ئەزىزتۈرك: ئەدەبىيات مەن ئۈچۈن ئاددى بىر ھەۋەس ئەمەس بەلكى شېرىن مەسئۇلىيەت.(بىلوگدىكى تېمىلار UKIJ Tuz Tom خەت نۇسخىسىدا تەييارلانغان. نورمال كۆرۈنمىسە، خەت نۇسخىسىنى بۇ يەرنى چېكىپ چۈشۈرۈپ، font ئىچىگە قاچىلاڭ!)

  • 2011-02-25

    چىمەنلەردە مېنى ئۇنۇتماڭ - [رەشىد ئەدەبىي ئەسەرلىرى]

    چىمەنلەردە مېنى ئۇنۇتماڭ

    ئابدۇرەشىد مۇھەممەدئىمىن

     

             مەن يوق بەلكىم خۇش يانىڭىزدا،

             ۋە يا يالغۇز ئۆي، خانىڭىزدا،

             بىراق سىز سىز مېنىڭ ۋەتەنىم،

             چىمەنلەردە مېنى ئۇنۇتماڭ.

     

             ئارا بىزگە شۇنچىلىك يېراق،

             يۈرەكلەردە سېغىنىش پىراق،

             جاندەك يېقىن ماڭا سىز جانىم،

             چىمەنلەردە مېنى ئۇنۇتماڭ.

     

             قەلبىڭىزدە مەن بولسام ئاپتاپ،

             تەنھالىقتىن يۈرمەڭىز قاخشاپ،

             گۈللەر كەبى ئۆزىڭىز ئاسراپ،

             چىمەنلەردە مېنى ئۇنۇتماڭ.

     

             ۋىسال بەزى يالغانچى بولار،

             كۆزىمىزگە قانۇ-ياش تولار،

             ئۈمىد ئۈزمەڭ مېنىڭدىن، مەندەك...

             چىمەنلەردە مېنى ئۇنۇتماڭ.

     

             قۇشلار سايراپ ئۆتكەندە باشتىن،

             ئېقىن ئويناپ ئاققاندا تاشتىن،

             سەيلە قىلىپ كۈلگەندە جانىم،

             چىمەنلەردە مېنى ئۇنۇتماڭ.

     

     

    分享到：

    历史上的今天：