تۆنۈگۈن دۇنيا قۇلاقنى سۆيۈش كۈنىكەن، بۇنداق كۈننىڭ بارلىقىنى مەنمۇ تۇنجى ئاڭلىشىم. شۇڭا بۈگۈن قۇلاق ھەققىدە ئازراق بىلجىرلايلى.

1. ھەر بىر ئادەم تۇغۇلغان چېغىدىن باشلاپلا قۇلاقنى مىدىرلىتىش ئىقتىدارى بولىدۇ، ئەمما بالدۇر مەشىق قىلىپ بۇ ئىقتىدارنى قېزىپ چىقمىغاندا، مۇناسىۋەتلىك مۇسكۇللار يىگىلەپ كېتىدۇ. سىز قۇلىقىڭىزنى مىدىرلىتالامسىز؟

2. قۇلاقنىڭ خاتا ئاڭلىشىنى بەلكىم كۆز كەلتۈرۈپ چىقىرىشىمۇ مۇمكىن، مەلۇم شارائىت ئاستىدا، كۆرگىنىڭىز بىلەن ئاڭلىغىنىڭىز ئوخشاش بولمىسا، چوڭ مېڭە قۇلاقنى پۈتۈنلەي نەزەردىن ساقىت قىلىپ، كۆزگە بەكرەك ئىشىنىدۇ(مەسىلەن قارشى تەرەپنىڭ ئېغىز ھەرىكىتى دېگەندەك).

3. مېترودا نائۈشنىك تاقاپ ناخشا ئاڭلىغاندا، بەلكىم گاس بولۇپ قېلىشنى كەلتۈرۈپ چىقىرىشى مۇمكىن. مېترودىكى شاۋقۇن ئاۋازى دېتسىبېلدىن ئاشىدىغان بولۇپ، مېترودا نائۈشنك ئاۋازىنى ئېنىق ئاڭلىغۇدەك دەرىجىدە ئاچسىڭىز، ئاڭلاش ئىقتىدارىغا زور دەرىجىدە زىيانلىق، ھەتتا گاس بولۇپ قېلىشنى كەلتۈرۈپ چىقىرىشىمۇ مۇمكىن.

4. بىزنىڭ قۇلىقىمىز ئاۋازلارنى سۈزىۋېتەلەيدۇ، يەنى مۇرەككەپ شاۋقۇنلۇق مۇھىتتا بىز ئاڭلاشنى خالىمايدىغان ئاۋازلارنى توسىۋېتىپ، پەقەت ئاڭلاشنى خالايدىغان ئاۋازلارنى يەتكۈزۈپ بېرەلەيدۇ.

5. شۇڭا مۇرەككەپ شاۋقۇنلۇق مۇھىتتا تېلىفون ئۇرغاندا، يەنە بىر قۇلاقنى ئېتىۋېلىش ھاجەتسىز، چۈنكى قۇلاق ئۆزى ئاۋازنى سۈزىۋېتىدۇ، ئۇنىڭ ئورنىغا ئېغىزنى توسۇپ تۇرۇپ گەپ قىلغاندا تېخىمۇ رولى ياخشى بولىدۇ، بۇنداق گەپ قىلغاندا ئاۋاز بىۋاستە تېلىفوننىڭ مىكروفونىدىن ئۇزىتىلىدۇ، قۇلاقنىڭ ئاۋازنى سۈزۈش رولى تېخىمۇ ياخشى جارى قىلدۇرىلىدۇ.

6. ئەما دوستلارنىڭ قۇلىقىنىڭ «خاسىيەتلىك ئىقتىدارى» بولىدۇ. بىز ناھايىتى تېز گەپ قىلغاندا ھەر سكونتتا 6 بوغۇم تەلەپپۇز قىلالايمىز، ئەمالار بولسا ھەر سكونتتا 25 بوغۇمنى ئېنىق ئاڭلىيالايدۇ. مەسىلەن تۆۋەندىكى ئاۋازنى ئاڭلاپ سىناپ باقسىڭىز بولىدۇ، ئاڭلاشلارغا قارىغاندا، ئەمالار چەستەي ئاڭلىۋېتىدىكەن.

7. قۇلاق تۆشۈكىنىڭ چوڭلۇقى قېرىنداشنىڭ ئۈستىدىكى ئۆچۈرگۈچ قىسمىچىلىك بولىدۇ، ئەمما ئۈستىدە 20000 دانە تۈكچە بولىدۇ.

8. ناۋادا قۇلاق ئوپېراتسىيە قىلىنسا ياكى يارىلانسا، بەزى پۇراقلارنى پۇرىيالماسلىقىڭىز مۇمكىن. چۈنكى پۇراش نېرۋىسىغا مۇناسىۋەتلىك بىر قىسىم چوڭ مېڭە تومۇرلىرى دەل قۇلاق يولىدىن ئۆتىدۇ، شۇڭا بەزىدە بۇرنىنى بەكرەك تارتقاندا قۇلاق ئېتىلىپ قالغاندەك تۇيغۇ بولىدۇ.

9. زىراپە ئۆزىنىڭ قۇلىقىنى يالىيالايدۇ.