شىنخۇا تورى خەۋىرى: شېنجېن تاموژنىسى، شياڭگاڭ تاموژنىسى، ئاۋسترالىيە ساقچى تارمىقى ۋە يېڭى زېلاندىيە تاموژنىسى قاتارلىق بىر قانچە دۆلەتنىڭ قانۇن ئىجرا قىلىش تارماقلىرى قولنى قولغا تۇتۇشۇپ بىرلىكتە قانات يايدۇرغان شەرتلىك بەلگىسى ZY02 بولغان (‹‹ZY›› خەنزۇچە ‹‹正义›› دېگەن خەتنىڭ پىنيىنچە باش ھەرپىگە ۋەكىللىك قىلىدۇ) زەھەر چەكلەش ھەرىكىتىدە 28-يانۋار سەھەر دۆلەت، رايون ھالقىغان پەۋقۇلئاددە زور زەھەر ئەتكەسچىلىك شايكىسى بىتچىت قىلىنىپ، يەتتە جىنايەت گۇماندارى قولغا ئېلىنغان.

ئىگىلىنىشىچە، بۇ دېلوغا چېتىشلىق كىرىستال زەھەر 106 كىلوگرام بولۇپ، شېنجېن تاموژنىسى يېقىنقى بەش يىلدىن بۇيان دېڭىز مال تىرانسىپورت يولىدا قولغا چۈشۈرگەن ئەڭ كۆپ زەھەر ئىكەن، دېلومۇ شېنجېن تاموژنىسى 1999-يىلى زەھەر چەكلەش ئىدارىسى قۇرغاندىن بۇيان پاش قىلغان ئەڭ كۆپ كىرىستال زەھەرنى چېگرا سىرتىغا ئەتكەس قىلىش دېلوسى ھېسابلىنىدىكەن.