ئالما شىركىتى 3-ئاينىڭ 8-كۈنى سائەت 0 دە ئۆزىنىڭ ئەڭ يېڭى مەھسۇلاتى iPad3 نى ئېلان قىلىدىغانلىقىنى جاكارلىغاندىن كېيىن، ھەرقايسى ئاخبارات ۋاستىلىرىنىڭ دىققىتى يەنە بۇ يېڭى سىرلىق مەھسۇلاتقا تىكىلدى. ئالما مەھسۇلاتلىرىغا كۆڭۈل بۆلىدىغان كىشىلەرنىڭ ھەممىسى، شۇ يېڭى مەھسۇلات ئېلان قىلىنىشتىن بۇرۇن ئۆزىنىڭ تەسەۋۋۇرى بويىچە يېڭى مەھسۇلاتنى پەرەز قىلىپ باقىدۇ. خۇددى ئىلگىرى Apple ھەۋەسكارلىرى ئۆزى ياساپ چىققان iPad2 دەك…

بۇدا، گېرمانىيەلىك سېھرىگەر Simon Pierro مۇ بۇ سەپكە قېتىلغان بولۇپ، بىز ئىلگىرى تورخۇماردا ئۇنىڭ iPad ھەققىدىكى سېھرىگەرلىك ماھارىتىنى كۆرۈپ ئۆتكەن ئىدۇق. يېقىندا ئۇ ئۆزىنىڭ يېڭىچە نومۇرىنى ئېلان قىلغان بولۇپ، ئۆز تەسەۋۋۇرىدىكى كېيىنكى ئەۋلاد iPad نىڭ قانداق ئىكەنلىگىنى سېھرىگەرلىك ماھارىتى ئارقىلىق ئۇستىلىق بىلەن ئورۇنداپ چىققان. Simon نىڭ تەسەۋۋۇرىدىكى iPad3 بولسا تېخىمۇ قېلىن، تېخىمۇ ئېغىر، يۇقىرى ئېنىقلىقتىكى Retina ئېكران سەپلەنگەن، iCloud، Siri قاتارلىق تېخنىكىلار سەپلەنگەن.

ئۇنىڭدىن باشقا Simon يەنە، ئىلگىرى بىز تورخۇماردا كۆرۈپ ئۆتكەن iBeer ناملىق ئەپنىڭ iPad3 تە ھەقىقىي رېئاللىققا ئايلىنىدىغانلىقىنىمۇ تەسۋىرلەپ بەرگەن. زادى ھەقىقەتەن شۇنداق بولسا، زابويلار پىۋىنى بىۋاستە App Store دىنلا سېتىۋېلىشى مۇمكىن.