ئېفىئوپىيەدىكى ئومو دەرياسى ئېقىنىدا ياشايدىغان ۋە ئالتە ئاي ئىنەك قېنى ۋە سۈت بىلەن ئوزۇقلىنىپ سەمىرىپ مۇسابىقىگە قاتنىشىدىغان دابودى قەبىلىسى ئاجايىپ-غارايىپ ئادەتلىرى بىلەن دىققەتنى تارتقان.

   ئېفىئوپىيەدىكى يېرىم كۆچمەن چارۋىچى بولۇپ ياشاپ كېلىۋاتقان قەبىلىنىڭ سېمىز ئادەم مۇسابىقىسى ئۈچۈن ھەر بىر يېزىدىن ياشلار تاللىنىدىكەن ۋە ئالتە ئاي ئىنەك قېنى ۋە سۈت بىلەن ئوزۇقلىنىپ سەمىرىدىكەن. يەنى ئەسلىدىكى تەن ئېغىرلىقىنى بىر ھەسسە ئاشۇرىدىكەن.

فىرانسىيەلىك فوتوگراف ئېرىك لاففورگۇ بۇ غەلىتە قەبىلىنىڭ ئادىتىنى ئۇلارنىڭ مۇھىتى ئىچىگە كىرىپ كامېرا ئارقىلىق خاتىرىلىگەن.

قەبىلە مۇراسىمى قاتارىدا مۇسابىقە ۋاقتى كەلگەندە ياشلار ئارىسىدىن ئەڭ سېمىز بىرىنى تاللاپ بېكىتىدىكەن.

بۇ غەلىتە ئادىتى بولغان دابودى قەبىلىدىكى ئەرلەر يالىڭاچ بەدىنىنى ئاق رەڭگە بويايدىكەن.