شۇنداق قىلىپ،نەچچە كۈنلۈك ئىزدىنىشىم ئاستىدا،نەچچە رەت سىناپ قىلىپ مەغلۇب بولۇشلارنىڭ ئارقىسىدىن، ناھايىتى ئوڭۇشلۇق ھالدا تۇرايىمنى Pjblogدىن WordPressكە كۆچۈرۈپ ئەكېلىۋالدىم.بۇ جەريان،باشدا مەن ئويلىغاندەك ئوڭايغا توختىمىدى،بۇ كۆچۈش ھەرگىزمۇ ئاددىي ھالەتتىكى RSS ھۆججىتىنى ئېكىسپورت-ئىمپورتلاش بولماسدىن،بەلكى،ئىككى ئوخشىمىغان تىل ۋە ئوخشىمىغان تېخنىكا ئاساسىدا قۇرۇلغان ئىككى پروگرامما ئارىسىدىكى ئېلىشىش ئىدى ،ئەمما،بۇ جەرياندا شۇنى بىلىۋالدىمكى،تىرىشسا،ئىزدەنسە خېلى-خېلى ئىشلارنى قىلغىلى بولىدىكەن.مۇشۇ كۆچۈش مەشخۇلاتى ئۈچۈن ئالاقىدار خەنزۇچە توربېكەتلەرگە قانچە رەت كىرگەنلىكىمنى ھىسابلاپ بېرەلمەيمەن.توردا بۇنداق كۆچۈش ھەققىدىكى يازمىلار ناھايىتى نۇرغۇنكەن،نۇرغۇن بولغاندىمۇ ئادەمنىڭ كۆزىنى ئالاچەكمەن قىلىۋېتىدىكەن،بىر ئۆگەنگۈچى ئۈچۈن بۇنداق كۆپ ئۇسۇللار ناھايىتى ئەسقاتتى،مەنمۇ بىرنەچچە رەت تەجرىبە قىلىش ئارقىلىق بۇ ئېككى سېستىمىنىڭ باغلىنىشىنى ئازراق بولسىمۇ چۈشەنگەندەك بولدۇم،ھەمدە بۇخىل كۆچۈشنىڭ بىرنەچچە خىل ئۇسۇلىنى ئۆگىنىۋالغان بولدۇم.ئەلدىن-ئەلگە نەپ دەپتىكەن،مەنمۇ بۇ ئۆگەنگەنلىرىمنى بۇ يەردە سۆزلەپ ئۆتەي،بەلكىم،كىيىنكى چاغلاردا سىزگىمۇ ئەسقېتىپ قالار،بۇ بىلىم مەندە سېسىپ كەتمىسۇن...

1.بلوگ كۆچۈشنىڭ ئالدىدىكى تەييارلىق باسقۇچ
ئەڭ ئاۋۋال،Wordpressنى بوشلۇققا يوللاپ ھەمدە قاچىلاپ تەييار بولغاندىن كىيىن،ئەسلىدىكى بلوگىڭىزدىكى بارلىق يازمىلارنى ساقلىۋېلىڭ(مېنىڭچە،بارلىق ھۆججەتلەرنى بوشلۇقىڭىزدىن چۈشۈرۈپ زاپاسلىۋېلىڭ)،بۇ ئەڭ ئاددىي شۇنداقلا ئەڭ مۇھىم بىر باسقۇچدۇر.چۈنكى،كىيىنكى باسقۇچلاردا سىزھەرخىل سەۋەب تۈپەيلى مەغلۇب بولۇپ قالسىڭىز،بلوگىڭىزغا چوڭ تەسىرى بار.شۇڭا،زاپاسلاشنى زادى ئۇنۇتماڭ.

2.بلوگ كۆچۈش باسقۇچى
بلوگ زاپاسلاش تامام بولغاندىن كىيىن،بۇيەرنى چىكىپ asp2wp قورالىنى چۈشۈرۈڭ.
مەنزىل:http://dudo.org/wp-content/uploads/2010/03/asp2wp.rar
ئاندىن بۇ ھۆججەت سومكىسىنى يېيىپ ئىچىدىكى asp2wp ھۆججىتىنى Pjblogنىڭ ساندان ئورۇنلاشقان ھۆججەت قىسقۇچ ئىچىگە قۇيۇڭ،ئاندىن ساندان نامىنى كېڭەيتىلگەن رايونى بىلەن قوشۇپ blog.mdb دەپ ئۆزگەرتىڭ(دىققەت:تەدبىركار ئەپەندى ئۇيغۇرچىلاشتۇرغان بلوگ سېستىمىسىنىڭ ساندان كېڭەيتىلگەن نامى .asp)،ئاندىن جاھاننامە ئارقىلىق asp2wp ھۆججىتىنى ئېچىڭ.ئاندىن،بۇ قورالنىڭ ئەسكەرتمىسى بۇيىچە قەدەم بۇيىچە مەشخۇلات قىلىپ ئوڭۇشلۇق بولسا،سىزگە بىر XML ھۆججىتىنى چىقىرىپ بىرىدۇ،بۇ ھۆججەتنى سىز WordPressنىڭ ئىمپورتلاش ئىقتىدارى ئارقىلىق WordPressدىكى بلوگىڭىزغا ئىمپورتلاپ كىرگۈزسىڭىز بلوگ يۆتكەشنىڭ تۇنجى قەدىمى ئاياغلاشقان بولىدۇ.

3.بلوگ كۆچۈشدىكى بىر قىسىم مەسىلىلەر
(1)چۈشۈرۈلگەن XML ھۆججىتى خەتكۈچ،تۈر،ئىنكاس،ئەزا قاتارلىق مەزمۇنلارنى ئۆز ئىچىگە ئالمايدۇ،دىمەكچىكى،بلوگ يۆتكەلگەندىن كىيىن،يېڭى بلوگىڭىزدا ئەسلىدىكى بلوگدىكى ئىنكاسلار،خەتكۈچلەر،تۈرلەر ۋە بۇرۇن تىزىملاتقان ئەزالار ئىناۋەتسىز بولىدۇ.بۇنىمۇ،مەن بلوگ يۆتكىگەندىن كىيىن ئاندىن بايقىدىم.شۇڭا،بلوگ يۆتكەش تامام بولغاندىن كىيىن،سىز ئەڭ ئاۋۋال،بلوگ ئارقا سۇپىسىغا كىرىپ(يېڭى بلوگدىكى)تۈرلەر رايونىدىكى ئەخلەت تۈرلەرنى(بۇيەردە نۇرغۇن كېرەكسىز تۈرلەر پەيدا بولۇپ قالىدىكەن)تازىلاپ چىقىڭ،ئاندىن يېڭى تۈرلەرنى قۇشۇپ بولغاندىن كىيىن ھەر بىر يازمىنى بىردىن-بىردىن تەھرىرلەپ،خەتكۈچ ۋە تۈرلىرىنى بېكىتىڭ.ئېنىقكى،بۇ جەريان،بلوگ كۆچۈشدىكى ئەڭ كۆپ ئىش كېتىدىغان جەريان.
(2)ناۋادا،سىز ئەسلىدىكى Pjblog بلوگىڭىزدا،قىستۇرما يوللاش ئىقتىدارىنى ئىشلەتكەن بولسىڭىز،بلوگىڭىزدىكى attachments مۇندەرىجىسىنى يېڭى بوشلۇقدىكى WordPress ئورنىتىلغان مۇندەرىجە ئىچىگە يۆتكەپ كېلىڭ.
(3)ناۋادا،بلوگىڭىزغا مۇشتەرى بولغانلار ناھايىتى كۆپ بولسا،سىز بلوگ كۆچۈشدىن بۇرۇن بلوگىڭىزدا ئۇقتۇرۇش ئېلان قىلىپ قۇيۇڭ،چۈنكى بۇ ئىككى سېستىمىنىڭ RSS يۇلى ئوخشىمايدۇ.
(4)باشقا مەسىلىلەر،مەسىلەن قىستۇرما بېكىتىش دىگەندەك ئىشلارنى كىيىنچە ئۆزىڭىز ئىزدىنىپ كۆرۈڭ.

شۇنداق قىلىپ،مىڭبىر جاپادا WordPressگە كۆچۈش جەريانى تاماملاندى.ئەلۋەتتە،بۇ جەريان ناھايىتى جاپالىق ھەمدە بۇ جەرياندا سىز نۇرغۇن زىيارەتچىلىرىڭىزدىن ئايرىلىپ قالىسىز.بۇ يەردە شۇنى ئەسكەرتەيكى،بۇ كۆچۈش بەلكىم سىز ئويلىغاندەك ياخشى بولماسلىقى مۇمكىن،ئۆزىڭىز رازى بولغىدەك كۆچۈش ئۈچۈن،سىز كۆپ رەت سىناق قىلىشىڭىز كېرەك،قالغان ئىشلارنى سىز كۆچۈش جەريانىدا بىلىۋالىسىز...
خەير،قەدىناس PJBlog،سالام WordPress! سىزنىڭ WordPress تۇرمۇشىڭىزنىڭ كۆڭۈللۈك بۇلىشىغا تىلەكداشمەن!