جاھان ئاگېنتلىقى 25-فېۋرال خەۋىرى؛ لەگلەك تورى تەرجىمىسى: قانۇنسىز يوللار بىلەن ياۋرۇپا ئىتتىپاقى دۆلەتلىرىگە كۆچۈپ بارغان 73 كوسوۋولۇق پاناھلانغۇچى ئايرۇپىلان بىلەن دۆلىتىگە قايتۇرۋېتىلدى. تېخىمۇ ياخشى تۇرمۇش كەچۈرۈش ئىستىكىدە دۆلىتىنى تاشلاپ ياۋرۇپا ئىتتىپاقى ئەللىرىگە كەلگەن 73 كوسوۋولۇق ۋېنگىرىيە پايتەختى بۇداپىشتتىن ئۇچقان ئايرۇپىلان بىلەن پرىشتىنەدىكى «ئادەم ياشارى» ئايرۇدرومىغا ئېلىپ كېلىندى. كوسوۋلۇق مۇساپىر بەتىم ئۇكا 40 كۈندىن بۇيان ۋېنگىريەدىكى بىر تۈرمىدە تۇتۇلغاندىن كېيىن دۆلىتىگە قايتۇرۋېتىلگەن، ئۇ ئالدىمىزدىكى ھەپتە يەنە ياۋرۇپا دۆلەتلىرىگە كۆچۈپ كېتىشنى پىلانلاۋاتقانلىقىنى ئېيتتى. ئۇ بۇنىڭدىن بۇرۇن ئۈچ قېتىم ياۋرۇپا ئەللىرىگە قانۇنسىز يوللار ئارقىلىق بارغانلىقىنى تىلغا ئېلىپ، «مەن بۇ يەردىن كېتىمەن، چۈنكى بۇ يەردە ھېچنەرسە يوق» دېدى. كوسوۋوغا قايتۇرۋېتىلگەن مۇساپىرلاردىن مىتروۋىتسالى سانيا كۇزمانوۋچمۇ ئايالى ۋە باللىرى بىلەن ئىككى يىلدىن بېرى شىۋىتىسيەدە ياشاۋاتقانلىقىنى ئەمما بۇ دۆلەتتە ئىقامەت قىلىش ئۈچۈن كىرەكلىك ماتىرياللارنى تەييارلاشنىڭ قىيىن ئىكەنلىكىنى تىلغا ئالدى. كۇزمانوۋچ شىۋىتسىيەدىكى ئىككى يىللىق تۇرمۇشى ھەققىدە توختىلىپ، «سىز بارسىڭىز قايتۇرىۋېتىدۇ، سومكىڭىزنى تەييارلىۋېلىشقا ھەم ۋاقىت يوق، شۇنداقتىمۇ يەنە شىۋىتىيەگە رەھمەت، ئۇ يەردە تۇرساق ھەممە ئىشىمىز خاتىرجەم ۋە رەتلىك» دېدى.

بۇ مەزگىلدە سىربييە ئارقىلىق ۋېنگىرىيەگە كىرگەن كوسوۋولۇق مۇساپىرلار تۇرىۋاتقان ئورۇنلارنىڭ بىرىدە ئىككى ياشلىق بىر كوسوۋولۇق بالىنىڭ ھاياتىدىن ئايرىلغانلىقى بىلدۈرۈلدى. رەسمى بولمىغان ئىستاستىكىلارغا قارىغاندا، يېقىنقى ئۈچ ئاي ئىچىدە 50 مىڭدىن ئارتۇق كوسوۋولۇق سىربىيە ئارقىلىق ۋېنگىرىيەگە، ئۇ يەردىن باشقا ياۋرۇپا دۆلەتلىرىگە قانۇنسىز يوللار ئارقىلىق كۆچكەن.