ئىنسانلارنىڭ تاشقى پىلانېتا جانلىقلىرى توغرىسىدا ئېلىپ بارغان مۇھاكىمە ۋە تەتقىقاتى ئەزەلدىن توختاپ قالمىغان. ئىنسانلار تاشقى پىلانېتا جانلىقلىرى بىلەن ئالاقە قىلىشى كېرەكمۇ ؟ بۇنىڭغا ئالاقىدار مۇنازىرىلەر داۋاملاشماقتا. ئەنگىلىيە ‹‹ ئەينەك گېزىتى›› نىڭ 12-فېۋرالدىكى خەۋىرىگە قارىغاندا، ئەنگلىيەدىكى تاشقى پىلانېتا جانلىقلىرى تەتقىقات مەركىزىنىڭ مۇدىرى سېس شوستاك: ئىنسانلار تېز سۈرئەتتە تاشقى پىلانېتا جانلىقلىرى بىلەن ئالاقە قىلىشى كېرەك، دېگەن.

دوكتور سېس 30 يىلدىن بۇيان ئالەم بوشلۇقىغا سېگنال تارقىتىش ئارقىلىق تاشقى پىلانېتا جانلىقلىرى بىلەن ئالاقە تۇرغۇزۇش توغرىسىدا تەتقىقات ئېلىپ بارغان. ئۇنىڭ ئېيتىشىچە، ئىنسانلار ئەڭ تېز سۈرئەتتە، تەشەببۇسكارلىق بىلەن باشقا پىلانېتادىكى ئەقلىي ئىقتىدارغا ئىگە جانلىقلار بىلەن ئالاقە تۇرغۇزۇشى كېرەك ئىكەن. ئۇ: بەزىلەر بۇنداق قىلىشنى ئىنتايىن خەتەرلىك، تاشقى پىلانېتا جانلىقلىرى يەرشارىغا تاجاۋۇز قىلىپ، ماكانىمىزنى يوق قىلىۋېتىشى مۇمكىن دەپ ئويلايدۇ ، ئەمما مەن ئۇنداق ئويلىمايمەن، ئەگەر ئۇلارنىڭ ھەقىقەتەن مۇشۇنداق غەرىزى ۋە ئىقتىدارى بولغان بولسا ئۇلار نىزامان شۇنداق قىلغان بولاتتى، شۇڭا بىز چوقۇم ئۇلار بىلەن تەشەببۇسكار ھالدا دوستانە مۇناسىۋەت ئورنىتىشىمىز كېرەك، دېگەن.