21-ئەسىرگە كىرگىلىمۇ ئەمدى تېخى 12 يىل بولدى، ئەمما تارىخ شۇنى ئىسپاتلىدىكى، ئۆتكەنكى بۇ 12 يىل ۋاقىت پەن-تېخنىكا تەرەققىياتىنىڭ ئەڭ تېز گۈللەنگەن مەزگىلى بولۇپ ھېسابلىنىدۇ. ئامېرىكا تېخنىكا تاراتقۇلىرىدىن بىرى بولغان SAI يېقىندا بۇ ئەسىر كىرگەندىن بۇيانقى ئەڭ مۇھىم 10 دانە پەن-تېخنىكا مەھسۇلاتىنى باھالاپ چىققان. بۇنىڭ ئىچىدە ئالمىنىڭلا يالغۇز iPhone/iPad/iPod ۋە MacBook Air قاتارلىق تۆت دانە مەھسۇلاتى ئىگىلىگەن، ئۇنىڭدىن باشقا Wii قاتارلىقلارمۇ بۇ قاتارغا تىزىلغان.

1. iPhone

iPhone زور مۇۋەپپىقىيەتلەرگە ئېرىشىپ، ئالما شىركىتى كەسىپلىرىدىكى ھالقىلىق تۈر بولۇپ قالدى. iPhone پۈتۈن يەرشارىنى قاينام – تاشقىنلىققا چۆمدۈردى، ئۇ كىشىلەرنىڭ ئالاقە، تورغا چىقىش ۋە كۆڭۈل ئېچىشتىكى مۇھىم قورالى بولۇپ قالدى. iPhone 5 نىڭ ئېلان قىلىنىش ۋاقىتى يېقىنلىشىپ قالغان بۇ پەيتتە، كىشىلەر iPhone نىڭ تېخىمۇ كۆپ قوللاشقا ئېرىشىدىغانلىقىغا ئۈمىد بىلەن قارىماقتا…

2. iPad

ئالما ئېلان قىلغان iPad تەكشى ئەينەكلىك كومپيۇتېرى كىچىك دائىرىدە ئىشتىلىش ئېھتىياجى بار كىشلەرگە نۇرغۇن قولايلىقلارنى ئېلىپ كەلدى. iTunes App Store نىڭ بوشلۇقىمۇ كېڭەيتىلىشكە ئېرىشتى، تۈرلۈك ئەپلەر ۋە ئويۇنلارمۇ تېخىمۇ چوڭ بازارغا ئىگە بولدى.

3. Android

بۇ يەردە تىلغا ئېلىنىۋاتقىنى يەككە Android ئۈسكىنىسى ئەمەس بەلكى، Android سىستېمىسى. گۇگېل ئېلان قىلغان بۇ كۆچمە مەشغۇلات سىستېمىسى ئاللىقاچان تۈرلۈك ئۈسكىنىلەردە ئىشلىتىلىشكە باشلىغان بولۇپ، تەكشى ئەينەكلىك كومپيۇتېردىن تارتىپ، يانفون ۋە ئەقلىيفونغىچە ھەممىسىدىلا ئۇنىڭ ئىزى بار..ئۇنىڭ ياخشى بىر ئەۋزەللىكى ئۇنى ھەقسىز ئىشلىتىشكە بولىدۇ.

4. ipod

2001- يىللىرى جاھان سورىغان iPod مۇزىكا قويغۇچ بازىرىنىڭ ئويۇن پرىنسىپىنى ئۆزگەرتكەن. iPod دا سىز ئۆزىڭىزنىڭ بارلىق مۇزىكىلىرىنى ساقلىيالايسىز، بىر دۆۋە CD لارنى كۆتۈرۈپ يۈرۈشىڭىز ھاجەتسىز. iPod يۈرۈشلۈكلىرىدىن كېيىن يەنە iPod Touch بارلىققا كەلگەن بولۇپ، ئۇنى ئېلىپ يۈرۈشكە ئەپلىك بىر مۇزىكا قويغۇچ دېيىشكە بولىدۇ.

5. ئامازوننىڭ Kindle ئېلىكترونلۇق كىتاب ئوقۇغۇچىسى

Kindle بەلكىم بەزىلىرىمىزگە ئانچە تونۇش بولماسلىقى مۇمكىن. بىراق ھازىر سىز پەقەت ئېلىكترونلۇق نەشىرى تارقىتىلغان ھەرقانداق كىتابنى، ئۆيدىن چىقماي تۇرۇپلا نەچچە مىنۇت ئىچىدە ۋاراقلاشقا ئۈلگۈرەلەيسىز.

6. بارماقدېسكا

بارماقدېسكا پاتېنتى 2000- يىللىرى ئىجازەتكە ئېرىشكەندىن كېيىن، ئۇ تېزلا ھۆججەتلەرنى تېز سۈرئەتتە يەتكۈزۈشتىكى مۇھىم قورال بولۇپ قالدى. ھازىر بىز سىغىمى ئەڭ چوڭ بولغاندىمۇ 256GB بولغان بارماق دېسكىنى سېتىۋالالايمىز، بەلكىم ئۇزۇنغا قالماي، TB لىق سانلىق مىقداردىكى بارماقدېسكا بىلەن يۈز كۆرۈشىشىمىز مۇمكىن.

7. xbox ۋە kinect

Kinect بېرىكمە دېتالى Xbox نىڭ ئىقتىدارىنى كېڭەيتتى. نۇرغۇنلىغان مۇستەقىل يۇمشاق دېتال ياسىغۇچىلار Kinect نى تېخىمۇ يۇقىرى نۇقتىغا ئۆرلىتىپ، ئۇنى 3D بوشلۇقىنى تەسۋىرلەيدىغان ماشىنا ئادەم بىلەن بىرلەشتۈرۈۋەتتى.

8. MacBook Air

دائىم كاماندروپكىغا چىقىپ، ئۇ ياق- بۇ ياققا چېپىپ يۈرىدىغان كىشىلەرگە نىسبەتەن ئېيتقاندا، ئالمىنىڭ زىيادە نېپىز خاتىرە كومپيۇتېرى ئۇلارنىڭ ئېلىپ يۈرۈشكە قولايلىق ياخشى ھەمراھى بولۇپ قالغان.

9. Wii

Wii ئويۇنلىرىنىڭ كۆپ قىسمى خوشاللىقنى نىشان قىلغان ئائىلە ئويۇنلىرى بولۇپ ھېسابلىنىدۇ.

10. Flip كامېراسى

Flip كامېراسىغا سۈرەتكە ئېلىش لېنىسى ئىشلىتىشكە، چوڭ باتارىيە قاچىلاشقا بولىدۇ. ئۇ بىر كونۇپكا بىلەنلا يۇقىرى سۈپەتلىك كۆرۈنمە چاستۇتىغا ئىگە بولۇش ئەۋزەللىكى ۋە زىيادە تۆۋەن باھاسى بىلەن سىزنىڭ ياخشى تاللىشىڭىز بولالايدۇ.