تەدبىركار تور بېكىتىدە Windows 7 ئەسلى ھەقىقى نەشىرىنى تونۇشتۇرغاندىن بۇيان، نۇرغۇن تورداشلار چۈشۈرۈپ قاچىلاپ ئىشلىتىۋاتىدۇ ۋە رازى بولۇپ كېلىۋاتىدۇ. يېقىندا يەنە بىر قىسىم تورداشلاردىن، سېستىما ھەجىمى سەل يوغان، بەزى ئىقتىدارلار ئارتۇقچە، مۇشۇنى ئۆز كۆڭلىمىزدىكىدەك تەڭشەش ۋە ئەلالاشتۇرۇش مەقسىدىگە يەتكىلى بولماسمۇ دېگەندەك گەپلەرنى ئاڭلاپ قالدىم. تۆۋەندە تونۇشتۇرماقچى بولغان Windows 7 ئەلالاشتۇرۇش ئۇستىسى دەل مۇشۇ تۈردىكى ئېھتىياجنى قاندۇرىدىغان تەۋسىيە خاراكتېرلىك يۇمشاق دېتالدۇر.

Windows7 ئەلالاشتۇرۇش ئۇستىسى(لاتىنچە نامى: Windows7 Master) بولسا، مىكروسوفت تەرەپنىڭ ئېتىراپ قىلىشىغا ئېرىشكەن يۇمشاق دېتال بولۇپ، 64 بىتلىق ۋە 32 بىتلىق Windows 7 مەشغۇلات سېستىمىسىنى مۇكەممەل قوللايدۇ، نۆۋەتتە دۆلەت ئىچىدىكى Win7 ئەلالاشتۇرۇش قوراللىرى ئىچىدە ئالدىنقى قاتاردا تۇرىدۇ. via win7china

Windows 7 ئەلالاشتۇرۇش ئۇستىسى ئۆزىدە كۆپ خىل تۈردىكى ئەلالاشتۇرۇش ۋاستىلىرىنى تەمىنلىگەن بولۇپ، سېستىما ئورۇقلىتىش، گۈزەللەشتۈرۈش، ئەخلەت تازىلاش، بىخەتەرلىكىنى ئاشۇرۇش، تور ئىقتىدارىنى كۈچەيتىش، ئارتۇقچە ئىقتىدارلارنى چىقىرىش ۋە سېستىمىدىكى يوشۇرۇن ئىقتىدارلارنى قوزغىتىشتەك كۆپ خىل ئالاھىدىلىكلەرگە ئىگە. ناۋادا سىز سېستىمىنى يېڭىلا قاچىلىغان بولسىڭىز، ئۇنداقتا Windows 7 ئەلالاشتۇرۇش ئۇستىسى چوقۇم سىزنىڭ سېستىما ئەلالاشتۇرۇشتىكى بىرىنچى تاللىشىڭىز بولالىغۇسى.

مۇناسىۋەتلىك ئۇچۇرلار:

يۇمشاق دېتال نامى: Windows7 Master
ھۆججەت سىغىمى: 5.53MB

چۈشۈرۈش مەنزىلى:

Windows 7 ئەلالاشتۇرۇش ئۇستىسى | مەنبەسى: torhumar.com | Windows 7 رەسمى ھەقىقى نەشىرىنى چۈشۈرۈش