ھازىر بىر قىسىم يۇمشاق دېتال ئۇيغۇرچىلاشتۇرۇش خىزمىتى بىلەن شۇغۇللىنىۋاتقان پىدائىيلىرىمىزنىڭ تىرىشىشى نەتىجىسىدە، ئۇيغۇرچىلاشتۇرۇلغان يۇمشاق دېتاللار خېلى كۆپ ساننى ئىگىلەپ قالدى. بىراق Windows نىڭ كۆڭۈلدىكى سېستىما خەت نۇسخىسى ئۇيغۇرچە خەت نۇسخىسىغا تەڭشەلمىگەن بولغاچ، بۇ ئۇيغۇرچىلاشتۇرۇلغان يۇمشاق دېتاللارنى Windows تا ئىجرا قىلغىنىمىزدا، خەت نۇسخىسى نورمال كۆرۈنمەيدىغان ياكى ئەرەپچىدەك كۆرۈنىۋالىدىغان ئەھۋال مەۋجۇد. ئادەتتە بۇ خىل مەسىلىنى سېستىما خەت نۇسخىسىنى خالىغان يۇنىكودلۇق ئۇيغۇرچە خەت نۇسخىىسىغا تەڭشەش ئارقىلىق ھەل قىلىشقا بولىدىغان بولۇپ، تۆۋەندە تورداشلارغا تونۇشتۇرماقچى بولغان قورال Microangelo On Display دەل مۇشۇ خىلدىكى ئېھتىياجنى قامدايدىغان، سېستىما خەت نۇسخىسىنى ئالماشتۇرۇش ئۈچۈن كۆڭۈلدىكى تاللاش بولالايدىغان يۇمشاق دېتالدۇر.

Microangelo On Display نىڭ ئەلۋەتتە سېستىما فونتىنى ئالماشتۇرۇش ئىقتىدارىدىن بۆلەك، Windows تىكى بىر قىسىم ئورۇنلارنىڭ ئايكونلىرىنى ئۆزگەرتىش، مائۇس نۇر بەلگە پاسونىنى ئۆزگەرتىش قاتارلىق كۆپ خىل ئىقتىدارلىرى بار. نۆۋەتتە بىز ئاساسلىقى ئۇنىڭ سېستىما خەت نۇسخىسىنى ئالماشتۇرۇش ئىقتىدارىدىن بەكرەك پايدىلىنىشىمىز مۇمكىن. چۈنكى مەزكۇر قورالدا، Windows سېستىما فونتىنى ئالماشتۇرۇش شۇنچىلىك قولايلىق بولۇپ، بىز پەقەت بەلگىلىمەكچى بولغان ئۇيغۇرچە يۇنىكودلۇق خەت نۇسخىسىنى تاللاپ، ئاندىن جەزملەشتۈرۈش كۇنۇپكىسىنى بېسىۋەتسەكلا كۇپايە، بىزدىن ھېچقانداق كومپيۇتېرنى قايتا قوزغىتىش ياكى باشقا ئالاھىدە مەشغۇلات قىلىش تەلەپ قىلىنمايدۇ.

ناۋادا كومپيۇتېرىڭىزدا ئۇيغۇرچىلاشتۇرۇلغان يۇمشاق دېتاللار كۆپ بولسا ياكى مۇشۇ خىلدىكى ئېھتىياجىڭىز بولسا، ئۇنداقتا بۇ قورالنى چۈشۈرۈپ سىناپ بېقىشىڭىزغا ئەرزىيدۇ. نۆۋەتتە Microangelo On Display نى Windows 7 مەشغۇلات سېستىمىسى شارائىتىدا ئىشلىتىپ سىناقتىن ئۆتتى، Windows XP دىمۇ نورمال ئىشلىتىشكە بولىدۇ، مەندە XP شارائىتى بولمىغاچقا سىناپ باقمىدىم، بىراق باشقىلارنىڭ ئىنكاسىغا ئاساسلانغاندا، Windows XP دىمۇ شۇنداق ياخشى خىزمەت قىلالايدىكەن.

ئىشلىتىش ئۇسۇلى:
دېتالنى چۈشۈرگەندىن كېيىن muapanel.exe نى قوزغىتىپ خەت نۇسخىسىدىن ukij tuz tom ۋە ياكى باشقا ئۆلچەملىك يۇنىكودلۇق خەت نۇسخىلىرىنى تەڭشەپ قويسىڭىزلا بولدى، ئاندىن جەزملەشتۈرۈشنى باسساق كۈچكە ئىگە.

ھۆججەت ئۇچۇرلىرى:

ھۆججەت نامى: Windows سېستىما فونتنى ئالماشتۇرۇش قورالى – Microangelo On Display
ھۆججەت سىغىمى: 258KB
پرېستىن يېشىش پارولى: www.torhumar.com

چۈشۈرۈش مەنزىلى:

سېستىما فونتنى ئالماشتۇرۇش قورالى | مەنبە: torhumar.com