ئىسلام دۆلىتى: سەئۇدى ئەرەبىستانى مەسچىتكە بومبا بىلەن ھۇجۇم قىلدۇق

جۇڭگو ئۇيغۇرچە رادىيو تورى 7-ئاۋغۇست بېيجىڭ خەۋىرى:
ئەسەبىي تەشكىلاتى «ئىراق ۋە شام ئىسلام دۆلىتى» 6-ئاۋغۇست مۇنداق دېدى: تەشكىلاتىمىز شۇ كۈنى سەئۇدى ئەرەبىستانىنىڭ غەربىدىكى بىر مەسچىتكە ئۆزىنى قوشۇپ پارتلىتىش بومبا ھۇجۇمى قوزغىدى. بۇ قېتىمقى ھۇجۇمدا 15 ئادەم قازا قىلدى، يەتتە ئادەم يارىلاندى. پارتلاش يۈز بەرگەندىن كېيىن، «ئىراق ۋە شام ئىسلام دۆلىتى» ئىجتىمائىي ئالاقە تورىدا بايانات ئېلان قىلىپ، بۇ قېتىمقى ھۇجۇمنى ئۆزلىرى قىلغانلىقىنى ھەمدە ئەرەب ئەللىرىدە تېخىمۇ كۆپ ھۇجۇم قوزغايدىغانلىقىنى بىلدۈردى. خەۋپسىزلىك كېڭىشى 6-ئاۋغۇست بايانات ئېلان قىلىپ، ئەڭ قاتتىق سۆزلەر بىلەن بۇ قېتىمقى ھۇجۇمنى ئەيىبلىدى. خەۋپسىزلىك كېڭىشى «ئىراق ۋە شام ئىسلام دۆلىتى»نى چوقۇم تارمار قىلىدىغانلىقى ھەمدە ئۇ تەشەببۇس قىلغان يۇرتۋازلىق، زوراۋانلىق ۋە ئۆچمەنلىكىنى يوقۇتۇپ، ھۇجۇم قوزغىغان تېررورچىنى قانۇن بويىچە جازالايدىغانلىقىنى بىلدۈردى.