ئۇكرائىنا سەھىيە مىنىستىرى كۋىتاشۋېيلنىڭ بىلدۈرىشىچە، ئۇكرائىنادا تارقىلىشچان زۇكام بىلەن يۇقۇملىنىش ئەھۋالى ئېغىر بولغان.

كۋىتاشۋېيل شۇ كۈنى پايتەخت كيېۋدا ئېچىلغان مۇخبىرلارنى كۈتىۋېلىش يىغىنىدا مۇنداق دېدى : «بۇلتۇر 10-ئايدىن باشلاپ ھازىرغىچە، ئۇكرائىنادا تىزىملانغان تارقىلىشچان زۇكام بىلەن يۇقۇملانغۇچىلار جەمئىي 2 مىليون 600 مىڭغا يەتتى، ھازىرغىچە 83 كىشى تارقىلىشچان زۇكام سەۋەبىدىن قازا قىلدى. ئۇكرائىنادىكى تارقىلىشچان زۇكام بايقالغان 24 ئوبلاستتتا يۇقۇملىنىش ئەھۋالى ئەڭ ئېغىر بولغىنى رېۋنى ئوبللاستى ئىكەن.

      بۇندىن بۇرۇن، ئۇكرائىنا سەھىيە مىنىستىرلىكى بۇ قېتىملىق تارقىلىشچان زۇكامنىڭ پەقەتلا پەسىل خارەكتىرلىك زۇكام ئىكەنلىكىنى ئېلان قىلغان بولۇپ، ئەينى ۋاقىتتا يۇقۇملىنىش ئەھۋالى ھازىرقىدەك ئېغىر بولمىغان.

     ئۇكرائىنا سەھىيە مىنىستىرلىقى ئېلان قىلغان ماتېرىيالدا ، يېقىنقى 10 يىلدىن بۇيان، ئۇكرائىنادا تارقىلىشچان زۇكام يۇقۇم ئەھۋالى ئەڭ ئېغىر بولغان يىل 2010 - يىلى ۋە 2011 - يىلى بولۇپ، ئايرىم ئايرىم ھالدا 282 ئادەم ۋە 91 ئادەم تارقىلىشچان زۇكام سەۋەبلىك قازا قىلغان.