جۇڭگو ئاخبارات تورىنىڭ 1-ماي بېيجىڭدىن بەرگەن خەۋىرى، لەگلەك تورى تەرجىمىسى:

1-ماي فرانسىيە ئاخبارات ئاگېنتلىقى خەۋىرىگە قارىغاندا: يېقىندا نېپالدا يۈز بەرگەن 8.1 بال يەر تەۋرەش سەۋەبىدىن 6200 ئادەم قازا قىلغان، 14 مىڭغا يېقىن ئادەم يارىلانغان.

ئۇنىڭدىن باشقا كۆمۈلۈپ قالغىلى بەش كۈندىن ئاشقان ئىككى نەپەر ھايات قالغۇچىنى قۇتقۇزۇش ئەترىتى خارابىلىقتىن ئوڭۇشلۇق قۇتقۇزۇپ چىققان.

ب د ت نىڭ بىلدۈرۈشىچە، تەخمىنەن 8 مىليون 100 مىڭ ئادەم يەر تەۋرەش ئاپىتىنىڭ تەسىرىگە ئۇچۇرغان بولۇپ نېپال ئاھالىسىنىڭ تۆتتىن بىر قىسمىدىن ئېشىپ كەتكەن، بۇنىڭ ئىچىدە 1 مىليون 400 مىڭ ئادەم جىددى تارقاقلاشتۇرۇلغان، ئەمما ئاپەتكە ئۇچرىغان خەلقنىڭ تۇرمۇشى يەنىلا غايەت زور خىرىسقا دۇچ كەلمەكتە.