ئۆزى ئاپتوموبىل ھەيدەپ ساياھەتكە چىقىشنى ياخشى كۆرىدىغان دوستلارنىڭ ھەممىسى بىر ئېسىل ئاپتوموبىلغا ئېرىشىشنى ئارزۇ قىلىدۇ، بولۇپمۇ ئۆي ئاپتوموبىلى ھەيدەپ ساياھەتكە چىقىش تېخىمۇ ھۇزۇرلۇق ئىش. ئۆزى ئاپتوموبىل ھەيدەپ 30 دىن ئارتۇق دۆلەتنى ساياھەت قىلغان Albert ئەر ئايالنىڭ مەخسۇس ئاپتوموبىلىنى كۆرگەن چېغىڭىزدا چوقۇم ھاڭ-تاڭ بولۇپ ئاغزىڭىز ئېچىلىپلا قالىدۇ، مانا بۇ ھەقىقىي ساياھەت . ئېيتىشلارغا قارىغاندا، تارىختىكى ئەڭ ھەشەمەتلىك بۇ خىلدىكى ئۆي ئاپتوموبىلىدىن دۇنيا پەقەت مۇشۇ بىرسىلا بار ئىكەن .

      Albert ئەر ئايالنىڭ بۇ مەخسۇس ئاپتوموبىلغا گېرمانىيە MAN شىركىتىنىڭ ھەربىي دالا ئاپتوموبىلىنىڭ تەگلىكى ئىشلىتىلگەن بولۇپ، MAN شىركىتىنىڭ ھەشەمەتلىك ئۆي ئاپتوموبىلى، ئاپتوموبىلغا 480 ئات كۈچلۈك موتور سەپلەنگەن، ئالتە چاقلىق سۆرىگۈچ ئورۇنلاشتۇرۇلغان بولۇپ مۇرەككەپ يەر شەكلىدە ھېچقانداق بېسىم ھېس قىلمايدۇ. ئەينەك پولاتلىق بىرىكمە تاختا يېنىك بولۇپ، چىرىتىشكە قارشى تۇرۇش ئىقتىدارى كۈچلۈك .

       پۈتۈن ئاپتوموبىلغا ئىسسىقلىق ساقلاش قۇرۇلمىسى ئورنىتىلغان بولۇپ، يۇقىرى ئۈنۈملۈك پار سىستېمىسى ۋە يۇقىرى سۈپەتلىك ھاۋا تەڭشەش سىستېمىسى℃45-~ ℃50- گىرادۇسلۇق سوغۇققا بەرداشلىق بېرەلەيدۇ، بارلىق ماي يولى ۋە سۇ يولىغا بىردەك توڭلاشتىن ساقلىنىش قۇرۇلمىسى ئورنىتىلغان. 800 لىتىرلىق دەرىجىدىن تاشقىرى چوڭ ماي باكى 2500 كىلومېتىرلىق مۇساپىگە بەرداشلىق بېرەلەيدۇ. پۈتۈن ئاپتوماتىك بالون كۆزىتىش يەل قاچىلاش سىستېمىسى ھەيدەش جەريانىدا بىر كۇنۇپكا بىلەن كونترول قىلىنىدۇ.

      ھەشەمەتلىك ئىچكى لايىھە قوللىنىلغان، مۇۋاپىق ئورۇنلاشتۇرۇلغان مېھمانخانا ۋە ئۈستۈنكى ياتاق ئۆي ئىنتايىن ئازادە. ئائىلە ئېلېكتىر سايمانلىرى ۋە تۇرمۇش ئەسلىھەلىرىنىڭ ھەممىسى تولۇق، كابىنكا بىلەن ئۆي قىسىمى كارىدور بىلەن تۇتاشتۇرۇلغان بولۇپ، دالا ساياھىتىنىڭ بىخەتەرلىكى ئۆستۈرۈلگەن.