- سەھىپە:ئۇنىۋېرسال
- | باھا:21
- | زىيارەت: 1 قېتىم ئوقۇلدى
- | خەتكۈچ: ، Pjblog, Wordpress
Pjblogدىن ئايرىلىپ،Wordpressكە كۆچۈپ كېلىۋالغانلىقىمغىمۇ بىر ئايدىن ئېشىپ كەتتى،كۆچۈشنىڭ ئالدىنقى مەزگىللىرىدە،Wordpressنىڭ خەنزۇچە مۇنبەرلىرىدە قاتراپ يۈرۈپ بۇ يېڭى سېستىمىغا كۆچۈپ كېلىشنىڭ باھانىلىرىنى ئىزدەپ يۈرگەنىدىم.ئەسلىدىكى ئويۇمدا،Pjblog4نىڭ چىقىشىنى ساقلاپ،ئاندىن بىرەر ئاۋانگارت توپى تەشكىللەپ ياكى قۇرۇلغان شۇ توپقا قوشۇلۇپ Pjblogنىڭ بۇ يېڭى نەشىرىنى كۈتۈۋېلىش ئويىدا يۈرگەنىدىم.كۈتە،كۈتە ساقلا،ساقلاپ تاقىتىم تاق بولۇۋاتاتتى،خۇددىي ‹‹[ئويلىنىش]Pjblog4 دەۋرىگە قاچان كىرەرمىز؟›› ناملىق يازمامدا ئېيتىپ ئۆتكەندەك،‹‹نەچچە قېتىم WordPress ياكى Z-blogغا كۆچۈپ كىتەي دىگەن نىيەت بولدىيۇ،بۇ قەدىناسىمدىن ئوڭايلا ۋاز كەچكۈم كەلمىدى،شۇنداق كۈنلەرنىڭ بىرىدە Pjblog4 نىڭ ئېچىلىۋاتقانلىق ئۇچۇرى كەلدى،شۇنىڭ بىلەن ماڭا ئۈمىد كەلدى.بۇ يېڭى بلوگنىڭ تارقىتىلىشىنى تۆت كۆزۈم بىلەن كۈتتۈم…››(قاراڭ: [ئويلىنىش]Pjblog4 دەۋرىگە قاچان كىرەرمىز؟)،ئەمماPjblog4نىڭ قارىسى تۈگۈل،ئۇچۇرىمۇ يوق بولدى....ئاخىرى،Wordpressنىڭ ئۇسلۇب،قىستۇرما كانى ۋە يېڭىلىنىشچانلىقىنىڭ تىزلىكى قاتارلىق ئامىللار،شۇنداقلا مېنىڭ ‹‹يېڭى تۇرمۇش››نى تېتىپ بېقىش ئارزۇيۇم،ئاخىرى قەدىناس Pjblogدىن خوشلۇشۇپ ‹‹ئەسسالامۇ ئەلەيكۇم،Wordpress دۇنياسى…››دەپ بۇ يېڭى ھاياتقا قەدەم قويدۇم.
بلوگ كۆچكەنلىكىمنى كۆرگەن بەزى بلوگ ھەۋەسكارلىرى مەندىن دائىما بۇ ئىككى سېستىمىنىڭ پەرقىنى سوراشدى ھەمدە قايسىسىنىڭ ئەڭ ياخشى ئىكەنلىكىگە قىزىققانلىقىنى بىلدۈرۈشدى.ئەلۋەتتە،ھەر بىر سېستىمىنىڭ ئۆزىگە چۇشلۇق ئارتۇقچىلىقى بارئىدى-دە!مەن بۇ ئىككى سېستىمىنىلا ئەمەس،بلوگباس،Z-blogلارنىمۇ تەتقىق قىلىپ كۆرگەن ئىدىم،ماڭا ھەممىدىن ياققىنى يەنىلا WordPress بولدى،ئەمما،بۇ دىگەنلىك WordPress ئەڭ ياخشىسى دىگەنلىك ئەمەس ئەلۋەتتە.
ئۇنداقتا،بۇ سېستىمىلارنىڭ زادى قانداق پەرقى باردۇ؟...
سېستىما تۈزۈلۈشى،ئىشلەش مۇھىتى جەھەتتە:
PJBlog نىڭ قۇرۇلمىسى نۆۋەتتە كۆپ قوللىنىلىۋاتقان ASP+Access تېخنىكىسىنى ئىشلەتكەن بولۇپ، ئادەتتىكى بىر دانە ASP قوللايدىغان بوشلۇقتا نورمال خىزمەت قىلىۋېرىدۇ. مۇلازىمېتىرغا بولغان تەلىپى ناھايىتى تۆۋەن بولۇپ، بلوگ ئىگىسىنىڭ مۇلازىمېتىر چىقىمىنى زور دەرىجىدە تېجەپ قالالايدۇ. PJBlog ئۆزىدە UTF-8 شەكىللىك ئېنكود شەكلىنى قوللانغان بولۇپ، يۇنىكود ئۆلچىمىدىكى ھەرقانداق تىلنى بىمالال قوللايدۇ(تەدبىركار بلوگىدىن ئېلىنغان نەقىل).بۇ سېستىماھازىرچە،پەقەت خەنزۇ تىلىدا(تەدبىركار ئەپەندى ئۇيغۇرچىلاشتۇرغان غەيرىي رەسىمىي ئۇيغۇرچە نۇسخىسى ھىسابقا ئالمىغاندا)ئېچىلىۋاتىدۇ.
Wordpress بولسا PHP تىلى ۋە MySQL ساندانى ئاساسىدا ئېچىۋېتىلگەن بلوگ سېستىمىسى بولۇپ،مۇلازىمىتىردىن PHP مۇھىتى ۋە MySQL ساندان تەلەپ قىلىدۇ(دىمەك بۇ جەھەتتە PJBlog قارىغاندا مۇلازىمىتىرغا بولغان تەلىپى يۇقىرى،تەننەرخى يۇقىراراق).Wordpress نىڭ ئۇسلۇب ۋە قىستۇرما بايلىقى ناھايىتى مول بۇلۇپ،دۇنيادىكى نۇرغۇن تىللارغا تەرجىمە قىلىنغان(جۈملىدىن،ئۇيغۇرچە نۇسخىسىمۇ بۇلار ئىچىدە)،UTF-8 شەكىللىك ئېنكود شەكلىنى قوللانغان بولۇپ، يۇنىكود ئۆلچىمىدىكى ھەرقانداق تىلنى بىمالال قوللايدۇ.
ئىشلەتكۈچىلەرگە نىسپەتەن:
PJBlog-مەيلى ئۇسلۇبلارنىڭ تۈزۈلۈش-قۇرۇلمىسى جەھەتتىن بولسۇن،مەيلى مەشخۇلات جەريانى جەھەتتىن بولسۇن بىر قەدەر قولايلىق،ئىشلىتىش ئوڭاي،يېڭى ئۆگەنگۈچىلەر ناھايىتى ئوڭايلا ئۆزلىشىپ كىتىدۇ.
Wordpress بولسا ئىقتىدارلىرى بىرقەدەر كۆپ ھەم مۇكەممەل بولغان سېستىما بولغاچقا،سېستىمىغا كۆنۈپ بولغۇچە بىر مەزگىل كېتىدۇ ھەمدە بلوگ قۇرغۇچىدىن بەلگىلىك سەۋىيە تەلەپ قىلىدۇ،ئۇنىڭ ئۈستىگە قىستۇرما ۋە ئۇسلۇب مەنبەسى ناھايىتى مول بولغاچقا،‹‹بلوگنى نوچى قىلىمەن››دەپ ماڭا ئوخشاش قىستۇرمىلار دېڭىزىغا چۆكۈپ كېتىش خەۋپى ھەر قاچان بار... 
بۇلارنىڭ ئۇسلۇبلىرى قانداقتۇ؟
Pjblogنىڭ ئۇسلۇبلىرى ئاساسەن بىر قېلىپ ئاستىغا ئورۇنلاشقان بولۇپ،سېستىما بەلگىلەپ بەرگەن ئاشۇ قېلىپ ئىچىدە پاسون چىقىرىپ يۈرۈشكە توغرا كېلىدۇ،مۇشۇ قېلىپ ئاساسىدا cssدىن ئازراق خەۋىرى بارلار قىسقا ۋاقىت ئىچىدىلا بىر ئۇسلۇبنى ئۆزلەشتۈرۈپ چىقالايدۇ.ناۋادا،بۇ قېلىپدىن ھالقىپ چىقىشنى ئىستىسىڭىز،سىز بلوگ سېستىمىسىدىكى ئالاقىدار ھۆججەتلەرنىڭ رولى ۋە ئورنىنى ‹‹پىششىق بىلىشىڭىز كېرەك››.
Pjblogغا قارىغاندا،Wordpress ئۇسلۇبنىڭ ئېچىلىشى جەھەتتىن بىر قەدەر ئەركىن،ئەمما،ئۇسلۇب ياساش ئۈچۈن سىزدىن يالغۇز css سەۋىيە ئەمەس،phpدىنمۇ بەلگىلىك ئاساس بولىشىڭىزنى تەلەپ قىلىدۇ،سىز WordPressنىڭ قانۇنىيەتلىرى ئاساسىدا ئۆزىڭىز ئۈچۈن بىر قېلىپ ياساپ چىقىپ،شۇ قېلىپ ئاساسىدا،خالىسىڭىز بىر بېكەت،خالىسىڭىز بىر بلوگ ياكى بىر مۇنبەر قۇرۇپمۇ چىقالايسىز(ئەمما لېكىن،بۇلارنىڭ ئۇسلۇبلىرىنى ئۆزلەشتۈرمەك...ھەي.بىر جاپاكەن جۇما!)
WordPressنىڭ قىستۇرمىلىرى بەك نوچى!
خۇداغا شۈكرى،Wordpressنىڭ قىستۇرمىلىرى كۆپ تىلنى قوللايدۇ،مەن خالىسام فرانسۇز،رۇس تىللىرىدا ئېچىلغان قىستۇرمىلارنى ئۇيغۇربەگ تور تۇرايىدا بىمالال ئىشلىتەلەيمەن(ئالدىنقى شەرتى،ئالاھىدە ئەھۋاللاردىن باشقا)ھېلىھەم،ئۇيغۇربەگ ئېمپىرىيىسىدە توققۇز دانە قىستۇرمىنىڭ 7سى چەتئەلنىڭ ماللىرى....ئۇنىڭ ئۈستىگە بۇ قىستۇرمىلارنى ئىشلىتىشمۇ ناھايىتى ئاددىي،چۈشۈرۈپ،قاچىلاپ، قوزغۇتۇپ قويساقلا بولىدۇ،بەكرەك بولمىسا،تەڭشەكلىرى بار،ئۆزىمىز خالىغان ئۇسۇلدا تەڭشىسەك،ياقماي قالسا ئېلىپ تاشلىۋەتسەكلا بولدى!ئاۋۇ Pjblogنىڭ قىستۇرمىلىرىنى ئىشلىتىش،يائاللا،قاچىلىغاندىن كىيىن بىرمۇنچە تەڭشىمىسە ئەسلى بولمىغان،تەڭشىسىمۇ ئىشلەتكىلى بولمىغان،بولدى ئىشلەتمەي دىسە ئەسلى....
قايسى سېستىما بەكرەك باي؟
باشدا دەپ ئۆتكەندەك،Wordpress خەلقئارالىق سېستىما بولغاچقا،ئۇسلۇب،قىستۇرما،تېخنىكا جەھەتتىكى بايلىق مىقدارى جەھەتتىن ئىلىمىزنىڭ مەھسۇلاتى بولمىش Pjblogدىن ئېشىپ چۈشىدۇ،ھەركۈنى،دۇنيانىڭ ھەرقايسى جايلىرىدىكى ھەۋەسكارلار ياساپ چىققان قىستۇرمىلار،ئۇسلۇبلار WordPress باشبېتىدە كۆرۈنۈپ تۇرىدۇ،ئەمما Pjblogنىڭ مۇنبىرىدە ھەركۈنى‹‹Pjblogنىڭ ماۋۇ يىرىدىكى مەسىلىنى قانداق ھەل قىلىدۇ؟››،‹‹Pjblog4 قاچان چىقىدۇ؟››دىگەن ئۇچۇرلار كۆپرەك...
قايسى سېستىما بەكرەك ‹‹گەپ ئاڭلايدۇ››؟
راست گەپنى قىلسام،ئەينى چاغ Pjblog ئويناپ يۈرگەن چاغلىرىمدا،بىر تال قىستۇرمىنى ئۆزلەشتۈرۈش ئۈچۈن قانچىلىك ‹‹مۇشەققەتلەر››نى تارتقانلىقىمنى بىلمەيمەن،ئۇنىڭ ئۈستىگە،نۇرغۇن قىستۇرمىلارنىڭ بلوگ سېستىمىسىنىڭ نەشىرىگە بولغان تەلىبى بولغاچقا(ئۇ چاغلاردا تەدبىركار ئەپەندىممۇ بلوگ سۇپىسىنىڭ نەشىرىنى يۇقىرى كۆتۈرمىگەن چاغلار ئىدى،تور ئەسلىگە كەلگەندىن كىيىن بىلىم بلوگىدىنمۇ بىرسى يېڭى نەشىرىنى ئۇيغۇرچىلاشتۇرۇپتىكەن)،بلوگ نەشىرىنى يۇقىرى كۆتۈرۈپ شۇنداق جاپا تارتتىم،تارتقان جاپاغا چۇشلۇق دەرمان يوق،ئاخىرى ئەسلىدىكى نەشىرگە قايتىپ كەلدىم.بىلىشىمچە،Pjblog4گە كۆچۈش تېخىمۇ جاپالىق،چۈنكى Pjblog4 خۇسۇسىيەت جەھەتتىن يېڭى بىر سېستىمىغا تەۋە ئىدى.
ئەمما،Wordpressنىڭ نەشىرىنى يۇقىرىلاتماق ناھايىتى ئەپچىل ئىكەن،پەقەت بوشلۇق قوللىسىلا ئارقا سۇپىدىن بىۋاستە بەشىرىنى يۇقىرىلاتساق بولىدىكەن،ئارتۇق ئىش بىھاجەتمىش.
شۇنداق قىلىپ،بۇ ئىككى سېستىمىغا بولغان تەسىراتىم مۇشۇ يەردە ئاياغلاشدى،بۇ پەقەت شەخسىي قارىشىملا خالاس،قالغىنىنى ئۆزىڭىز باشدىن كەچۈرۈپ تولۇقلىۋالغايسىز.ناۋادا،سىزنىڭمۇ بۇ ھەقتە ئويلىغانلىرىڭىز بولسا بەھۇرۇز ئوتتۇرىغا قويۇڭ،بىزمۇ ئاڭلاپ كۆرەيلى!
توختاڭ، تۆۋەندىكى يازمىلارغىمۇ ئىشتىھايىڭىز بولۇشى مۇمكىن
- EOT ئادرىسىنى ئۆزگەرتىش يۇمتالىنى چۈشۈرۈڭ
- [بلوگگېرلار چايخانىسى]ئۇيغۇربەگدىن ھەر قايسى بلوگگېرلارغا ساۋاق ۋە نەسىھەت (2) (24)
- [بايقاش] بىر توربەتچىنىڭ توربەت ياساش خاتىرىسى (4)
- [ھەسرەتلىك خىياللار]ئۇيغۇر توربېكەتلىرىنى ئەسلەيمەن…
- ئۇيغۇرچىلاشتۇرغان قىستۇرما: Recent Comments with Avatars (10)
- [تەنەپپۇس مەزگىلى]مۇڭلۇق تاتارچە ناخشا-بۇلبۇل
- ئۇيغۇربەگنىڭ 500 دوللارلىق كىرىم قىلىش جەريانىدىكى خەتەرلىك سەزگۈرەشتىس (1)
بار گەپنى قىلىۋاتىمەنغۇ ئەينا…
Wordpress تېخنىكىسى
Wordpress ئۇسلۇبلىرى
بلوگشۇناسلىق تەتقىقاتى
Wordpress قىستۇرمىسى
بىز كۆرگەن فىلىملەر
تۇرا يېڭىلىقلىرى
خەپ جۇمۇ... مەن ساز بىلوگنى ئاللىبۇرۇن ئۇلىنىش قىلىۋالغان بولمىسا ! كىچىك بالىمۇ ھامان بىر كۈنى چوڭ بولىدۇ.. ھا ھا ... 
ھەي..ئىسمىمۇ ساز بىلوگ تۇرسا، مېنىڭكىدەك بالا بىلوگل
