[باياننامە] ئۇيغۇربەگ ئىمتىھان ھەلەكچىلىكىدە…

سەھىپە:ئۇنىۋېرسال
| باھا:4
| زىيارەت: 1 قېتىم ئوقۇلدى
| خەتكۈچ: ، ئىمتىھان, ئۇيغۇربەگ

نەچچە ھەپتىدىن بىرى،ئىمتىھان،ئىمتىھان دەپ ئالدىراش يۈرۈپ كەتتىم،تاللاپ ئوقۇغان گېرمان تىلى،دۇنيا ئەدەبىياتى،قوللىنىشچان ماتىماتىكا قاتارلىق دەرسلىرىمنى شۇنداقلا،جۇڭگو يېقىنقى زامان تارىخىدىن نەمۇنىلەر،سىياسىيدىن نەزەرىيە قاتارلىق مۇھىم دەرسلىرىمدىن ئىمتىھان بېرىپ بولۇپ،ئەمدى كەسپىي دەرسلىرىمىز،شۇنداقلا مەن تۇغما ئاجىز بولغان پەن بولمىش ئالىي ماتېماتىكا دەرسلىكىنىڭ ئىمتىھانىغا جىددىي تەييارلىق قىلماقتا ئىدىم...
مۇشۇ كۈنلەردە بەك چېچىلاڭغۇ بولۇپ قېلىۋاتاتتىم،قىزىقىشىم،شۇنداقلا خوشلۇقۇم بولمىش <<بلوگ>>ىممۇ ياتسىراشقا باشلىدى،ياردەم سوراپ كەلگەنلەرگە بۇرۇنقىدەك قىزغىن ياردەم قىلماي سوغۇق مىجەزلىك بىلەن ئۇنى كۆرۈڭ،بۇنى كۆرۈڭ دەپ يولغا سالدىم،بەزىلەر رەنجىپمۇ قالدى.كۈندىلىك خاتىرەمنىڭ نەچچە ئون كۈنلۈك بەتلىرى ئاق قالدى،مۇشتەرى بولغان ژۇرناللىرىمنى چوڭلاپ ئەپچىقىپ يوق بولدى،تورغا چىقىپ ئولتۇرۇپ نۇرغۇن پلانلىرىم نۆل بولدى،ھىچنىمە خوش ياقماي،ھەتتا تاماقنىمۇ دوستلىرىم ئەپكېرىپ بىرىدىغان بولدى،ئەڭ مۇھىمى-ئالىي ماتېماتىكا دەرسلىكىدىن قېلىش كرىزىسى كۈنسىرى يېقىنلاشقا باشلىدى...
ئۆزۈمنى كۈزەتتىم،گەرچە پىسخىكا توغرۇلۇق ھىچنىمە بىلمىسەممۇ،ئۆزۈمچە پىسخولوگىيەنىڭ ئالاقىدار بىلىملىرىنى قىياس قىلىپ ئۆزۈمگە دىئاگنوز قويۇپ باقتىم،مەن <<زىيادە بېسىم>>كېسىلىگە گېرىپتار بوپ قالغاندەك قىلىمەن،بەلكىم ئۇ ئەمەستۇر.ئۇنداق بولسا نىمىدۇ،ھە بىلدىم،چوقۇم ئىمتىھاندىن قورقۇش ئالامىتى...
بۇ ئالامەت-بەلكىم ئىمتىھان تۈگىگەندىن كىيىن تۈگىشى مۇمكىن،تۇرايىمنى ئۈزۈلمەي زىيارەت قىلىپ تۇرۇۋاتقان ھەر قايسى تورداشلارغا رەھمەت ئېيتىمەن،تۇرايىم تاكى ئىمتىھان تۈگىگىچە نورمال يېڭىلانماسلىقى مۇمكىن،بۇ مەزگىللەردە تۇرايىمنى غېرىبلاشتۇرۇپ قويماي پات-پات كەپ تۇرۇشۇڭلارنى ئۈمىد قىلىمەن،ئىمتىھاندىن كىيىن،سەرخىل مەزمۇنلار داۋاملىق ھوزۇرۇڭلاردا بولىدۇ...

ئاپتور: ئۇيغۇربەگ

ئىسمىم ئۇيغۇربەگ،ئەركىلەتمە ئىسمىم «بىگىم»، يېقىنلار بولسا «قازاقبەگ»،«خەنسوبەگ»دەپمۇ چاقىرىشىدۇ،كەمىنە ۋوردپرېسكە ئاجايىپ ئىشتىياق باغلىغان بالىمەن. قىسقىچە تەرجىماھالىمنى بۇ يەردىن كۆرۈڭ، مىكروبلوگلىرىم : ئەلكۈيى مىكروبلوگى | شىنلاڭ مىكروبلوگى | QQ مىكروبلوگى | رېن رېن تورى

توختاڭ، تۆۋەندىكى يازمىلارغىمۇ ئىشتىھايىڭىز بولۇشى مۇمكىن

4 باھا يېزىلىپ بوپتۇغۇ؟ سىزلا يازمىغان ئوخشايسىز ...

سەبۇرى | 2010.07.22 جاۋاب

ئەسسالامۇئەلەيكۇم، ئۇيغۇربەگ ئەپەندىم، ئالدى بىلەن يېڭى بلوگ سۇپا سېستىمىسىغا كۆچكىنىڭىزنى قىزغىن تەبرىكلەيمەن.
بلوگىڭىز كۈنسىرى راۋاجلانغۇسى. بۇنىڭ ئۈچۈن بۇ بلوگنىڭ ئىگىسى بولمىش ئۇيغۇربەگ ئەپەندىمنىڭ روھىي جەھەتتىكى تەڭپۇڭلۇق مەسلىسى ناھايىتى مۇھىم. سىز ئەمدى ئالىي مەكتەپنىڭ 1.يىللىقىنى تۈگەتتىڭىز ئالدىڭىزدا ماڭىدىغان يول كۆپ. ئۇچرىغان قېيىنچىلىقلىرىڭىزنى خالىسىڭىز ئورتاقلاشساق بولىدۇ. ئىشىنىمەنكى بىزنىڭ نۇرغۇن ئورتاقلىق تەرەپلىرىمىز بار، سىزگە پايدىلىق يېرى مەن ھازىر ئوقۇش پۈتتۈرۈپ بولدۇم، بەزى تەجرىبىلىرىمنى ئورتاقلاشساق سىزگە پايدىسى تېگىشى مۇمكىن.
كەمىنە يەنە خەنزۇچە بلوگىمدا ناملىق ئەسلىمە خاراكتېرلىك چاتما ئەسەرلەرنى يوللاۋاتقان ئىدىم، كۆرۈپ باقسىڭىز بۇنىڭمۇ ياردىمى تېگىپ قالسا ئەجەپ ئەمەس:
http://blog.sina.com.cn/seburi
مۇبارەك تېنىڭىز ئامان، ئىشلىرىڭىز ئۇتۇقلۇق بولغۇسى!
قوشۇمچە ئىزاھات: بۇ تېمىنىڭ يوللانغان ۋاقتى خاتا بولۇپ قالدىمۇ قانداق؟ ئۈستىدە يوللانغان ۋاقتى: 1970-01-01 دەپ تۇرىدۇ.
- ئۇيغۇربەگ | 2010.07.22
  
  ۋەئەلەيكۇم ئەسسالام سەبۇرى ئەپەندىم،كەلگەن قۇتلۇق قەدىمىڭىزگە مۇبارەك بولسۇن!…
  شۇنداق،تەتىل قىلىپ بىرنەچچە كۈندىلا بلوگ كۆچۈشۈم تامام بولدى،ئەمما،قىلىدىغان نۇرغۇن ئىشلىرىم شارائىت تۈپەيلى سەل ئاقساپ قېلىۋاتىدۇ،سىز كۆرسەتكەن ئاۋۇ يازما ۋاقىت خاتالىقى ھەم بار…خۇدا خالىسا تەتىلدىن يېنىپ داۋاملىق تەڭشەيمەن…
  ئەينى چاغدا چ چ ئارقىلىق سۆزلىشىپ تۇراتتۇق،كىيىن نىمە بولدى،چ چ رىڭىز مېنىڭكىدە كۆرۈنمەسلا بولدى،شۇنىڭ بىلەن نۇرقۇتتا پات-پات ئۇچرىشىپ تۇرغاننى ھىسابقا ئالمىغاندا،كۆرۈشۈش پۇرسىتىمىز ئازلاپ كەتتى.سىز دىگەندەك،مەن ھەقىقەتەن تەربىيىلەشكە،يول كۆرسۈتۈشكە مۇھتاجمەن،سىزدەك مەكتەپ پۈتتۈرۈپ بەلگىلىك تەجرىبە-ساۋاقلارغا ئىگە ئاكا سۈپەت كىشىلەرنىڭ يول كۆرسۈتۈشى ماڭا ناھايىتى پايدىلىق ئەلۋەتتە،سىز بىلەن قانداق ئالاقىلىشىمەنكى؟…
  خەنزۇچە بلوگىڭىزنى كۆردۈم ھەمدە ساقلىۋالدىم،خۇدا خالىسا،تەتىلدىن يېنىپ تەپسىلىي كۆرۈپ چىقاي..
  خەيىر ئامان بولۇڭ،سىزنىڭ كۆڭۈلدىكىدەك خىزمەت ھەمدە جۆرە تېپىشىڭىزغا تىلەكداشمەن…
سەبۇرى | 2010.07.23 جاۋاب

ئالىي تىلەكلىرىڭىزگە كۆپتىن كۆپ تەشەككۈر. سىزنىڭمۇ ھەم ئىشلىرىڭىز ئۇتۇقلۇق بولغۇسى! تەتىل كۈنلىرىڭىز خۇشال ئۆتسۇن!
- ئۇيغۇربەگ | 2010.07.27
  
  سىزنىڭمۇ كىيىنكى خىزمەت كۈنلىرىڭىزنىڭ ئۇتۇقلۇق بولىشىغا تىلەكداشمەن!