ئۇيغۇربەگ تور تۇرايىدىكى ئىنكاس رايونى ئۈنۈمىگە قىزىققان بەزى تورداشلار ئۇنى قانداق ھاسىل قىلىدىغانلىقى ھەققىدە سۇئاللار سوراشقانىدى،بۈگۈن،بۇ ئۈنۈملەرنى قانداق ھەل قىلىش توغرىسىدا بىر يازما تەييارلاپ چىقتىم،قېنى،ھەۋەسكارلار بىرلىكدە ئىزدىنىپ چىقايلى.

Pjblogدىن ئايرىلىپ،Wordpressكە كۆچۈپ كېلىۋالغانلىقىمغىمۇ بىر ئايدىن ئېشىپ كەتتى،كۆچۈشنىڭ ئالدىنقى مەزگىللىرىدە،Wordpressنىڭ خەنزۇچە مۇنبەرلىرىدە قاتراپ يۈرۈپ بۇ يېڭى سېستىمىغا كۆچۈپ كېلىشنىڭ باھانىلىرىنى ئىزدەپ يۈرگەنىدىم.ئەسلىدىكى ئويۇمدا،Pjblog4نىڭ چىقىشىنى ساقلاپ،ئاندىن بىرەر ئاۋانگارت توپى تەشكىللەپ ياكى قۇرۇلغان شۇ توپقا قوشۇلۇپ Pjblogنىڭ بۇ يېڭى نەشىرىنى كۈتۈۋېلىش ئويىدا يۈرگەنىدىم.كۈتە،كۈتە ساقلا،ساقلاپ تاقىتىم تاق بولۇۋاتاتتى،خۇددىي ‹‹[ئويلىنىش]Pjblog4 دەۋرىگە قاچان كىرەرمىز؟›› ناملىق يازمامدا ئېيتىپ ئۆتكەندەك،‹‹نەچچە قېتىم WordPress ياكى Z-blogغا كۆچۈپ كىتەي دىگەن نىيەت بولدىيۇ،بۇ قەدىناسىمدىن ئوڭايلا ۋاز كەچكۈم كەلمىدى،شۇنداق كۈنلەرنىڭ بىرىدە Pjblog4 نىڭ ئېچىلىۋاتقانلىق ئۇچۇرى كەلدى،شۇنىڭ بىلەن ماڭا ئۈمىد كەلدى.بۇ يېڭى بلوگنىڭ تارقىتىلىشىنى تۆت كۆزۈم بىلەن كۈتتۈم…››(قاراڭ: [ئويلىنىش]Pjblog4 دەۋرىگە قاچان كىرەرمىز؟)،ئەمماPjblog4نىڭ قارىسى تۈگۈل،ئۇچۇرىمۇ يوق بولدى....ئاخىرى،Wordpressنىڭ ئۇسلۇب،قىستۇرما كانى ۋە يېڭىلىنىشچانلىقىنىڭ تىزلىكى قاتارلىق ئامىللار،شۇنداقلا مېنىڭ ‹‹يېڭى تۇرمۇش››نى تېتىپ بېقىش ئارزۇيۇم،ئاخىرى قەدىناس Pjblogدىن خوشلۇشۇپ ‹‹ئەسسالامۇ ئەلەيكۇم،Wordpress دۇنياسى…››دەپ بۇ يېڭى ھاياتقا قەدەم قويدۇم.

ئەسسلامۇ ئەلەيكۈم ئۇيغۇربەگ، ياخشى تۇرىۋاتقانسەن؟ ئاۋاڭ سەندىن كەچۈرۈم سورايمەن. ئەمەليەتتە بالدۇرلا جاۋاب خەت قايتۇرۇش نىيىتىم بار ئىدى، لېكىن بىرنەچچە كۈندىن بىرى دەرىسلىرىم بەك ئالدىراش بولۇپ كەتتى. شۇڭا ...
سېنىڭ خەتلىرىڭنى كۆرۈپ جاپالىق ئەمما ئەھمىيەتلىك ئۆتكەن شۇ قىسقىغىنە تۆت يىللىق ئىچكىردىكى ئوتتۇرا مەكتەپ ھاياتىمنى قايتا ئەسلىدىم. راستىنلا نىمىدىگەن گۈزەل چاغلار ئۇ! ئەتىگەن سائەت بەشلەر بىلەن تۇراتتۇق ، يۈز-كۆزلىرىمىزنى يۈيۈپ بولۇپ كىتاپنى قولىمىزغا ئالاتتۇق. سائەت ئالتە بىلەن تاماققا چىقاتتۇق . مومىلارنى يۈرتىمىزنىڭ نانلىرى كۆرۈپ ، قايناقسۇ ئۇستىگە قۇيۇلغان سۈتنى ئەتكەنچاي بىلىپ ، ئۆتمىسىە چوكا بىلەن ئىتتۇرۇپ ،ئىشقىلىپ نىمە قىلساق كاناي ، ئۇچەيلىرىمىزدىن راۋان ئۆتكۈزەتتۇق ھە! دەرىسىمىز ئاداشمىسام ئالتىدىن 35 دە باشلىناتتىغۇ دەيمەن. ئەتىگەنلىك تەكرارنى قوشساق ئەتىگەندە ئالتە سائەت ئوقاتتۇق ھە!

ئەسسالامۇ ئەلەيكۈم ساۋاقدىشىم ئۇيغۇربەگ؛ جاۋاب خېتىڭنى كۆرۈپ ناھايىتى خۇش بولدۇم،خەتلىرىڭنى ئوقۇغاچ ئاشۇ يات،ئەمما مېھرى ئىسسىق سىنىپنى قايتا ئەسلەپ قالدىم،سىلەر-قەدىرلىك ساۋاقداشلىرىم ھەم ئېسىمگە كەچتى،شۇ تاپتاھەربىرىڭلار بىر-بىرلەپ كۆز ئالدىمدىن ئۆتۈۋاتىسىلەر، راسىت دەيمەن.ئەنە،ھەممە ھەۋەس قىلىدىغان خاتىمەنىڭ ئۇزۇن چاچلىرى، ھەممە ھەيران قالىدىغان مەربىيەنىڭ پۇتۇن بىنانى بىر ئالىدىغان كۈلكىسى، ھەممىمىز تەپ تارتىدىغان ئەسقەتنىڭ قوشما قاشلىرى، سىنېپ باشلىقىمىز نىجاتنىڭ كەلپىنچە ئوماق گەپلىرى،ئاۋۇ قازاق ساۋاقدىشىمىز مارالنىڭ قىزىقلىرى،موڭغۇل دوستىمىز بايىرنىڭ ئوماق ئۇيغۇرچە گەپ قىلىشلىرى...

قىشلىق تەتىل مەزگىلىدە،دىيارىمىزدا تور ھېلىھەم قامال قىلىقلىق مەزگىللەر ئىدى،ئۆيدىكىلەرگە ياردەملەشكەچ  ئەلكۈيى تورىغا چىقىپ شۇ يەردىكى ئېسىل،ئىجادىي ئەسەرلەردىن ھۇزۇرلىنىپ،كۈنلىرىم تولىمۇ مەنىلىك ئۆتۈۋاتاتتى،ئەلكۈيىدىكى بەزى ئەسەرلەردىن ئېلھامىم تۇتۇپ كېتىپ،مەنمۇ بىر ئەسەر يوللىغانىدىم،ئويلىمىغان يەردىن تور ئۈزۈلگەندىن كىيىن ئالاقىمىز ئۈزۈلۈپ قالغان تولۇق ئوتتۇرىدىكى دوست ئورنىدىكى ساۋاقدىشىم بىلەن ئۇچرىشىپ قالدىم،شۇ ھاياجاندا توردا ئاشكارا ھالدا ئۆز-ئارا خەت يىزىشىپ،ئەھۋال سوراشدۇق،بارا-بارا ئەسلىمىلەر قەلئەسىگە ئاتلىنىپ ‹‹ئەلكۈيىدە يېزىشقان خەتلەر››ناملىق بۇ بىر يۈرۈش خەتلەر تەييار بولدى.بۇ خەتلەردە-جياڭسۇ ئۆلكىلىك خەنجىياڭ ئوتتۇرا مەكتىپىدىكى شىنجاڭ سىنىپى ئوقۇغۇچىلىرىنىڭ تۇرمۇشىنى ئاساسىي مەزمۇن قىلىنغان بولۇپ،بۇ مەزمۇنلار ئارقىلىق ئىچكىرىدىكى تولۇق ئوتتۇرا سىنىپلىرىنىڭ بىر قىسىم كارتىنلىرىنى بىلىۋالساق ئەجەب ئەمەس.

WordPressنى قاچىلاپ بولغاندىن كىيىن بايقىدىڭىزمىكىن،wp-includes/images/smilies كاتالوگىدا بىر قىسىم چىراي ئىپادە رەسىم ھۆججەتلىرى ساقلانغان،ئەمما،WordPressنىڭ ئۆزىدە بۇ چىراي ئىپادىلىرىنى قوزغىتىدىغان فۇنكىسىيە يوق.ئۇنى يېڭى كود قوشۇش ئارقىلىق ياكى قىستۇرمىلار ئارقىلىق قوزغىتىشقا توغرا كېلىدۇ. Custom Smilies -مۇشۇنداق قىستۇرمىلارنىڭ بىرى بولۇپ،ئۇ ئارقىلىق يازما ياكى ئىنكاس يوللىغاندا چىراي ئىپادىلىرىنى قوشۇشقا ئىشلىتىشكە بولىدۇ.
Custom Smiliesنىڭ ئەڭ يېڭى نەشىرى 2.9.1 بولۇپ،Wordpress 2.5دىن تۆۋەن نۇسقىلىرىدىمۇ ئىشلىتىشكە بولىدۇ.سىز تېخى خالىغان چىراي ئىپادىلىرىنى تاللاپ ئىشلىتەلەيسىز.

تۇرايىمىز مۇۋاپپىقىيەتلىك ھالدا ئۇسلۇب ئالماشتۇردى،نۆۋەتتە ھەرقايسى تور كۆرگۈچلەرنى قوللايدۇ.

تۇرايىمىزغا ئىشلىتىلگەن ئەسلىدىكى ئۇسلۇبىمىز گەرچە ئىقتىدارى خېلى كۆپ،چىرايلىق بولغان بولسىمۇ،ئەمما،بىر قىسىم تور كۆرگۈچلەردە ئېغىر مەسىلىلەر ساقلانغاچقا،زىيارەتچىلىرىمىزگە بەلگىلىك تەسىرلەرنى پەيدا قىلىپ،بەزى ئىنكاسلار پەيدا بولغانىدى،بۇ مەسىلىلەرنى ئوڭشاشقا شۇنچە تىرىشقان بولساممۇ،سەۋىيەمنىڭ چەكلىكلىكى،شۇنداقلا ئەسلىدىلا ئۇسلۇبقا ئارتۇق كىرىپ قالغان ئىقتىدار،شۇنداقلا ئىقتىدار تۇلۇقلاش جەريانىدا قۇشۇلۇپ قالغان كودلار بىرلىشىپ،بلوگ كۆرۈنۈشىنى نورماللاشتۇرۇشقا قۇدرىتىم يەتمىدى.ئاخىرى،زىيارەتچىلىرىمنى كۆزدە تۇتۇپ،ئۇسلۇبنى بىراقلا ئالماشتۇرۇپ چىقتىم.

مەزكۇر ئۇسلۇب-كەمىنە ئۇيغۇربەگ WordPressكە كۆچۈش جەريانىدا،كاندىدات ئۇسلۇب قىلىپ تاللىغان ئۇسلۇبۇم ئىدى(كىيىن،ماۋۇ wpink ئۇسلۇبىغا كىلىشىۋالدىم)،بىرنەچچە كۈندىن بىرى ئازراق ۋاقىت چىقىرىپ،بلوگنى قايتىدىن تەڭشەپ چىقتىم-دە،ھاجەتمەنلەر بوپ قالسا ئەجەپ ئەمەس دىگەن نىيەتتە تارقىتىش ئۈچۈن ئېلىپ چىقتىم.

ئەمدى ھۆججەتلىرىڭىز يۇيۇلۇپ كەتسە غەم يىمەيسىز،چۈنكى WinMend Data Recovery بار!

WinMend Data Recovery دىتالى بولسا،Windows مۇھىتىغا ئاساسەن ياسالغان سانلىق مەلۇماتلارنى ئەسلىگە كەلتۈرۈش يۇمتالى بولۇپ،ئۇ Windows مەشخۇلات سېستىمىسى FAT12/FAT16/FAT32/NTFS/NTFS5  رايونلىرىدىكى ئۆچۈرۈلگەن،يوقالغان ياكى فورماتلانغان سانلىق مەلۇماتلارنى ئىزدەپ تېپىپ، زۆرۈز بولسا ئەسلىگە كەلتۈرەلەيدۇ.مەزكۇر يۇمتالنىڭ ئۆزىگە خاس ئەسلىگە كەلتۈرۈش ئۇسۇلى بولۇپ،بۇ جەرياندا بىخەتەرلىككە كاپالەتلىك قىلغان ئاساسدا،سېستىمىغا ھىچقانداق ئەكىس تەسىر كۆرسەتمەيدۇ.

مەزكۇر ئۇسلۇب-ئەينى چاغلاردا WordPress Theme Directory غا تىزىپ قۇيۇلغان ئۇسلۇبلارنىڭ بىرى بولۇپ،تىل بولىقى ئارقىلىق ھەرقايسى تىللارغا تەرجىمە قىلغىلى بۇلىدىغانلىق،شۇنداقلا ئىشلەتكەن كودلىرى بىرقەدەر نەپىس بولۇشدەك ئالاھىلىكلەرگە ئىگە بولغاچ،كەڭ بلوگ ھەۋەسكارلىرىنىڭ ياقتۇرۇشىغا ئېرىشكەن ئىدى.ئۇسلۇب تارقىتىش بېتىگە قارىسام،تەرجىمە قىلىنغان تىللار ئارىسىدا ئانا تىلىمىز-ئۇيغۇر تىلىمۇ قۇشۇلغان بولۇپ،ئۇنى  ahbar (ئەكبەر؟) بىر توردىشىمىز تاماملىغان ئىكەن.قىزىقىپ،چۈشۈرۈپ سىناپ بېقىۋىدىم،دەرۋەقە يامان ئەمەس تەرجىمە قىپتۇ،ئەمما،تەرجىمە پۈتمىگەچ،شۇنداقلا ئەجەللىك ئىملا خاتالىقلىرى،شۇنداقلا تەرجىمە خاتالىقى كۆرۈلگەچ ئەسلى تەرجىمە ئاساسىدا رەتلەش ئېلىپ چىقتىم.كىيىن،بۇ ئۇسلۇبنى تارقاتقان شەخىسكە ئېلخەت ئەۋەتىپ تىل بولىقىنى يېڭىلىۋېلىشىنى تەۋسىيە قىلغان بولساممۇ،ئۇ كىشى بەك ئالدىراشمۇ،ئەۋەتكەن خېتىمگە جاۋاب كەلمىدى.ئامال يوق،ئۆزۈم بۇ ئۇسلۇبنى ئۇيغۇربەگ تورتۇرايىدا تارقىتىش قارارىغا كەلدىم.

ئۇھ،تەتىل باشلىنىپ ئۇزاق ئۆتمەيلا،مەلۇم سەۋەبلەر تۈپەيلى مەكتەپكە قايتىپ كېلىۋالغان ئىدىم.ئىشلىرىمنى تىزلا پۈتتۈرگەندىن كىيىن،قېپ قالغان بىرئاي ۋاقىتنى ياتاقدا يالغۇز يېتىپ ئۆتكۈزىدىغان بولۇپ قالدىم.ئامال قانچە،يالغۇزلۇقدا ئادەمگە ئۆگۈنۈشمۇ خوش ياقماس بولۇپ قالىدىكەن،كۈتۈپخانىغا قارىسىڭىز ئەتراپىڭىزدىكىلەرنىڭ ھەممىسى سۈپۈرگە كۆتۈرۈپ ئۇياق-بۇياققا مېڭىپ تازىلىق قىلىۋاتلار،ئىشىڭنى قىلە دەپ كىتابنى تاشلاپ ياتاققا قايتىپ خىزمەت ئۇچۇرى كۆرگەچ مۇنبەر ئارىلاپ،ناخشا تىڭشاپ،كىنو كۆرۈپ ئۆتىدىغان گەپكەن،ھەي،يالغۇزلۇق يامانكەن يالغۇزلۇق يامانكەن...

مەزكۇر ئۇسلۇب-jessie-skin يۈرۈشلۈك ئۇسلۇبلىرىنىڭ بىرى بولۇپ،بىرقەدەر سىپتا،ئاددىي بولغاچ،ئۇيغۇرچىلاشتۇرۇش ئىستىكى تۇغۇلۇپ،مانا،بۈگۈن ئاخىرى تارقىتىش ئالدىدا تۇرماقتىمەن.