تىل راكى ئوتتۇرا ياش ۋە ياشانغانلاردا كۆپرەك كۆرۈلىدىغان كېسەللىكلەرنىڭ بىرى بولۇپ، ئەرلەرنىڭ بۇ كېسەللىككە گىرىپتار بولۇش نىسبىتى ئاياللارنىڭكىدىن يۇقىرى ئىكەن. بۇ كېسەللىك ئىچكى ۋە تاشقى سەۋەبلەردىن كېلىپ چىقىدىكەن. ئىچكى سەۋەپ قاتتىق جىددىيلىشىش، ئىممۇنىتېت كۈچى ئاجىز بولۇش، ئىچكى ئاجرالمىلار قالايمىقانلىشىش، ئىرسىيەت قاتارلىقلارنى كۆرسىتىدىكەن. تاشقى سەۋەپ زىيادە قىززىق ۋە ئاچچىق يېمەكلىكلەرنى يېيىش، ھەرخىل نۇر ۋە ئاستا خاراكتېرلىك يارلىنىش قاتارلىقلارنى كۆرسىتىدىكەن. ئەگەر تىلنىڭ ئۈستىدە جاراھەت پەيدا بولۇپ ئۇزۇنغىچە ساقايمىسا ياكى تىلنىڭ ئۈستىدە ئاق دانىچە پەيدا بولسا تىل راكى پەيدا بولۇش ئېھتىماللىقى يۇقىرى بولىدىكەن.