كورىيە بىرلەشمە ئاگېنتلىقىنىڭ 17-دېكابىردىكى خەۋىرىگە قارىغاندا، كورىيە بىلەن ئامېرىكا 17-دېكابىر چاۋشيەننىڭ باكتېرىيە ئۇرۇش قوزغاش ئېھتىماللىقىغا قارتا بىرلەشمە بايانات ئېلان قىلغان، ئىككى تەرەپ بىردەك ھالدا باكتېرىيە ئۇرۇشىدىن مۇداپىئە كۆرۈش جەھەتتە ھەمكارلىشىپ، چاۋشيەندىن كېلىدىغان تەھدىتكە تاقابىل تۇرۇش زۆرۈر دەپ قارىدى.    كورىيە دۆلەت مۇداپىئە مىنىستىرلىكىنىڭ ئەمەلدارى جاڭ جىڭشيۇ بىلەن كورىيەدە تۇرۇشلۇق ئامېرىكا ئارمىيەسىنىڭ مەسلىھەتچىسى روبىت خىزىلون 17-دېكابىر سىئولنىڭ لوڭشەندە تۇرۇشلۇق ئامېرىكا ئارمىيە بازىسىدا بىرلەشمە بايانات قىلغان بولۇپ، ئىككى تەرەپ مۇنداق دەپ بىلدۈردى: بىز چاۋشيەننىڭ نۆۋەتتە كاربون تاياقچە باكتېرىيەسى، ۋابا كېسىلى قاتارلىق 13 خىل تۈردىكى بىيولوگىيەلىك قوراللارغا ئىگە بولغانلىقىنى قىياس قىلدۇق، بۇ نەرسىلەر تېررورلۇق ھۇجۇمى ياكى ئومۇميۈزلۈك ئۇرۇشتا ئىشلىتىلىشى مۇمكىن.

     باياناتتا يەنە مۇنداق دېيىلدى: بۇ ئەھۋالغا تاقابىل تۇرۇش ئۈچۈن، كورىيە بىلەن ئامېرىكا داۋاملىق بىرلەشمە ھەربىي مانېۋىرى ئېلىپ بارغاندىن سىرت يەنە، ئىككى تەرەپنىڭ بىيولوگىيەلىك قوراللاردىن مۇداپىئەلىنىش ئىقتىدارىنى كۈچەيتىدۇ، ھەمدە بۇ ئارقىلىق كورىيە خەلقى ۋە كورىيە بىلەن ئامېرىكىنىڭ بىرلەشمە ئارمىيەسىنىڭ بىخەتەرلىكىگە كاپالەتلىك قىلىدۇ.