بۇ ئۇسلۇب-بلوگباس تەمىنلىگەن M Man نىڭ ئۆزلەشتۈرۈلگىنى بولۇپ،ئۇسلۇب تەرجىمە قىلىشنى يېڭى ئۆگەنگەندە تەييارلاپ قويغان ئىدىم،ھەمدە بۇرۇنمۇ تارقاتقان،يېقىندا ئازراق ۋاقىت چىقىرىپ ئۇسلۇبقا ئۆزگەرتىش كىرگۈزۈپ،ئۇنىڭغا مىللىي پۇراقنى قوشتۇم،يەنى،كورىيەدە ئوقۇۋاتقان بۇرادىرىمىز ئاتتىلانىڭ ئەسەرلىرىدىن بولغان <<ئۇيغۇر يىگىت>>نى مەزكۇر ئۇسلۇبنىڭ ئەڭ گەۋدىلىك كۆرۈنۈشى قىلىپ چىقتىم.

ئۇيغۇربەگ تور تۇرايىنىڭ ئوڭ تەرىپىدىكى باش سۆرەتلىك ئىنكاس رايونىنى WordPress قىستۇرمىسى ئارقىلىق ئەمەلگە ئاشۇرغان بولۇپ،بۈگۈن ئاشۇ قىستۇرمىنى ئۇيغۇرچىلاشتۇرۇپ چىقىپ تارقىتىش ئالدىدا تۇرماقتىمەن.بەلكىم،مۇشۇنداق ئۈنۈمنى ھاسىل قىلىشنى ئويلاۋاتقان قېرىنداشلىرىمىزغا نەپ تىگىپ قالسا ئەجەپ ئەمەس.
قىستۇرما نامى: Recent Comments with Avatars (باش سۆرەتلىك يېقىنقى ئىنكاسلار)
قىستۇرما ئاپتورى:Peter Sterling
ئاپتور ۋە ئۇسلۇبقا ئالاقىدار مەنزىل: http://wordpress.org/extend/plugins/profile/peterwsterling
ئۆزلەشتۈرگۈچى:ئۇيغۇربەگ
سىناق قىلىنغان ۋاقتى:2010-08-01
سىناق قىلىنغان تور كۆرگۈچ:  Firefox,IE6,IE7,IE8,Safari,Opera,世界之窗,360游览器
سىناق قىلىنغان سېستىما نەشىرى: WordPress 2.8.9

ACDSeeسۆرەت تەھرىرلەش يۇمتالى نۆۋەتتە دۇنيادا بىرىنچى ئورۇندا تۇرىدىغان رەقەملىك سۆرەت بىرتەرەپ قىلىش يۇمشاق دىتالى بولۇپ،مەزكۇر يۇمتال ئارقىلىق سۆرەت كۆرۈش،ئەلالاشتۇرۇش،باشقۇرۇش ۋە تەھرىرلەش قاتارلىق مەشخۇلاتلارنى ئېلىپ بارغىلى بولىدۇ.ACDSee يۇمتالى كۆپ خىل فورماتتىكى سۆرەت ھۆججەتلىرىنى،جۈملىدىن ،نۆۋەتتىكى بارلىق سۆرەت ھۆججەتلىرىنى تامامەن دىگۈدەك قوللايدىغان بولۇپ،مەيلى ئۆيدە بولسۇن ۋە ياكى بەدىئىي سۆرەت ھەۋەسكارلىرى بولسۇن،بۇ يۇمتالنى ناھايىتى ياخشى كۆرۈپ ئىشلىتىشمەكتە.

يازمىنىڭ تېمىسىنى كۆرۈپلا بۇ ئورۇندۇقنىڭ ماتىرىيالىدىن كۆرە شەكلىگە بەكەرەك قىزىقتىڭىزغۇ دەيمەن.بۇ ئورۇندۇق داڭلىق لايىھىلىگۈچى Herman Miller تەرىپىدىن لايىھەلەنگەن بولۇپ،سىز ئۇنىڭغا بېكىتىلگەن يەتتە كونۇپكىلار ئارقىلىق ئورۇندۇقنىڭ ھەرقايسى بۆلەكلىرىنى خالىغان ھالەتكە ئەپكەلگەندىن كىيىن،ئۆزىڭىزنى بەھۇزۇر تاشلاپ ئولتۇرغاچ ئىشىڭىزنى قىلىدىكەنسىز.ئەگەر سىز تەڭشەشكە ھورۇنلۇق قىلسىڭىز ياكى مەزكۇر ئورۇندۇقنى ئىشلىتىشنى بىلمىسىڭىز،ھىچقىسى يوق،ئۇنىڭ تۆت خىل شەكلىدىن بىرىنى تاللاپ قويسىڭىزمۇ بولىدىكەن.مەزكۇر ئورۇندۇققا ئىشلىتىلگەن تېخنىكىنىڭ ئەڭ مۇھىم يىرى دۈمبە قىسمى بولۇپ،لايىھىلىگۈچىنىڭ دىيىشىچە،دۈمبە قىسمىڭىزدىكى ئۆزگىرىشلەر بۇيىچە.ئورۇندۇقنىڭ شەكلىمۇ ئۆزگىرىپ تۇرىدىكەن ھەمدە دۈمبە قىسمىڭىزدىكى كۈچنى تەكشى بۆلۈپ قۇيالايدىكەن.بۇنداق بولغاندا،سىز خالىغان ھالەتتە ئولتۇرسىڭىزمۇ ماس كەلمەسلىك،چارچاش ھىس قىلمايدىكەنسىز،قان ئايلىنىشىڭىز ياخشىلىنىدىكەن،يۈرەك سوقۇش رېتىمىڭىز ياخشىلىنىدىكەن،ناچار ئولتۇرۇش ھالىتىڭىزنى تۈزىتىدىكەن.
قانداق،بۇ ئورۇندۇق ياخشىمىكەن؟....ئورۇندۇققۇ ياخشىكەن،ئاۋۇ پۇلىمۇ ياخشىكەن.بۇ ئورۇندۇقنىڭ نۆۋەتتىكى سېتىلىش باھاسى:1،600 دوللاركەن.ناۋادا 1.6 دوللار بوپ قالغان بولسا،مەنمۇ ياتىقىمغا تاشلاپ قۇيۇپ بەھۇزۇر ئولتۇرۇپ يازما يازاركەنمەن...:roll:   

بۇ ئۇسلۇبنى ئۇيغۇرچىلاشتۇرۇش جەريانىدا ماسلاشتۇرۇش ئۈچۈن بارلىق خەت نۇسقىلىرىنىڭ چوڭ-كىچىكلىكىنى ئوخشاش قىلىپ تەڭشىدىم ھەمدە بۇرۇن تارقاتقان ئۇسلۇبلارغا ئوخشاشلا بىۋاستە ئۇيغۇرچە كۆرسىتىش كودى ۋە ئايرىم بەت ئۇلىنىش كودىنى قۇشۇۋەتتىم.بلوگباس تەمىنلىگەن ئېلانلارمۇ شۇ پېتى قالدى،ئىشلەتكۈچىلەر ئۆز ئىھتىياجىغا قاراپ چىقىرىۋېتىشنى ياكى ساقلاپ قېلىشنى تاللىسا بۇلىدۇ.

ئۇسلۇب نامى: شادلىق پەردىسى
ئۇسلۇب ئاپتورى:小明
ئاپتور ۋە ئۇسلۇبقا ئالاقىدار مەنزىل:http://new-skin128.blogbus.com
ئۆزلەشتۈرگۈچى:ئۇيغۇربەگ
سىناق قىلىنغان ۋاقتى:2010-01-17 13:28:03
سىناق قىلىنغان تور كۆرگۈچ:IE8
سىناق قىلىنغان سېستىما نەشىرى:Win7
ئىزاھات:ئاپتورنىڭ ھەمدە ئۆزلەشتۈرگۈچىنىڭ نەشىر ھوقۇقىغا ھۆرمەت قىلىڭ.
دىققەت قىلىدىغان ئىشلار:يوق
كۆرۈش مەنزىلى: تەمىنلەنمىدى

كۆرگەزمە رەسىمى : ( چەكسىڭىز چوڭىيىدۇ،چوڭايغاندىن كىيىن پۈتۈن ئىكران قىلىپ كۆرسىڭىزمۇ بولىدۇ)

مەزكۇر ئۇسلۇبنى ئىشلىتىشدىن بۇرۇن ئۇسلۇب كېلىشىمىنى بىر قېتىم ئوقۇپ چىقىڭ.

شۇنداق قىلىپ،نەچچە كۈنلۈك ئىزدىنىشىم ئاستىدا،نەچچە رەت سىناپ قىلىپ مەغلۇب بولۇشلارنىڭ ئارقىسىدىن، ناھايىتى ئوڭۇشلۇق ھالدا تۇرايىمنى Pjblogدىن WordPressكە كۆچۈرۈپ ئەكېلىۋالدىم.بۇ جەريان،باشدا مەن ئويلىغاندەك ئوڭايغا توختىمىدى،بۇ كۆچۈش ھەرگىزمۇ ئاددىي ھالەتتىكى RSS ھۆججىتىنى ئېكىسپورت-ئىمپورتلاش بولماسدىن،بەلكى،ئىككى ئوخشىمىغان تىل ۋە ئوخشىمىغان تېخنىكا ئاساسىدا قۇرۇلغان ئىككى پروگرامما ئارىسىدىكى ئېلىشىش ئىدى ،ئەمما،بۇ جەرياندا شۇنى بىلىۋالدىمكى،تىرىشسا،ئىزدەنسە خېلى-خېلى ئىشلارنى قىلغىلى بولىدىكەن.مۇشۇ كۆچۈش مەشخۇلاتى ئۈچۈن ئالاقىدار خەنزۇچە توربېكەتلەرگە قانچە رەت كىرگەنلىكىمنى ھىسابلاپ بېرەلمەيمەن.توردا بۇنداق كۆچۈش ھەققىدىكى يازمىلار ناھايىتى نۇرغۇنكەن،نۇرغۇن بولغاندىمۇ ئادەمنىڭ كۆزىنى ئالاچەكمەن قىلىۋېتىدىكەن،بىر ئۆگەنگۈچى ئۈچۈن بۇنداق كۆپ ئۇسۇللار ناھايىتى ئەسقاتتى،مەنمۇ بىرنەچچە رەت تەجرىبە قىلىش ئارقىلىق بۇ ئېككى سېستىمىنىڭ باغلىنىشىنى ئازراق بولسىمۇ چۈشەنگەندەك بولدۇم،ھەمدە بۇخىل كۆچۈشنىڭ بىرنەچچە خىل ئۇسۇلىنى ئۆگىنىۋالغان بولدۇم.ئەلدىن-ئەلگە نەپ دەپتىكەن،مەنمۇ بۇ ئۆگەنگەنلىرىمنى بۇ يەردە سۆزلەپ ئۆتەي،بەلكىم،كىيىنكى چاغلاردا سىزگىمۇ ئەسقېتىپ قالار،بۇ بىلىم مەندە سېسىپ كەتمىسۇن...

Pjblog4نىڭ ئۇچۇرلىرىنى ئىزدەپ ھەركۈنى Pjblogنىڭ باشبېتىنى چۆرگىلەيتىم،ئۇ يەردە ھەركۈنى دىگۈدەك Pjblog4نىڭ جىدىلى بۇلاتتى،بەزىلىرى ئاچقۇچى تەرەپتىن ھىچ بولمىسا Pjblog4نىڭ ئېچىلىش چېكىنى بولسىمۇ ئېيتىپ بىرىشنى تەلەپ قىلسا،بەزىلىرى ھىچ بولمىسا ئالدى-كەينى سۇپىسىدىن ئازراق بولسىمۇ قىيما سۆرەت بىلەن تەمىنلەشنى تەلەپ قىلاتتى،بەزىلىرى ھەتتا يولسىزلارچە بىرنەچچە كۈن ئىچىدە بۇ ھەقتە مەلۇمات بەرمىسە،ئۆزلىرىنىڭ Pjblogنى تاشلاپWordpressكە كۆچىدىغانلىقىنى ئېيتىشىپ،تەھتىت سالاتتى...
ئۇ يەر-يېقىندىن بىرى بەكلا چۆلدەرەپ قالدى،مېنىڭمۇ Pjblog4نىڭ چىقىشىنى ساقلاپ ئولتۇرماي يەنە باشقىچە بىر سېستىمىنى سىناپ بېقىش ئويۇم كەپقالدى،ئۇنىڭ ئالدىدا Blogbusدىن،Z-blog,mblogلارغىچە چۆرگىلەپ،كوچىلاپ بېقىپتىمەن،كۆڭلۈمدىكىنى ئېيتسامغۇ،Pjblog ھەقىقەتەن ئېسىل،قولايلىق ئىكەن،ئەمما،ئۇ يەنىلا ‹‹جۇڭگۇ››چە ئىدى، ئەنئەنىۋىلىكى كۈچلۈك ئىدى،ئۇنىڭ ئۈستىگە بۇ سېستىمىنى ئېچىۋاتقانلارنىڭ سانى ناھايىتى ئاز بولغاچقا يېڭىلىشچانلىقى بەك ئاستا ئىدى،،بۇ كەمچىلىكلەر ئاجايىپ ئۈنۈم بىلەن تەسەۋۋۇرغا ماسلاشتۇرۇپ تېخنىكا ئۆگۈنۈشنى ئىزدەيدىغان مەندەك تور ھەۋەسكارىنىڭ تەلىپىنى قاندۇرۇپ بولالمىدى،شۇنداق قىلىپ،يېقىندا WordPressنى تەتقىق قىلىشقا باشلىدىم...
بىرنەچچە كۈنلۈك يازما رەتلەش مەزگىلىدە،بلوگ يىزىشدىكى مەقسىدىم شۇنداقلا كەلگۈسى تەرەققىياتى ھەققىدە ئۇزاق ئويلاندىم،بۇ ئويلىنىش ئىچىدە بلوگىمدا ئەسلى ياخشى دەپ باشقا يەردىن كۆچۈرۈپ ئەكەلگەن يازمىلارنىڭ ھەممىسىنى شۇنداقلا،ئەھمىيىتى ۋە پايدىسى يوق دەپ قارالغان بىر قىسىم يازمىلىرىمنى ئۆچۈرۈپ تاشلىدىم،بلوگ ئۇسلۇبلىرىنى بىرئاز رەتلەي دەپ نۆۋەتتىكى يېڭى تۇرايىمنىڭ مەزمۇنىغا قوشمۇدۇم،ئۇنىڭ ئۈستىگە تەتىل مەزگىلى بولۇپ قالغاچ تورغا چىقىدىغان ۋاقتىم ئېنىقلا يىتەرلىك ئىدى،شۇڭا...مەزمۇن يېڭىلىنىشى ھەمدە سەل ئاستىلايدىغان بولدى.ھىچقىسى يوق،نىشان ئېنىق،ئېنىق نىشاندا مەنزىلىمگە ھامان يېتۇرمەن.
ئويلىماپتىكەنمەن،Wordpress ھەقىقەتەن بىر كانكەن،سەرخىل قىستۇرمىلار،كۆركەم ئۇسلۇبلار...مېنى ئۆزىگە رام قىلىۋالدى،مەنمۇ ئۆزۈمنى تۇتالماي WordPress غا سالام ئېيتىپ،ئۇنىڭ دۇنياسىغا قەدەم ئالدىم،ئىھ،بۇ قەدەملىرىم قۇتلۇق بولغىيدى!

نەچچە ھەپتىدىن بىرى،ئىمتىھان،ئىمتىھان دەپ ئالدىراش يۈرۈپ كەتتىم،تاللاپ ئوقۇغان گېرمان تىلى،دۇنيا ئەدەبىياتى،قوللىنىشچان ماتىماتىكا قاتارلىق دەرسلىرىمنى شۇنداقلا،جۇڭگو يېقىنقى زامان تارىخىدىن نەمۇنىلەر،سىياسىيدىن نەزەرىيە قاتارلىق مۇھىم دەرسلىرىمدىن ئىمتىھان بېرىپ بولۇپ،ئەمدى كەسپىي دەرسلىرىمىز،شۇنداقلا مەن تۇغما ئاجىز بولغان پەن بولمىش ئالىي ماتېماتىكا دەرسلىكىنىڭ ئىمتىھانىغا جىددىي تەييارلىق قىلماقتا ئىدىم...
مۇشۇ كۈنلەردە بەك چېچىلاڭغۇ بولۇپ قېلىۋاتاتتىم،قىزىقىشىم،شۇنداقلا خوشلۇقۇم بولمىش <<بلوگ>>ىممۇ ياتسىراشقا باشلىدى،ياردەم سوراپ كەلگەنلەرگە بۇرۇنقىدەك قىزغىن ياردەم قىلماي سوغۇق مىجەزلىك بىلەن ئۇنى كۆرۈڭ،بۇنى كۆرۈڭ دەپ يولغا سالدىم،بەزىلەر رەنجىپمۇ قالدى.كۈندىلىك خاتىرەمنىڭ نەچچە ئون كۈنلۈك بەتلىرى ئاق قالدى،مۇشتەرى بولغان ژۇرناللىرىمنى چوڭلاپ ئەپچىقىپ يوق بولدى،تورغا چىقىپ ئولتۇرۇپ نۇرغۇن پلانلىرىم نۆل بولدى،ھىچنىمە خوش ياقماي،ھەتتا تاماقنىمۇ دوستلىرىم ئەپكېرىپ بىرىدىغان بولدى،ئەڭ مۇھىمى-ئالىي ماتېماتىكا دەرسلىكىدىن قېلىش كرىزىسى كۈنسىرى يېقىنلاشقا باشلىدى...

كىچىك چاغلىرىمدىن تارتىپ تۈركىيەنىڭ كىنوسىنى ناھايىتى ياقتۇرۇپ كۆرەتتىم.بولۇپمۇ،كومىدىيەلىك كىنولارنى يۈرۈشلەشتۈرۈش ئىشلەيدىغان كامال سۇنالنىڭ ‹‹شابان››ئوبرازىدىكى ھەجۋىي كىنولىرىنى قويماي دىگۈدەك كۆرۈپ چىققانىدىم.ئۇ چاغلاردا،تەڭتۇشلىرىم ئارىسىدا ‹‹ئىسمىڭ نىمە؟››دىسە ‹‹شابان››دىيىش ناھايىتى مودا ئىدى.ئۇنىڭدىن باشقا‹‹چالىقۇشى››،‹‹دانىيەدىن كەلگەن كېلىن››...قاتارلىق نۇرغۇن كىلاسسىك كىنولار يۇرتىمىزدا شۇقەدەر ئالقىشقا ئېرىشكەن ئىدى.
كىيىن،تولۇق ئوتتۇرا ھاياتىم مەزگىللىرىدە ئاساسەن دىگۈدەك ھوللىۋودنىڭ يۇقىرى پەن-تېخنىكا بىلەن ئىشلىگەن سۈنئىي كىنولىرىغا مەپتۇن بولۇپ ‹‹خاككېر ئىمپىرىيىسى››دىن‹‹ھۆكۈمران ئۈزۈك››كىچە ئايلىنىپ يۈردۈم،تۈركىيەنىڭ ناخشىلىرىنى ھىسابقا ئالمىغاندا،قېرىنداش مىللەت كېلىدىغان بۇ خەلقنىڭ كىنولىرى بىلەن بولغان ئارىلىقىم بارغانسىرى يىراقلاپ كېتىۋاتاتتى.ئالىي مەكتەپكە كەلگەندىن كىيىن،نەزىرىمدە ھېلىھەم ئوسمانلى ۋاقتىدىكى ھالىتىدە يۈرۈيدۇ دەپ ئويلايدىغان تۈركىيە بارغانسىرى دۇنيانىڭ نەزىرىنى تارتىشقا باشلىدى.مەيلى ھەربىي ئىشلار بولسۇن،مەيلى دېپلوماتىيە ۋە ياكى مەدەنىيەت جەھەتتىن بولسۇن،جۇڭگودىكى ئاخبارات ۋاستىلىرىدا پات-پات تۈركىيەنىڭ خەۋىرىنى ئاڭلايدىغان بولۇپ قالدۇق،بەزىدە تېخى،تۈركىيەنىڭ ياخشىراق خەۋىرى چىقىپ قالسا،خۇددىي ئۇيغۇرلارنىڭ خەۋىرىدەك قىزىقىپ كۆرىدىغان بولدۇق...مۇشۇنداق كۈنلەرنىڭ بىرىدە تۈركىيە كىنولىرىنىڭ دۇنيا كىنو ساھەسىدە داڭقى چىقىشقا باشلىدى.ئۇزاق بولمىغان ۋاقىت ئالدىدا‹‹ئۈچ مايمۇن››ناملىق فىلىم ھەتتا گانا كىنو فېستىۋولىدا ‹‹ئەڭ مۇنەۋۋەر چەتئەل تىلى مۇكاپاتى›› ئېلىشقا ئازلا قېلىپ ‹‹مۇنەۋۋەر رېژىسسور مۇكاپاتى››غا نائىل بولدى.بۇنداق خەۋەرلەرنىڭ ئۈزۈلمەي كەپ تۇرۇشى،بارغانسىرى تۈركىيە كىنوچىلىقىغا بولغان قارىشىمنى ئۆزگەرتىشكە باشلىغانىدى...

جاھاندىكى ئاساسلىق جاھاننەمىلەردىن بولغان Internet Explorer, Firefox, Google Chrome, Opera ۋە Safariلەرنىڭ پەرقى زادى نىمە؟دىققىتىڭىز تۆۋەندىكى ھەجۋىي رەسىملەردە بولسۇن،بەلكىم،بۇ رەسىملەردىن بىرەر ھەقىقەتنى بايقاپ قېلىشىڭىز مۇمكىن...

Internet Explorer: ھىچقانداق كېرىكى يوق،پىشقەدەم دەپ ئىشلىتىۋاتىمىز،بەيگە مەيدانىغا ئەپچىقالىساق كاشكى...

Firefox: ئۇدۇللا دىگەندە بۇ كاساپەتنىڭ ھىچقانداق زىيىنى يوق،پەقەت شۇ ھېلىقى پۈتمەس-تۈگىمەس قىستۇرمىلار ئۇنى شۇنداق يارىماس قىلىۋەتكەن.

Safari: ئىقتىدارى ناھايىتى ياخشى،چاتاق يىرى Safariنى ئىشلىتىپ كۆنگەنلەر ھەدىسىلا ئۇنى ماختاپ ئۇچۇرۇشقا ئامراق.

Chrome: بۇنىڭغا نىمە دەيلى،بىز ئېغىز گەپ:<<ھەقىقەتەن تىز،ئۇچقاندەكلا...>>

Opera:بەزىلەر بۇ نەرسىگە شۇنداق ئامراقكەن،ئەمما،كۆپلىگەن كىشىلەرنىڭ ئاغزىدا يەنىلا @#^^*)*_)+$+_(*

تۆنۈگۈن،بېيجىڭ ۋاقتى سائەت ئالتە يېرىم ئەتراپىدا،نۇرقۇت مۇنبىرىگە قەدەم باساي دەپ قۇۋۇقنى ئېچىۋىدىم،نۇرقۇت سەل قالايمىقان.نىمە ئىش بولۇپ كەتكەندۇ دەپ ئۆزۈمچە ھەر خىياللارنى قىلىپ،10 مېنۇتتىن كىيىن ئاچسام،ئەھۋال باشقىچە،قارىسام رېۋايەتلەردىكى DiscuzXنىڭ ئۇيغۇرچە نۇسخسىنى نۇرقۇت تورى ھەدەپ سىناۋېتىپتۇ،مەنمۇ بىرچەتتىن ئىشىمنى قىلغاچ،بىرچەتتىن بۇ يېڭىلاشدىكى جەريانلارنى كۈزىتىپ تۇردۇم.
نۇرقۇت ئەترىتى DiscuzX تەرجىمە ئەترىتىنىڭ مەخسۇس توپىدا،ئۇيسون(Uyson)ئەپەندىم سىناق جەريانىدىكى رەسىملەرنى ئۆزلۈكسىز ئەۋەتىپ بىزنى نەق مەيداندىن خەۋەر قىلىپ تۇردى،ئاڭغىچە،توكىمىز ئۆچۈپ قالغاچ كىيىنكى ئىشلاردىن خەۋەر تاپالماي قويدۇم،ئامال يوق،ئۇيقۇمنى ئۇخلاپ ئەتتىگەندە تۇرۇپلا نۇرقۇتنى ئاچتىم،سىناق داۋاملىشىۋاتاتتى،تۆنۈگۈنكى يېڭىلاش تېخى توختىماپتۇ،بايا قارىسام،نۇرقۇتنىڭ قۇۋۇقىمۇ ناھايىتى نەپىس بولۇپ كېتىپتۇ.

مانا،ماۋۇ بۈگۈن سائەت(بېيجىڭ ۋاقتى) 22:31 ئۆتكەندە تارتىۋالغان سۆرەت

بۇ تۆنۈگۈن،سىناق باشلانغاندا تارتىۋالغان سۆرەت،بۇنىڭ ئالدىدىكىسىنى تارتىشقا ئۈلگۈرمەي قاپتىمەن

سىناق داۋاملاشماقتا،قارىسام ئۈستىگە مەزمۇن قۇشۇلۇپتۇ.

بىرنەچچە كۈن ئاۋۋال،Google دۇنيادىكى زىيارەت مىقدار ئېقىمى ئەڭ كۆپ بولغان 1000 توربەتلەر دەرىجىسىنى ئېلان قىلغانىدى.ئۇنىڭ ئالدىدا،سەبۇرى ئىزدەش ماتورى توربېتىمۇ دىيارىمىزدا تور راۋانلىشىشدىن بۇرۇن ئىچكىرىدە ھەمدە چەتئەللەردە ئېچىلىدىغان بىرقىسىم ئۇيغۇر يىزىقىدىكى توربەتلەرنىڭ Alexa دەرىجىسىنى ئۇيغۇرچە توربەتلەر ئارىسىدا سېلىشتۇرۇپ ئۇيغۇرچە توربەتلەر ئارىسىدىكى تىزىلىش تەرتىپىنى ئېلان قىلىپ ئۆتكەن بولۇپ،توربەتچىلەر ئارىسىدىكى تەسىرى ناھايىتى ياخشى بولغانىدى،كىيىن سەبۇرى ئىككىنچى قېتىملىق دەرىجە تىزىلىشىنى ئېلان قىلدى.ئارقىسىدىن دىيارىمىزدىكى تور راۋانلاشقاندىن كىيىن،دىيارىمىزدىكى توربەتلەرنىڭ سانلىق مەلۇمات ئامبىرى قەھەتچىلىكىدىن بولسا كېرەك،بۇ دەرىجە تىزىلىشنىڭ يېڭى نۇسخىسىنىڭ ئېلان قىلىشى كەينىگەرەك سۈرۈلۈپتۇ.بۈگۈن،مەن Googleنىڭ بۇ توربەتلەر دەرىجىسى ھەققىدە ئويلىغانلىرىمنى بايان قىلماقچى بولىۋاتىمەن.