دۆلەتلىك تەرەققىيات ئىسلاھات كومىتېتى، دۆلەتلىك ئېنېرگىيە ئىدارىسى، بىخەتەر ئىشلەپچىقىرىشنى نازارەت قىلىپ باشقۇرۇش باش ئىدارىسى ۋە دۆلەتلىك كۆمۈر نازارەت قىلىش ئىدارىسى چىقارغان قالاق، كىچىك كۆمۈر كانلارنى شاللىۋېتىش نىشانىغا ئاساسەن 2015-يىلىنىڭ ئاخىرىغىچە، مەملىكەت بويىچە 2000 دىن ئارتۇق جايدىكى كىچىك كۆمۈر كانلار تاقىۋېتىلىدۇ.

ئىگىلىنىشىچە، 2013-يىلى مەملىكەت بويىچە 711 جايدىكى كىچىك كۆمۈر كان تاقالغان. بىخەتەر ئىشلەپچىقىرىشنى نازارەت قىلىش باش ئىدارىسىنىڭ مۇئاۋىن باشلىقى، دۆلەتلىك كۆمۈر نازارەتچىلىك ئىدارىسىنىڭ باشلىقى فۇ جيەنخۇا مۇنۇلارنى ئوتتۇرىغا قويدى: خېيلۇڭجياڭ، يۈننەن، گۈيجۇ، خۇنەن، خۇبېي، جياڭشى، سىچۈەن، چۇڭچىڭ قاتارلىق كىچىك كۆمۈر كانلار كۆپ ئۆلكىلەر تاقىۋېتىش كۈچىنى ئاشۇرۇشى كېرەك. 2015-يىلىنىڭ ئاخىرىدىن بۇرۇن، 90 مىڭ توننا ۋە ئۇنىڭدىن تۆۋەن كۆمۈر ۋە گاز مەسىلىسى گەۋدىلىك بولغان كانلارنىڭ ھەممىسى تاقىلىدۇ.