بۇ يەڭگىلتەك جەمئىيەتتە، ھەر بىر كىشى ئۆزىگە مۇناسىۋەتلىك بىر قاتلامغا بۆلۈنگەن بولىدۇ، ئۇلارنىڭ تىرىشچانلىق ۋە ئەستايىدىللىق بىلەن خىزمەت قىلىشى ئۆزىنىڭ تۇرمۇش ۋە غايىسى ئۈچۈندۇر، ئەمما ئاخىرىدا مۇرادىغا يېتىدىغان كىشى ئىنتايىن ئاز ساندا ياكى يوق دېيەرلىك، مەيلى تورت قانچىلىك چوڭ بولسۇن، ئەڭ ئاخىرىدا يەنىلا رەھىمسىزلىك بىلەن ئېكسپىلاتاتسىيەگە ئۇچرايدۇ…

ئەمەلىيەتتە مەزكۇر كارتون فىلىمدە سۆزلەنگەن مەزمۇن ئىنتايىن ئېنىق، ئىنتايىن ئاددى كىنايە بىلەن ئىپادىلەنگەن، ماشىنا، ئۆي، چەتئەلگە چىقىش، ھەممىسى يۇقىرى قاتلامدىكىلەر تەرىپىدىن ئېكسپىلاتاتسىيە قىلىنىدۇ! ھۆكۈمرانلارنىڭ نەپسى قانچە يوغىنىغانسىرى، تۆۋەن قاتلامدىكىلەرنىڭ ئارزۇيىغا يېتىش قەدىمى شۇنچە قىيىنلىشىپ ماڭىدۇ.

فىلىمدىكى بىرىنچى تورتنىڭ كۆرۈنىشى قارىماققا بىر ئادەم بىر ئۆينى تىرەپ تۇرغانغا ئوخشايدۇ، بەزى كىشىلەر يېرىم ئۆمۈر تىرىشىپ بۇ سىرلىق دۆلەت تۈزۈلمىسىگە تولغان ۋەتەندە ئاران بىر يۈرۈش ئۆي ئالغاندا، ھۆكۈمرانلار بىر يالماپلا بۇنى يۇتىۋېتەلەيدۇ، بۇ ئەجىبا قارىماققا بىر قىسىم ۋىجدانسىز ئۆي-مۈلۈك كارخانىلىرىنىڭ قىلىقى ئەمەسمۇ؟

فىلىمدىكى ئىككىنچى تورت ئوخشاشلا بىر ئادەمگە ئوخشايدۇ، ئەمما يۈدۈۋالغىنى بولسا بىر ماشىنا، بۇ دۆلەتتە كىشىلەر شەھەرلەشكەندىن كېيىنكى ئەڭ ئاساسى ئېھتىياجىنى قاندۇرۇش ئۈچۈن خېلىلا ھەرەج تارتىدۇ، بىراق ھەر خىل باج سېلىقلارنىڭ سەۋەبى تۈپەيلى، ماشىنا ئېلىش ئۈچۈن خېلىلا كېچىكىپ كېتىدۇ.

ئۈچىنچى تورت بولسا ئەركىنلىك ئىلاھە ھەيكىلى، ئەڭ ئاخىرىدا ھۆكۈمرانلار تەرىپىدىن بىر يالماپلا يۈتۈۋېتىلىدۇ، كىنايە ناھايىتى ئېنىق، ئارتۇق چۈشەندۈرۈپ يۈرمەيمەن…

ماشىنا قوراللار دۆلەتكە، ئۇن بولسا باجغا، ئۇن خالتىسىنى توشۇغۇچىلار پۇقرالارغا، تورت ياسىغۇچىلار كارخانىلارغا، توشۇش بۇرژۇئازىيە قاتلىمىدىكى Boos لارغا، شەكلىنى ياساپ چىقارغۇچىلار جەمئىيەتتىكى مەلۇم ئېھتىياج بار كىشىلەرگە، تورتنى ئوراپ قاچىلىغۇچىلار ئەمەلدارلارغا، بىر نەرسە يەۋاتقىنى ھۆكۈمرانلارغا ئوخشايدۇ، ئۇلار ماشىنىنى، ئۆينى ۋە ئەركىنلىكنى يەۋېتىدۇ. ئەڭ ئاخىرىدا ئىشتىھايى تېخىمۇ يوغىناپ، زاۋۇت ئاللىقاچان ئۇنىڭ ئېھتىياجىنى قاندۇرالماس بولۇپ قالىدۇ، شۇنىڭ بىلەن پۈتكۈل زاۋۇت ئاخىرى ۋەيران بولۇپ تاقىلىدۇ.

ئاخىرىدا بەلكىم كۆپچىلىك بايقىدىمىكىن، باشلانغاندا ئاسمان قوڭۇر رەڭدە ئىدى، ئاخىرىدا بولسا كۆك رەڭگە ئۆزگىرىدۇ، بۇ ئۈمىد قالمىغانلىقنى ئەمەس، بەلكى بۇ بىر بىرنا ئۆرۈلگەندىن كېيىن «بۇلغىنىش» يوقاپ ئاسماننىڭ كۆك رەڭگە ئۆزگەرگەنلىكىنى ئىپادىلەيدۇ.