈزىدىكەن
مەخپى نۇمۇرى باركەنغۇ ،يوللىغاندىكىن مەخپى نۇمۇر نىمۇ قوشۇپ يوللاڭلا ! بولمىسا يوللىماڭلا!!
مەخپىي نومۇرى: www.torhumar.com
ئىككى anderoid دا قانداق بولا
ئەپ تى چۇ؟
تور خۇمار ئاكا چاق-چاق قىلۋاتامسىز ياكى راس مەخپىي نومۇرى شۇمۇ؟
google تور كۆرگۈدە بولامدۇ؟
بولسا قانداق ئىشلىتىمىز ؟ ئورۇن بەلگۈلەشنى قەنداق ئەمەلگە ئاشۇر مىز؟
بۇ جۇڭگو تەۋەلىگىمىزدىكى ئەپ سىتوردا يوقكەنغۇ؟ مومكىن بولسا ئېنىقراق قىلىپ يوللاپ بەرسىڭىز