جىنشىڭ بىڭبىڭ كونا رەقىبلەر يەنە ئۇچرىشىپ قالدى

    2015-يىلى 8-ئايدا، جىنشىڭ ئۇستاز ئۆزىنىڭ پروگراممىسىدا داڭلىق چولپان فەن بىڭبىڭنى ئۆزىگە تەئەللۇق ئەسىرى يوق، پەقەت ئەرلەر بىلەن بولغان مۇناسىۋىتى ئارقىلىق ئۆزىنى تونىتىدۇ، دېگەن ئىدى، ئارقىدىنلا بۇ ۋەقە فەن بىڭبىڭنىڭ مەستانىلىرىنىڭ كۈچلۈك نازارىلىقىنى قوزغاپ جىنشىڭ ئۇستاز مەستانىلەرنىڭ قاتتىق تىللىشىغا ئۇچرىدى؛ كىم بىلسۇن بۇ رەقىبلەر يېقىندا «دۆلەتلىك تېلىۋىزىيە فىلىملىرىنى باھالاش تەنتەنىلىك مۇراسىمى»دا، رىياسەتچى ھەم مۇكاپاتقا ئېرىشكۈچى سالاھىيىتىدە يەنە ئۇچرىشىپ قالدى، بۇ ئۇلارنىڭ رېئال تۇرمۇشتا تۇنجى قېتىم يۈزتۇرانە ئۇچرىشىشى ھېسابلىنىدۇ.

    جىنشىڭ ئۇستاز ئاكتىپلىق بىلەن فەن بىڭبىڭنىڭ ئالدىغا بېرىپ ئۇنىڭ بىلەن قول سىقىشپ كۆرۈشتى ھەم ھەييارلىق بىلەن:«بىڭبىڭ سىڭلىم سىز كەلگەن ئىكەنسىز، مېنىڭ ئەلۋەتتە سىزدىن سورايدىغان سوئاللىرىم بار، تەييارلىقىڭىز پۇختىدۇ؟» دېدى، فەن بىڭبىڭمۇ مەنىلىك كۈلۈمسىرىگىنىچە «تەييارلىنىپ بولدۇم» دەپ جاۋاب بەردى، قارىغاندا فەن بىڭبىڭمۇ بۇ قېتىم بوش كەلمەيدىغان ئوخشايدۇ.

    جىنشىڭ بىڭبىڭنىڭ قولىنى تۇتۇپ تۇرۇپ:«بىزنىڭ كالا كەلدىمۇ؟ ‹كالا بىڭبىڭنىڭ ئوغۇل دوستىنىڭ لەقىمى› بىڭ بىڭ چىرايلىقمۇ؟» دەپ سورىغاندا تۆۋەندە ئولتۇرغان لى چېن بېشىنى توختىماي لىڭشىتىپ قىز دوستىنىڭ چىرايلىق ئىكەنلىكىنى بىلدۈردى.

    بىڭبىڭنىڭ ئەڭ جەلپ قىلارلىق يېرى سورالغاندا لى چېن «ئەخلاقى» دەپ توۋلىدى، بىرەر ئېغىز گەپ تېپىشنى ئويلىغان جىنشىڭنىڭ ئاغزى تۇۋاقلىنىپ قالدى-دە، ئىتتىكلا «قىزلارنىڭ ئەخلاقىنى مۇھىم بىلگەن ئەرلەر ياخشى ئەرلەر» دەپ لى چېننى ماختىدى، بىڭبىڭمۇ ئاكتىپلىق بىلەن جىنشىڭنىڭ پروگراممىسىغا قاتنىشىدىغانلىقىنى بىلدۈردى؛