ئۇيغۇربەگ بلوگى بىلەن بىرلىشىپ تۇنجى قېتىملىق يازمامنى پرېستان ئۇسلۇبنى تارقىتىشتىن باشلىدىم ئەمىسە. بۇ ئۇسلۇبنى ۋوردپرەس ئۇسلۇبىدىن ئۆرنەك ئېلىپ ئۆزەم بىر قوللۇق ياسىغان ئىدىم، ھازىرغىچە نۇرغۇنلىغان تۈزۈتۈشلەرنى كىرگۈزۈپ بۈگۈنكى كۈنگە ئېلىپ كەلدىم. كەڭ بلوگ ھەۋەسكارلىرى نۇرغۇن قېتىم پرېستان بلوگىنىڭ ئۇسلۇبىنى تارقىتىشنى تەلەپ قىلغاندا ئىزچىل رەت قىلىپ كەلگەن ئىدىم، چۈنكى باشقىلارنىڭ بلوگىنىڭ ئۆزەمنىڭ بلوگىغا ئوخشاپ قېلىشىنى خالىمىغانلىقىمدىن تارقاتمىغان، ئەمدى ئۇيغۇربەگ بىلەن بىرلەشتىم، پرىستان بلوگىنىڭ ئۇسلۇبنىمۇ تارقاتماسلىققا ئامال بولمىدى. ھى ھى…

شۇ تاپتا،مەزكۇر يازمىنى يېزىش داۋامىدا ئۆزۈمنىڭ قاتتىق ھاياجانلىنىپ تۇرغانلىقىمنى سىزىپ تۇرىۋاتىمەن.چۈنكى،تېخى بىرنەچچە ھەپتە بۇرۇن،يۈكسەلكامنىڭ ‹‹كۆپ كىشىلىك بلوگنىڭ كەلگۈسى››دىگەن يازمىسىغا قارىتا يازغان ‹‹شەخسىي بلوگنىڭ كەلگۈسى ۋە چىقىش يولى››دىگەن يازمامنى يوللىغان ئىدىم.ئەمما،بۈگۈن بلوگباس ئۇسلۇبى ۋە تېخنىكىسى جەھەتتە يۈكسىلىش باسقۇچىدا تۇرۇۋاتقان سابىق پرىستان بلوگى بىلەن ئۆزۈم ماڭدۇرۇپ كېلىۋاتقان ئۇيغۇربەگ تور تۇرايى يېڭىچە ئىلھام بىلەن،جۇشقۇن قەدەملەرنى بېسىپ ئۇيغۇر بلوگچىلىقى ئۈچۈن قۇلىمىزدىن كېلىشىچە ھەسسىمىزنى قوشۇش ئۈچۈن رەسىمىي  بىرلىشىپ، ئۇيغۇربەگ دىگەن نام ئاستىغا ئۇيۇشتۇق.

ھەربىر بلوگ ھەۋەسكارلىرىغا ئايان بولغىنىدەك،بىز ھەمىشە بلوگىمىزنىڭ سۈپىتىنى يۇقىرى كۆتۈرۈشكە،كۆركەم قىلىشقا تىرىشىمىز.مەسىلەن:يازمىمىزنىڭ سۈپىتىنى ياخشىلاش،ئۇسلۇب ئالماشتۇرۇش،بلوگغا ئىقتىدار قوشۇش،SEO ئەلالاشتۇرۇش دىگەندەك.بىزنىڭ بلوگىمىز ئۈچۈن قىلىۋاتقان تىرىشچانلىقىمىزنى ئەلۋەتتە،ھەممەيلەن ئېتىراپ قىلىدۇ.ئەمما،شۇنىسىنى ھەم ئېتىراپ قىلماي بولمايدۇكى،بىز شۇ تىرىشىش داۋامىدا بىلىپ-بىلمەي زىيارەتچىلىمىزنى ساقىت قىلىپ تاشلاپ،ئۆزىمىزنىڭ سەنىمىگە دەسسەيدىغان ئىشلارنى قىلىپ قالىمىز.ئاندىن،بۇ ئىشلار ئاخىرى كېلىپ زىيارەتچىلىرىمىزنى بىزار قىلىدىغان ئىشلارنىڭ مەنبەسىگە ئايلىنىپ قالىدۇ...

مەزكۇر قىستۇرما WordPress ئىنكاس ئىقتىدارلىرىنى كېڭەيتىش مەقسىتىدە ئېچىلغان ھەقسىز قىستۇرمىلارنىڭ بىرى بولۇپ،بلوگغا يازمىغا چۈشكەن ئايرىم ئىنكاسلارغا جاۋاب قايتۇرۇش ئىقتىدارىنى ھازىرلاپ بېرەلەيدۇ،شۇنىڭ بىلەن،مەلۇم ئىنكاسقا نىسبەتەن پىكرى بولغان تورداشلارمۇ ئەركىن-ئازادە سۆز قىلىش ھوقۇقىغا ئىگە بولۇپ،بلوگغا مۇنبەر ئىنكاس تۈسىنى قوشۇپ بېرەلەيدۇ.نۆۋەتتە،ئۇيغۇربەگ تور تۇرايى،يۈكسەل بلوگى،تەدبىركار بلوگى قاتارلىق بلوگلارغا مۇشۇ خىل قىستۇرما ئۈنۈمى ھازىرلانغان.

ئەسسالامۇ ئەلەيكۇم ھۆرمەتلىك قېرىنداشلىرىمىز،
بۈگۈن پۈتۈن مۇسۇلمان دۇنياسىدىغا ئورتاق بولغان بايرام-روزا ھېيت كۈنىدۇر.ئالدى بىلەن قېرىنداشلىرىمىزنىڭ بۇ ئولۇغ ھېيىتىنى قىزغىن تەبرىكلەيمەن:روزا ھېيتىڭلارغا مۇبارەك بولسۇن،تىنىڭلار ساق،ئىشلىرىڭلار ئوڭۇشلۇق بولسۇن!...
روزا ھېيت بايرىمى بىلەن تەڭ كەلگەن جاپاكەش ئۇستازلارنىڭ بايرىمى بولمىش خەلقئارا ئوقۇتقۇچىلار بايرىمى مۇناسىۋىتى بىلەن بارلىق ئىشچان-ھورۇن،تاپشۇرۇق بىرىدىغان-بەرمەيدىغان،ئىمتىھان مەزمۇنىنى دەپ بىرىدىغان-بەرمەيدىغان،يوقلىما قىلىدىغان-قىلمايدىغان بارلىق ئۇستازلارنىڭ بۇ قىممەتلىك بايرىمىنى ھەم قۇتلۇقلايمەن،ياشاڭلار ئۇستازلار،توغراق يېشىدا...

نەچچە كۈندىن بىرى يېڭى كەلگەنلەرنى كۈتۈش خىزمىتى بىلەن ئالدىراش يۈرۈپ،بۈگۈن ئۆزۈمنىڭ يېڭى بىر ياشقا كىرگەنلىكىمنىمۇ ئۇنتۇلۇپ قاپتىمەن.سەھەردە كېلىشكە باشلىغان قۇتلۇقنامە تېلىفۇن-ئېلخەتلىرىنى تاپشۇرۇپ ئالغاچ،ئۆزۈمنىڭ يەنە بىر ياش چوڭايغانلىقىمنى ئەسكە،ئىختىيارسىز كۈلۈپ قويدۇم.نەچچە يىل ئاۋۋال ‹‹18 ياش،18 قىسمەت››دەپ شېئىر يازغانلىقىم ئېسىمگە كېلىپ،ئۇ شېئىرىمنى قايتىدىن ئوقۇپ چىقتىم.ئوقۇغانسىرى بارغانسىرى شۈكلەپ قېلىۋاتاتتىم...

مەزكۇر ئۇسلۇب-كەمىنە ئۇيغۇربەگ WordPressكە كۆچۈش جەريانىدا،ئىشلەتمەكچى بولغان كاندىدات ئۇسلۇبلارنىڭ بىرى ئىدى،تەتىل توشۇشقا ئاز قالغان مەزگىللەردە بۇ ئۇسلۇبنى تەتقىق قىلىپ يۈرۈپ ئاخىرى مۇۋاپپىقىيەتلىك ھالدا ئۆزلەشتۈرۈپ چىقتىم.

‹‹WordPress ئىنكاس رايونىنى بىزەش››ناملىق يازمامنى تەييارلاش داۋامىدا، بىر يەردە بىر ئالاھىدە قىستۇرمىنى غىل-پال كۆرۈپ قالغانىدىم،كىيىن نىمە شەيتان ئازدۇردى بۇ قىستۇرمىنى ئۇنتۇپلا كېتىپتىمەن.بۈگۈن،خوشنا بلوگلارنى ئارىلاۋېتىپ ئۇ قىستۇرمىنى خۇددىي 8-قىتئەنى بايقىغاندىكى ئىلھامدا بايقاپ ئاندىن قېدىرىپ چىقتىم،بۇ زادى قانداق قىستۇرما؟دىققىتىڭىز مەزكۇر يازمىدا بولسۇن!

يۈكسەل بلوگىدىكى ‹‹كۆپ كىشىلىك Blog نىڭ كەلگۈسى›› نامىدىكى سەرلەۋھەلىك يازما ئېلان كىيىن،بەزى شەخسىي بلوگگېرلار(بلوگچىلار) ئۆزلىرىنىڭ بلوگىنىڭ كەلگۈسى ھەققىدە قايتىدىن ئويلىنىشقا باشلىدى.شۈبھىسىزكى،كۆپ كىشىلىك بلوگنىڭ شەخسىي بلوگلارغا قارىغاندا ئۆزىگە چۇشلۇق ئارتۇقچىلىقىنىڭ بارلىقىنى ئېنىق،ئەمما،شەخسىي بلوگچىلارنىڭ كەلگۈسى چوقۇم كۆپ كىشىلىك بلوگغا ئايلىنىش جەريانىدۇ؟بۇنىسى بىزگە نامەلۇم،بۈگۈن مەن ئۆزۈمنىڭ ئويلىغانلىرى ئاساسدا بۇ يازمىنى تەييارلىدىم،بەلكىم،يېڭى بلوگ يېزىشنى باشلىغان ھەۋەسكارلار ئۈچۈن ئازراق بولسىمۇ مەدەت بېرەلىسە ئەجەب ئەمەس.

تەتىلدىن بۇيان،بارلىق دىققىتىم بىلەن كۆرۈۋاتقان ئامېرىكا كۆپ قىسىملىق تېلىۋىزىيە تىياتىرى ‹‹تېررورلۇققا قارشى 24 سائەت››نىڭ بەشىنچى بۆلۈمىنى شۇنداق قىلىپ تۈگەتتىم،مېڭەمدە ھېلىھەم ئالدىنقى بۆلۈملەردىكى تونۇش ھەمدە مەن ئامراق بولۇپ قالغان مۇھىم پېرسوناژلارنىڭ ئۆلۈمى شۇنداقلا باش پېرسوناژ Jack Bauer نىڭ ئىدراك ئارقىلىق رەزىللىك ئۈستىدىن غالىب كېلىش جەريانلىرى قايتىلانماقتا ئىدى...

بۇ ۋوردپرېسسچىلەر ئارىسىدا بىرقەدەر مودا بولىۋاتقان ‹‹ئوقۇرمەنلەر تېمى››(ئىنكاسچىلار تېمى) ئۈنۈمىنى ھاسىل قىلىشدا ئىشلىتىدىغان قىستۇرما بولۇپ،ئۇيغۇرچىلاشتۇرۇلۇپ تورداشلارنىڭ ئىشلىتىشى ئۈچۈن تەييارلاندى.

قايسى كۈنى،تازا ئالدىراش ئىشلەۋاتقان چېغىمدا، نەسىرىدىن ئەپەندىم ئاتايىن ئېشىكىنى مېنىپ مېنى ئىزدەپ كېلىپ ‹‹ئۇسلۇب ئالماشتۇرغان››لىقىمنى تەبرىكلىگەچ،ئاۋۇ بەت يېنىدىكى باش سۆرەتلىك ئىنكاس ئۈنۈمىنى قانداق ھاسىل قىلغانلىقىمنى سوراپ كەتكەنىدى،مەن ئەپەندىمگە ئالدىراشچىلىقىمنى چۈشەندۈرۈپ بۇ ‹‹رېتسىپ››نى كىيىنچە دەپ بىرىشىمنى سوراپ ئىشىمنى قىلىۋىرىپتىمەن،نەدىن بىلەي،ئەپەندى شۇ بىر يامانلاپ كەتكەنچە قارىسىنىمۇ كۆرسەتمىدى،شۇنداق بىر كىشىنى يامانلىتىپ قويغانلىقىمغا ئىچىم پۇشۇپ،ئاخىرى بۇ رېتسىپلارنى تۇرايىمدا ئاشكارا ئېلان قىلىشنى قارار قىلدىم،نەسىرىدىن ئەپەندى بۇنى كۆرسە ئاچچىقى يېنىپ قالسا ئەجەپ ئەمەس.