شىنجاڭ تائاملىرى ئامېرىكىدىكى كۆرگەزمىگە قاتنىشىدىغان بولدى

      2016- يىلى يانۋاردىن باشلاپ جۇڭگونىڭ تائاملىرى ئامېرىكىدا كۆرگەزمە قىلىنىدۇ، شۇ چاغدا توخۇ قوردىقى، پولۇ، كاۋاپ، لەڭمەن قاتارلىق شىنجاڭ تائاملىرىمۇ كۆرگەزمىنىڭ يارقىن نۇقتىسى بولۇپ قېلىشى مۇمكىن.

شىنجاڭ كەسپىي ئۇنىۋېرسىتېتىدا ئۆتكۈزۈلگەن تۇنجى نۆۋەتلىك خەلقئارا جۇڭگوچە تاماق ئېتىش مۇسابىقىسىنىڭ ئوتتۇرا ئاسىيا مۇسابىقە رايونىنىڭ ھەل قىلغۇچ مۇسابىقە مەيدانىدا، دۇنيا جۇڭگوچە تائاملار كەسپى بىرلەشمىسىنىڭ كارخانىچىلار كومىتېتىنىڭ رەئىسى، جۇڭگوچە ئاشپەزلىك جەمئىيىتىنىڭ رەئىسى، ئامېرىكا جۇڭگوچە تائاملار كەسپى بىرلەشمىسى باش جەمئىيىتىنىڭ مۇئاۋىن رەئىسى سۈن شياۋچۇننىڭ تونۇشتۇرۇشىچە، خەلقئارا بازىرى كۆرگەزمىسىدە كۆرگەزمە قىلىنىدىغان 1- تۈركۈمدىكى شىنجاڭنىڭ قورۇمىلىرى شىنجاڭنىڭ يەرلىك ئالاھىدىلىكىنى ئاساس قىلىدىكەن. بولۇپمۇ شىنجاڭنىڭ قورۇمىلىرىنىڭ «مۇسۇلمانچە» قورۇمىلىرى خەلقئارا بازىرىنىڭ ئېتىراپ قىلىشىغا ئېرىشكەن.

     ئىگىلىنىشىچە، بۇ يىل مايدا، دۇنيا جۇڭگوچە تائاملار كەسپى بىرلەشمىسىنىڭ كارخانىچىلار كومىتېتى ۋە ئامېرىكىدىكى جۇڭگوچە تائام كەسپى بىرلەشمىسى چېكاگو شەھىرىدە كېلىشىم ئىمزالىغان، ئىككى تەرەپ جۇڭگوچە تائام مەدەنىيىتىنى ئالماشتۇرۇش، جۇڭگوچە تائاملارنى ئېتىش تالانت ئىگىلىرىنى خەلقئاراغا يەتكۈزۈش، جۇڭگوچە تائاملارنىڭ ئامېرىكىدا زەنجىرسىمان تىجارەت قىلىش قاتارلىق جەھەتلەردە ئىستراتېگىيەلىك ھەمكارلىق ھاسىل قىلىپ، ئامېرىكىدىكى جۇڭگوچە تائام كەسپىنىڭ يېڭىلاش ۋە تەرەققىياتىغا تۈرتكە بولىدىكەن.

15- دېكابىردىكى ھەل قىلغۇچى مۇسابىقە مەيدانىدا، ئەزەربەيجان، قازاقىستان، قىرغىزىستان، پاكىستان ۋە موڭغۇلىيە قاتارلىق بەش دۆلەت ۋە شىنجاڭنىڭ جايلاردىن كەلگەن 120 ئاشپەز مۇسابىقىگە قاتناشقان. بۇ مۇسابىقىنى دۇنيا جۇڭگوچە تائام بىرلەشمىسى ئۇيۇشتۇرغان، دۇنيا جۇڭگوچە تائاملار كەسپى بىرلەشمىسىنىڭ كارخانىچىلار كومىتېتى، خەلقئارا داڭلىق ئاشپەزلەر كومىتېتى، شىنجاڭ كەسپىي ئۇنېۋېرسىتېتى، جاڭ يۈەنسۇڭ خىزمەتخانىسى ھەمكارلاشقان، دۇنيا جۇڭگوچە تائاملار كەسپى بىرلەشمىسىنىڭ كارخانىچىلار كومىتېتى ئۆتكۈزۈشنى ئۈستىگە ئالغان.

     سۈرەتتە: مۇسابىقە مەيدانىدا بىر تاماشىبىن كۆرگەزمىدىكى قورۇمىلاردىن ھۇزۇرلانماقتا.