3 - ئاينىڭ 5 - كۈنى ، ئىتالىيە ئىنتېر مىلان كۇلۇبى ئۆزىنىڭ ئورگان تور بېكىتىدە مانچېستېر بىرلەشمىسى كاپىتانى ۋىدىچ بىلەن رەسمىي توختاملاشقانلىقىنى ، بۇ يىل يازدا ئەركىن توپچى سۈپىتىدە ئىنتېر مىلانغا قوشۇلىدىغانلىقىنى ئېلان قىلدى . خەۋەرلەرگە قارىغاندا ۋىدىچ ئىنتېر مىلان بىلەن 2 يىللىق توختام ئىمزالىغان ، يىللىق مائاشى 3 مىلىيون 500 مىڭ ياۋرۇ بولغان .

مانچېستېر بىرلەشمىسى ئالدىنقى ئايدىلا ۋىدىچنىڭ بۇ يىل يازدا كوماندىدىن ئايرىلىدىغانلىقىنى ئېلان قىلغان ، ئەينى ۋاقىتتا ئاخبارات ۋاستىلىرى ۋىدىچنىڭ كېيىنكى بېكىتى ئىنتېر مىلان بولىدۇ دەپ خەۋەر بەرگەن . 3 - ئاينىڭ 5 - كۈنى ئىنتېر مىلانمۇ بۇ خەۋەرنى ئۆزىنىڭ ئورگان تور بېكىتىدە ئېلان قىلغان .