سۇمرۇغ تورى خەۋىرى : لەگلەك تورى تەرجىمىسى

روسىيە ئاخبارات تورىنىڭ خەۋىرىگە ئاساسلانغاندا ئوكرائىنانىڭ قىرىم ئاپتۇنۇم جۇمھۇرىيتى 5-چىسىلا قىرىمدا ئۆزىنىڭ قانۇن ئىجرا قىلىش ۋە بىخەتەرلىك ئورگانلىرىنى قۇرىدىغانلىقىنى جاكارلىغان.
  قىرىم پارلامىنتىنىڭ باشلىقى ۋىلادىمىر كاستادىنوف قىرىمدا ئۆزىنىڭ پىروكىراتۇر ئىشخانىسى، ئىچكى ئىشلار بۆلىمى ۋە بىخەتەرلىك تارماقلىرىنى قۇرىدىغانلىقىنى بىلدۈردى.
  قىرىمنىڭ پورت شەھرى سىۋاستوپۇل ئوكرائىنانىڭ دېڭىز ئارمىيسى شۇنىڭدەك روسىيە قارا دېڭىز فىلوتىنىڭ باش قۇماندانلىق شىتابى تۇرۇشلۇق جاي بولۇپ، ئالاھىدە يەر ئالاھىدىلىكىگە ئىگە. سىۋاستوپۇل مەمۇرى باشقۇرۇش جەھەتتە ئەتراپىدىكى قىرىم ئاپتۇنۇم جۇمھۇرىيتىگە قاراشلىق باشقا رايۇنلاردىن ئايرىۋىتىلگەن.

كاستادىنوف سىۋاستوپۇلنىڭ ئاپتۇنۇم جۇمھورىيەتكە كىرىش كىرمەسلىكى شۇ يەر ۋاقتى 3-ئاينىڭ 30-كۈنى ئومۇمى خەلقنىڭ ئاۋازىغا قۇيۇپ قارار قىلىنىدۇ دىدى.
   ئوكرائىنانىڭ ئاۋالقى زۇڭتۇڭى ياناكوۋىچ ئالدىنىقى ئاينىڭ 22-كۈنى ئوكرائىنا پارلامىنتى تەرىپىدىن زۇڭتۇڭلۇق ۋەزىپىسىدىن قالدۇرۇلغاندىن بۇيان، قىرىمنىڭ ئوكرائىنادىن ئايرىلىپ چىقىشنى مۇراجئەت قىلىدىغان سادالار ئۆزلۈكسىز يۇقۇرى پەللىگە كۈتۈرۈلمەكتە. ياناكوۋىچ ۋەزىپىسىدىن قالدۇرۇلغاندىن كىيىن ئوكرائىنادا ۋاقىتلىق ھۆكۈمەت قۇرۇلغان بولسىمۇ قىرىم تەرەپ بۇ ۋاقىتلىق ھۆكۈمەتنى ئىتراپ قىلماي كەلدى.