چەتئەل تاراتقۇلىرىنىڭ خەۋىرىگە ئاساسلانغاندا، ھىندىستانلىق بىر ئايال يېقىندا، تۇتاش تەنلىك قوشكېزەك يەڭگىگەن بولۇپ، بۇ قوشكېزەكنىڭ  ئىككى بېشى، تۆت قولى، ئىككى پۇتى بار ئىكەن. كىشىلەر بۇ قوشكېزەكلەرنىڭ بۇ ھالىتىدىن تولىمۇ ھەيران قالدى. گەرچە بۇ قوشكېزەكلەر ناھايىتى ساغلام بولسىمۇ، بىراق دوختۇرلارنىڭ قارىشىچە، ئۇلارنىڭ ھايات قېلىش نىسبىتى ناھايىتى تۆۋەن ئىكەن.   خەۋەرلەردە ئېيتىلىشىچە، 25 ياشلىق ئايال دېۋى يېقىندا، تۇتاش تەنلىك قوشكېزەك تۇغقان بولۇپ، ئۇلار قورساق قىسمىدىن تۇتۇشۇپ تۇرىدىكەن ھەمدە ئۇلارنىڭ كۆپ قىسىم ئەزالىرى ئورتاق ئىكەن.

    ئۇنىڭ يولدىشى مۇنداق دېدى:«مەن ئەزەلدىن مېنىڭ تۇتاش تەنلىك بالام بولىدىغانلىقىنى ئويلاپ باقىمىغان، بالىلار دوختۇرخانىدىن چىققان ھامان، ئۇلارنى چوڭ دوختۇرخانىغا ئېلىپ بېرىپ، مۇتەخەسىسلەردىن ئايرىش ئوپېراتسىيەسى قىلدۇرۇش مەسلىھەتى سورايمەن».

 دېۋىنى تۇغدۇرۇشقا مەسئۇل دوختۇرنىڭ قارىشىچە، بۇ قوشكېزەكلەرنىڭ سالامەتلىكى ناھايىتى ياخشى بولۇپ، ئالاھىدە كۆزىتىش ئۆيىگە ئورۇنلاشتۇرۇشنىڭ ھاجىتى يوق ئىكەن. بىراق تۇتاش تەنلىك بوۋاقلارنىڭ ھايات قېلىش نىسبىتى ناھايىتى تۆۋەن بولۇپ، ئۆمرى تولىمۇ قىسقا بولىدىكەن.

     ئىگىلىنىشىچە، دېۋى ئەزەلدىن ئۇلترا ئاۋاز دولقۇنىلىق تەكشۈرۈش ئاپپاراتىدا تەكشۈرۈتۈپ باقمىغان بولۇپ، ھامىلدارلىق مەزگىلىدىمۇ غەلىتىلىك ھېس قىلمىغان، تۇغۇتىدىن ئىلگىرىكى تەكشۈرۈشتىمۇ ھېچقانداق غەلىتە ئەھۋال بايقالمىغان. دوختۇرلارنىڭ ئېيتىشىچە، ئۇلار بالىلارنى تۇغدۇرىدىغان ۋاقىتتىلا ئاندىن ئۇلارنىڭ تۇتاش تەنلىك قوشكېزەك ئىكەنلىكىنى بايقىغان.