ناۋادا ئالما شىركىتى بۈگۈن iOS 8.0 نى ئېلان قىلغان بولسا، ئۇنداقتا پەقەت iOS 8.0 گە كۆتۈرۈپ ئىشلىتىشكە بولىدىغان ئىشلەتكۈچىلەر شۇ كۈنىلا يېڭى نەشىردىكى iOS نى چۈشۈرۈپ يېڭىلاپ ئىشلىتەلەيدۇ. ناۋادا Google بۈگۈن Android 8.0 نى ئېلان قىلسا، ئۇنداقتا Android ئىشلەتكۈچىلىرىنىڭ قولىدىكى ئۈسكۈنىلەرنىڭ قاتتىق دېتال شارائىتى گەرچە Android 8.0 نى قوللىسىمۇ، بىراق ھەمىشە يەنە نەچچە ئاي، ھەتتا يېرىم يىلدىن ئۇزاق ۋاقىتتىن كېيىن بۇ يېڭى سېستىمىنى ئىشلىتەلەيدۇ.

ئالمىنىڭ iOS سېستىمىسىنىڭ يېڭىلىنىش باسقۇچىنى ئاددىيلا تۆۋەندىكىدەك چۈشەنسەك بولىدۇ:

پۈتكەن يېڭى سېستىمىنى ھەرقايسى چوڭ خەۋەرلىشىش تارماقلىرىنىڭ تەستىقلىشىغا سۇنۇش ۋە كېلىشىمنامىلەرنى ئۆزگەرتىش – يېڭى سېستىمىنى ئېلان قىلىش – ئىشلەتكۈچىلەر چۈشۈرۈپ يېڭىلاش

Google نىڭ Android تۇتقان يول بولسا باشقىچىراق:

Google يېڭى Android سېستىمىسىنى ئېلان قىلىدۇ – Samsung، HTC ۋە Motorola قاتارلىق شىركەتلەر قايسى ئۈسكۈنىلەرنىڭ كەلگۈسىدە بۇ يېڭى سېستىمىنى قوللايدىغانلىقىنى ئېلان قىلىدۇ – بۇ يانفون ياساش كارخانىلىرى يېڭى Android ئۈچۈن ئۆزىنىڭ قاتتىق دېتالىغا نىسبەتەن ئۆزگەرتىشلەرنى ئېلىپ بارىدۇ(ئاڭلاشلارغا قارىغاندا ئىنتايىن ئاۋارىچىلىقمىش) – يانفون كارخانىلىرى بىر تەرەپ قىلىشتىن ئۆتكۈزۈلۈپ پۈتكەن سېستىمىنى ھەرقايسى خەۋەرلىشىش تارماقلىرىغا سۇنىدۇ ۋە كېلىشىمنامىلەرنى ئۆزگەرتىدۇ – ئىشلەتكۈچىلەر چۈشۈرۈپ ئىشلىتەلەيدۇ.

بۇنداق قىلىشنىڭ نەتىجىسى شۇكى، دائىم يېڭى سېستىما ئېلان قىلىنغاندىن كېيىن پەيدا بولغان يېڭى Android ئۈسكۈنىلىرى، يەنىلا خېلى ئۇزۇنغىچە كونا نەشىردىكى سېستىمىنى ئىشلىتىشكە مەجبۇر بولىدۇ. ھالبۇكى، ئۆتكەن يىلىقى Android چولپىنى Samsung Galaxy S II گەرچە Samsung ئاللىقاچان Android 4.0 گە يېڭىلىغىلى بولىدىغانلىقىنى ئېيتقان بولسىمۇ، بىراق ئورگان تەرەپمۇ ھازىرغىچە تېخى ئاران بىر قانچە پارچە رەسىمنى ئەۋەتىپ قويۇپ تۇرىۋاتىدۇ…..

ئەلۋەتتە، Google نىڭ ئۆزىنىڭ بالىسى Google Nexus يانفونلىرى بەلكىم خېلى كۆپ ئاۋارىچىلىقلاردىن قۇتۇلۇپ قېلىشى مۇمكىن، ئەمما Google نىڭ يانفونلىرىنىڭ Android چوڭ قوشۇنىدا ئىگىلىگەن نىسبىتى يوق دېيەرلىك. Motorola نىڭ كاتتىۋاشلىرىنىڭ سېستىمىنىڭ نەشىرىنى كۆتۈرۈش بەك ئاستا، بۇ بىزدىكى سەۋەنلىك ئەمەس دەپ ئاغرىنغانلىقىمۇ بىكار ئەمەس.