ئىسپانىيە «دۇنيا تەنتەربىيە گېزىتى» نىڭ ئانالىز قىلىشىچە، نېيمارنىڭ دۆلەت دېربىيسى كۈنى ئۇدا ئىككى مەيدان مۇسابىقە ئوينىغانلىقىنى ئويلىشىپ، برازىلىيە يۇلتۇزى فىفا ۋىرۇسىنىڭ تەسىرىگە ئۇچرىشى مۇمكىن، يەنە بىر بارسېلوناغا پايدىسىز خەۋەر بولسا، راكىتىچ يارىدار بولۇش سەۋەبلىك دۆلەت دېربىيسىغا قاتنىشالماسلىقى مۇمكىن.

دۆلەت دېربىيسى كۈنى نېيمار برازىلىيەگە ئەگىشىپ دۇنيا لوڭقىسى سالاھىيەت مۇسابىقىسىگە قاتناشتى، ئارگېنتىنا ۋە پېرۇ بىلەن بولغان ئىككى مەيدان مۇسابىقىدە برازىلىيە يۇلتۇزى ئۇدا مەيدانغا چىقتى، جەمئىي 180 مىنۇت مۇسابىقە ئوينىدى، گەرچە برازىلىيە بىر مەيدان غەلبە قىلىپ بىر مەيدان تەڭلەشكەن نەتىجىسى ياخشى بولسىمۇ، ئەمما نېيمارنىڭ بەدەن قۇۋىتى كۆپ خورىدى، بۇنىڭغا قوشۇلۇپ برازىلىيە يۇلتۇزى يەنە سەپەر جاپاسىغا ئۇچرىدى، شۇ سەۋەبتىن، ئىسپانىيەگە قايىتقاندىن كېيىن، نېيمارنىڭ بەدەن قۇۋەت ئەھۋالىنىڭ قانداقلىقى بىر ئېنىقسىز سان.

«دۇنيا تەنتەربىيە گېزىتى» نېيمار فىفا ۋىرۇسى تەسىرىگە ئۇچرىشى مۇمكىن، دۆلەت كوماندىسىدىن ھېرىپ قايتىپ كەلگەنلىكتىن، نېيمارنىڭ ھالىتىگە سۇئال بەلگىسى قويۇلدى دەپ قارىدى، بىراق بۇندىن ئىلگىرى نېيمار ئىسپانىيە بىرلەشمىسىدە قالتىس ئىپادىسىنى جارى قىلدۇرغان، 11 توپ كىرگۈزۈپ، ئۈچ ياردەمچى پاس بەرگەن.

«دۇنيا تەنتەربىيە گېزىتى» ئوخشاشلا راكىتىچنىڭ دېربىيدا مەيدانغا چىقىش-چىقماسلىقىغىمۇ گۇمان بىلەن قارىدى، ئوڭ پۇت پاقالچاق بېلىقسىمان مۇسكۇلى يارىلانغانلىقتىن، راكىتىچ كرودىيە دۆلەت كوماندىسىنىڭ مۇسابىقىسىگە قاتناشمىدى. ئارام ئېلىش ۋاقتىدىن پايدىلىنىپ، راكىتىچ كومپيۇتېردا كرودىيە بىلەن روسىيەنىڭ دوستلۇق مۇسابىقىسىنى كۆردى.

ئىگەللىنىشىچە، ناۋادا راكىتىچ مەيدانغا چىقالمىسا، ئۇنداقتا ئۇنىڭ ئورنىغا روبېرتو ئالمىشىدىكەن، يېقىنقى ئىككى ئايدا روبېرتونىڭ ئىشەنچى ئاشتى، ئىپادىسىمۇ يامان ئەمەس.

سۇيارىزنىڭ نۆۋەتتە ئىپادىسى قالتىس، نېيمارنىڭ بەدەن قۇۋىتى خورىغان، مېسسىنىڭ ئىپادىسى ئېنىقسىز ئەھۋالدا، بارسېلونا بەلكىم سۇيارىزنى قايتا قوزغىتىشى مۇمكىن.