-
ﻗﯘﻻﻗﻘﺎ ﺗﻮﻟﻤﯘ ﺳﻪﺕ ﺋﺎﯕﻠﯩﻨﺪﯨﻐﺎﻥ ﺑﯘ ﻳﯧﻘﯩﻤﺴﯩﺰ ﺋﯩﺒﺎﺭﯨﻨﯩﯔ ﻣﺎﻗﺎﻟﯩﺪﯨﻜﻰ ﺳﯚﺯ ﺗﯧﻤﯩﺴﻰ ﺑﻮﻟﯘﭖ ﺗﺎﻟﻠﯩﻨﯩﭗ ﻗﺎﻟﻐﯩﻨﻰ ﺋﻮﻗﯘﺭﻣﻪﻥ- ﺧﺎﻻﻳﯩﻘﺘﺎ ﻳﯧﻘﯩﻤﺴﯩﺰ ﺗﻪﺳﯩﺮﺍﺕ ﻗﺎﻟﺪﯗﺭﻏﺎﻥ ﺑﻮﻟﺴﺎ، ﻛﻪﭼﯜﺭﯛﻡ ﺳﻮﺭﺍﻳﻤﻪﻥ. ﺧﺎﺗﺎ-ﺧﺎﺗﺎ ﺋﻪﻣﻪﺱ، ﺧﺎﺗﺎﻟﯩﻖ ﺧﺎﺗﺎ! ﺳﯩﭙﺎﻳﯩﮕﻪﺭﭼﯩﻠﯩﻚ ﻗﯩﻠﯩﭗ ﺳﯚﺯ ﺋﻮﻳﻨﺎﺗﻘﺎﻧﺪﯨﻦ ﻛﯚﺭﻩ، ﮔﺎﮬﻰ-ﮔﺎﮬﻰ ﻳﯧﻘﯩﻤﺴﯩﺰ ﺋﯩﺒﺎﺭﯨﻠﻪﺭ ﺑﯩﻠﻪﻥ ﺟﺎﻥ ﺋﺎﻟﻐﺎﻧﻤﯘ ﺋﻪﯞﺯﻩﻝ- ﻛﯧﺴﻪﻝ ﺳﺎﻗﺎﻳﻤﺎﻱ ﺑﻪﺭﺳﻪ ﺗﯩﻎ ﺳﺎﻟﻐﺎﻧﺪﻩﻙ...
<<ﺟﺎﻻﭖ>> ﺩﯨﮕﻪﻥ ﺑﯘ ﺋﯩﺒﺎﺭﻩ ﺋﺎﯕﻠﯩﻨﯩﺸﻨﯩﯔ ﺗﻮﻟﻤﯘ ﺳﻪﺗﻠﯩﻜﻰ، ﻗﺎﺭﺍﺗﻤﯩﻠﻘﯩﻨﯩﯔ ﻛﯜﭼﻠﯜﻛﻠﯩﻜﻰ، ﻣﻪﻧﯩﺴﻨﯩﯔ ﺋﯚﺗﻜﯜﺭ ﯞﻩ ﭼﻮﯕﻘﯘﺭﻟﯩﻘﻰ ﺟﻪﮬﻪﺗﺘﻪ ﺗﻪﯕﺪﺍﺷﺴﯩﺰ ﻳﯧﻘﯩﻤﺴﯩﺰ ﺑﻮﻟﻐﯩﻨﯩﻐﺎ ﻗﺎﺭﻣﺎﻱ، ﺗﻪﻟﻪﭘﭙﯘﺯﯨﻨﯩﯔ ﺋﯩﺨﭽﺎﻣﻠﯩﻘﻰ ﺑﯩﻠﻪﻥ ﺋﯚﺯﻟﯩﺸﯩﺸﻜﻪ ﮬﻪﻡ ﻗﯘﻻﻳﻠﯩﻖ ﺑﻮﻟﻐﺎﻥ ﺋﯩﻨﺘﺎﻳﯩﻦ ﻳﯧﻘﯩﻤﺴﯩﺰ ﺋﺎﺗﺎﻟﻤﺎ. ﺑﻪﺱ! ﭘﯧﻘﯩﺮ ﺩﯦﮭﻘﺎﻧﻨﯩﯔ ﺗﯧﻤﺎ ﻗﻮﺯﻏﺎﭖ ﺋﯧﻴﺘﺎﻱ ﺩﯦﮕﻨﯩﻢ، ﺑﯘ ﺳﻪﺕ ﺋﺎﺗﺎﻟﻤﯩﻨﯩﯔ ﺑﻪﺩﯨﺌﯩﻲ ﺳﯜﭘﯩﺘﻰ ﮬﻪﻗﻘﯩﺪﻩ ﺑﻮﻟﻤﺎﺳﺘﯩﻦ، ﺟﻪﻣﯩﻴﻪﺗﻠﯩﻜﻰ ﯞﻩ ﻗﺎﺭﺍﺗﻤﯩﻠﻘﻰ ﮬﻪﻗﻘﯩﺪﻩ ﺑﻮﻟﯘﯞﺍﺗﻘﯩﻨﻰ ﺋﯜﭼﯜﻥ ﺗﯜﺯﻻ ﺋﺎﺳﺎﺳﻲ ﻣﻪﻗﺴﻪﺗﻨﻰ ﻣﺎﺭﺍﻳﻤﯩﺰ.
ﺋﺎﺩﻩﻡ ﻛﯚﭖ ﺑﺎﺯﺍﺭ ﻛﻮﭼﯩﺴﯩﺪﺍ ﺑﺎﻻ ﻳﯚﺗﻠﻪﭖ ﻛﯧﺘﯟﺍﺗﻘﺎﻥ ﺋﻮﺗﺘﯘﺯ ﻳﺎﺷﻼﺩﯨﻜﻰ ﺟﯘﯞﺍﻥ ﺗﺎﻟﻐﺎﻥ ﮔﻪﯞﺩﯨﺴﯩﻨﻰ ﺭﯗﺳﻠﯩﻐﯩﻨﭽﻪ، ﺩﻭﻟﯩﺴﺪﯨﻜﻰ ﺗﯧﯖﯩﻠﭽﺎﻗﻨﻰ ﺳﯩﻠﻜﯩﭗ ﺭﯗﺳﻠﯩﺪﻯ. ﺷﯘ ﺋﺎﺭﻟﯩﻘﺘﺎ ﺗﺎﺳﺎﺩﯨﭙﯩﻴﻼ ﺟﯘﯞﺍﻧﻨﯩﯔ ﺋﯘﺩﯗﻟﺪﯨﻦ ﺋﯚﺗﯘﭖ ﻛﯩﺘﯟﺍﺗﻘﺎﻥ ﻳﻪﻧﻪ ﺑﯩﺮ ﺑﺎﺯﺍﺭﭼﻰ ﻳﯩﮕﯩﺖ ﺟﯘﯞﺍﻧﻨﯩﯔ ﺳﯩﻠﻜﯩﮕﻪﻥ ﺗﯩﯖﯩﻠﭽﯩﻘﯩﻐﺎ ﺳﻮﻗﯘﻟﯘﭖ ، ﻗﻮﻟﺪﯨﻜﻰ ﺗﺎﯞﯗﺯ ﻳﻪﺭﮔﻪ ﭼﯘﺷﯘﭖ ﻳﯧﺮﻟﯩﭗ ﻛﻪﺗﺘﻰ. ﻗﻮﺭﻗﯘﭖ ﺳﺎﺭﺍﺳﺎﻣﮕﻪ ﭼﯘﺷﻜﻪﻥ ﺟﯘﯞﺍﻥ ﺧﯩﺠﯩﻠﻠﯩﻘﺘﯩﻦ ﻗﯩﺰﯨﺮﯨﭗ ﻳﯩﮕﯩﺘﺘﯩﻦ ﺋﻪﭘﯘ ﺳﻮﺭﻏﯩﭽﻪ، ﻗﯩﺰﺯﯨﻘﻘﺎﻥ ﻳﯩﮕﯩﺖ ﺷﯩﺮﺩﻩﻙ ﮬﯚﻛﯩﺮﺩﻯ...
- ﻛﯚﺯﻯ ﻳﻮﻗﻤﺎ ﻣﺎ ﺟﺎﻻﭘﻨﯩﯔ! ﻗﺎﻳﻼﭖ ﻣﺎﯕﻤﺎﻱ...
ﺧﯩﺠﯩﻠﻠﯩﻖ ﺋﯩﻠﻜﯩﺪﻩ ﺋﺎﺭﺍﻥ ﺗﯘﺭﻏﺎﻥ ﺟﯘﯞﺍﻥ ﻛﯜﺗﯜﻟﻤﯩﮕﻪﻥ ﺯﻩﺭﺑﯩﺪﯨﻦ ﺩﺍﯓ ﻗﯧﺘﯩﭙﻼ ﻗﺎﻟﺪﻯ. ﺷﯘ ﺗﯘﺭﻗﯩﺪﺍ ﺋﯘﻧﯩﯔ ﻗﻪﺩﯨﺮ - ﻗﯩﻤﻤﯩﺘﻰ ﺑﯩﺮ - ﺋﯩﻜﻜﻰ ﻳﯜﻧﻠﯩﻚ ﺗﺎﯞﺍﺭﭼﯩﻠﯩﻚ ﺑﻮﻻﻟﻤﯩﻐﺎﻧﯩﺪﻯ. ﺋﻪﺧﻼﻕ ﻧﯘﻗﺘﯩﺴﯩﺪﯨﻦ ﺋﯧﻴﺘﻘﺎﻧﺪﺍ، ﺋﯘ ﻗﺎﭘﻘﺎﺭﺍ ﺗﯚﮬﻤﻪﺗﻜﻪ ﻛﯩﻠﯟﺍﺗﺎﺗﺘﻰ؛ ﺑﯩﭽﺎﺭﻩ - ﭘﺎﻙ ﻣﻪﺯﻟﯘﻣﻪ ﺑﯘ ﺋﯚﻣﺮﯨﺪﻩ ﺋﺎﯞﯗ ﻳﯩﮕﯩﺖ <<ﺗﻪﻗﺪﯨﻢ>> ﺋﻪﺗﻜﻪﻥ ﮬﺎﻗﺎﺭﻩﺗﻠﯩﻚ ﻧﺎﻣﻐﺎ ﻣﻪﻧﺴﯘﭖ ﻗﯩﻠﯩﻘﻼﺭﻧﻰ ﻗﯩﻠﯩﭗ ﺑﺎﻗﻤﯩﻐﺎﻥ ﺑﻮﻟﺴﯩﻤﯘ، ﺑﯜﮔﯜﻥ ﺋﺎﺩﻩﻡ ﻛﯚﭖ ﺗﺎﻻﺩﺍ! ﻧﻪﻕ ﻛﻮﭼﯩﺪﺍ ﺑﯘ ﻳﻮﻟﺴﯩﺰ ﻗﺎﭘﻘﺎﺭﺍ ﺗﻮﮬﻤﻪﺗﻜﻪ ﻗﯧﻠﯩﯟﺍﺗﺎﺗﺘﻰ.
ﮬﻪﺋﻪ، ﺑﯩﺰ ﺑﯘﻧﻰ ﺗﯚﮬﻤﻪﺕ ﺩﻩﻳﻤﯩﺰ. ﺧﻪﻕ ﻗﯩﻠﻤﯩﻐﺎﻥ ﺋﯩﺸﻨﻰ ﺗﯧﯖﯩﭗ، ﭼﺎﭘﻼﭖ ﮬﺎﻗﺎﺭﻩﺕ ﻗﯩﻠﻐﺎﻧﻨﻰ، ﻗﯩﺰﺯﯨﻘﻘﺎﻧﻠﯩﻖ ﺑﯩﻠﻪﻥ ﺋﺎﭼﭽﯩﻘﯩﻨﻰ ﭼﯩﻘﯩﺮﯨﯟﯦﻠﯩﺶ ﺑﻪﺩﯨﻠﯩﮕﻪ ﺋﻮﻳﻼﻧﻤﺎﻱ ﺋﯧﻴﺘﯩﭗ ﺧﻪﻗﻨﻰ ﺳﯘﻧﺪﯗﺭﻏﺎﻧﻨﻰ، ﺑﯩﮭﯘﺩﻩ - ﺋﻮﺭﯗﻧﺴﯩﺰ ﺋﯧﻴﺘﯩﻠﻐﺎﻥ ﺳﯚﺯﻧﻰ ﺗﯚﮬﻤﻪﺕ ﺩﯦﻤﻪﻱ ﻧﯧﻤﻪ ﺩﯦﻴﻪﻟﻪﻳﺘﺘﯘﻕ!؟ ﺑﻮﻟﻤﯩﺴﺎ، ﺗﺎﯞﯗﺯ ﻳﯩﺮﻟﯩﭗ ﻣﺎﻝ - ﻣﯘﻟﻜﻰ ﺩﻩﺧﻠﻰ ﺗﻪﺭﯗﺯﮔﻪ ﺋﯘﭼﯘﺭﻏﯘﭼﻰ ﺷﻪﺧﯩﺲ ﺋﯜﭼﯜﻥ ﻣﯘﺭﻩﺳﺴﻪ، ﺗﯚﻟﺘﯩﺶ، ﺳﻮﺗﻠﯩﺸﯩﺶ ﺩﯦﮕﻪﻧﺪﻩﻙ ﻛﯘﭘﺎﻳﻪ. ﺑﻮﻟﯘﭘﻤﯘ، ﺑﯩﺮ ﺗﺎﯞﯗﺯ ﺋﯜﭼﯜﻥ ﺧﻪﻗﻜﻪ ﺗﯚﮬﻤﻪﺗﻠﯩﻚ ﺋﯩﺒﺎﺭﯨﻠﻪﺭﻧﻰ ﺋﯩﺸﻠﻪﺗﻤﻪﻳﻤﯘ ﻣﻪﺳﯩﻠﯩﻨﻰ ﮬﻪﻝ ﻗﯩﻠﻐﯩﻨﻰ ﺑﻮﻟﯩﺪﯗ. ﺗﺎﯞﯗﺯ ﻳﯧﺮﻟﯩﭗ ﺯﯨﻴﺎﻥ ﺗﺎﺭﺗﯩﭗ ﻛﻪﺗﻜﻪﻥ ﺑﯩﭽﺎﺭﻩ ﺋﻪﺭﻛﻪﻙ ﺑﺎﺷﻘﯩﭽﻪ ﺋﯘﺳﯘﻟﺪﺍ ﺳﯚﺯﻟﻪﺷﺴﯩﻤﯘ ﺑﻮﻻﺗﺘﻰ. ﻣﯘﺭﻩﺳﺴﻪ ﻗﯩﻠﺴﯩﻤﯘ، ﺗﯚﻟﻪﺗﺴﯩﻤﯘ، ﺗﯚﻟﻪﻡ ﺗﻪﻟﭙﻰ ﺭﻩﺕ ﻗﯩﻠﯩﻨﺴﺎ ﺳﻮﺗﻘﺎ ﺋﻪﺭﺯ ﺳﯘﻧﺴﯩﻤﯘ ﺑﻮﻻﺗﺘﻰ. ﺋﺎﯕﻠﯩﻤﺎﻗﻘﺎ ﺋﻪﺧﻤﯩﻘﺎﻧﻪ ﺗﯘﻳﯘﻟﻐﺎﻥ ﺑﯘ ﭘﯩﻜﯩﺮﯨﻤﯩﺰﮔﻪ<<ﺑﯩﺮ - ﺋﯩﻜﻜﻰ ﻳﯜﻧﻠﯩﻚ ﺗﺎﯞﯗﺯﻏﺎﻣﯘ ﺳﻮﺗﻠﯩﺸﯩﺶ ﮬﺎﺟﻪﺗﻤﯘ؟>> ﺩﻩﭖ ﻣﻪﺳﺨﯩﺮﻩ ﻗﯩﻠﺪﯨﻐﺎﻧﻼﺭ ﺷﯘ ﺗﺎﭘﻨﯩﯔ ﺋﯚﺯﯨﺪﯨﻼ ﻧﻪﭼﭽﻪ ﻳﯜﺯﻟﻪﭖ ﭼﯩﻘﯩﺸﻰ ﻣﻮﻣﻜﯩﻦ. ﺑﯩﺮﺍﻕ، ﺑﯩﺮ - ﺋﯩﻜﻜﻰ ﻳﯜﻧﻠﯩﻚ ﺗﺎﯞﺍﺭ ﺋﯜﭼﯜﻥ ﺳﺎﻟﻤﯩﻘﻰ ﻳﻪﺭﺷﺎﺭﯨﺪﯨﻦ ﺋﯧﻐﯩﺮ ﺑﻮﻟﻐﺎﻥ، ﻛﯚﺗﯜﺭﯛﭖ ﻗﻮﭘﻘﯘﺳﯩﺰ ﺗﯚﮬﻤﻪﺗﻠﯩﻚ ﺋﯩﺒﺎﺭﯨﻨﻰ ﺋﯩﺸﻠﻪﺗﻜﻪﻥ ﻧﺎﻣﻪﺭﺕ - ﺧﯘﻣﺴﯩﻼﻧﯩﯔ ﺳﯚﺯ - ﮬﻪﺭﻛﯩﺘﯩﮕﻪ ﻧﺎﺭﺍﺯﻯ ﻳﺎﻛﻰ ﻣﻪﺳﺨﯩﺮﻩ ﻛﯜﻟﮕﻪﻧﻠﻪﺭ ﻗﺎﻧﭽﯩﻠﯩﻜﺘﯘ؟!...
ﮬﻪﺩﯨﺴﺘﻪﻙ ﻳﺎﻛﻰ ﺳﯩﯖﻠﯩﺴﯩﺪﻩﻙ ﻛﯩﺸﯩﻨﻰ ﺋﺎﻳﺎﺷﻨﻰ ﺑﯩﻠﻤﯩﮕﻪﻥ، ﺋﯚﺯ ﺋﺎﻏﺰﯨﺪﯨﻦ ﭼﯩﻘﯩﯟﺍﺗﻘﺎﻥ ﺳﯚﺯﻧﯩﯔ ﻧﻪﺩﯨﻦ ﻛﯧﻠﯩﭗ ﻧﻪﮔﻪ ﺑﯩﺮﯨﭗ ﺗﻮﺧﺘﺎﻳﺪﯨﻐﺎﻧﻠﯩﻘﯩﻨﻰ ﺩﻩﯕﺴﻪﭖ ﺑﯩﻠﮕﯜﭼﯩﻠﯩﻜﻰ ﻳﻮﻕ ﺋﺎﺩﻩﻣﺪﻩ ﻧﻪ ﺋﺎﺭ، ﻧﻪ ﻧﯘﻣﯘﺱ، ﻧﻪ ﺋﺎﺩﯨﻤﯩﻴﻠﯩﻚ ﺩﯦﮕﻪﻥ ﺑﻮﻟﻤﺎﻳﺪﯗ، ﺑﯘﻧﺪﺍﻕ ﺋﺎﺩﻩﻣﻠﻪﺭ ﺋﯚﺯﯨﻨﻰ ﮬﻪﺭ ﻗﺎﻧﭽﻪ ﺋﯘﻟﯘﻍ ﺳﺎﻧﯩﺴﯩﻤﯘ، ﺋﻪﺭﻟﻪﺭﺩﯨﻦ ﭼﯩﻘﻘﺎﻥ ﺟﺎﻻﭘﻼﺭﺩﯗﺭ!
ﺩﻭﯕﻐﺎﻕ ﺳﯚﮔﻪﺗﻠﻪﺭ ﺳﺎﻳﻪ ﺗﺎﺷﻼﭖ ﺗﯘﺭﻏﺎﻥ ﺗﻮﭘﯩﻠﯩﻖ ﺳﻪﮬﺮﺍ ﻳﻮﻟﯩﺪﺍ ﺑﯩﻠﻪﻛﺘﻪﻙ ﺗﻮﻡ ﭼﺎﭼﻠﯩﺮﻯ ﻗﻮﺵ ﺋﻮﺭﯗﻟﮕﻪﻥ ﺋﻮﻣﺎﻗﻘﯩﻨﺎ ﺩﯦﮭﻘﺎﻥ ﻗﯩﺰﻯ ﺋﻮﺕ - ﭼﻮﭖ ﺳﯧﻠﯩﻨﻐﺎﻥ ﺋﯧﻐﯩﺮ ﺧﺎﻡ ﺗﺎﻏﺎﺭﻧﻰ ﺋﺎﺭﺍﻥ ﻛﯚﺗﯘﺭﮔﯩﻨﭽﻪ ﻣﯜﻛﭽﯩﻴﯩﭗ ﻛﯧﻠﯩﯟﺍﺗﺎﺗﺘﻰ. ﺗﺎﻏﺎﺭﻧﯩﯔ ﻗﺎﻧﭽﯩﻠﯩﻚ ﺋﯧﻐﯩﺮﻟﯩﻘﻰ ﻗﯩﺰﻧﯩﯔ ﺗﻪﺭ ﺗﺎﻣﭽﯩﻼﭖ، ﭘﻮﻛﺎﻧﺪﻩﻙ ﺋﯧﺴﯩﻠﮕﻪﻥ ﻣﻪﺳﯘﻣﻪ ﭼﯩﺮﺍﻳﯩﺪﯨﻦ ﺑﯩﻠﻨﯩﭗ ﺗﯘﺭﺍﺗﺘﻰ.
ﺗﯘﻳﯘﻗﺴﯩﺰ ﻗﯩﺰﻧﯩﯔ ﻳﯩﻨﺪﺍ ﭘﻪﻳﺪﺍ ﺑﻮﭖ ﻗﺎﻟﻐﺎﻥ ﺳﺎﻳﺎ ﻗﯩﺰﻧﻰ ﭼﯚﭼﯜﺗﺘﻰ. ﻗﯩﺰﻧﯩﯔ ﻳﯩﻨﯩﺪﺍ ﮔﻪﺩﯨﻨﮕﯩﭽﻪ ﭼﺎﭺ ﻗﻮﻳﻐﺎﻥ، ﻳﻮﺗﯩﺴﻰ ﺗﺎﺭ، ﭘﯘﺷﻘﯩﻘﻰ ﻛﻪﯓ ﭼﺎﻗﻤﺎﻕ ﻳﻮﻟﻠﯘﻕ ﻛﺎﻧﺎﻱ ﺷﯩﻢ ﻛﯩﻴﮕﻪﻥ ﺋﯧﮕﯩﺰ ﻳﯩﮕﯩﺖ ﮬﯩﺠﯩﻴﯩﭗ ﺗﯘﺭﺍﺗﺘﻰ. ﻳﯩﮕﯩﺖ ﻗﯩﺰﻧﯩﯔ ﺗﻪﻗﻘﻰ ﺗﯘﺭﻗﯩﻐﺎ ﻳﻪﯞﻩﺗﻜﯜﺩﻩﻙ ﻗﺎﺭﻏﯩﻨﭽﻪ ﺋﯧﻐﯩﺰ ﺋﺎﺷﺘﻰ:
- ﺧﯩﻨﯩﻢ، ﺗﺎﻏﺎﻟﯩﺮﻧﻰ ﻛﯚﺗﯜﺭﯛﺷﯜﭖ ﺑﯩﺮﻩﻣﺪﯗﻕ؟
ﺋﯘﻳﺎﻟﻐﯩﻨﺪﯨﻦ ﻗﻪﻏﻪﺯﺩﻩﻙ ﻧﯧﭙﯩﺰ ﻟﻪﯞﻟﯩﺮﻯ ﺗﯩﺘﺮﮔﻪﻥ ﻗﯩﺰ ﺑﻮﺵ ﺷﯩﯟﯨﺮﻟﯩﺪﻯ:
- ﺑﻮﻟﺪﻯ، ﺋﻪﻛﯧﺘﻪﻟﻪﻳﻤﻪﻥ.
- ﻧﺎﺯ ﻗﯩﻠﻤﯩﺴﻼ، ﺧﯧﻨﯩﻢ،ﺳﯩﻠﯩﻨﯩﯔ ﺗﺎﻏﺎﺭﻧﻰ ﺑﯩﺮ ﻛﯚﺗﯜﺭﯛﭖ ﺑﺎﻗﯩﻠﻰ.
- ﺑﻮﻟﺪﻯ!
- ﯞﻭﻱ ﺧﯧﻨﯩﻢ، ﺑﻮﻟﻐﯩﻨﻨﻰ ﻣﻪﻥ ﺑﯩﻠﻤﻪﻱ ﺋﻪﺟﻪﭖ ﺳﯩﻠﻰ ﻧﺎﺯ ﻗﯩﻠﯩﭗ ﻛﻪﺗﺘﯩﻠﻪ، ﺋﻪﻛﻪﺳﯩﻠﻪ...
ﻳﺎﭘﻤﺎ ﻳﯘﺷﯘﺭﯗﻧﻐﺎﻥ ﻻﯞﺯﺍ ﮔﻪﭘﺘﯩﻦ ﻧﻪﭘﺮﻩﺗﻠﻪﻧﮕﻪﻥ ﻗﯩﺰ ﺑﯧﺸﯩﻨﻰ ﺗﯩﻚ ﻛﯚﺗﯜﺭﺩﻯ:
- ﺑﯘﻧﺪﺍﻕ ﮔﻪﭘﻠﯩﺮﻧﻰ ﺋﺎﭼﯩﻠﯩﺮﯨﻐﺎ ﺑﯩﺮﯨﭗ ﺩﻩﭖ ﭘﻪﺭﺳﯩﻠﻪ ﺟﯘﻣﺎ! ﻗﺎﻳﺪﺍﻍ ﺋﺎﺩﻩﻡ ﺑﯘ؟...
ﻗﯩﺰﺩﯨﻦ ﺑﯘﻧﺪﺍﻕ ﻳﺎﻣﺎﻥ ﺳﯚﺯ ﻛﯜﺗﻤﯩﮕﻪﻥ ﻳﯩﮕﯩﺖ ﺗﯧﺮﻛﻜﯩﻨﯩﺪﯨﻦ ﻛﯧﻜﻪﺷﻠﻪﭖ ﻛﻪﺗﺘﻰ:
- ﻗﺎ... ﻗﺎﻧﺪﺍﻕ ﺋﺎﻏﺰﻯ ﻳﺎﻣﺎﻥ ﺟﺎﻻﭖ ﻣﺎﯞﯗ؟... ﮬﯩﻠﻰ ﺑﯩﻜﺎ ﻣﺎ ﺟﺎﻻﭘﻨﻰ...
ﺋﯚﺯ ﺳﻪﯞﻩﻧﻠﯩﻜﯩﻨﻰ ﮬﯧﭻ ﺑﯩﻠﻤﯩﮕﻪﻥ ﺑﯩﭽﺎﺭﻩ ﻗﯩﺰ ﺋﯚﺯﻯ ﺋﻪﺷﻪﺩﺩﯨﻲ ﺋﯚﭺ ﻛﯚﺭﺩﯨﻐﺎﻥ ﻳﺎﻣﺎﻥ ﮬﺎﻗﺎﺭﻩﺗﺘﯩﻦ ﮬﺎﯕﯟﯦﻘﯩﭗ ﺩﻩﻗﯩﻘﻪ ﺗﯘﺭﯗﭖ ﻗﺎﻟﻐﺎﻧﺪﯨﻦ ﻛﯧﻴﯩﻦ، ﺗﺎﻏﺎﺭﻧﻰ ﺗﺎﺷﻼﭖ ﻳﯜﺯﯨﻨﻰ ﺗﻮﺳﻘﯩﻨﯩﭽﻪ ﻳﯩﻐﻼﭖ ﻳﯜﮔﯜﺭﯛﭖ ﻛﻪﺗﺘﻰ.
ﮬﻪﺋﻪ، ﻗﯩﺰ ﮔﯘﻧﺎﺳﯩﺰ ﺋﯩﺪﻯ. ﺋﯘﻧﯩﯔ <<ﮔﯘﻧﺎﮬﻰ>> ﺋﯘﻳﺎﺗﭽﺎﻧﻠﯩﻖ ﺋﯩﺪﻯ. ﺋﯘ، ﻗﯩﺰﻻﺩﺍ ﺑﻮﻟﯘﺷﻘﺎ ﺯﯙﺭﯛﺭ ﺗﯧﮕﯩﺸﻠﯩﻚ ﺑﻮﻟﻐﺎﻥ ﺋﯧﺴﯩﻞ ﺧﺴﻠﻪﺗﻨﻰ ﻗﻮﻏﺪﺍﻳﻤﻪﻥ ﺩﻩﭖ ﻗﺎﭘﻘﺎﺭﺍ ﺗﯚﮬﻤﻪﺗﻜﻪ ﻗﯩﻠﯩﯟﺍﺗﺎﺗﺘﻰ. ﺋﻪﻟﯟﻩﺗﺘﻪ، ﺑﯩﺰ ﺑﯘﻧﻰ ﺗﯚﮬﻤﻪﺕ، ﺩﻩﻳﻤﯩﺰ. ﺧﻪﻗﻠﻪﺭ ﻛﯩﻠﯩﭗ ﺑﯧﻤﻪﻧﻪ - ﺗﯧﺘﯩﻘﺴﯩﺰ ﺳﯚﺯﻟﻪﺭ ﺑﯩﻠﻪﻥ ﮔﻪﭘﻜﻪ ﺳﺎﻟﺴﺎ، ﺳﺎﻣﺎﻧﺪﯨﻦ ﺳﯘ، ﮔﻪﭘﺘﯩﻦ ﮔﻪﭖ ﻳﯜﮔﯜﺭﺗﯜﭖ ﺗﯘﺭﻏﺎﻧﻐﺎ ﮬﻪﺩﻩﭖ ﺳﯘﻳﯘﻕ - ﺷﺎﺗﯩﺮﺍﻗﻠﯩﻖ ﻗﯩﻠﻤﺎﻱ ﺋﯚﺯ ﻗﻪﺩﯨﺮ - ﻗﯩﻤﻤﯩﺘﯩﻨﻰ ﺳﺎﻗﻼﯞﺍﺗﺴﺎ، ﻳﻪﻧﻪ ﻣﻪﻧﺴﯘﭖ ﺑﻮﻟﻤﯩﻐﺎﻥ <<ﻧﯧﺴﯩﯟﻩ>> ﺑﯩﻠﻪﻥ ﮬﺎﻗﺎﺭﻩﺗﻠﻪﻧﺴﻪ، ﺑﯘﻧﻰ ﺗﯚﮬﻤﻪﺕ ﺋﻪﻣﻪﺱ ﺩﯦﻴﻪﻟﻪﻳﺘﺘﯘﻗﻤﯘ؟ ﻗﯩﺰﻻﻧﯩﯔ ﮔﯜﺯﻩﻝ ﺧﯘﻟﻖ - ﻣﯩﺠﻪﺯﯨﻨﯩﯔ ﺋﯚﻟﭽﯩﻤﯩﻨﻰ ﺑﯩﻠﻤﻪﻳﺪﯨﻐﺎﻥ ﭘﻪﺳﻪﻧﺪﯨﻠﻪﺭﻧﯩﯔ ﺋﻮﻳﻰ ﺑﻮﻳﭽﻪ ﺑﻮﻟﻐﺎﻧﺪﺍ، ﻳﯩﮕﯩﺘﻠﻪﺭ ﻛﯧﻠﯩﭗ ﻗﯩﺰﻻﻏﺎ ﻗﺎﺵ ﺋﯩﺘﯩﭗ ﺗﯘﺭﺳﺎ، ﺑﯩﮭﺎﻳﺎ ﮔﻪﭘﻠﻪﺭ ﺑﯩﻠﻪﻥ ﻛﯚﯕﻠﯩﻨﻰ ﺧﯘﺵ ﺋﯩﺘﯩﭗ ﺗﯘﺭﺳﺎ، ﻗﯩﺰﻻﻣﯘ ﻧﻪﺩﯨﻦ ﺩﯦﺴﻪ ﺷﯘ ﻳﻪﺭﺩﯨﻦ ﭼﯩﻘﯩﭗ ﮬﯩﺠﯩﻴﯩﭗ - ﻧﺎﺯﻟﯩﻨﯩﭗ ﺗﯘﺭﺳﺎ، ﺳﯜﺭﻛﯩﻠﯩﭗ - ﺋﯧﺴﯩﻠﯩﭗ ﺗﯘﺭﺳﺎ ﺋﺎﻧﺪﯨﻦ ﻳﺎﺧﺸﻰ ﯞﻩ ﺋﻮﻣﺎﻕ ﺑﻮﻻﺗﺘﯩﻤﯘ؟ ﻗﯩﺰﻻﻏﺎ ﺧﺎﺱ ﺋﻪﺧﻼﻗﯩﻲ ﻣﯩﺰﺍﻥ ﺑﯩﻠﻪﻥ ﺋﯚﺯ ﻏﯘﺭﯗﺭﯨﻨﻰ ﺳﺎﻗﻼﯞﺍﺗﻘﺎﻧﻼﺭﻧﻰ<<ﺟﺎﻻﭖ>> ﺩﻩﭖ ﺗﯩﻠﻠﯩﻐﺎﻧﻼﻧﯩﯔ ﺧﯩﻴﺎﻝ - ﭘﻪﻳﻠﻰ ﺋﻪﺷﻪﺩﺩﯨﻲ ﻳﺎﻣﺎﻧﺪﯗﺭ! ﺋﯚﺯﺩﯨﻜﻰ ﭘﻪﺳﻪﻧﺪﯨﻠﯩﻜﻨﻰ ﻗﯧﻠﯩﻨﻠﯩﻖ ﺑﯩﻠﻪﻥ ﺑﺎﺷﻘﯩﻼﺭﻏﺎ ﺩﯙﯕﮕﻪﭖ ﺗﯚﮬﻤﻪﺕ ﻗﯩﻠﻐﺎﻥ ﺋﻪﺭﻟﻪﺭ ﺟﺎﻻﭖ ﺋﻪﺭﻟﻪﺭﺩﯗﺭ!...
ﺩﺍﯞﺍﻣﻰ ﺑﺎﺭ.........
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.