شاھرۇھ خان ۋە كاجول باش رول ئالغان «Dilwale» يېقىندا كىنوخانىلاردا قويۇلدى. بوللىۋودتىكى ئەڭ قارشى ئېلىشقا ئېرىشكەن ئېكران بىر جۈپلىرى شاھرۇھ خان ۋە كاجول ئىلگىرىكى قېتىملىق ھەمكارلىقىدىن بەش يىلدىن كېيىن تۇنجى قېتىم بۇ فىلىمدە ھەمكارلاشقانلىقى ئۈچۈن، بۇ فىلىم كىشىلەر 2015-يىلىدا ئەڭ تەقەززا بولغان كىنوغا ئايلانغان. فىلىم بۇ جۈمە كۈنى قويۇلغاندىن كېيىن بېلەت كىرىمى ياخشى بولغان بولسىمۇ لېكىن مۆلچەردىكىدەك «بېلەت كىرىمى رىۋايىتى» بولۇشتىن خېلى يىراق.

    فىلىم 12-ئاينىڭ 18-كۈنى تۇنجى قويۇلغاندا 200 مىليون رۇپىيە (3.1 مىليون دوللار) بېلەت كىرىمى يارىتىپ بۇ يىلقى تۇنجى قويۇلۇش بېلەت كىرىمى ئۈچىنچى يۇقىرى فىلىم بولغان. ئالدىنقى ئورۇندىكىسى سالمان خاننىڭ فىلىمى «Prem Ratan Dhan Payo» ۋە «Bajrangi Bhaijaan». لېكىن ئىككىنچى كۈنى«Dilwale»نىڭ بېلەت كىرىمىدە ئازراق چۈشۈش پەيدا بولغان، 200 مىليون رۇپىيە بېلەت كىرىمى يارىتالىغان. شۇنىڭدىن تارتىپ ئىزچىل چۈشۈش پەيدا بولغان، دۈشەنبە كۈنى سودا 100 مىليون رۇپىيە، سەيشەنبە كۈنى 90 مىليون رۇپىيە بولۇپ، ھازىرچە ئومۇمىي بېلەت كىرىمى 846 مىليون رۇپىيەگە يەتكەن. فىلىمنىڭ شەرەپلىك «1مىليارد رۇپىيە بېلەت كىرىمى ياراتقان كىنولار كۇلۇبى» غا كىرىشىگە يەنە ئازراق ۋاقىت بار.

    كىنو بېلەت كىرىمىنىڭ بەك ئالاھىدە كۆرۈنەرلىك بولماسلىقىغا كىنو ئېرىشكەن باھانىڭ تۆۋەن بولۇشى ۋە كىنو قويۇلغان ۋاقىتنىڭ دەم ئېلىش كۈنى بولماسلىقى، قويۇلغان كىنوخانا سانىنىڭ ئاز بولۇشى، دۆلەت ئىچىدە ۋە سىرتىدا كۈچلۈك فىلىملەر بىلەن دوقۇرۇشۇپ قېلىشى قاتارلىق كۆپ خىل ئامىللار سەۋەب بولغان بولۇشى مۇمكىن.