ﻳﻮﻗﯩﻠﯩﺶ
پەرھات تۇرسۇن
ﺑﯩﺮﯨﻨﭽﻰ ﺑﺎﭖ ﻗﺎﻥ ﺋﺎﺷﯩﻘﻰ
ﻛﻪﺭﺑﺎﻻ ﺩﻩﺷﺘﯩﺪﻩ ﺋﺎﻗﺴﯘﻥ ﻣﻪﯞﺝ ﺋﯘﺭﯗﭖ ﻗﺎﻧﯩﻢ ﻣﯧﻨﯩﯔ
ﻣﻪﺷﺮﻩﭖ
(ﺑﯘ ﺩﺍﺳﺘﺎﻧﺪﺍ ﻣﻪﺷﻬﯘﺭ ﺷﺎﺋﯩﺮ ﺑﺎﺑﺎ ﺭﻩﻫﯩﻢ ﻣﻪﺷﺮﻩﭘﻨﯩﯔ ﺋﯚﻟﯜﻡ ﺋﺎﻟﺪﯨﺪﯨﻜﻰ ﺭﻭﻫﯩﻲ ﻫﺎﻟﯩﺘﻰ ﺗﻪﺳﯟﯨﺮﻟﻪﻧﮕﻪﻥ)
ﺟﯩﻤﺠﯩﺖ ﺋﻮﻟﺘﯘﺭﯨﺪﯗ ﺯﯨﻤﯩﻦ ﺋﯜﺳﺘﯩﺪﻩ،
ﻗﯧﭽﯩﺸﻨﯩﯔ ﺋﺎﺧﯩﺮﻗﻰ ﺩﻩﻣﻠﯩﺮﯨﺪﻩ ﺋﯘ؛
ﺭﻩﺯﯨﻞ ﺑﯩﺮ ﭼﯚﭼﻪﻛﻜﻪ ﺋﻮﺧﺸﺎﺭ ﻗﯩﺴﻤﯩﺘﻰ،
ﺗﯩﺮﯨﺸﺎﺭ ﺋﯘﻻﺭﻧﻰ ﺋﯘﻧﺘﯘﺷﻘﺎ ﻣﻪﯕﮕﯜ.
ﺋﯚﺯﯨﻨﯩﯔ ﻗﯩﺴﻤﯩﺘﻰ ﯞﻩ ﻫﺎﻳﺎﺗﯩﻨﻰ
ﺑﯩﺮ ﮔﯜﺯﻩﻝ ﭼﯚﭼﻪﻙ ﻗﯩﭗ ﭼﯩﻘﺎﻱ ﺩﯦﮕﻪﻥ ﺋﯘ،
ﻗﯩﭗ ﻗﯩﺰﯨﻞ ﻗﯧﻨﯩﺪﺍ ﺋﯧﭽﯩﻠﺪﯗﺭﯗﭖ ﮔﯜﻝ
ﺑﺎﺭﭼﻪ ﺋﻪﻝ ﺋﯩﻨﺴﺎﻧﻐﺎ ﺗﯘﺗﺎﻱ ﺩﯦﮕﻪﻥ ﺋﯘ.
ﻣﻪﭘﺘﯘﻥ ﺋﯚﺯ ﻗﯧﻨﯩﻐﺎ ﺷﯘﻧﺪﯨﻦ ﺑﯧﺮﻯ ﺋﯘ،
ﻣﺎﺧﺘﯩﻨﯩﭗ ﻛﯚﺭﺳﻪﺗﻤﻪﻙ ﺑﻮﻻﺗﺘﻰ ﺩﺍﺋﯩﻢ.
ﺋﺎﺧﯩﺮﻯ ﻛﻪﻟﮕﻪﻧﺪﻩ ﺩﺍﺭﻧﯩﯔ ﺋﺎﻟﺪﯨﻐﺎ
ﺷﺎﺩﻟﯩﻘﻰ ﺟﯩﺴﻤﯩﺪﺍ ﺑﻮﻟﻐﺎﻧﺪﻩﻙ ﻗﺎﻳﯩﻢ
ﻣﯘﺑﺎﺭﻩﻙ ﻗﯩﭗ ﻗﯩﺰﯨﻞ ﻗﺎﻧﯩﯖﻐﺎ① دەپ ئۇ
چەرخ ئۇرۇپ ئۆزىگە ئەيلىدى خىتاپ
، ﺗﯩﻨﯩﻘﻰ ﺗﯧﺰﻟﻪﺷﺘﻰ ﺋﺎﭼﻜﯚﺯﻟﯜﻙ ﺑﯩﻠﻪﻥ
ﻗﯧﻨﯩﻨﻰ ﻛﯚﺭﯛﺷﻜﻪ ﻛﻪﺗﺘﻰ ﺋﺎﻟﺪﯨﺮﺍﭖ.
ﺗﯘﭘﺮﺍﻗﻘﺎ ﻳﯧﻴﯩﻠﻐﺎﻥ ﻗﯩﭗ ﻗﯩﺰﯨﻞ ﻗﺎﻧﻨﯩﯔ
ﻛﯚﺭﻣﻪﻛﭽﻰ ﺋﯩﺪﻯ ﻣﻪﯞﺝ ﺋﯘﺭﯗﺷﻠﯩﺮﯨﻨﻰ،
ﻛﯚﺭﻣﻪﻛﭽﻰ ﺋﯩﺪﻯ ﺋﯘ ﺑﺎﺭﭼﻪ ﺋﯩﻨﺴﺎﻧﻨﯩﯔ
ﻣﻪﯕﮕﯜﻟﯜﻙ ﻫﻪﻳﺮﻩﺗﺘﻪ ﻗﯧﻠﯩﺸﻠﯩﺮﯨﻨﻰ.
ﺑﯩﻬﯧﺴﺎﺏ ﻛﻮﭼﯩﺪﺍ ﻣﻪﺷﻬﯘﺭ ﺋﺎﺩﻩﻣﻠﻪﺭ،
ﺷﯘﻣﻠﯘﻗﻨﯩﯔ ﻣﻪﯕﮕﯜﻟﯜﻙ ﺑﯧﺸﺎﺭﯨﺘﻰ ﺋﯘ.
ﻗﯩﻴﯩﻨﺪﯗﺭ ﺧﻪﻗﻠﻪﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﯗﺵ،
ﻫﻪﺗﺘﺎﻛﻰ ﻗﺎﻧﻐﯩﻤﯘ ﻗﺎﺭﺍﭖ ﻗﻮﻳﻤﺎﻳﺪﯗ.
ﺑﯩﻠﻤﻪﻳﻤﻪﻥ ﻛﺎﻟﻠﯩﺴﻰ ﻛﯧﺴﯩﻠﮕﻪﻥ ﭼﺎﻏﺪﺍ،
ﺷﺎﺭﻗﯩﺮﺍﭖ ﺗﯘﭘﺮﺍﻗﻘﺎ ﻳﯧﻴﯩﻠﻐﺎﻧﺪﺍ ﻗﺎﻥ،
ﺋﺎﺧﯩﺮﻗﻰ ﺗﺎﻣﭽﯩﺴﻰ ﺋﯧﻘﯩﭗ ﺑﻮﻟﻐﯩﭽﻪ
ﺑﺎﺭﻣﯩﺪﯗ ﻛﯚﺯﯨﺪﻩ ﻛﯚﺭﯛﺷﻜﻪ ﺋﯩﻤﻜﺎﻥ؟
ﺑﯩﻠﻤﻪﻳﻤﻪﻥ ﻗﺎﻥ ﺑﯩﻠﻪﻥ ﻛﯚﺯ ﻧﯘﺭﻟﯩﺮﯨﻨﯩﯔ
ﻗﺎﻳﺴﯩﺴﻰ ﺗﯧﻨﯩﺪﯨﻦ ﻳﻮﻗﺎﻟﺪﻯ ﺋﺎﯞﺍﻝ،
ﻗﺎﻧﺪﺍﻕ ﺑﯩﺮ ﺗﻪﺭﯨﺰﺩﻩ ﺳﻪﺯﮔﯜﻟﯩﺮﯨﻨﻰ
ﺑﯩﺮ ﺑﯩﺮﻟﻪﭖ ﺋﯩﮕﯩﻠﻪﭖ ﻗﺎﭘﻠﯩﺪﻯ ﺯﺍﯞﺍﻝ؟
ﺩﺍﯕﻠﯩﻖ ﻗﺎﻥ ﺗﯚﻛﯜﺷﻨﻰ، ﺩﺍﯕﻠﯩﻖ ﺋﯚﻟﯜﻣﻨﻰ
ﺋﯘ ﺋﯚﺯﻯ ﺗﺎﻣﺎﺷﺎ ﻗﯩﻼﻟﯩﺪﯨﻤﯘ؟
ﻏﯘﯞﺍ ﺳﻪﺯﮔﯜﻟﯩﺮﯨﮕﻪ ﻗﺎﻧﻨﯩﯔ ﺟﯘﻻﺳﻰ
ﺋﺎﺧﯩﺮ ﺭﻩﺕ ﺑﯩﺮ ﺷﺎﺩﻟﯩﻖ ﺑﯧﺮﻩﻟﯩﺪﯨﻤﯘ؟
ﻛﻮﭼﯩﺪﺍ ﺑﻪﻛﻤﯘ ﻛﯚﭖ ﻣﻪﺷﻬﯘﺭ ﺋﺎﺩﻩﻣﻠﻪﺭ،
ﺗﯩﻨﯩﻤﺴﯩﺰ ﺋﺎﯞﺍﺯﻻﺭ ﺑﺎﺳﻘﺎﻥ ﺟﺎﻫﺎﻧﻨﻰ.
ﻣﻪﺩﻫﯩﻴﻪ، ﻗﺎﻏﯩﺸﻼﺭ، ﺷﻪﻫﯟﻩﺕ ﺳﯚﺯﻟﯩﺮﻯ،
ﭼﯩﺮﻗﯩﺮﺍﺵ، ﻳﯩﻐﻼﺷﻼﺭ ﻫﻪﻣﺪﻩ ﻛﯜﻟﻜﯩﻠﻪﺭ،
ﮔﺎﺱ ﻗﯩﻠﯩﭗ ﺗﺎﺷﻼﻳﺪﯗ ﻫﻪﺭ ﺑﯩﺮ ﻛﯩﺸﯩﻨﻰ.
ﻛﻮﭼﯩﺪﺍ ﺑﻪﻛﻤﯘ ﻛﯚﭖ ﻣﻪﺷﻬﯘﺭ ﺋﺎﺩﻩﻣﻠﻪﺭ،
ﺋﺎﻟﺪﯨﺮﺍﺵ ﺋﺎﻗﻤﺎﻗﺘﺎ ﻛﯩﺸﯩﻠﻪﺭ ﺗﻮﭘﻰ،
ﻗﯩﭗ ﻗﯩﺰﯨﻞ ﻗﺎﻥ ﺋﯩﭽﺮﻩ ﻳﺎﺗﯩﺪﯗ ﺑﯩﺮ ﺗﻪﻥ،
ﺷﯘ ﺗﺎﭘﺘﺎ ﺑﯘ ﻫﺎﻟﻨﻰ ﻛﯚﺭﻣﻪﺱ ﻫﯧﭽﻜﯩﺸﻰ.
ﻛﯩﺸﯩﻠﻪﺭ ﺋﺎﻟﺪﯨﺮﺍﺵ ﺋﯚﺗﻪﺭ ﻳﯧﻨﯩﺪﯨﻦ،
ﻫﯧﭽﻜﯩﺸﻰ ﺋﯘﻧﯩﯖﻐﺎ ﺳﺎﻟﻤﺎﻳﺪﯗ ﻧﻪﺯﻩﺭ.
ﯞﯗﺟﯘﺩﻯ ﭘﯩﺖ ﺑﯩﻠﻪﻥ ﻟﯩﻖ ﺗﻮﻟﻐﺎﻥ ﻗﯧﺮﻯ
ﺋﻪﻣﺎ ﺑﯩﺮ ﺑﻮﯞﺍﻳﻐﺎ ﺋﻮﺧﺸﺎﺭ ﺑﯘ ﺷﻪﻫﻪﺭ.
ﺳﺎﻧﺴﯩﺰﻻﭖ ﺋﺎﻳﺎﻗﻼﺭ ﺋﺎﺭﺍﺷﻠﯩﺮﯨﺪﺍ
ﺳﻮﻍ ﺷﺎﻣﺎﻝ ﻗﻮﭼﯘﻟﯘﭖ ﻗﯩﻠﯩﺪﯗ ﻧﯩﺪﺍ.
ﺧﯩﻠﻤﯘ ﺧﯩﻞ ﺭﻩﯕﻠﻪﺭﻧﯩﯔ ﻗﺎﻳﻨﯩﻤﻰ ﺋﻪﺗﺮﺍﭖ،
ﺑﯘﻧﯩﯖﻐﺎ ﻗﻮﺷﯘﻟﯘﭖ ﺧﯩﻠﻤﯘ ﺧﯩﻞ ﺳﺎﺩﺍ
ﺩﻩﻫﺸﻪﺗﻠﯩﻚ ﭼﯘﻗﯩﻨﻰ ﻣﺎﺷﯩﻨﯩﻼﺭﻧﯩﯔ
ﻣﯧﯖﻪﻣﻨﻰ ﺑﯩﺮ ﺑﯩﺮﻟﻪﭖ ﻗﯩﻠﻤﺎﻗﺘﺎ ﯞﻩﻳﺮﺍﻥ.
ﮔﻮﻳﺎ ﺟﺎﻥ ﺗﺎﻻﺷﻘﺎﻥ ﺗﻪﻧﺪﯨﻜﻰ ﺟﺎﻧﺪﻩﻙ
ﻗﯘﺗﯘﻟﯘﺵ ﻳﻮﻟﯩﻨﻰ ﺋﯩﺰﺩﻩﻳﺪﯗ ﺋﯩﻨﺴﺎﻥ.
ﺑﯧﺸﻰ ﻳﻪﻧﭽﯩﻠﯩﯟﺍﺗﻘﺎﻥ ﺋﯩﻼﻧﻐﺎ ﺋﻮﺧﺸﺎﺵ
ﻫﻪﺭﻳﺎﻗﻘﺎ ﺋﯘﺭﯨﺪﯗ ﺋﯚﺯﯨﻨﻰ ﺷﺎﻣﺎﻝ.
ﻗﯩﺴﺘﺎﻳﺪﯗ ﺋﺎﺩﻩﻣﻨﻰ ﭼﯘﻗﺎﻥ ﺳﯜﺭﻩﻧﻠﻪﺭ
ﻗﺎﭼﺎﻳﻠﻰ«ﻗﺎﭼﺎﻳﻠﻰ» ﻳﻮﻕ ﺑﺎﺷﻘﺎ ﺋﺎﻣﺎﻝ.
ﺩﻩﻫﺸﻪﺗﻠﯩﻚ ﭼﯘﻗﯩﻨﻰ ﻣﺎﺷﯩﻨﯩﻼﺭﻧﯩﯔ
ﺋﺎﻳﻠﯩﻨﯩﭗ ﺑﺎﺭﻣﺎﻗﺘﺎ ﻗﺎﺗﺘﯩﻖ ﻣﺎﺩﺩﯨﻐﺎ،
ﻛﻮﭼﯩﻼﺭ ﺋﺎﻳﻠﯩﻨﺎﺭ ﻗﺎﺗﺘﯩﻖ ﻗﯩﺴﺘﯩﻠﯩﭗ
ﺋﯘﻳﯘﺷﯘﭖ ﮔﻮﻳﺎ ﺑﯩﺮ ﺋﺎﯞﺍﺯ ﺗﯧﻐﯩﻐﺎ.
ﺋﯩﺴﻘﯩﺮﺗﯩﭗ ﺗﺎﺷﻠﯩﺪﻯ ﺳﻪﺯﻣﻪﻱ ﺋﯚﺯﯨﻤﯘ
ﺩﯦﺮﯨﺰﻩ ﺋﺎﻟﺪﯨﺪﺍ ﺗﯘﺭﯗﭖ ﺑﯩﺮ ﺑﺎﻻ،
ﻳﯩﺮﯨﯖﻐﺎ ﺋﺎﻳﻠﯩﻨﯩﭗ ﺋﯘ ﭼﯩﻘﺎﺭﻏﺎﻥ ﺋﯜﻥ
ﺳﯩﯖﯩﺸﺘﻰ ﺑﯩﺮ ﻗﯩﺰﻧﯩﯔ ﺑﺎﻟﯩﻴﺎﺗﻘﯘﺳﯩﻐﺎ.
ﻛﻮﭼﯩﺪﺍ ﺑﻪﻛﻤﯘ ﻛﯚﭖ ﻣﻪﺷﻬﯘﺭ ﺋﺎﺩﻩﻣﻠﻪﺭ،
ﺋﻪﺟﻪﻟﻠﯩﻚ ﯞﺍﺑﺎﻧﯩﯔ ﻣﯩﻜﺮﯗﺑﻠﯩﺮﯨﺪﻩﻙ.
ﻫﺎﺯﯨﺮﻗﻰ ﺩﻩﯞﺭﺩﻩ ﺩﺍﯓ ﭼﯩﻘﺎﺭﻣﺎﻕ ﺗﻪﺱ،
ﻫﻪﺗﺘﺎ ﻗﺎﻥ ﺑﯩﻠﻪﻧﻤﯘ ﻗﻪﺩﯨﻤﺪﯨﻜﯩﺪﻩﻙ.
ﺋﻪﯓ ﮔﯜﺯﻩﻝ ﻧﻪﺭﺳﻪ ﺩﻩﭖ ﺑﯩﻠﮕﻪﻥ ﻗﯧﻨﯩﻨﻰ
ﺋﯚﺯﯨﻨﯩﯔ ﻗﯧﻨﯩﻐﺎ ﺋﺎﺷﯩﻖ ﺋﯘ ﺗﻪﻟﯟﻩ.
ﺑﯩﺮﺍﻕ ﺑﯩﺰ ﻳﺎﺷﯩﻐﺎﻥ ﺋﯘﺷﺒﯘ ﺩﻩﯞﺭﺩﻩ
ﺋﻪﺧﻠﻪﺗﻠﻪﺭ ﻟﯩﻖ ﺗﻮﻟﺪﻯ ﻗﺎﻧﻨﯩﯔ ﺋﯩﭽﯩﮕﻪ.
ﻳﯩﺮﮔﯩﻨﻪﺭ ﺋﺎﺩﻩﻣﻠﻪﺭ ﻗﺎﻧﻨﻰ ﻛﯚﺭﮔﻪﻧﺪﻩ،
ﻳﯩﺮﮔﯩﻨﻪﺭ ﻫﻪﺗﺘﺎﻛﻰ ﺋﯚﺯ ﻗﯧﻨﯩﺪﯨﻨﻤﯘ.
ﻛﯩﻢ ﺑﯩﻠﻪﺭ ﻛﻮﭼﯩﺪﺍ ﻳﺎﺗﻘﺎﻥ ﺋﯘ ﺟﻪﺳﻪﺕ
ﻛﯩﻤﻠﻪﺭﻧﯩﯔ ﻗﻮﻟﯩﺪﺍ ﺋﯚﻟﯜﭖ ﻳﺎﺗﻘﺎﻧﺪﯗ؟
ﺳﯘ، ..ﺳﯘ.. ﺳﯘ..! ﺋﺎﺧﯩﺮ ﺭﻩﺕ ﻗﯩﻠﻐﺎﻧﺪﺍ ﻧﯩﺪﺍ،
ﺧﯩﻴﺎﻟﯩﻲ ﺗﯘﻳﻐﯘﻻﺭ ﺑﻮﻟﻐﺎﻧﺪﺍ ﭘﻪﻳﺪﺍ،
ﻗﻮﻳﺎﺵ ﯞﻩ ﺗﻮﭘﺎﻧﻨﯩﯔ ﺋﻪﺳﻠﻰ ﺋﻮﺑﺮﺍﺯﻯ
ﺋﯘﻧﯩﯖﻜﻰ ﺟﯩﺴﻤﯩﺪﺍ ﻗﺎﻳﯩﻢ ﺑﻮﻟﻐﺎﻧﺪﺍ
ﻗﯘﻟﯩﻘﯩﻐﺎ ﺷﯩﯟﯨﺮﻻﭖ ﺋﺎﯕﻼﻧﻐﺎﻥ ﺳﺎﺩﺍ
ﺋﺎﺧﯩﺮﻗﻰ ﺭﻩﺕ ﺋﯘﻧﻰ ﺗﯩﺘﺮﻩﺗﺘﻰ ﺑﻪﻟﻜﯩﻢ؛
ﺧﯩﻴﺎﻟﯩﻲ ﺗﯘﻳﻐﯘﺩﺍ ﻛﯚﺭﯛﻧﮕﻪﻥ ﺋﺎﺷﯘ
ﺳﯘﻻﺭﻧﯩﯔ ﺋﯚﺭﻟﯩﮕﻪﻥ ﭘﻪﻟﻠﯩﻠﯩﺮﯨﺪﻩ
ﻣﯩﻜﺮﻭﺑﻼﺭ ﺋﯧﺮﯨﺸﯩﭗ ﻳﯧﯖﻰ ﮔﻪﯞﺩﯨﮕﻪ
ﻛﯚﭘﯩﻴﯩﭗ ﻗﺎﻟﺪﯗﺭﺍﺭ ﺋﻪﯞﻻﺩ ﺋﯘ ﻳﻪﺭﺩﻩ.
ﺩﻩﻫﺸﻪﺗﻠﯩﻚ ﺋﺎﯞﺍﺯﻻﺭ ﭼﺎﻟﻐﯩﺘﺎﺭ ﺳﯘﻧﻰ،
ﺑﻪﺭﺩﺍﺷﻠﯩﻖ ﺑﯧﺮﻩﻟﻤﻪﻱ ﺋﯩﯖﺮﺍﺭ ﺋﺎﻳﺎﻟﻼﺭ؛
ﺗﯧﻨﯩﺪﻩ ﻗﻮﺯﻏﺎﻟﻐﺎﻥ ﺗﯧﻨﯩﻤﺴﯩﺰ ﺗﯩﺘﺮﻩﻙ
ﺋﯚﻟﯜﻡ ﯞﻩ ﭼﯜﺷﻜﯜﻧﻠﯜﻙ ﺋﯘﻧﺪﺍ ﺟﯘﺵ ﺋﯘﺭﺍﺭ.
ﺩﻩﻫﺸﻪﺗﻠﯩﻚ ﭼﯘﻗﯩﻨﻰ ﻣﺎﺷﯩﻨﯩﻼﺭﻧﯩﯔ
ﻫﻪﺭﻗﺎﻧﺪﺍﻕ ﺳﻪﺯﮔﯜﻧﻰ ﻗﯩﻠﻤﺎﻗﺘﺎ ﯞﻩﻳﺮﺍﻥ.
ﺋﺎﯞﺍﺯﻻﺭ ﺑﻮﺷﻠﯘﻗﻘﺎ ﭘﺎﺗﻤﺎﻱ ﭼﯩﯖﻘﯩﻠﯩﭗ
ﻛﯚﺭﯛﻧﻪﺭ ﻫﻪﺗﺘﺎﻛﻰ ﺗﯚﯞﻩﻧﻠﻪﭖ ﺋﺎﺳﻤﺎﻥ.
ﻳﺎﺳﯩﻠﯩﭗ ﺑﺎﺭﻣﺎﻗﺘﺎ ﺑﯩﻬﯧﺴﺎﺏ ﺗﺎﻣﻼﺭ،
ﺑﻮﻟﺪﻯ ﻗﻮﻱ ﺑﯘﻧﭽﻪ ﻛﯚﭖ ﺧﯩﻴﺎﻝ ﻗﯩﻠﯩﺸﻨﻰ!
ﻧﯧﻤﯩﺸﻘﺎ ﺳﯩﺮﻗﯩﺮﺍﭖ ﺗﯘﺭﯨﺪﯗ ﭘﯘﺗﻼﺭ،
ﻛﯧﺰﯨﻤﻪﻥ ﺑﯩﻬﯧﺴﺎﺏ ﺗﺎﻣﻼﺭ ﺋﯩﭽﯩﻨﻰ.
ﺗﺎﻣﻼﺭ ﯞﻩ ﺋﺎﯞﺍﺯﻻﺭ ﺑﻮﻏﻤﺎﻗﺘﺎ ﻣﯧﻨﻰ،
ﺧﯩﻴﺎﻟﻨﻰ ﺋﯩﮕﯩﻠﻪﭖ ﺑﺎﺭﺍﺭ ﺋﺎﺳﺘﯩﻼﭖ.
ﺧﯩﻴﺎﻟﻨﯩﯔ ﺩﻭﻟﻘﯘﻧﻰ ﻟﻪﭘﯩﻠﺪﻩﭖ ﺋﯧﻘﯩﭗ
ﺑﺎﺭﻣﺎﻗﺘﺎ ﺗﯜﮔﯩﻤﻪﺱ ﺗﺎﻣﻨﻰ ﻳﺎﻗﯩﻼﭖ.
ﺑﯘ ﺋﺎﭼﻜﯚﺯ ﺗﺎﻣﻼﺭﺩﯨﻦ ﻳﺎﻧﻤﺎﺱ ﺳﺎﺩﺍﻻﺭ،
ﺋﯘ ﻳﺎﻟﻤﺎﭖ ﻳﯘﺗﻤﺎﻗﺘﺎ ﻫﻪﻣﻤﯩﻨﻰ ﺑﯘﻧﺪﺍ.
ﻗﯧﺘﯩﺸﯩﭗ ﺑﺎﺭﻣﺎﻗﺘﺎ ﺑﺎﺭﭼﻪ ﺟﺎﻧﺪﺍﺭﻻﺭ
ﭘﻪﻗﻪﺗﻼ ﺷﯘ ﭼﻪﻛﺴﯩﺰ ﭼﯘﻗﺎﻧﻼﺭ ﺋﺎﺭﺍ.
ﺋﯘﺭﯗﻟﯘﭖ ﺳﻮﻗﯘﻟﯘﭖ ﭼﯘﻗﺎﻥ ﺳﯜﺭﻩﻧﻠﻪﺭ،
ﺋﯘﯞﯗﻟﯘﭖ ﺋﯚﺯ ﺋﺎﺭﺍ ﺳﯩﯖﯩﺸﯩﭗ ﻛﻪﺗﻜﻪﻥ.
ﺑﻮﺷﻠﯘﻗﻘﺎ ﭘﺎﺗﺎﻟﻤﺎﻱ ﭼﯩﯔ ﭼﯩﯔ ﻗﯩﺴﺘﯩﻠﯩﭗ
ﺋﯚﺯ ﺋﺎﺭﺍ ﺋﯘﻳﯘﺷﯘﭖ ﻗﯧﺘﯩﺸﯩﭗ ﻛﻪﺗﻜﻪﻥ.
ﭘﻪﻗﻪﺗﻼ ﺷﯘ ﻗﯧﺮﻯ ﺷﺎﺋﯩﺮﻧﯩﯔ ﻗﻮﻟﻰ
ﻣﯩﺪﯨﺮﻻﭖ ﻳﯜﺭﻣﻪﻛﺘﻪ ﺳﯘﺱ، ﺑﻪﻛﻤﯘ ﺋﺎﺳﺘﺎ.
ﺋﯘ ﻗﺎﻧﺪﯨﻦ ﻗﻮﺭﻗﯩﺪﯗ، ﺋﺎﯞﺍﺯﺩﯨﻨﻤﯘ ﻫﻪﻡ
ﻛﯧﺮﯨﻜﻰ ﻣﻪﺩﻫﯩﻴﻪ ﭘﻪﻗﻪﺕ ﺋﯘﻧﯩﯖﻐﺎ.
ﺋﻮﺧﺸﯩﻤﺎﺱ ﺋﯘ ﻫﯧﻠﯩﻘﻰ ﻗﺎﻥ ﺋﺎﺷﯩﻘﯩﻐﺎ،
(ﻛﻮﭼﯩﺪﺍ ﭼﻪﺭﺥ ﺋﯘﺭﯗﭖ ﻧﺎﻟﻪ ﻗﯩﻠﻐﯘﭼﻰ.
ﻫﻪﺯﺭﯨﺘﻰ ﺋﺎﺩﻩﻣﻨﯩﯔ ﻳﯧﻨﯩﺪﺍ ﺗﯘﺭﯗﭖ،
ﺭﻩﺳﯘﻟﻐﺎ ﻣﯩﺮﺍﺟﺪﺍ ﻫﻪﻣﺮﺍ ﺑﻮﻟﻐﯘﭼﻰ.
ﺋﯩﺒﺮﺍﻫﯩﻢ ﺋﻮﺕ ﺋﺎﺭﺍ ﺋﯚﺭﺗﻪﻧﮕﻪﻥ ﭼﺎﻏﺪﺍ
ﺋﺎﺗﻪﺷﻨﻰ ﮔﻮﻳﺎﻛﻰ ﮔﯜﻟﺰﺍﺭ ﺑﯩﻠﮕﯜﭼﻰ②)
ﻗﺎﭼﯩﺪﯗ ﺋﯘ ﺑﯘﻧﺪﺍ ﺑﺎﺭﭼﻪ ﺋﺎﯞﺍﺯﺩﯨﻦ،
ﻗﺎﭼﯩﺪﯗ ﺋﻪﻗﯩﻞ ﯞﻩ ﻏﻪﻳﺮﻯ ﺋﻪﻗﯩﻠﺪﯨﻦ،
ﻗﺎﭼﯩﺪﯗ ﺑﺎﻫﺎﺭﺩﯨﻦ ﻫﻪﻣﺪﻩ ﺋﺎﻳﺎﺯﺩﯨﻦ.
ﻛﯧﻠﻪﺭ ﺗﯜﻥ ﻳﯧﺮﯨﻤﺪﺍ ﺳﯩﺮﻟﯩﻖ ﺗﯧﻠﯧﻔﯘﻥ،
ﺋﯜﻥ ﺗﯩﻨﺴﯩﺰ ﺋﯘ ﻛﯜﺗﻜﻪﻥ ﺗﺎﻻﻱ ﺗﺎﻻﻱ ﺭﻩﺕ.
ﺧﺎﻻﻳﺪﯗ ﺗﺎﺭﯨﺨﺘﺎ ﺑﯩﺮ ﺭﻭﻝ ﺋﯧﻠﯩﺸﻨﻰ،
ﯞﻩ ﻟﯧﻜﯩﻦ ﺋﺎﺩﻩﻣﻠﻪﺭ ﺑﻪﺭﻣﻪﻳﺪﯗ ﭘﯘﺭﺳﻪﺕ.
ﻳﻮﺷﯘﺭﯗﻥ ﺋﯚﻟﺘﯜﺭﯛﺵ ﺗﻪﻫﺪﯨﺘﻠﯩﺮﯨﻤﯘ
ﺷﯘ ﻗﻪﺩﻩﺭ ﻣﻪﺯﺯﯨﺴﯩﺰ، ﺳﻮﻏﺎﻕ ﺷﯘ ﻗﻪﺩﻩﺭ.
ﻫﯧﭽﻜﯩﺸﻰ ﻗﯩﺰﯨﻘﻤﺎﺱ ﺑﯘﻧﺪﺍﻕ ﺧﻪﯞﻩﺭﮔﻪ،
ﻛﻮﭼﯩﺪﺍ ﺑﻪﻛﻤﯘ ﻛﯚﭖ ﻣﻪﺷﻬﯘﺭ ﺷﻪﺧﺴﻠﻪﺭ.
ﺋﯚﺯﯨﺪﯨﻦ ﺷﯘ ﻗﻪﺩﻩﺭ ﺧﯘﺩﯨﻜﺴﯩﺮﺍﺷﻼﺭ
ﺋﺎﺳﺎﻧﺪﯗﺭ ﺋﯚﻟﯜﻣﻨﻰ ﺋﯘﻧﺘﯘﭖ ﻛﯧﺘﯩﺸﺘﯩﻦ.
ﺷﺎﺋﯩﺮﻏﺎ ﺋﻪﻧﻪ ﺷﯘ ﺟﯩﻤﯩﻜﻰ ﺋﺎﻣﻪﺕ،
ﻗﺎﺭﺍﺳﻼﭖ ﺑﯩﺮ ﺳﺎﺩﺍ ﻛﻪﻟﺴﻪ ﺳﯚﯕﻪﻛﺘﯩﻦ.
ﺗﻪﻣﺘﯩﺮﻩﭖ ﻳﯜﺭﯛﻳﺪﯗ ﺷﺎﺋﯩﺮﻧﯩﯔ ﻗﻮﻟﻰ
ﺳﯚﺯﻟﻪﺭﺩﯨﻦ ﻗﯘﺭﯗﻟﻐﺎﻥ ﺋﻮﺭﻣﺎﻥ ﺋﯩﭽﯩﺪﻩ.
ﺋﺎﯕﻠﯩﻨﺎﺭ ﺋﯘ ﻳﻪﺭﺩﯨﻦ ﺋﯩﺒﻠﯩﺴﻨﯩﯔ ﺋﯜﻧﻰ
ﻫﯚﺭﻟﯜﻙ ﺩﻩﭖ ﺋﺎﺗﺎﻟﻐﺎﻥ ﭼﻪﻛﺴﯩﺰ ﻛﯧﭽﯩﺪﻩ.
ﻗﯩﻴﻨﯩﻼﺭ ﺧﯩﻴﺎﻟﯩﻲ ﺋﻮﺑﺮﺍﺯﻻﺭﺩﯨﻦ ﺋﯘ
ﺑﯩﻠﻪﻟﻤﻪﻱ ﺋﯘﻻﺭﻧﯩﯔ ﺑﯩﺸﺎﺭﯨﺘﯩﻨﻰ.
ﻗﻮﺭﻗﯩﺪﯗ ﺋﯘ ﺩﺍﺋﯩﻢ ﺧﯩﻴﺎﻝ ﺳﯜﺭﯛﺷﺘﯩﻦ،
ﺧﺎﻟﯩﻤﺎﻱ ﻗﺎﻳﺘﯩﺪﯨﻦ ﺋﻪﺳﻜﻪ ﺋﯧﻠﯩﺸﻨﻰ.
ﻛﻮﭼﯩﺪﺍ ﺋﺎﺩﻩﻣﻠﻪﺭ ﺭﯦﺘﻰ ﺑﯘﺯﯗﻟﻐﺎﻥ،
ﺋﺎﻫ ﺋﯘﻻﺭ ﻛﯧﺴﻪﻟﺪﯗﺭ، ﻛﯧﺴﻪﻟﺪﯗﺭ ﻣﻪﯕﮕﯜ...
ﺳﺎﻧﺴﯩﺰﻻﭖ ﮔﻪﯞﺩﯨﻠﻪﺭ ﺋﺎﺭﺍﺷﻠﯩﺮﯨﺪﺍ
ﺋﺎﺩﻩﻣﻨﻰ ﻗﯩﻴﻨﺎﻳﺪﯗ ﻫﻪﺭﻗﺎﻧﺪﺍﻕ ﺗﯘﻳﻐﯘ.
ﺳﯘ...ﺳﯘ...ﺳﯘ...ﺩﻩﭖ ﺋﺎﺳﺘﺎ ﺋﯩﯖﺮﯨﺪﻯ ﺑﻪﻟﻜﯩﻢ،
ﻧﻪﺯﻩﺭﻣﯘ ﺳﺎﻟﻤﯩﺪﻯ ﻫﯧﭽﻜﯩﻢ ﻗﯧﻨﯩﻐﺎ،
ﭼﯘﻗﺎﻧﻼﺭ ﻻﯞﯗﻟﺪﺍﭖ ﻛﯚﻳﻪﺭ ﻛﻮﭼﯩﺪﺍ،
ﺋﻮﺕ ﺋﺎﭼﭽﯩﻖ ﻳﯧﻴﯩﻠﯩﭗ ﺑﺎﺭﺍﺭ ﺋﻪﺗﺮﺍﭘﻘﺎ.
ﻛﯜﺗﯩﺪﯗ ﺋﯘ ﺷﯘﻧﺪﺍ ﺗﯘﭘﺎﻥ ﺳﯜﻳﯩﻨﻰ
ﻗﻮﺭﻗﯘﻧﭻ ﯞﻩ ﺗﺎﺗﻠﯩﻖ ﻫﺎﻳﺎﺟﺎﻥ ﺑﯩﻠﻪﻥ،
ﺋﯧﺴﯩﮕﻪ ﺋﺎﻟﯩﺪﯗ ﺳﯚﻳﮕﯜ ﻛﯜﻳﯩﻨﻰ،
ﺋﺎﺯﺍﺑﻠﯩﻖ ﻟﻪﺯﺯﻩﺗﻜﻪ ﭼﯚﻣﯜﻟﯩﺪﯗ ﺗﻪﻥ.
ﺋﯩﻜﻜﯩﻨﭽﻰ ﺑﺎﭖ ﻳﺎﻣﻐﯘﺭ ﺟﯩﻠﯟﯨﺴﻰ
ﺋﻮﺗﺘﻪﻙ ﭘﺎﺭﻗﯩﺮﺍﭖ ﻛﻪﻝ،
ﺳﯘﺩﻩﻙ ﺷﺎﺭﻗﯩﺮﺍﭖ ﻛﻪﻝ.
ﺋﯘﻳﻐﯘﺭ ﺷﺎﻣﺎﻧﯩﺴﺘﻠﯩﺮﯨﻨﯩﯔ ﺋﻪﭘﺴﯘﻧﻠﯩﺮﯨﺪﯨﻦﺋﻪﻱ ﻧﻮﻫ،
ﺑﯘ ﺩﯗﻧﻴﺎﻧﻰ ﻗﺎﻧﺪﺍﻕ ﻫﯧﺲ ﻗﯩﻠﺪﯨﯖﯩﺰ؟
ﺑﯘ ﺩﯗﻧﻴﺎ ﺧﯘﺩﺩﻯ ﺋﯩﻜﻜﻰ ﺋﯩﺸﯩﻜﻠﯩﻚ ﺋﯚﻱ ﺋﯩﻜﻪﻥ،
ﺑﯘ ﺋﯩﺸﯩﻜﺘﯩﻦ ﻛﯩﺮﯨﭗ ﺋﯘ ﺋﯩﺸﯩﻜﺘﯩﻦ ﭼﯩﻘﯩﭗ ﻛﯧﺘﯩﯟﺍﺗﯩﻤﻪﻥ( ﺭﺍﺑﻐﯘﺯﻯ ﻗﯩﺴﺴﻪﺳﯘﻝ ﺋﻪﻧﺒﯩﻴﺎ)
ﺋﯩﻜﻜﯩﻤﯩﺰ ﺋﯘﭼﺮﺍﺷﻘﺎﻥ ﺷﯘ ﻳﺎﻣﻐﯘﺭﻟﯘﻕ ﺗﯜﻥ
ﻣﻪﻥ ﺳﺎﯕﺎ ﻫﯧﭽﻨﻪﺭﺳﻪ ﺋﯧﻴﺘﯩﻴﺎﻟﻤﯩﺪﯨﻢ،
ﺑﯘ ﺳﯚﺯﻟﻪﺭ ﺳﯩﺮ ﺑﻮﻟﯘﭖ ﻗﺎﻟﯩﺪﯗ ﻣﻪﯕﮕﯜ
ﻣﻪﯞﺟﯘﺕ ﺩﻩﭖ ﺋﯘﻻﺭﻧﻰ ﺋﻮﻳﻠﯩﻤﺎﺱ ﻫﯧﭽﻜﯩﻢ.
ﻳﯜﺭﻩﻛﺘﯘﺭ ﻣﻪﯕﮕﯜﻟﯜﻙ ﺗﺎﭘﺸﯘﺭﯗﻟﻤﺎﺱ ﺧﻪﺕ،
ﻗﯩﻴﻨﺎﻳﺪﯗ ﺋﯘﻧﯩﯖﻜﻰ ﺳﯩﺮ ﺑﻮﭖ ﻗﯧﻠﯩﺸﻰ،
ﮔﻪﺭﭼﻪ ﺳﻪﺭﭖ ﺋﻪﺗﺴﻪﯕﻤﯘ ﭘﯜﺗﯜﻥ ﺋﯚﻣﺮﯛﯕﻨﻰ
ﻫﻪﺗﺘﺎﻛﻰ ﻗﺎﺗﯘﺭﯗﭖ ﺳﻪﻥ ﻗﻪﺑﺮﻩ ﺗﯧﺸﻰ
ﺗﻮﺧﺘﯩﻤﺎﻱ ﺳﯚﺯﻟﯩﺴﻪﯓ، ﺗﻮﺧﺘﯩﻤﺎﻱ ﻳﺎﺯﺳﺎﯓ
ﻳﻪﻧﯩﻼ ﺋﯘﻧﺘﯘﻟﯘﭖ ﻛﯧﺘﻪﺭ ﻫﻪﻣﻤﯩﺴﻰ.
ﺑﯘ ﻳﺎﻣﻐﯘﺭ ﻫﻪﻣﻤﯩﻨﻰ ﺗﺎﺷﻼﻳﺪﯗ ﻳﯘﻳﯘﭖ،
ﻳﯘﻳﯘﻟﯘﭖ ﺗﺎﺷﻠﯩﻨﺎﺭ ﻳﯜﺭﻩﻙ ﺋﺎﻏﺮﯨﻘﻰ.
ﺋﯘﻧﯘﺗﻘﯘﺳﯩﺰ ﺑﯘ ﭼﻪﻛﺴﯩﺰ ﻳﺎﻣﻐﯘﺭﻟﯘﻕ ﺋﺎﺳﻤﺎﻥ
ﻗﻪﻟﺒﯩﻤﺪﻩﻙ ﺑﯩﭙﺎﻳﺎﻥ، ﺧﯘﻧﯜﻙ ﯞﻩ ﺋﯧﻐﯩﺮ.
ﺋﺎﻫ ﺑﻪﻟﻜﯩﻢ ﻗﺎﻳﺘﯩﺪﯨﻦ ﻛﯚﺭﻩﻟﻤﻪﻳﻤﯩﺰ ﺑﯩﺰ
ﺋﺎﺷﯘﻧﺪﺍﻕ ﻳﺎﻣﻐﯘﺭﻟﯘﻕ ﻛﯜﻧﻨﻰ ﻗﺎﻳﺘﺎ ﺑﯩﺮ.
ﺋﺎﺩﻩﻣﻠﻪﺭ ﺋﯚﺯﯨﻨﻰ ﺋﺎﻟﻤﺎﻗﺘﺎ ﭼﻪﺗﻜﻪ
ﺋﺎﻟﺪﯨﺮﺍﭖ ﺗﯧﻨﯩﺸﯩﭗ ﻳﺎﻣﻐﯘﺭ ﻗﻮﻳﻨﯩﺪﯨﻦ.
ﻣﻪﻧﭽﯘ؟ ﻣﻪﻥ ﻳﺎﻣﻐﯘﺭﻏﺎ ﺑﻮﻟﻐﺎﻧﭽﻪ ﺋﻪﺳﺮﺍﺭ
ﻛﯧﺘﻪﻟﻤﻪﻱ ﺗﯘﺭﺍﺭﻣﻪﻥ ﺷﯘ ﺗﺎﭘﺘﺎ ﺑﯘﻧﺪﯨﻦ.
ﺋﯚﺯﯨﻨﯩﯔ ﺗﯧﻨﯩﻨﻰ ﻛﯚﺯﯨﺘﻪﺭ ﺷﺎﺋﯩﺮ،
ﻣﻪﺳﺘﻠﯩﻜﻰ ﺗﯧﻨﯩﮕﻪ ﺗﺎﺭﻗﺎﻟﻐﺎﻥ ﭼﺎﻏﺪﺍ.
ﻫﺎﺭﺍﻗﻨﯩﯔ ﺩﻭﻟﻘﯘﻧﻰ ﭼﯩﻘﯩﭗ ﺋﻪﯞﺟﯩﮕﻪ،
ﯞﺍﻟﯩﺴﻨﯩﯔ ﻛﯜﻳﯩﺪﻩ ﺋﯧﺰﯨﻘﻘﺎﻥ ﭼﺎﻏﺪﺍ.
ﺋﻮﻟﺘﯘﺭﯗﺵ ﺑﺎﺭﻏﺎﻧﭽﻪ ﻛﻪﺗﻤﻪﻛﺘﻪ ﻗﯩﺰﯨﭗ،
ﺑﻪﺭﺩﺍﺷﺴﯩﺰ ﺋﺎﻳﺮﯨﻠﺪﻯ ﺑﯘﻧﺪﯨﻦ ﺋﺎﺧﯩﺮﻯ.
ﻗﯩﺰﯨﻐﺎﻥ ﻳﯜﺭﻩﻛﻨﻰ ﺗﯩﻨﺠﯩﺘﺎﻟﻤﺎﺳﺘﯩﻦ،
ﺗﯧﺨﯩﻤﯘ ﻣﻪﺳﺖ ﻗﯩﻠﺪﻯ ﻛﯜﺯﻧﯩﯔ ﻳﺎﻣﻐﯘﺭﻯ.
ﺑﻪﻙ ﻳﯧﻘﯩﻦ، ﺑﻪﻙ ﻳﯧﻘﯩﻦ ﺋﯘﻧﯩﯔ ﻣﻪﺳﺘﻠﯩﻜﻰ،
ﺑﯩﺮ ﺋﺎﻫﺎﯓ ﺑﻮﭖ ﺳﯩﯖﮕﻪﻥ ﻫﺎﺭﺍﻕ ﯞﻩ ﺳﯚﻳﯜﺵ...
ﺋﺎﺭﯨﻐﺎ ﺋﯘﺭﯗﻟﯘﭖ ﻧﯘﺭﻏﯘﻥ ﭼﯧﻜﯩﺘﻠﻪﺭ،
ﺑﺎﺷﻠﯩﻨﺎﺭ ﻛﻪﻟﮕﯜﺳﻰ ﯞﻩ ﻳﯩﺮﺍﻕ ﺋﯚﺗﻤﯜﺵ.
ﺗﯩﯖﺸﺎﻳﺪﯗ ﺋﯩﻨﺴﺎﻧﻼﺭ ﻳﯜﺭﯨﻜﯩﻨﻰ ﺋﯘ
ﺗﯘﺭﻏﺎﻧﭽﻪ ﺳﯘ ﺑﯩﻠﻪﻥ ﺋﻮﺕ ﺋﺎﺭﺍﺳﯩﺪﺍ.
ﺋﻮﺗﻨﯩﯖﻜﻰ ﻳﯜﺯﯨﺪﻩ ﻛﯚﺭﯛﭖ ﺧﯘﺩﺍﻧﻰ③ ،
ﺋﯩﺰﺩﻩﻳﺪﯗ ﺋﯚﺯﯨﻨﻰ ﺳﯘﻧﯩﯔ ﺋﺎﺳﺘﯩﺪﺍ.
ﺋﻮﺕ ﺑﯩﻠﻪﻥ ﺳﯘﻧﯩﯔ ﺋﻪﯓ ﻣﯘﻛﻪﻣﻤﻪﻝ ﻫﺎﻟﺪا
ﺑﯩﺮﻟﻪﺷﻜﻪﻥ ﮔﻪﯞﺩﯨﺴﻰ ﻗﯩﭗ ﻗﯩﺰﯨﻞ ﻗﺎﻧﺪﯗﺭ.
ﺑﺎﺭ ﺋﯘﻧﺪﺍ ﺋﻮﺗﺘﯩﻜﻰ ﻗﯩﺰﯨﻖ ﻫﺎﺭﺍﺭﻩﺕ،
ﺷﺎﺭﻗﯩﺮﺍﭖ ﺋﯧﻘﯩﺸﻰ ﺧﯘﺩﺩﻯ ﻗﯩﻴﺎﻧﺪﯗﺭ.
ﺗﯧﻨﯩﺪﯨﻦ ﺋﯧﺘﯩﻠﯩﭗ ﭼﯩﻘﻘﺎﻥ ﭼﺎﻏﺪﺍ ﻗﺎﻥ
ﻛﯚﻳﮕﻪﻧﺪﻩﻙ ﺗﯘﻳﯘﻻﺭ ﭘﯜﺗﻜﯜﻝ ﻛﺎﺋﯩﻨﺎﺕ
ﻗﺎﻥ ﮔﻮﻳﺎ ﺩﯦﯖﯩﺰﺩﻩﻙ ﻛﯚﺗﯜﺭﻩﺭ ﻏﻪﻟﻴﺎﻥ
ﺳﻪﺯﺩﯨﻜﻰ ﻛﯚﻳﯜﭖ ﻛﯜﻝ ﺑﻮﻟﻤﺎﻗﺘﺎ ﺋﺎﺳﻤﺎﻥ.
بىپايان سۇنىڭ ﺯﻭﺭ ﺩﻭﻟﻘﯘﻧﻰ ئۈﺯﺭﻩ
ﺳﻪﺯﺩﻯ ﺋﯘ ﺋﯚﺯﯨﻨﻰ ﻟﻪﻳﻠﻪﭖ ﭼﯚﻛﻜﻪﻧﺪﻩﻙ.
ﺳﯘ ﺋﯘﻧﻰ ﺑﯩﺮ ﺑﯩﺮﻟﻪﭖ ﺗﯘﻧﺠﯘﻗﺘﯘﺭﻣﺎﻗﺘﺎ
ﺟﺎﻧﺎﻧﻨﯩﯔ ﺋﺎﺧﯩﺮﻗﻰ ﺋﯩﯖﺮﺍﺷﻠﯩﺮﯨﺪﻩﻙ.
ﺋﯧﭽﯩﺮﻗﺎﭖ ﺗﯘﺭﻏﺎﻥ ﺑﯩﺮ ﺑﻮﺷﻠﯘﻕ ﻳﯜﺭﯨﻜﻰ،
ﻗﺎﻟﺪﯗﺭﻣﺎ ﺑﻮﭖ ﺑﻮﺵ ﺩﻩﭖ ﻗﯩﻠﯩﺪﯗ ﻧﺎﻟﻪ.
ﺋﯘ ﺋﺎﯕﻼﭖ ﻗﺎﻧﻼﺭﻧﯩﯔ ﺷﺎﺭﻗﯩﺮﯨﺸﯩﻨﻰ
ﺋﻪﻳﻤﯩﻨﯩﭗ ﻗﺎﺭﺍﻳﺪﯗ ﺋﺎﻏﺮﯨﻖ ﻛﯚﻛﺴﯩﮕﻪ.
ﻳﯜﺭﻩﻛﺘﯩﻦ ﻗﯘﺗﯘﻟﯘﭖ ﻧﻪﻏﻤﻪ ﻗﯩﻠﺴﺎ ﻗﺎﻥ
ﺋﯧﭽﯩﺮﻗﺎﭖ ﻫﯘﯞﻻﻳﺪﯗ ﺗﻪﻟﯟﻩ ﻳﯜﺭﯨﻜﻰ،
ﭼﯜﻧﻜﻰ ﺋﯘ ﺧﺎﻟﯩﻤﺎﺱ ﻗﯘﺭﯗﻕ ﻛﯧﺘﯩﺸﻨﻰ،
ﺋﺎﺭﺍﻣﻠﯩﻖ ﯞﻩ ﺷﺎﺩﻟﯩﻖ ﻗﯩﻴﻨﺎﻳﺪﯗ ﺋﯘﻧﻰ④.
ﭼﯜﻧﻜﻰ ﺋﯘ ﺩﯗﻧﻴﺎﻏﺎ ﺗﯚﺭﻩﻟﮕﻪﻧﺪﯨﻼ،
ﺟﺎﻫﺎﻧﻐﺎ ﺑﯩﺮ ﺳﺎﻫﯩﺐ ﺋﺎﺩﺍ ﺑﻮﭖ ﻛﻪﻟﮕﻪﻥ⑤ .
ﺋﺎﻟﻪﻣﻨﯩﯔ ﻏﯧﻤﯩﻨﻰ ﺋﯚﺯﯨﮕﻪ ﻳﯜﻛﻠﻪﭖ،
ﺋﻪﻟﻪﻣﮕﻪ ﺧﯘﻣﺎﺭ ﯞﻩ ﺋﺎﺷﻨﺎ ﺑﻮﭖ ﻛﻪﻟﮕﻪﻥ.
ﺳﯘﻟﻤﺎﻗﺘﺎ ﺩﻩﺭﯞﯨﺸﻨﯩﯔ ﺧﺎﺯﺍﻥ ﭼﯩﺮﺍﻳﻰ،
ﮔﻮﻳﺎﻛﻰ...ﮔﻮﻳﺎﻛﻰ...ﺋﯘﻧﺘﯘﻟﯘﺵ ﻛﻪﺑﻰ.
ﺋﺎﯕﻼﻳﺪﯗ ﺋﺎﯞﺍﺯﺳﯩﺰ ﭼﺎﻗﯩﺮﺍﺭ ﺋﯘﻧﻰﻛﯚﺭ ﻣﯧﻨﻰ،
ﻛﯚﺭﮔﯩﻦ، ﺩﻩﭖ ﻗﯩﭗ ﻗﯩﺰﯨﻞ ﻗﯧﻨﻰ،
ﺋﺎﻫ، ﻟﯧﻜﯩﻦ ﻛﯚﺯﻟﯩﺮﻯ ﻏﯘﯞﺍﻻﺷﻤﺎﻗﺘﺎ
ﺋﯘنىڭ شۇ ﺗﺎﺗﺎﺭﻏﺎﻥ ﭼﯧﻬﺮﻯ ﺑﯩﻠﻪﻥ ﺗﻪﯓ.
ﺳﯘﺳﻠﯩﺸﯩﭗ ﺑﺎﺭﻣﺎﻗﺘﺎ ﺧﺎﻡ ﺧﯩﻴﺎﻝ ﻛﻪﺑﻰ
ﺋﯚﭼﻤﻪﻛﺘﻪ ﺗﯧﺰﻟﯩﻜﺘﻪ ﻗﯧﻨﯩﺪﯨﻜﻰ ﺭﻩﯓ.
ﻗﺎﻧﺴﯩﺮﺍﺵ ﯞﻩ ﻛﯚﺯﻧﯩﯔ ﻧﯘﺭﺳﯩﺰﻟﯩﺸﯩﺸﻰ
ﺑﯩﻠﻤﻪﻳﺪﯗ ﻗﺎﻳﺴﯩﻨﯩﯔ ﺗﯧﺰﺭﺍﻕ ﺳﯜﺭﺋﯩﺘﻰ.
ﺋﺎﺧﯩﺮﻗﻰ ﺭﻩﺕ ﺑﺎﻗﻘﺎﻥ ﭼﺎﻏﺪﺍ ﻗﯧﻨﯩﻐﺎ
ﺋﯚﺯﮔﻪﺭﺩﻯ ﻗﺎﻥ ﻗﯩﺰﯨﻞ ﺭﻩﯕﺪﯨﻦ ﻳﯧﺸﯩﻠﻐﺎ،
ﺋﯚﺯﮔﻪﺭﺩﻯ ﻫﻪﻡ ﻛﯚﻛﻜﻪ ﺋﺎﻧﺪﯨﻦ ﻗﺎﺭﺍﻏﺎ
ﺋﺎﺧﯩﺮﻯ ﻳﻮﻗﺎﻟﺪﻯ ﻗﺎﺭﺍ ﺭﻩﯓ ﺋﺎﺭﺍ.
ﺋﯘ ﻧﯩﺪﺍ ﺋﻪﻳﻠﯩﺪﻯ ﻗﺎﺭﺍﯕﻐﯘﻟﯘﻗﺘﺎ:
ﺋﯧﻴﺘﯩﭗ ﺑﻪﺭ ﺳﻪﻥ ﻣﺎﯕﺎ ﻗﺎﻳﺘﯩﺶ ﻳﻮﻟﯩﻨﻰ!
ﻛﯚﺭﻩﻱ ﻣﻪﻥ ﺋﺎﻕ ﻗﺎﺭﺩﺍ ﭼﺎﻗﻨﯩﻐﺎﻥ ﻗﺎﻧﻨﻰ
ﺋﯘ ﺑﺎﺭﭼﻪ ﮔﯜﺯﻩﻟﻠﯩﻚ ﺋﯘﺯﻟﯘﻕ ﻣﻪﻧﺒﯩﻴﻰ.
ﺋﺎﺳﻤﺎﻧﻐﺎ ﻗﺎﺭﯨﺴﺎ ﻛﯚﺭﯛﻧﻤﻪﺱ ﻗﻮﻳﺎﺵ،
ﻛﯚﺭﯛﻧﻤﻪﺱ ﻫﻪﺗﺘﺎﻛﻰ ﺯﯗﻟﻤﻪﺕ ﻛﯧﭽﯩﻤﯘ.
ﻏﯘﯞﺍﻟﯩﻖ ﺋﯩﭽﯩﺪﻩ ﻳﻮﻗﺎﻟﺪﻯ ﺋﺎﺳﺘﺎ
ﺩﯗﻧﻴﺎﻧﯩﯔ ﺋﻪﺳﻪﺑﯩﻲ ﻗﯩﻘﺎﺳﻠﯩﺮﯨﻤﯘ.
ﻫﻪﻣﻤﯩﺴﻰ ﻳﻮﻗﺎﻟﺪﻯ، ﻳﻮﻗﺎﻟﺪﻯ ﺋﺎﻟﻪﻡ،
ﻳﻮﻗﺎﺗﺘﻰ ﻫﻪﻣﻤﯩﻨﻰ ﺑﯩﺮ ﻗﯘﭖ ﻗﯘﺭﯗﻗﻠﯘﻕ.
ﻗﺎﻟﻐﯩﻨﻰ ﭘﻪﻗﻪﺗﻼ ﺑﺎﺵ ﺳﯚﯕﯩﻜﯩﮕﻪ
ﻗﻪﺩﯨﻤﻜﻰ ﺯﺍﻣﺎﻧﺪﯨﻦ ﻗﺎﻟﻐﺎﻥ ﺑﯩﺮ ﺑﻮﺷﻠﯘﻕ
ﺋﯘ ﺑﻮﺷﻠﯘﻕ ﮔﺎﻫﯩﺪﺍ ﺋﻮﺗﻨﯩﯔ ﺷﻪﻛﻠﯩﺪﻩ
ﭼﯜﺷﯜﻣﺪﻩ ﻳﯧﻠﯩﻨﺠﺎﭖ ﺑﻮﻟﯩﺪﯗ ﺋﺎﻳﺎﻥ.
ﺋﺎﻳﺎﻟﻨﯩﯔ ﻳﺎﻟﯩﯖﺎﭺ ﺗﯧﻨﯩﮕﻪ ﺋﻮﺧﺸﺎﺵ
ﻧﯧﺮﯞﯨﻼﺭ ﺗﻪﻛﺘﯩﺪﻩ ﻗﯩﻠﯩﺪﯗ ﺟﻪﯞﻻﻥ.
ﺧﯩﻴﺎﻟﺪﻩﻙ ﻣﻪﯞﺟﯘﺗﺴﯩﺰ ﺋﺎﭼﭽﯩﻖ ﺷﯘ ﺳﯩﻤﺎ
ﺑﯩﻠﻤﻪﻳﻤﻪﻥ ﻗﻪﻳﻪﺭﺩﻩ ﺑﻮﻟﺪﯨﻜﯩﻦ ﺋﺎﻳﺎﻥ.
ﺋﯘ ﮔﻮﻳﺎ ﻳﺎﺭﺍﻟﻐﺎﻥ ﺑﯩﺮ ﺭﻩﺕ ﻣﻪﺳﺘﻠﯩﻜﺘﯩﻦ،
ﯞﻩ ﻳﺎﻛﻰ ﻧﻮﺭﻣﺎﻟﺴﯩﺰ ﭼﯜﺷﻠﻪﺭﺩﯨﻦ ﻗﺎﻟﻐﺎﻥ.
ﺋﯚﻟﯜﻣﺪﻩﻙ ﻟﻪﺯﺯﻩﺗﻠﯩﻚ، ﺳﯚﻳﯜﺷﺘﻪﻙ ﺗﻪﻣﺴﯩﺰ،
ﺋﯘ ﮔﻮﻳﺎ ﺗﻪﺷﻨﺎﻟﯩﻖ ﮔﻮﻳﺎﻛﻰ ﺋﺎﭼﻠﯩﻖ.
ﮔﺎﻫﯩﺪﺍ ﻳﺎﻟﯩﯖﺎﭺ ﺳﺎﺭﺍﯕﻐﺎ ﺋﻮﺧﺸﺎﺵ،
ﮔﺎﻫﯩﺪﺍ ﻣﯘﺭﺩﯨﺪﻩﻙ ﺷﻪﺭﻣﻰ ﻫﺎﻳﺎﻟﯩﻖ.
ﺋﯧﺴﯩﻤﺪﯨﻦ ﭼﯩﻘﻤﯩﺪﻯ ﺋﺎﺷﯘ ﮔﯜﺯﻩﻝ ﺗﻪﻥ،
ﺋﯧﺴﯩﻤﺪﯨﻦ ﭼﯩﻘﻤﯩﺪﻯ ﺋﺎﻫﺎﯕﺴﯩﺰ ﺷﯘ ﻛﯜﻱ.
ﻣﻪﻥ ﺋﯘﻧﻰ ﺳﯚﻳﮕﻪﭼﻜﻪ ﺋﯩﺸﻪﻧﺪﯨﻢ ﺑﺎﺭ ﺩﻩﭖ،
ﺋﯘ ﺩﻩﻳﺪﯗ: ﻣﻪﻥ ﻣﻪﯞﺟﯘﺕ ﻣﯧﻨﻰ ﺋﯩﺰﺩﻩ، ﺳﯚﻱ!
ﺋﯘ ﺑﻮﺷﻠﯘﻕ ﮔﺎﻫﯩﺪﺍ ﺳﯘﻧﯩﯔ ﺷﻪﻛﻠﯩﺪﻩ،
ﭼﯜﺷﯜﻣﺪﻩ ﺩﻭﻟﻘﯘﻧﻼﭖ ﺑﻮﻟﯩﺪﯗ ﺋﺎﻳﺎﻥ.
ﻗﻮﺭﻗﯘﻧﭻ ﺋﯩﻠﻜﯩﺪﻩ ﺑﺎﻗﯩﻤﻪﻥ ﺋﺎﯕﺎ،
ﺗﻮﺧﺘﯩﻤﺎﻱ ﺭﻭﻫﯩﻤﺪﺍ ﻳﺎﺳﺎﻳﺪﯗ ﻗﯩﻴﺎﻥ.
ﺗﻪﻟﻤﯜﺭﯛﭖ ﺋﯩﺰﺩﻩﻳﻤﻪﻥ، ﻛﯚﺭﯛﻧﻤﻪﻳﺪﯗ ﺋﯘ
ﯞﻩ ﻟﯧﻜﯩﻦ ﺷﺎﺭﻗﯩﺮﺍﺭ ﻗﯘﻻﻕ ﺗﯜﯞﯛﻣﺪﻩ،
ﺷﺎﺭﻗﯩﺮﺍﺭ ﻗﻪﺩﯨﻤﯩﻲ ﺋﻪﭘﺴﯘﻧﻐﺎ ﺋﻮﺧﺸﺎﺵ،
ﺳﯧﺰﯨﻤﻪﻥ ﮔﺎﻫ ﺋﯘﻧﻰ ﺟﺎﻧﺎﻥ ﺗﯧﻨﯩﺪﻩ.
ﺷﻮﺭﺍﻳﺪﯗ ﻫﻪﻣﻤﯩﻨﻰ ﺟﺎﻧﺴﯩﺰ ﺗﯧﻨﯩﻤﺪﯨﻦ
ﻗﻮﻳﺎﺷﻨﻰ-ﺋﯘﭘﯘﻗﻨﻰ، ﺳﯚﻳﮕﯜ- ﺋﯚﻟﯜﻣﻨﻰ،
ﺳﯘﻏﯘﺭﯗﭖ ﺋﺎﻟﯩﺪﯗ ﻣﯧﻨﯩﯔ ﺭﻭﻫﯩﻤﺪﯨﻦ
ﺋﯘﻻﺭﻧﯩﯔ ﭘﯜﺗﻤﯩﮕﻪﻥ ﺋﻮﺑﺮﺍﺯﻟﯩﺮﯨﻨﻰ.
ﺗﯩﺮﯨﺸﺘﯩﻢ ﺳﺎﻧﺴﯩﺰ ﻳﯩﻞ ﺷﯘ ﺋﻮﺑﺮﺍﺯﻻﺭﻧﻰ
ﻣﻪﻟﯘﻡ ﺑﯩﺮ ﺷﻪﻛﯩﻠﮕﻪ ﻛﯩﺮﮔﯜﺯﻣﻪﻙ ﺑﻮﻟﯘﭖ،
ﺳﻪﺭﺳﺎﻥ ﺑﻮﭖ ﮔﻮﻳﺎﻛﻰ ﻛﯩﻤﻴﺎﮔﻪﺭﻟﻪﺭﺩﻩﻙ،
ﺋﻪﺳﻪﺑﯩﻲ ﺋﺎﺷﯩﻘﺘﻪﻙ ﺩﺍﺋﯩﻢ ﺋﺎﻫ ﺋﯘﺭﯗﭖ.
ﺋﯘ ﻏﯘﯞﺍ، ﻳﺎﻟﻐﺎﻧﺪﻩﻙ، ﻣﻪﯞﺟﯘﺕ ﺋﻪﻣﻪﺳﺘﻪﻙ
ﭼﯜﺷﯜﺷﻜﻪ ﺟﯜﺭﺋﻪﺗﺴﯩﺰ ﻗﻮﻳﺎﺵ ﻧﯘﺭﯨﻤﯘ.
ﺑﺎﺭ ﻟﯧﻜﯩﻦ ﺋﯧﭽﯩﺮﻗﺎﺵ ﺋﯩﻨﻜﺎﺭ ﻗﯩﻠﯩﺶ ﺗﻪﺱ،
ﻫﻪﺭ ﺋﺎﺩﻩﻡ ﺋﯘﻧﻰ ﻫﯧﺲ ﻗﯩﻠﯩﭗ ﺗﯘﺭﯨﺪﯗ.
ﺋﺎﻫ ﺋﺎﺷﯘ ﻣﻪﯞﺟﯘﺗﺴﯩﺰ ﺳﯩﻴﻤﺎ ﺭﻭﻫﯩﻤﻨﻰ
ﻫﻪﻣﻤﯩﻨﻰ ﺑﯩﺮ ﺑﯩﺮﻟﻪﭖ ﺋﺎﻟﺪﻯ ﺋﯩﻠﻜﯩﮕﻪ.
ﻣﻪﻧﻤﯘ ﻫﻪﻡ ﻳﻮﻗﺎﺗﺘﯩﻢ ﻣﻪﯞﺟﯘﺗﻠﯩﻘﯩﻤﻨﻰ،
ﺗﯧﮕﯩﺸﺘﯩﻢ ﻫﻪﻣﻤﯩﻨﻰ ﺧﯩﻴﺎﻟﻐﺎ ﭼﯜﺷﻜﻪ.
ﺑﯩﺮ ﺳﺎﺩﺍ ﺋﯚﻟﺪﯛﯓ ﺩﻩﭖ ﺑﻪﺭﮔﻪﻧﺪﻩ ﺳﯩﮕﻨﺎﻝ،
ﻳﺎﻕ ﭘﻪﻗﻪﺕ ﺋﻪﻣﺪﯨﻼ ﺗﯩﺮﯨﻠﺪﯨﻢ ﺩﯦﺪﯨﻢ.
ﺋﯚﻟﯜﻣﺪﻩﻙ ﻣﯘﺳﺘﻪﻫﻜﻪﻡ، ﺋﻪﺭﻙ ﻛﻪﺑﻰ ﺋﺎﺟﯩﺰ
ﻣﻪﻥ ﺋﺎﺷﯘ ﺑﻮﺷﻠﯘﻗﻨﻰ ﺋﻪﺭﻛﯩﻦ ﺧﺎﻟﯩﺪﯨﻢ.
ﻛﯧﻠﯩﺪﯗ ﺋﻪﺧﻤﻪﻗﻠﯩﻖ ﻗﯩﻠﻐﯘﻡ ﻗﺎﻧﻐﯩﭽﻪ،
ﻛﯧﻠﯩﺪﯗ ﺧﯩﻴﺎﻟﻼﺭ ﺋﯜﭼﯜﻥ ﺟﺎﻥ ﺑﻪﺭﮔﯜﻡ.
ﺟﺎﻥ ﺩﯦﮕﻪﻥ ﺋﻪﯓ ﺋﻪﺭﺯﺍﻥ ﻧﻪﺭﺳﻪ ﻧﯧﻤﯩﮕﻪ
ﺋﺎﺗﯩﺴﺎﯓ ﺑﻪﺭﯨﺒﯩﺮ ﻛﯧﻠﯩﺪﯗ ﺋﯚﻟﯜﻡ.
ﺑﻮﺷﻠﯘﻗﻨﻰ ﻣﻪﻥ ﺋﺎﺷﯘ ﻗﯘﺭﯗﻕ ﺑﻮﺷﻠﯘﻗﻨﻰ
ﻛﯜﻟﻜﯩﻠﯩﻚ ﺩﻭﺯﺍﻕ ﺩﻩﭖ ﻗﻮﺭﻗﯘﭖ ﻳﯜﺭﮔﯩﻨﯩﻢ.
ﻛﯜﻟﻜﯩﻠﯩﻚ ﺋﺎﺭﻗﯩﺪﯨﻦ ﻣﻪﭘﺘﯘﻥ ﺑﻮﭖ ﻳﻪﻧﻪ
ﻛﯜﻟﻜﯩﻠﯩﻚ ﻫﻪﻣﻤﯩﺪﯨﻦ ﻫﻪﺳﻪﺕ ﻗﯩﻠﻐﯩﻨﯩﻢ.
ﻫﻪﻳﺮﺍﻧﻠﯩﻖ ﺋﯩﻠﻜﯩﺪﻩ ﻗﺎﺗﻘﺎﻥ ﯞﯗﺟﯘﺩﯗﻡ
ﺋﯘﯞﯗﻟﯘﭖ ﭼﯜﺷﯩﺪﯗ ﺟﻪﺳﻪﺕ ﻛﯜﻟﯩﺪﻩﻙ.
ﺷﯘ ﻛﯜﻟﻠﻪﺭ ﺋﯩﭽﯩﺪﯨﻦ ﻗﺎﻳﺘﺎ ﺗﯩﺮﯨﻠﮕﻪﻥ
ﺳﯧﻬﯩﺮﻟﯩﻚ ﺑﯩﺮ ﻗﯘﺷﻤﻪﻥ، ﺋﺎﻟﻪﻣﺪﻩ ﺗﯩﻐﺪﻩﻙ.
ﻛﯩﺸﯩﻠﻪﺭ ﺋﯩﺰﺩﻩﭘﻤﯘ ﺗﺎﭘﺎﻟﻤﺎﺱ ﻣﯧﻨﻰ
ﺳﯘﺳﯩﺰﻣﯘ ﭼﯚﻟﻠﻪﺭﺩﻩ ﺋﯧﭽﯩﻼﺭ ﮔﯜﻟﻤﻪﻥ.
ﺳﯘ ﺋﯩﭽﺮﻩ ﻛﯚﻳﯩﻤﻪﻥ ﮔﻮﻳﺎ ﮔﯜﻟﺨﺎﻧﺪﻩﻙ،
ﺋﻮﺕ ﺋﯩﭽﺮﻩ ﺗﯩﺮﯨﻜﻤﻪﻥ ﺋﺎﻳﺮﯨﻠﺴﺎﻡ ﻛﯜﻟﻤﻪﻥ.
3.ﺑﺎﭖ
ﻣﻪﺳﺘﻠﯩﻚ، ﮔﯘﻧﺎﻫ
ﻗﯘﻻﻕ ﺳﺎﻟﺪﯨﻢ ﻛﻪﭘﺘﯩﺮﯨﮕﻪ ﺑﺎﺷﻘﺎ ﺗﯘﭘﺎﻧﻨﯩﯔ
ﻫﻪﺯﺭﯨﺘﻰ ﺋﺎﺩﻩﻣﻨﻰ ﺑﯩﻨﺎ ﻗﯩﻠﻐﺎﻧﺪﺍ
ﺳﻪﻥ ﺯﺍﺩﻯ ﻛﯩﻢ ﺑﯩﻠﻪﻥ ﺑﯩﻠﻠﻪ ﺳﻪﻥ ﺋﯩﺪﯨﯔ؟
ﺋﯩﺒﺮﺍﻫﯩﻢ ﺋﺎﺗﻪﺷﻨﻰ ﮔﯜﻟﺨﺎﻥ ﻗﯩﻠﻐﺎﻧﺪﺍ
ﺋﻪﺳﻠﯩﺪﻩ ﺋﯘ ﻳﻪﺭﺩﻩ ﻛﯚﻳﮕﻪﻥ ﺳﻪﻥ ﺋﯩﺪﯨﯔ.
ﻣﻪﻧﺴﯘﺭﻧﯩﯔ ﻳﯜﺯﯨﻨﻰ ﻗﺎﻧﺪﺍ ﻳﯘﻳﻐﺎﻧﺪﺍ
ﺑﯧﺸﯩﯖﻐﺎ ﻗﯩﻠﯩﭽﻨﻰ ﺗﯘﺗﻘﺎﻥ ﺳﻪﻥ ﺋﯩﺪﯨﯔ.
ﺳﯘﻗﺮﺍﺗﻘﺎ ﺟﺎﻟﻼﺗﻼﺭ ﺯﻩﻫﻪﺭ ﺗﯘﺗﻘﺎﻧﺪﺍ،
ﻟﻪﺯﺯﻩﺗﻠﯩﻚ ﺷﺎﺭﺍﭘﺘﻪﻙ ﺋﯩﭽﻜﻪﻥ ﺳﻪﻥ ﺋﯩﺪﯨﯔ⑨.
ﺳﻪﻥ ﺷﯘﻧﺪﯨﻦ ﺑﯧﺮﯨﻼ ﺋﻪﻫﻠﻰ ﺳﻪﺭﮔﻪﺭﺩﺍﻥ،
ﻳﯜﺭﯨﻴﺴﻪﻥ ﻣﻪﻧﺰﯨﻠﺴﯩﺰ ﺩﯗﻧﻴﺎﻧﻰ ﻛﯧﺰﯨﭗ.
ﻗﻮﻧﺎﻟﻐﯘ ﻳﯧﺮﯨﯖﺪﯗﺭ ﭘﻪﻗﻪﺕ ﻗﻪﺑﺮﯨﺴﺘﺎﻥ.
ﻣﻪﻧﺰﯨﻠﻨﻰ، ﻧﯩﺸﺎﻧﻨﻰ ﺑﯩﻠﻤﻪﻱ ﺋﺎﻫ ﭼﯧﻜﯩﭗ
ﺋﯚﺯﯛﯕﻨﻰ ﺗﻮﺧﺘﯩﻤﺎﻱ ﺋﯘﺭﯨﺴﻪﻥ ﻫﻪﺭﻳﺎﻥ.
ﺑﯘ ﻳﯜﺭﻩﻙ ﺑﻪﻙ ﺋﯧﻐﯩﺮ ﺋﺎﻫ ﺑﻪﻛﻤﯘ ﺋﯧﻐﯩﺮ⑩
ﺋﯚﻟﭽﯩﻤﻪﻙ ﺗﻪﺱ ﺋﯘﻧﻰ ﺗﺎﺭﺍﺯﺍ ﺑﯩﻠﻪﻥ.
ﺷﯘ ﺋﯧﻐﯩﺮ ﻳﯜﺭﻩﻛﻨﻰ ﻛﯚﺗﯜﺭﻩﻟﻤﻪﺳﺘﯩﻦ
ﺋﯚﻟﻤﻪﻛﭽﻰ ﺑﻮﻟﯩﺪﯗ ﺋﺎﺩﻩﻣﻠﻪﺭ ﺟﻪﺯﻣﻪﻥ.
ﺗﻮﺧﺘﯩﻤﺎﻱ ﺋﯧﻐﯩﺮﻻﭖ ﺳﯧﻨﯩﯔ ﻳﯜﺭﯨﻜﯩﯔ،
ﺋﯧﻴﺘﻘﯘﺳﯩﺰ ﺋﺎﺯﺍﺑﻘﺎ ﺑﻮﻟﯘﭘﺴﻪﻥ ﺩﯗﭼﺎﺭ.
ﻗﺎﻥ ﺋﯧﻘﯩﭗ ﭼﯩﻜﻪﺗﺴﻪ ﻳﻪﯕﮕﯩﻠﻠﻪﻳﺪﯗ ﺩﻩﭖ
ﺳﺎﺩﺩﺍ ﺑﯩﺮ ﺧﯩﻴﺎﻟﻐﺎ ﺑﻮﻟﺪﯗﯕﻤﯘ ﺋﻪﺳﺮﺍﺭ؟
ﻗﺎﻥ ﺋﯧﻘﯩﭗ ﻳﯜﺭﯨﻜﯩﯔ ﺑﺎﺭﺳﯩﻤﯘ ﺑﻮﺷﺎﭖ
ﻳﯧﻨﯩﻜﻠﻪﺵ ﺭﯗﻱ ﺑﻪﺭﻣﻪﺱ ﺋﯘﻧﯩﯖﺪﺍ ﺋﻪﺳﻼ.
ﺷﯘﯕﻼﺷﻘﺎ ﺳﻪﺭﮔﻪﺭﺩﺍﻥ ﺑﻮﻟﯘﭖ ﻗﺎﻟﺪﯨﯔ ﺳﻪﻥ،
ﺋﺎﺧﯩﺮﻗﻰ ﻣﻪﻧﺰﯨﻞ ﻳﻮﻕ ﺩﯗﻧﻴﺎﺩﺍ ﺳﺎﯕﺎ.
ﻧﺎﻣﻪﻟﯘﻡ ﺑﻮﻟﻐﺎﻧﺪﻩﻙ ﺋﻪﺟﻪﻟﻨﯩﯔ ﯞﺍﻗﺘﻰ،
ﺑﯩﻠﻤﻪﻳﺴﻪﻥ ﺗﯘﻏﯘﻟﻐﺎﻥ ﻛﯜﻧﯜﯕﻨﯩﻤﯘ ﺳﻪﻥ.
ﻛﻪﻟﻤﻪﻳﺪﯗ ﻣﻪﯕﮕﯜﮔﻪ ﻳﯧﺰﯨﻠﻤﯩﻐﺎﻥ ﺧﻪﺕ،
ﺋﯚﻟﻤﻪﻳﺪﯗ ﺑﯩﺮ ﻧﯚﯞﻩﺕ ﺋﯚﻟﯜﭖ ﺑﻮﻟﻐﺎﻥ ﺗﻪﻥ.
ﺑﯘ ﻳﯜﺭﻩﻙ ﺑﻪﻙ ﺋﯧﻐﯩﺮ، ﺋﺎﻫ ﺑﻪﻛﻤﯘ ﺋﯧﻐﯩﺮ،
ﮔﯘﻧﺎﻫﻠﯩﻖ ﺳﻮﻗﯘﺷﻼﺭ ﻳﯜﺯ ﺑﻪﺭﮔﻪﭺ ﻫﺎﻣﺎﻥ.
ﻫﻪﻣﻤﯩﺪﯨﻦ ﺋﯧﻐﯩﺮﻯ ﺋﯘﻧﺪﯨﻜﻰ ﯞﯨﺠﺪﺍﻥ،
ﺋﯘ ﺳﯧﻨﻰ ﻫﻪﺭﺟﺎﻳﺪﺍ ﻗﯩﻼﺭ ﺳﻪﺭﮔﻪﺭﺩﺍﻥ.
ﮔﺎﻫﯩﺪﺍ ﺳﺎﺗﻤﺎﻗﭽﻰ ﺑﻮﻟﺴﺎﯕﻤﯘ ﺋﯘﻧﻰ
ﻫﯧﭽﻜﯩﺸﻰ ﺳﺎﻟﻤﯩﺴﺎ ﻧﻪﺯﻩﺭ ﮔﯜﺯﯨﺮﯨﻦ
ﺩﻩﻫﺸﻪﺗﻠﯩﻚ ﺷﯘ ﺋﯧﻐﯩﺮ ﯞﯨﺠﺪﺍﻧﻨﻰ ئۈنسىز
ﻛﯚﺗﯜﺭﯛﭖ ﻳﯜﺭﻣﻪﻛﻠﯩﻚ ﺋﯚﺗﻤﻪﻣﺪﯗ ﺟﺎﻧﺪﯨﻦ.
ﺳﺎﻟﻐﺎﻧﭽﻪ ﻫﻪﻡ ﭼﻪﻛﺴﯩﺰ ﺋﯧﻐﯩﺮﻟﯩﻘﯩﻨﻰ
ﭘﺎﺭﺍﺯﯨﺖ ﻗﯘﺭﯗﺗﺘﻪﻙ ﻳﺎﺷﺎﻳﺪﯗ ﺳﯚﻳﮕﯜ.
ﻳﯩﻴﯩﻠﺴﻪ ﻳﯜﺭﯨﻜﯩﯔ، ﻳﻪﯕﮕﯩﻠﻠﯩﻤﻪﺳﺘﯩﻦ
ﺋﻪﻛﺴﯩﭽﻪ ﺋﯧﻐﯩﺮﻻﭖ ﺑﺎﺭﯨﺪﯗ ﻣﻪﯕﯖﯜ.
ﭘﺎﺭﺍﺯﯨﺖ ﻗﯘﺭﯗﺗﻨﻰ ﺧﯘﺩﺩﻯ ﻣﯩﻜﺮﯗﺑﺘﻪﻙ
ﺑﺎﺷﻘﯩﻼﺭ ﺗﯧﻨﯩﮕﻪ ﻳﯘﻗﺘﯘﺭﺍﻱ ﺩﻩﻳﺴﻪﻥ.
ﺳﻪﻥ ﺋﺎﺷﯘ ﻳﻮﻝ ﺑﯩﻠﻪﻥ ﺋﯚﺯ ﻳﯜﺭﯨﻜﯩﯖﮕﻪ
ﺑﻪﻟﻜﯩﻢ ﺑﯩﺮ ﻳﻪﯕﮕﯩﻠﻠﻪﺵ ﻳﻮﻟﻰ ﺋﯩﺰﺩﻩﻳﺴﻪﻥ.
ﻧﯧﻤﯩﺸﻘﺎ ﺑﯘ ﻗﻪﺩﻩﺭ ﺳﯩﺮﻟﯩﻖ ﺋﯚﻟﯜﻣﯩﯔ
ﺧﯩﻠﻤﯘ ﺧﯩﻞ ﭘﻪﺭﻩﺯ ﺑﺎﺭ ﺑﯩﺮ ﺑﯩﺮﯨﮕﻪ ﺯﯨﺖ؟
ﺭﺍﺳﺘﯩﻨﻼ ﺳﻪﻥ ﺋﯚﺯﯛﯓ ﺗﺎﻟﻼﭖ ﺋﯚﻟﯜﻣﻨﻰ،
ﻗﯩﻠﺪﯨﯖﻤﯘ ﺋﯚﻣﺮﯛﯕﻨﻰ ﻣﻪﻧﺴﯘﺭﻏﺎ ﺗﻪﻗﻠﯩﺪ؟
ﯞﻩ ﻳﺎﻛﻰ ﺑﯩﺮ ﺟﺎﻧﺎﻥ ﻛﯚﻳﯜﭖ ﻗﯧﭗ ﺳﺎﯕﺎ،
ﺳﯜﻳﻪﻟﻤﻪﻱ ﺳﯧﻨﻰ ﻫﯧﭻ ﺗﯩﺮﯨﻜﻠﯩﻜﯩﯖﺪﻩ
ﻛﺎﻟﻼﯕﻨﻰ ﺋﺎﻟﺪﯗﺭﯗﭖ ﻛﯧﻠﯩﭗ ﺋﺎﻟﺪﯨﻐﺎ
ﺳﯚﻳﻤﻪﻛﭽﻰ ﺑﻮﻟﻐﺎﻧﻤﯘ ﻗﺎﻧﻠﯩﻖ ﻟﯧﯟﯨﯖﮕﻪ⑾؟
ﺋﯘ ﺗﯧﺘﯩﭗ ﻛﯚﺭﮔﻪﻧﺪﻩ قېنىڭ تەمىنى،
ﯞﯗﺟﯘﺩﻯ ﺋﻪﯓ ﺗﺎﺗﻠﯩﻖ ﺗﯩﺘﺮﯨﮕﻪﻧﻤﯩﺪﯗ؟
ﮔﻮﻳﺎﻛﻰ ﺩﯦﯖﯩﺰﺩﻩﻙ ﺋﯚﺭﻛﻪﺷﻠﻪﭖ ﺗﯧﻨﻰ،
ﻗﯩﺮﻏﺎﻗﻼﺭ ﺋﯜﺳﺘﯩﮕﻪ ﺋﯚﺭﻟﯩﮕﻪﻧﻤﯩﺪﯗ؟
[ﻛﻮﭼﺎ ﺋﺎﭘﺘﯘﯞﯗﺯﻯ]
ﺋﺎﺩﻩﻣﻠﻪﺭ ﻗﯩﺴﺘﯩﻠﯩﭗ ﻣﺎﭼﯩﻠﺪﺍﭖ ﻛﻪﺗﻜﻪﻥ،
[ﻛﺎﺭﯨﯟﺍﺕ]
ﺑﻮﻟﺪﻯ ﻗﻮﻱ ﺑﯘﻧﭽﯩﻼ ﻗﯩﺴﺘﯩﻤﺎ ﺧﻮﺗﯘﻥ.
[ﻛﻮﭼﺎ ﺋﺎﭘﺘﯘﯞﯗﺯﻯ]
ﺋﺎﺩﻩﻣﻠﻪﺭ ﺗﯩﻨﯩﻘﻰ ﺑﻪﻛﻤﯘ ﺭﻩﻫﯩﻤﺴﯩﺰ،
[ﻛﺎﺭﯨﯟﺍﺕ]
ﺋﺎﻫ ﺑﻮﻟﺪﻯ ﺳﯚﻳﻤﯩﮕﯩﻦ ﺳﯚﻳﻤﯩﮕﯩﻦ ﺑﯜﮔﯜﻥ.
ﺗﻪﻧﻠﻪﺭﻧﻰ ﺳﯧﺴﯩﺘﯩﭗ ﺑﺎﺭﻣﺎﻗﺘﺎ ﺟﺎﻧﻼﺭ،
ﯞﻩ ﻟﯧﻜﯩﻦ ﺳﯚﻳﮕﯜ ﺩﻩﭖ ﺗﯩﺘﺮﻩﻳﺪﯗ ﻧﯧﺮﯞﺍ.
ﻗﯩﻠﻤﺎﻗﺘﺎ ﺋﯩﻨﺴﺎﻧﻨﻰ ﻫﻪﻣﻤﯩﺪﯨﻦ ﺑﯩﺰﺍﺭ
ﻛﻮﭼﯩﻨﻰ ﺑﯩﺮ ﺋﺎﻟﻐﺎﻥ ﺧﯩﻠﻤﯘ ﺧﯩﻞ ﺳﺎﺩﺍ.
ﻗﯘﻻﻗﻼﺭ ﻗﺎﻟﻤﯩﺪﻯ ﺑﻪﻟﻜﯩﻢ ﺩﯗﻧﻴﺎﺩﺍ،
ﺗﯩﻨﺪﻯ ﻫﻪﻡ ﺑﺎﺭﭼﯩﺴﻰ ﺳﻪﺯﮔﯜ ﺋﻪﺯﺍﻧﯩﯔ.
ﺗﺎﺭﻗﺎﺗﺴﺎ ﻫﺎﻳﺎﺟﺎﻥ ﺋﻪﻣﭽﻪﻙ ﺗﻮﭘﭽﯩﺴﻰ
ﻧﯩﻤﯩﮕﻪ ﺗﻪﺷﻨﺎﺩﯗﺭ ﺋﯘﻳﯘﺷﻘﺎﻥ ﺟﯩﺴﻤﯩﯔ؟
ﻛﻮﭼﯩﺪﺍ ﺋﺎﺩﻩﻣﻠﻪﺭ ﺭﯦﺘﻰ ﺑﯘﺯﯗﻟﻐﺎﻥ،
ﺗﯘﺭﻣﺎﻗﺘﺎ ﻛﯧﺴﻪﻟﻠﯩﻚ ﺑﻮﺷﻠﯘﻗﻘﺎ ﻳﺎﻣﺮﺍﭖ.
ﻫﻪﻣﻤﯩﺴﻰ ﻛﯧﺴﻪﻟﺪﯗﺭ، ﺋﺎﻟﺪﯨﺮﺍﺵ ﻛﯧﺴﻪﻝ،
ﻳﯜﺭﺳﯩﻤﯘ ﻣﯩﻜﺮﯗﭘﺘﯩﻦ ﺋﯚﺯﯨﻨﻰ ﻗﻮﻏﺪﺍﭖ.
ﺋﯩﻨﺴﺎﻧﻼﺭ ﻫﻪﻣﻤﯩﺴﻰ ﺧﯘﺩﺩﻯ ﺑﯩﺮ ﺗﻪﻧﺪﻩﻙ
ﻛﯧﺴﻪﻟﻠﯩﻚ ﺑﻪﻙ ﺋﻪﺭﻛﯩﻦ ﻳﯜﺭﯛﻳﺪﯗ ﻛﯧﺰﯨﭗ،
ﻟﯧﻜﯩﻦ ﻣﻪﻥ ﺑﺎﺷﻘﯩﻼﺭ ﭼﻪﻛﺴﯩﺰ ﻳﯩﺮﺍﻗﺘﻪﻙ
ﺳﯧﺰﯨﻤﻪﻥ ﺋﯚﺯﯗﻣﻨﻰ ﺗﻪﻧﻬﺎ ﯞﻩ ﻏﯧﺮﯨﭗ.
ﺑﯩﻠﻤﻪﻳﻤﻪﻥ ﻧﯧﻤﯩﺸﻘﺎ ﺑﻮﻟﺪﯗﻣﻜﯩﻦ ﻗﺎﭼﻘﯘﻥ،
ﺧﺎﻻﻳﻤﻪﻥ ﺑﯘﻻﺭﻧﻰ ﺑﯩﻠﻤﻪﺳﻠﯩﻜﻨﻰ ﻫﻪﻡ.
ﻫﺎﻳﺎﺗﺘﺎ ﻣﯜﻛﯜﻧﯜﺵ ﺑﻪﻙ ﺋﻮﯕﺎﻱﭼﯜﻧﻜﻰ
ﺩﯗﻧﻴﺎﺩﺍ ﺑﻪﻛﻤﯘ ﻛﯚﭖ ﺩﺍﯕﻘﻰ ﺑﺎﺭ ﺋﺎﺩﻩﻡ.
ﭼﯘﻗﺎﻧﻼﺭ، ﺋﺎﻫ ﯞﺍﻫﻼﺭ، ﻣﺎﺷﯩﻨﯩﻼﺭﻧﯩﯔ
ﺗﯧﻨﯩﻤﺴﯩﺰ ﺋﯘﺭﻏﯩﻐﺎﻥ ﺳﺎﺩﺍﻟﯩﺮﯨﺪﯨﻦ
ﺩﻩﻫﺸﻪﺗﻠﯩﻚ ﺳﯜﻛﯜﺗﻜﻪ ﭼﯜﻣﻜﻪﻟﺪﻯ ﺷﻪﻫﻪﺭ
ﺷﯘ ﯞﻩﻫﺸﻰ ﺋﺎﯞﺍﺯﻻﺭ ﺳﯩﻘﯩﭗ ﮔﯧﻠﯩﺪﯨﻦ.
ﺑﯘ ﺷﻪﻫﻪﺭ ﮔﻮﻳﺎﻛﻰ ﺑﯩﺮ ﺑﺎﺵ ﺳﯚﯕﯩﻜﻰ
ﺑﯘﻧﭽﻪ ﻛﯚﭖ ﺧﯩﻴﺎﻟﻼﺭ ﺳﯩﯖﮕﻪﻧﺪﯗ ﻗﺎﻧﺪﺍﻕ؟
ﺳﺎﺩﺍﻻﺭ ﮔﺎﺩﯨﺮﻣﺎﭺ ﺧﯩﻴﺎﻟﻐﺎ ﺋﻮﺧﺸﺎﺵ
ﺋﯚﺯ ﺋﺎﺭﺍ ﭼﯩﺮﻣﯩﺸﯩﭗ ﻛﯩﺮﯨﺸﯩﭗ ﺷﯘﻧﺪﺍﻕ
ﺳﺎﺭﺍﯕﻠﯩﻖ ﺗﯜﯞﯨﮕﻪ ﻛﻪﻟﮕﻪﻥ ﻣﯧﯖﯩﺪﻩﻙ
ﺗﯜﮔﯩﺸﯩﺶ ﻗﻮﻳﻨﯩﻐﺎ ﺑﺎﺳﻤﺎﻗﺘﺎ ﺋﺎﻳﺎﻕ.
ﺑﺎﻟﯩﻼﺭ ﺋﯩﺴﻘﯩﺮﺗﯩﭗ ﭼﯩﻘﺎﺭﻏﺎﻥ ﺳﺎﺩﺍ،
ﻳﯩﺮﯨﯖﻐﺎ ﺋﺎﻳﻠﯩﻨﯩﭗ ﺑﯩﭽﺎﺭﯨﻼﺭﭼﻪ
ﻗﯧﺘﯩﺸﻘﺎﻥ ﺋﺎﯞﺍﺯﻻﺭ ﺗﯧﻐﯩﻨﻰ ﺗﯧﺸﯩﭗ،
ﺩﻩﻫﺸﻪﺗﻠﯩﻚ ﻛﯚﻳﺪﯛﺭﮔﯜﭺ ﻫﺎﺭﺍﺭﯨﺘﯩﺪﻩ
ﺑﺎﺭﻣﺎﻗﺘﺎ ﺋﺎﻳﺎﻟﻼﺭ ﺗﯧﻨﯩﮕﻪ ﺋﯧﻘﯩﭗ.
ﺋﺎﻫ ﺳﯧﺴﯩﭗ ﻛﻪﺗﻤﻪﻛﺘﻪ ﺗﺎﺗﻠﯩﻖ ﺧﯩﻴﺎﻟﻼﺭ،
ﻗﻮﺭﻗﻤﺎﻣﺴﻪﻥ ﺋﯘﻻﺭﻧﯩﯔ ﻳﯩﺮﯨﯖﻠﯩﺸﯩﺪﯨﻦ.
ﺋﺎﻧﺪﯨﻦ ﺑﯩﺮ ﺗﺎﻣﭽﻪ ﻗﺎﻥ ﺑﯩﻠﻪﻥ ﺑﯧﺮﯨﻜﯩﭗ،
ﻗﻮﺭﻗﻤﺎﻣﺴﻪﻥ ﻳﯧﯖﻰ ﺟﺎﻥ ﻳﺎﺭﯨﻠﯩﺸﯩﺪﯨﻦ.
ﻣﻪﺳﺘﻠﯩﻜﻰ ﺑﺎﺳﻘﺎﻧﺪﺍ ﺷﯩﻠﻠﯩﺴﯩﺪﯨﻦ ﭼﯩﯔ
ﺋﺎﻏﺮﯨﻨﺪﻯ ﺷﻪﻫﯟﻩﺗﺨﻮﺭ ﻣﯜﺷﯜﻙ ﺋﯜﻧﯩﺪﯨﻦ.
ﻗﯘﺳﻤﺎﻗﺘﺎ ﺗﺎﻣﻼﺭﻏﺎ ﻳﯚﻟﯩﻨﯩﭗ ﺷﺎﺋﯩﺮ،
ﻣﯩﺴﺮﺍﻻﺭ ﻗﯘﺭﺗﻼﭖ ﭼﯜﺷﻪﺭ ﺋﺎﻏﺰﯨﺪﯨﻦ.
ﻧﻪﺱ ﺑﺎﺳﻘﺎﻥ ﺑﯩﺮ ﺋﺎﻳﺎﻝ ﻛﯚﺭﯛﭖ ﺑﯘﻻﺭﻧﻰ
ﭼﯩﺮﻗﯩﺮﺍﭖ ﺗﺎﺷﻠﯩﺪﻯ ﺑﻪﻟﻜﯩﻢ ﺗﯘﻳﯘﻗﺴﯩﺰ،
ﺑﯩﺮ ﺑﻮﯞﺍﻕ ﭘﺎﻗﯩﻐﺎ ﻛﻪﺗﺘﻰ ﺋﺎﻳﻠﯩﻨﯩﭗ
ﺗﺎﺭﺍﻳﻐﺎﻥ ﻣﺎﺗﻜﯩﻨﯩﯔ ﺋﯩﭽﯩﺪﻩ ﺋﯜﻧﺴﯩﺰ.
ﭼﯧﻘﯩﻠﻐﺎﻥ ﺑﻮﺗﯘﻟﻜﺎ ﺳﯘﻧﯘﻗﻠﯩﺮﯨﻨﻰ
ﻗﻮﻟﯩﻐﺎ ﺋﺎﻟﻐﺎﻧﭽﻪ ﻳﯩﻐﻼﻳﺪﯗ ﺑﯩﺮ ﻣﻪﺳﺖ،
ﻛﯚﺯ ﻳﺎﺷﻼﺭ ﺑﯩﻬﯘﺩﻩ ﺗﯚﻛﯜﻟﺴﻪ ﺋﺎﺭﺗﯘﻕ
ﺑﯘ ﺋﯜﭼﯜﻥ ﺋﺎﺩﻩﻣﻠﻪﺭ ﺋﯩﺴﺮﺍﭘﺨﻮﺭ ﺋﻪﻣﻪﺱ.
ﺋﺎﻳﺎﻗﻼﺭ ﺋﺎﺳﺘﯩﺪﺍ ﺧﺎﻣﺎﻧﻐﺎ ﺋﻮﺧﺸﺎﺵ
ﭘﯩﺮﻗﯩﺮﺍﭖ، ﻳﻪﻧﭽﯩﻠﯩﭗ ﻳﯜﺭﯛﻳﺪﯗ ﯞﺍﻟﯩﺲ.
ﺋﯧﺰﯨﻘﻘﺎﻥ ﻣﯘﺯﯨﻜﺎ ﺋﺎﺭﺍﺷﻠﯩﺮﯨﺪﺍ
ﺋﺎﻫ ﻣﯘﻣﻜﯩﻦ ﺋﻪﻣﻪﺳﺘﯘﺭ ﻳﻮﻟﯩﻨﻰ ﺗﯧﭙﯩﺶ.
ﭘﯘﺗﯩﻨﻰ ﺋﯚﺯﮔﻪﺭﻣﻪﺱ ﺑﻮﻟﯘﭖ ﭼﯩﺮﻣﯩﻐﺎﻥ
ﻧﺎﺧﺸﯩﻨﯩﯔ ﺭﯦﺘﯩﻤﻰ، ﺗﺎﻧﺴﺎ ﯞﻩ ﺋﯘﺳﯘﻝ.
ﺋﻪﺭﻛﯩﻨﻠﯩﻚ ﺩﯦﻤﻪﻛﺘﯘﺭ ﺋﯧﺰﯨﻘﯩﺶ ﺩﯦﮕﻪﻥ،
ﺋﯧﺰﯨﻘﻘﺎﻥ ﺋﺎﺩﻩﻣﮕﻪ ﻫﻪﻣﻤﻪ ﺗﻪﺭﻩﭖ ﻳﻮﻝ.
ﺋﺎﺯﯨﺪﯗ ﺑﯩﻬﯧﺴﺎﺏ ﺟﯩﺠﯩﻘﻼﺭ ﺋﺎﺭﺍ
ﻳﺎﻳﺮﯨﺪﯨﻦ ﺗﺎﭘﺸﯘﺭﯗﭖ ﺋﺎﻟﻐﺎﻧﺪﺍ ﻣﻪﻛﺘﯘﭖ.
ﺋﯧﺰﯨﻘﯩﭗ ﺋﯘ ﺳﯩﺮﻟﯩﻖ ﺑﻪﻟﮕﯩﻠﻪﺭ ﺋﺎﺭﺍﭘﺎﻝ
ﺳﺎﻟﻤﺎﻕ ﺑﻮﻟﻐﺎﻧﺪﺍ ﺑﻮﻟﯩﺪﯗ ﻣﻪﻏﻠﯘﭖ.
ﭼﻪﻛﺴﯩﺰ ﻳﻮﻝ ﺑﻮﻳﯩﺪﺍ ﻛﯚﺗﯜﺭﮔﻪﻧﺪﻩ ﻗﻮﻝ
ﻗﻮﻟﯩﺪﺍ ﺭﻭﻣﻜﯩﺴﻰ ﺑﺎﺭﻣﯘ ﺷﺎﺋﯩﺮﻧﯩﯔ؟
ﻣﻪﯕﮕﯜﻟﯜﻙ ﻳﯧﭙﯩﻠﻤﺎﺱ ﺑﻮﭖ ﻗﺎلسا ﺋﯩﺸﯩﻚ
ﻫﺎﻳﺎﺗﻠﯩﻖ ﻣﻪﻫﺴﯘﻟﻰ ﺑﯘﺯﯗﻕ ﻫﻪﯞﻩﺳﻨﯩﯔ.
ﻣﺎﺷﯩﻨﺎ ﺗﻮﺳﻤﺎﻕ ﺑﻮﭖ ﻛﯚﺗﯜﺭﯛﻟﮕﻪﻥ ﻗﻮﻝ
ﻗﯧﺘﯩﺪﻯ ﺩﻩﻫﺸﻪﺗﻠﯩﻚ ﺳﻮﻏﺎﻗﺘﺎ ﺗﻮﯕﻼﭖ.
ﺗﯘﻳﯘﻗﺴﯩﺰ ﺋﯧﺰﯨﻘﯩﭗ ﻛﻪﺗﺘﻰ ﺑﯩﺮ ﺷﻮﭘﯘﺭ
ﺋﯘ ﻗﻮﻟﻨﻰ ﻳﻮﻟﺪﯨﻜﻰ ﺑﻪﻟﮕﻪ ﺩﻩﭖ ﺋﻮﻳﻼﭖ.
ﭘﺎﻳﺎﻧﺴﯩﺰ ﭼﯚﻟﻠﯜﻛﻜﻪ ﻛﯩﺮﯨﭗ ﺑﻮﻟﻐﺎﻧﺪﺍ
ﺷﯜﺭﻛﯩﻨﯩﭗ ﺑﯩﺮ ﭼﯚﭼﯜﭖ ﻛﻪﻳﻨﯩﮕﻪ ﻗﺎﺭﺍﭖ،
ﻗﺎﻳﺘﯩﺪﯨﻦ ﻛﯚﺭﻣﻪﻛﭽﻰ ﺑﻮﻟﺪﻯ ﻗﻮﻟﻼﺭﻧﻰ
ﺋﯘﭘﯘﻗﺘﺎ ﻣﻪﯕﮕﯜ ﺗﺎﺵ ﺑﻮﻟﺪﻯ ﻛﯚﺭﮔﯩﻨﻰ،
ﺗﯘﺭﻣﺎﻗﺘﺎ ﻗﻪﺑﺮﯨﺪﻩﻙ ﻳﺎ ﺳﻪﺭﮔﻪﺭﺩﺍﻧﺪﻩﻙ
ﺯﻩﺑﻪﺭﺩﻩﺳﺖ ﺑﯩﺮ ﮔﻪﯞﺩﻩ ﻛﯚﺗﺮﯛﭖ ﺋﯘﻧﻰ.
ﺟﻪﺳﻪﺗﻠﻪﺭ ﺋﯜﺳﺘﯩﺪﻩ ﺟﯩﻨﺴﯩﻲ ﻗﺎﻏﺠﯩﺮﺍﺵ
ﺋﯚﻟﯜﻡ ﯞﻩ ﺋﯩﺪﺭﺍﻛﻨﻰ ﻗﯩﻠﻤﺎﻗﺘﺎ ﻳﻪﻛﺴﺎﻥ.
ﺗﺎﺭﺍﻳﺪﻯ ﺗﻪﭘﻪﻛﻜﯜﺭ ﺋﯩﺴﻼﺭ ﺋﯩﻠﻜﯩﺪﻩ،
ﺳﺎﺩﺍﻻﺭ ﺷﯘ ﻗﻪﺩﻩﺭ ﭼﻪﻛﺴﯩﺰ ﺑﯩﭙﺎﻳﺎﻥ.
ﻛﯩﮕﯩﺰﺩﻩﻙ ﭼﯩﺮﻣﯩﺸﯩﭗ ﺋﯘﻳﯘﺷﯘﭖ ﻛﻪﺗﻜﻪﻥ
ﺋﺎﺩﻩﻣﻠﻪﺭ، ﻣﺎﺷﯩﻨﺎ، ﺟﯩﻨﻼﺭ، ﺟﺎﻻﭘﻼﺭ.
ﺑﯘﺯﯗﻟﻐﺎﻥ ﻧﯧﺮﯞﯨﻐﺎ ﻟﯩﻖ ﺗﻮﻟﻐﺎﻥ ﺗﻪﻧﺪﻩﻙ
ﺋﯚﺯﯨﻨﻰ ﺗﯘﺗﺎﻟﻤﺎﻱ ﻗﺎﻟﻐﺎﭺ ﻛﻮﭼﯩﻼﺭ
ﺑﯘ ﺑﯩﺰﻧﯩﯔ ﺷﺎﺋﯩﺮﻏﺎ ﻗﺎﻟﻤﺎﻗﺘﺎ ﺋﻮﺧﺸﺎﭖ
ﺗﺎﻗﯩﻼﺭ ﺋﯩﺸﯩﻜﻠﻪﺭ ﻣﻪﯕﮕﯜﺗﺎﻗﯩﻼﺭ.
ﺩﯗﻧﻴﺎﺩﺍ ﺋﯩﺸﯩﻜﻠﻪﺭ ﻗﺎﻟﻤﺎﻳﺪﯗ ﻣﻪﯕﮕﯜ،
ﻗﺎﻟﻤﺎﻳﺪﯗ ﻫﻪﺗﺘﺎ ﻫﺎﯓ، ﺋﯚﯕﻜﯜﺭ، ﻗﻪﺑﺮﻩ، ﻏﺎﺭ
ﻛﻮﭼﯩﺪﺍ ﺑﻪﻛﻤﯘ ﻛﯚﭖ ﻣﻪﺷﻬﯘﺭ ﺋﺎﺩﻩﻣﻠﻪﺭ.
ﻟﯩﻖ ﺗﻮﻟﻐﺎﻥ ﻛﻮﭼﯩﻐﺎ ﯞﺍﯓ-ﭼﯘﯓ ﺳﺎﺩﺍﻻﺭ.
ﺷﯘ ﮔﯜﺯﻩﻝ ﺷﯧﺌﯩﺮﻧﯩﯔ ﻣﯩﺴﺮﺍﻟﯩﺮﯨﻤﯘ
ﺋﻪﺳﻪﺑﯩﻲ ﺟﺎﻻﭘﻼﺭ ﺋﺎﻫ ﺋﯘﻫﻠﯩﺮﯨﻤﯘ
ﺋﯘﻻﺭﻏﺎ ﻗﯧﺘﯩﻠﯩﭗ ﺋﯘﻳﯘﺷﯘﭖ ﺑﺎﺭﺍﺭ.
ﻳﻮﻗﺎﻟﻐﺎﻥ ﺋﯩﺪﺭﺍﻛﻼﺭ، ﺑﯩﻠﻤﻪﻳﺪﯗ ﻫﯧﭽﻜﯩﻢ
ﻗﺎﻳﺴﯩﺴﻰ ﺷﺎﺩ ﻛﯜﻟﻜﻪ، ﻗﺎﻳﺴﯩﺴﻰ ﺋﺎﻫ ﺯﺍﺭ.
ﻳﻮﺷﯘﺭﻏﯩﻦ ﯞﯨﺠﺪﺍﻧﻨﻰ ﻣﻪﺧﭙﻰ ﺷﯘ ﻗﻪﺩﻩﺭ،
ﻳﻮﺷﯘﺭﻏﯩﻦ ﻧﯘﻣﯘﺳﻠﯘﻕ ﻛﯧﺴﻪﻟﺪﻩﻙ ﮔﻮﻳﺎ.
ﺗﺎﻣﻼﺭﻧﻰ ﻳﺎﻗﯩﻼﭖ ﻛﯧﺘﯩﯟﻩﺭ ﺋﯘﺩﯗﻝ،
ﺋﺎﻫ ﺋﯘﺭﯗﺵ، ﺳﻪﺭﺳﺎﻧﻠﯩﻖ ﻣﯘﻗﻪﺩﺩﻩﺱ ﺳﺎﯕﺎ.
ﺋﻪﺟﯩﺒﺎ ﺩﯗﻧﻴﺎﻏﺎ ﻟﯩﻖ ﺗﻮﻟﻐﺎﻧﻐﯘ ﺗﺎﻡ،
ﻳﯚﻟﯩﻨﯩﭗ ﺋﻮﺭﻧﯘﻣﺪﯨﻦ ﺗﯘﺭﻣﺎﻗﭽﻰ ﺑﻮﻟﺴﺎﻡ
ﺑﺎﺷﻘﯩﺴﻰ ﺷﯘ ﻧﺎﺯﯗﻙ ﺯﻩﺋﯩﭗ ﮔﻪﯞﺩﻩﯕﺪﯨﻦ
ﻧﯧﻤﯩﺸﻘﺎ ﺟﯧﻨﯩﻤﻐﺎ ﺑﻪﺭﻣﯩﺪﻯ ﺋﺎﺭﺍﻡ.
ﺑﯩﻠﻤﻪﻳﺪﯗ ﻫﺎﻳﯟﺍﻧﻼﺭ ﻗﯘﭼﺎﻗﻠﯩﺸﯩﺸﻨﻰ،
ﺳﺎﻧﺎﻟﺪﻯ ﻫﺎﻳﯟﺍﻧﻰ ﻗﯩﻠﯩﻖ ﻗﯘﭼﺎﻗﻼﺵ.
ﻣﯘﺯﻟﯩﻐﺎﻥ ﺗﯧﻨﯩﻤﺪﯨﻦ ﺗﺎﺭﻗﯩﻐﺎﻥ ﺗﯩﺘﺮﻩﻙ،
ﺗﺎﺭﻗﯩﻼﺭ ﺋﯜﻥ ﺗﯩﻨﺴﯩﺰ ﻧﯘﻣﯘﺳﻘﺎ ﺋﻮﺧﺸﺎﺵ.
4.ﺑﺎﭖ
ﻗﯧﭽﯩﺶ
ﺋﻪﺭﯨﺸﻨﯩﯔ ﻛﯘﯕﮕﯘﺭﺍﺳﯩﻦ ﺋﯜﺳﺘﯩﮕﻪ ﻗﻮﻳﺪﯗﻡ ﺋﺎﻳﺎﻏﯩﻢ،
ﻻﻣﺎﻛﺎﻧﺪﯨﻦ ﺧﻪﯞﻩﺭ ﺋﺎﻟﺪﯨﻢ، ﺑﯘ ﻣﺎﻛﺎﻧﻨﻰ ﻧﻪ ﻗﯩﻼﻱ؟
ﺑﺎﺑﺎ ﺭﻩﻫﯩﻢ ﻣﻪﺷﺮﻩﭖ
ﺑﯩﺮ ﻛﯚﺯ ﺑﺎﺭ ﺗﯩﻜﯩﻠﯩﭗ ﺗﯘﺭﯨﺪﯗ ﺳﺎﯕﺎ،
ﺳﯧﺰﯨﺴﻪﻥ ﺩﻩﻫﺸﻪﺗﻠﯩﻚ ﻫﺎﺭﺍﺭﯨﺘﯩﻨﻰ.
ﺑﻪﺭﺩﺍﺷﻠﯩﻖ ﺑﯧﺮﻩﻟﻤﻪﻱ ﺋﯘﻧﯩﯔ ﻧﯘﺭﯨﻐﺎ،
ﻗﺎﭼﯘﺭﻣﺎﻕ ﺑﻮﻟﯩﺴﻪﻥ ﺩﺍﺋﯩﻢ ﺋﯚﺯﯛﯕﻨﻰ.
ﯞﻩ ﻟﯧﻜﯩﻦ ﺑﯩﻠﻤﻪﻳﺴﻪﻥ ﻧﻪﺩﻩ ﺋﺎﺷﯘ ﻛﯚﺯ،
ﺑﯩﻠﻤﻪﻳﺴﻪﻥ ﺋﯘ ﺯﺍﺩﻯ ﻛﯩﻤﻨﯩﯖﻜﻰ ﻫﻪﺗﺘﺎ.
ﺷﯘ ﻗﻪﺩﻩﺭ ﻳﻮﺷﯘﺭﯗﻥ، ﺷﯘ ﻗﻪﺩﻩﺭ ﻣﻪﯞﻫﯘﻡ،
ﻫﻪﺭﻗﺎﭼﺎﻥ ﻫﻪﺭ ﻳﻪﺭﺩﻩ ﺑﻮﻟﯩﺪﯗ ﻫﻪﻣﺮﺍ.
ﺑﯩﻠﻤﻪﻳﺴﻪﻥ ﻧﯧﻤﯩﺸﻘﺎ ﻗﻮﺭﻗﯩﺴﻪﻥ ﺋﯘﻧﺪﯨﻦ،
ﺑﯩﻠﻤﻪﻳﺴﻪﻥ ﺋﯩﺰﺩﻩﻳﺪﯗ ﺳﻪﻧﺪﯨﻦ ﻧﯧﻤﯩﻨﻰ؟
ﺑﯩﻠﻤﻪﻳﺴﻪﻥ ﻧﯧﻤﯩﻨﻰ ﻳﻮﺷﯘﺭﯗﭖ ﺋﯘﻧﺪﯨﻦ،
ﻗﺎﭼﯘﺭﯗﭖ ﻳﯜﺭﯨﻴﺴﻪﻥ ﻳﻪﻧﻪ ﻧﯧﻤﯩﻨﻰ؟
ﻛﯩﻤﺪﯗﺭ ﺋﯘ ﺗﯘﻳﯘﻗﺴﯩﺰ ﻛﻪﭼﻜﻪﻥ ﺋﯧﺴﯩﯖﺪﯨﻦ،
ﺷﯘ ﻗﻪﺩﻩﺭ ﻏﯘﯞﺍ ﻫﻪﻡ ﺷﯘﻧﭽﻪ ﻣﯘﺭﻩﻛﻜﻪﭖ؟
ﺑﯩﻠﯩﺴﻪﻥ ﺋﯘ ﻣﻪﯞﺟﯘﺕ ﺋﻪﻣﻪﺱ ﺩﻩﭖ ﻟﯧﻜﯩﻦ
ﻫﻪﺭ ﺩﺍﺋﯩﻢ ﻣﯧﯖﻪﯕﻨﻰ ﺋﺎﻻﺭ ﺋﯩﮕﯩﻠﻪﭖ
ﺩﯗﻧﻴﺎﺩﺍ ﺑﯩﺮﺩﯨﻦ ﺑﯩﺮ ﭼﯩﻦ ﻫﺎﻳﺎﺗﻠﯩﻘﺘﻪﻙ.
ﺋﯚﺯﯨﮕﻪ ﺟﻪﻡ ﻗﯩﻠﯩﭗ ﭘﯜﺗﯜﻥ ﺋﺎﻟﻪﻣﻨﻰ
ﺧﯩﻴﺎﻟﯩﯔ ﺗﻪﻛﺘﯩﺪﻩ ﻛﯧﺰﯨﺪﯗ ﻟﻪﻳﻠﻪﭖ.
ﺋﯘ ﺑﺎﺭﭼﻪ ﺳﻪﺯﮔﯜﻧﻰ، ﺑﺎﺭﭼﻪ ﻗﯩﻤﻤﻪﺗﻨﻰ،
ﺋﯚﺯﯨﻨﯩﯔ ﺟﯩﺴﻤﯩﻐﺎ ﻣﯘﺟﻪﺳﺴﻪﻡ ﺋﻪﻳﻠﻪﭖ.
ﺩﻩﻝ ﺷﯘﻧﯩﯔ ﻛﯚﺯﯨﺪﯗﺭ ﺳﺎﯕﺎ ﺑﺎﻗﻘﺎﻥ ﻛﯚﺯ،
ﻣﻪﻳﻠﻰ ﺋﯚﺯ ﻛﯚﺯﯛﻡ ﺩﻩﭖ ﺋﻮﻳﻼ ﺋﯘﻧﻰ ﺳﻪﻥ.
ﺋﺎﺳﻤﺎﻧﻨﻰ ﻳﺎﻣﯩﻤﺎﻕ ﺑﻮﻟﻐﺎﻧﺪﺍ ﻳﺎﺗﻼﺭ
ﺋﯚﺯﻩﯕﻨﯩﯔ ﺋﯚﻳﯩﻨﻰ ﺑﯩﻨﺎ ﻗﯩﻠﻐﯩﻦ ﺳﻪﻥ.
ﺷﯘﻧﺪﯨﻼ ﻫﯧﺲ ﻗﯩﻠﯩﭗ ﻳﯧﺘﯩﺴﻪﻥ ﺷﯘﻧﻰ،
ﺧﺎﻡ ﺧﯩﻴﺎﻝ ﺭﯦﺌﺎﻟﻠﯩﻖ ﭘﻪﺭﻗﺴﯩﺰ ﺑﻪﺯﻩﻥ.
ﺭﻭﻫﺘﯩﻜﻰ ﺧﯩﻴﺎﻟﯩﻲ ﻣﻪﯞﻫﯘﻡ ﻗﻮﻳﺎﺷﻨﯩﯔ
ﺗﻪﺑﺘﯩﮕﻪ ﺭﻩﺋﺎﻝ ﻗﻮﻳﺎﺵ ﺑﻮﻻﻟﻤﺎﻳﺪﯗ ﺗﻪﯓ⑿.
ﻧﺎﺗﻮﻧﯘﺵ ﻛﻮﭼﯩﻼﺭ ﯞﻩ ﻳﺎﺕ ﭼﯩﺮﺍﻳﻼﺭ،
ﻧﺎﺗﻮﻧﯘﺵ ﻛﻪﭼﻤﯩﺸﻨﻰ ﺳﺎﻻﺭﻣﯘ ﺋﻪﺳﻜﻪ؟
ﺗﯘﺗﯘﻗﻠﯘﻕ ﺋﯩﭽﯩﺪﻩ ﮔﺎﯕﮕﯩﺮﺍﻕ ﺋﻮﻳﻼﺭ
ﺋﺎﻫ ﺭﻭﺷﻪﻥ ﭼﯩﺮﺍﻳﻨﻰ ﺗﺎﭘﺎﺭﻣﯘ ﺗﻪﺳﺘﻪ؟
ﺳﻪﻥ ﺋﯘﻧﻰ ﺋﯩﺰﺩﯨﻤﻪ ﺋﻪﻣﺪﻯ ﺩﯗﻧﻴﺎﺩﯨﻦ،
ﺋﯘ ﭘﻪﻗﻪﺕ ﺳﯧﻨﯩﯖﻜﻰ ﺭﻭﻫﯩﯖﺪﺍ ﻫﻪﺭﺩﻩﻡ.
ﺟﻪﻧﻨﻪﺗﻜﻪ ﺳﯩﻐﻤﯩﻐﺎﻥ ﻧﯘﺭﻯ ﻣﻪﺋﯩﻨﻰ ﺋﯘ،
ﺑﺎﺭ ﺋﯩﺪﻯ ﺗﯚﺭﻩﻟﮕﻪﻥ ﯞﺍﻗﺘﯩﺪﺍ ﺋﺎﺩﻩﻡ.
ﺑﺎﺭ ﺋﯩﺪﻯ ﻫﻪﺯﺭﯨﺘﻰ ﻧﯘﻫ ﺯﺍﻣﺎﻧﯩﺪﺍ،
ﺋﯘﻧﻰ ﻏﻪﺭﻕ ﺋﻪﺗﻤﯩﮕﻪﻥ ﺋﺎﺷﯘ ﺯﻭﺭ ﺗﯘﭘﺎﻥ.
ﺋﯘﻧﯩﯖﻜﻰ ﯞﯗﺟﯘﺩﻯ ﻛﯚﻳﮕﻪﻥ ﺩﻩﻣﻠﻪﺭﺩﻩ،
ﺗﯘﭘﺎﻧﻤﯘ ﺋﯘﺳﺴﯘﻟﯘﻕ ﺑﻮﻟﻤﺎﺱ ﻫﯧﭽﻘﺎﭼﺎﻥ.
ﻛﺎﺳﯩﻠﺪﺍﭖ ﺗﯘﺭﻏﺎﻥ ﺳﻮﻍ ﭼﯩﺸﻼﺭ ﺋﯩﻠﻜﯩﺪﻩ
ﻫﯘﯞﻻﻳﺪﯗ ﺋﯘﺟﯘﻗﻘﺎﻥ ﻗﻪﺩﯨﻢ ﺧﺎﺭﺍﺑﻪ.
ﺩﯗﻧﻴﺎ ﺋﻮﺕ ﺋﯩﭽﯩﺪﻩ ﻛﯚﻳﺴﻪ ﺋﻪﮔﻪﺭﺩﻩ،
ﺯﯨﻤﯩﺴﺘﺎﻥ ﺟﯘﺵ ﺋﯘﺭﺍﺭ ﺋﯘﻧﯩﯔ ﺗﯧﻨﯩﺪﻩ.
ﮔﺎﻫﯩﺪﺍ ﺧﯘﺩﺍ ﺩﻩﭖ ﻗﯩﻠﯩﺪﯗ ﻧﺎﻟﻪ،
ﮔﺎﻫﯩﺪﺍ ﯞﺍﺩﻩﺭﺥ ﻛﻮﺭﯗ ﮔﯘﻣﺮﺍﻫ ﺋﯘ.
ﮔﺎﻫﯩﺪﺍ ﺋﺎﺭﯨﭗ ﺋﯘ ﮔﺎﻫﯩﺪﺍ ﻣﯚﻣﯩﻦ،
ﮔﺎﻫﯩﺪﺍ ﻣﻪﺟﯘﺳﻰ ﻳﺎﻛﻰ ﺗﻪﺭﺳﺎ ﺋﯘ.
ﺳﻪﻥ ﺋﯘﻧﻰ ﻳﺎﻟﻘﯘﻥ ﺩﻩﭖ ﻗﻮﻟﯘﯕﻨﻰ ﺳﯘﻧﺴﺎﯓ،
ﺳﯧﺰﯨﺴﻪﻥ ﻣﯘﺯﺩﯨﻨﻤﯘ ﺑﻪﺗﺘﻪﺭ ﺳﻮﻏﺎﻕ ﺋﯘ.
ﺋﯘﻧﻰ ﻣﯘﺯ ﺷﻪﻛﻠﯩﺪﻩ ﻛﯚﺭﺳﻪﯓ ﮔﺎﻫﯩﺪﺍ،
ﻛﯚﻳﺪﯛﺭﯛﭖ ﺗﺎﺷﻼﻳﺪﯗ ﻛﯚﻛﻨﻰ ﺷﯘ ﭼﺎﻍ ﺋﯘ.
ﺳﻪﻥ ﻛﯩﻢ ﺩﻩﭖ ﺳﻮﺭﯨﺴﺎﯓ ﺟﺎﯞﺍﺏ ﺑﯧﺮﻩﻟﻤﻪﺱ،
ﺑﯩﻠﻤﻪﻳﺪﯗ ﺋﯚﺯﯨﻨﯩﯔ ﻛﯩﻤﻠﯩﻜﯩﻨﻰ ﺋﯘ.
ﺟﯩﺴﻤﯩﻨﻰ ﻗﺎﻥ ﻗﯩﻼﺭ ﻣﯘﺷﯘ ﻣﯘﺋﻪﻣﻤﻪ،
ﺷﯘﯕﻼﺷﻘﺎ ﺳﻪﺭﺳﺎﻥ ﺋﯘ ﺋﺎﻟﻪﻣﺪﻩ ﻣﻪﯕﮕﯜ.
ﺗﯘﺭﺍﺭﻏﺎ ﺗﯧﻨﯩﺪﻩ ﻳﻮﻗﺘﯘﺭ ﺗﺎﻗﯩﺘﻰ،
ﻳﻮﻗﺘﯘﺭ ﻫﻪﻡ ﻳﯜﺭﻩﺭﮔﻪ ﺋﯘﻧﯩﯔ ﻫﺎﻟﯩﺘﻰ⒀.
ﺗﯘﺭﯗﺷﻘﺎ ﻗﺎﺭﺍﺭ ﻳﻮﻕ، ﻳﯜﺭﯛﺷﻜﻪ ﻧﯩﺸﺎﻥ،
ﭘﻪﻗﻪﺗﻼ ﺳﻪﺭﺳﺎﻧﻠﯩﻖ ﺋﯘﻧﻰ ﻛﯜﺗﻜﯩﻨﻰ.
ﮔﻮﻳﺎﻛﻰ ﺷﯘﻣﻠﯘﻗﻨﯩﯔ ﺑﯩﺸﺎﺭﯨﺘﯩﺪﻩﻙ،
ﻳﯜﺭﯛﻳﺪﯗ ﺋﯘ ﺷﺎﺋﯩﺮ ﺟﺎﻫﺎﻧﻨﻰ ﻛﯧﺰﯨﭗ.
ﺑﻪﺧﺖ ﯞﻩ ﺷﺎﺩﻟﯩﻘﻨﯩﯔ ﺋﻪﻟﭽﯩﺴﻰ ﻛﻪﺑﻰ،
ﻛﯧﺰﯨﺪﯗ ﺟﺎﻟﻼﺗﻼﺭ ﻗﯩﻠﯩﭻ ﺋﻮﻳﻨﯩﺘﯩﭗ.
ﺟﺎﻟﻼﺗﻼﺭ ﺷﺎﺋﯩﺮﻻﺭ ﺋﻮﺧﺸﺎﺵ ﺳﺎﻧﯩﻠﯩﭗ،
ﻗﻮﻳﯩﻼﺭ ﺋﻮﺧﺸﺎﺵ ﺑﯩﺮ ﻗﻪﺑﺮﯨﺴﺘﺎﻧﻠﯩﻘﻘﺎ.
ﺟﺎﻟﻼﺕ ﯞﻩ ﺷﺎﺋﯩﺮﻧﯩﯔ ﭘﻪﺭﻗﯩﻨﻰ ﻗﺎﭼﺎﻥ
ﺑﯩﻠﺪﯛﺭﻩﺭ ﺋﯩﻼﻫﯩﻢ ﺑﯘ ﺋﯩﻨﺴﺎﻧﻼﺭﻏﺎ؟
ﺋﺎﺩﻩﻣﻨﻰ ﺋﯚﻟﺘﯜﺭﮔﯩﻦ ﻗﻪﻟﻪﻡ ﺑﯩﻠﻪﻥ ﺩﻩﭖ
ﻧﯧﻤﯩﺸﻘﺎ ﻗﯩﺴﺘﺎﻳﺴﻪﻥ ﻣﯧﻨﻰ ﺑﯘﻧﭽﯩﻼ؟
ﺋﯩﻨﺴﺎﻧﻨﻰ ﻳﻮﻗﯘﺗﯘﺵ ﺋﯘﻟﯘﻍ ﺋﯩﺶ ﺑﻮﻟﯘﭖ،
ﺋﯩﻨﺴﺎﻧﻨﻰ ﺳﯚﻳﻤﻪﻛﻠﯩﻚ ﺑﻮﻟﺪﯨﻤﯘ ﮔﯘﻧﺎﻫ؟
ﺑﯩﻠﻪﻟﻤﻪﻱ ﻗﺎﻟﻐﺎﻧﺪﺍ ﻧﻪﮔﻪ ﻗﯧﭽﯩﺸﻨﻰ،
ﭘﻪﻗﻪﺗﻼ ﻛﯧﺴﻪﻟﻠﯩﻚ ﺑﻮﻟﯘﺭ ﭘﺎﻧﺎﮔﺎﻫ.
ﺋﯩﻨﺴﺎﻧﻼﺭﻧﻰ ﺳﯚﻳﯜﭖ ﺋﺎﺧﯩﺮﻯ
ﺋﯧﺮﯨﺸﻜﻪﻥ ﻧﻪﺭﺳﯩﺴﻰ ﺋﺎﺯﺍﭖ ﯞﻩ ﮔﯘﻧﺎﻫ.
ﻫﻪﻣﻤﻪ ﺋﺎﺩﻩﻡ ﺑﻮﻟﯩﯟﺍﻟﺴﺎ ﻣﯘﺳﯘﻟﻤﺎﻥ،
ﻛﺎﭘﯩﺮ ﻗﯩﻠﯩﭗ ﺗﺎﻟﻠﯩﻨﯩﺪﯗ ﺋﯘ ﺷﺎﺋﯩﺮ.
ﻫﻪﻣﻤﻪ ﺋﺎﺩﻩﻡ ﺩﻩﻫﺮﻯ ﺑﻮﻟﯘﭖ ﻛﻪﺗﻜﻪﻧﺪﻩ
ﺧﯘﺭﺍﭘﻰ ﺩﻩﭖ ﻗﺎﺭﯨﻠﯩﺪﯗ ﺋﯘ ﺷﺎﺋﯩﺮ.
ﻫﻪﻣﻤﻪ ﺋﺎﺩﻩﻡ ﻧﺎﺗﺴﯩﺲ ﺑﻮﻟﯘﭖ ﻛﻪﺗﻜﻪﻧﺪﻩ
ﻳﻪﻫﯘﺩﻯ ﺩﻩﭖ ﺳﺎﻧﯩﻠﯩﺪﯗ ﺋﯘ ﺷﺎﺋﯩﺮ.
ﻫﻪﻣﻤﻪ ﺋﺎﺩﻩﻡ ﻳﻪﻫﯘﺩﯨﻲ ﺑﻮﭖ ﻛﻪﺗﻜﻪﻧﺪﻩ،
ﻧﺎﺗﺴﯩﺲ ﺩﻩﭖ ﺋﺎﺗﯩﻠﯩﺪﯗ ﺋﯘ ﺷﺎﺋﯩﺮ.
ﻫﻪﻣﻤﻪ ﺋﺎﺩﻩﻡ ﺑﯘﺗﻼﺭﻏﺎ ﺑﺎﺵ ﺋﯘﺭﻏﺎﻧﺪﺍ
ﺋﯩﺒﺮﺍﻫﯩﻤﺪﻩﻙ ﺗﺎﺷﻠﯩﻨﯩﺪﯗ ﺋﻮﺗﻘﺎ ﺋﯘ.
ﻫﻪﻣﻤﻪ ﺋﺎﺩﻩﻡ ﺑﯘﺗﻨﻰ ﺋﯘﺭﯗﭖ ﭼﺎﻗﻘﺎﻧﺪﺍ
ﺑﯘﺩﺩﯨﺴﺖ ﺩﻩﭖ ﻗﻮﻏﻠﯩﻨﺎﺭ ﻳﺎﻗﺎ ﻳﯘﺭﺗﻘﺎ ﺋﯘ.
ﻫﻪﻣﻤﻪ ﺋﺎﺩﻩﻡ ﺑﻮﻟﯘﯞﺍلسا گەر ﺋﺎﺗﯧﺴﯩﺖ
ﻓﯧﺌﻮﺩﺍﻝ ﺩﻩﭖ ﺳﻮﺗﻠﯩﻨﯩﺪﯗ ﺋﯘ ﺷﺎﺋﯩﺮ.
ﺑﯘ ﺩﯗﻧﻴﺎﺩﺍ ﺳﯚﻳﮕﯜﺩﻩﻛﻼ ﻳﯩﮕﺎﻧﻪ،
ﻫﻪﻣﻤﻪ ﺟﺎﻳﺪﯨﻦ ﻗﻮﻏﻠﯩﻨﯩﺪﯗ ﺋﯘ ﺷﺎﺋﯩﺮ.
ﻛﯜﻟﻜﯩﺪﯨﻦ ﺑﯘﻟﻐﺎﻧﻐﺎﻥ ﻣﯘﺷﯘ ﺯﯦﻤﯩﻨﺪﺍ
ﻛﯩﻢ ﺳﯧﺰﻩﺭ ﻛﯚﺯﻳﺎﺷﻨﯩﯔ ﺳﯜﺯﯛﻛﻠﯩﻜﯩﻨﻰ؟
ﻳﯩﮕﯩﺮﻣﻪ ﺗﯚﺕ ﺋﻪﺳﯩﺮ ﺋﯩﻠﮕﯩﺮﻯ ﺑﯩﺮ ﺯﺍﺕ،
ﻫﯧﺲ ﻗﯩﻠﻐﺎﻥ ﻫﻪﺭ ﺩﯨﻠﻨﯩﯔ ﺋﯜﺯﯛﻛﻠﯩﻜﯩﻨﻰ،
ﻟﻪﺭﺯﯨﮕﻪ ﻛﻪﻟﮕﻪﻧﺪﻩ ﺩﯦﺴﻜﻮﺧﺎﻧﯩﻼﺭ،
ﺋﺎﻳﺎﻗﻼﺭ ﺋﺎﺳﺘﯩﺪﺍ ﺷﻪﻫﯟﻩﺕ ﺷﻮﻟﯩﺴﻰ.
ﻣﯘﺯﯨﻜﺎ ﺋﻪﯞﺟﯩﮕﻪ ﻛﯚﺗﯜﺭﯛﻟﮕﻪﻧﺪﻩ،
ﭼﯘﺭﻗﯩﺮﺍﭖ ﺗﻪﻧﺘﻪﻧﻪ ﻗﯩﻼﺭ ﻫﻪﻣﻤﯩﺴﻰ
. ﺋﻪﺳﻪﺑﯩﻲ ﻣﯘﺯﯨﻜﺎ، ﺗﻪﻧﺘﻪﻧﻪ ﺋﯩﭽﺮﻩ،
ﺷﯘ ﻗﻪﺩﻩﺭ ﺑﯩﭽﺎﺭﻩ ﺋﺎﺷﯘ ﺋﯩﻨﺴﺎﻧﻼﺭ.
ﻳﯩﮕﯩﺮﻣﻪ ﺗﯚﺕ ﺋﻪﺳﯩﺮ ﻛﯧﻴﯩﻦ ﺑﯘ ﺟﺎﻳﺪﺍ،
ﺋﯩﻨﺴﺎﻧﻼﺭ ﻫﻪﺳﺮﯨﺘﻰ ﻛﯚﺯﯛﻣﻨﻰ ﺋﺎﭼﺎﺭ.
ﺗﯘﻧﺠﻰ ﺭﻩﺕ ﺋﯚﻟﯜﻛﻨﻰ ﻛﯚﺭﮔﻪﻧﺪﯨﻦ ﺑﻪﻛﺮﺍﻕ
ﻏﻪﻣﻜﯩﻨﻠﯩﻚ ﻛﯧﺴﯩﻠﻰ ﻗﻮﺯﻏﯩﻼﺭ ﻣﻪﻧﺪﻩ⒁.
ﺋﺎﯞﺍﺯﻻﺭ ﮔﯧﻠﯩﻤﺪﯨﻦ ﺑﻮﻏﯩﺪﯗ ﻣﯧﻨﯩﯔ،
ﻫﯧﭻ ﻣﺎﺟﺎﻝ ﻗﺎﻟﻤﺎﻳﺪﯗ ﺋﺎﺟﯩﺰ ﺑﯘ ﺗﻪﻧﺪﻩ.
ﺳﯧﺰﯨﻤﻪﻥ ﺋﯚﺯﻩﻣﻨﯩﯔ ﺳﻪﺭﺳﺎﻧﻠﯩﻘﯩﻤﻨﻰ،
ﺳﻪﺭﺳﺎﻧﻼﻕ ﻗﯩﻴﻨﺎﻳﺪﯗ ﻣﯧﻨﻰ ﻫﻪﺭ ﻛﯜﻧﻰ.
ﮔﻮﻳﺎﻛﻰ ﺋﻪﺳﻪﺑﯩﻲ ﻛﯩﻤﻴﺎﮔﻪﺭﻟﻪﺭﺩﻩﻙ،
ﻣﻪﻥ ﺗﺎﯞﻻﭖ ﭼﯩﻘﻤﺎﻗﭽﻰ ﺑﯘﻧﺪﺍ ﺳﯚﻳﮕﯜﻧﻰ.
ﻗﻪﻟﺒﯩﻤﺪﻩ ﺋﻪﻣﻪﺱ، ﺋﺎﻫ ﻣﯧﻨﯩﯔ ﺗﯧﻨﯩﻤﺪﻩ
ﻳﺎﻧﯩﺪﯗ ﺋﯩﻨﺴﺎﻧﻐﺎ ﺟﺎﻥ ﺑﻮﻟﻐﺎﻥ ﻫﻪﯞﻩﺱ،
ﻗﻪﺩﯨﻤﻘﻰ ﺋﻪﺳﻠﻰ ﺗﯩﭗ ﻳﺎﻛﻰ ﺑﻪﻟﮕﯜﺩﻩﻙ،
ﮔﻮﻳﺎﻛﻰ ﺋﻪﭘﺴﯘﻧﺪﻩﻙ ﻛﯜﭼﻠﯜﻙ ﻣﯘﻗﻪﺩﺩﻩﺱ.
ﻗﻮﻳﯘﯕﻼﺭ، ﻗﻮﻳﯘﯕﻼﺭ ﻣﯧﻨﻰ ﺑﯩﺮ ﺩﻩﻡ ﺗﯧﻨﭻ،
ﺋﯚﻳﯜﻣﮕﻪ ﻛﻪﻟﻤﻪﯕﻼﺭ ﻏﯧﺮﯨﭙﺴﯩﻨﺎﻱ ﻣﻪﻥ.
ﻫﺎﻳﺎﺟﺎﻥ، ﺋﯩﺸﺮﻩﺗﻜﻪ ﭼﯩﺪﯨﻴﺎﻟﻤﺎﻳﻤﻪﻥ،
ﺩﯗﻧﻴﺎﺩﺍ ﺑﯩﺮ ﺩﻩﻣﻠﯩﻚ ﻳﺎﻟﻐﯘﺯ ﻗﺎﻻﻱ ﻣﻪﻥ.
ﻛﻮﭼﯩﺪﺍ ﺑﻪﻛﻤﯘ ﻛﯚﭖ ﻣﻪﺷﻬﯘﺭ ﺋﺎﺩﻩﻣﻠﻪﺭ،
ﺗﺎﺭﺍﻳﺪﻯ ﺗﻪﭘﻪﻛﻜﯜﺭ ﺋﯩﺴﻼﺭ ﺋﯩﻠﻜﯩﺪﻩ.
ﺋﺎﻫ ﺑﻪﻛﻤﯘ ﺧﻪﺗﻪﺭﻟﯩﻚ ﻣﻮﺧﯘﺭﻛﺎ ﭼﯧﻜﯩﺶ
ﺗﯘﻳﯘﻗﺴﯩﺰ ﺋﻮﻳﻐﯘﻧﯘﭖ ﻳﯧﺮﯨﻢ ﻛﯧﭽﯩﺪﻩ.
ﭼﯜﻧﻜﻰ ﺑﯘ ﺗﺎﺭﺗﻘﯩﻨﯩﯔ ﺋﯩﺲ ﺋﻪﻣﻪﺱ ﺑﻪﻟﻜﯩﻢ،
ﺑﻪﻟﻜﯩﻢ ﺋﯘ- ﻗﺎﺭﺍﯕﻐﯘﻟﯘﻕ ﺗﺎﺭﻗﺎﺗﻘﺎﻥ ﺯﻩﻫﻪﺭ.
ﻳﺎﻛﻰ ﺋﯘ ﺋﯚﺯﻩﯕﻨﯩﯔ ﺗﯧﻨﯩﺪﯨﻜﻰ ﻗﺎﻥ،
ﺗﺎﯓ ﺋﯧﺘﯩﭗ ﻗﺎﻳﺘﺎ ﺭﻩﺕ ﻛﻪﻟﻤﻪﻳﺪﯗ ﺳﻪﻫﻪﺭ.
ﻧﻪﺩﯨﺪﯗﺭ ﺯﯦﻤﯩﻨﻨﯩﯔ ﺟﯩﻨﺴﯩﻲ ﺋﻪﺯﺍﺳﻰ؟
ﺋﻪﺳﻪﺑﯩﻲ ﺋﯘ ﺷﺎﺋﯩﺮ ﺳﻮﺭﺍﻳﺪﯗ ﺷﯘﻧﺪﺍﻕ.
ﭼﯜﺷﯩﺪﻩ ﻛﯚﺭﺩﯨﻜﻰ ﺩﻩﻫﺸﻪﺗﻠﯩﻚ ﺑﯩﺮ ﻧﯘﺭ
ﭼﯜﺷﻤﻪﻛﺘﻪ ﺯﯦﻤﯩﻨﻐﺎ ﺳﯜﺯﯛﻙ ﻳﺎﻟﺘﯩﺮﺍﻕ.
ﺋﺎﺷﯘﻧﺪﺍ ﻫﺎﻣﯩﻠﺪﺍﺭ ﺑﻮﭘﺘﯘﻣﯩﺶ ﺯﯨﻤﯩﻦ،
ﻣﻪﯕﮕﯜﮔﻪ ﺗﯘﻏﻤﺎﻳﻤﯩﺶ، ﺗﯘﻏﻤﺎﻳﻤﯩﺶ ﺑﯩﺮﺍﻕ.
ﻗﺎﺭﺍﺳﻼﭖ ﺑﯩﺮ ﺳﺎﺩﺍ ﻛﯧﻠﻪﺭ ﺳﯚﯕﻪﻛﺘﯩﻦ،
ﻳﺎﻟﻐﯘﺯﻟﯘﻕ ﻧﻪﻗﻪﺩﻩﺭ ﺩﻩﻫﺸﻪﺕ ﻫﻪﻡ ﺗﺎﺗﻠﯩﻖ.
ﺋﯩﭽﯩﯖﮕﻪ ﻟﯩﻖ ﺗﻮﻟﺴﺎ ﺗﺎﺗﻠﯩﻘﻘﯩﻨﺎ ﺋﯩﺲ،
ﭼﯜﺷﯜﯕﺪﯨﻦ ﻣﻪﯕﮕﯜﮔﻪ ﻳﯜﺗﺴﯩﻤﯘ ﺷﺎﺩﻟﯩﻖ.
ﺷﯧﺌﯩﺮﻯ ﺑﯧﺴﯩﻠﻐﺎﻥ ﻗﻪﻏﻪﺯﻧﻰ ﻳﯩﺮﺗﯩﭗ،
ﺗﯩﺘﺮﯨﮕﻪﻥ ﻗﻮﻟﻼﺭﺩﺍ ﻗﻮﭘﺎﻝ ﺗﻮﻡ ﻗﯩﻠﯩﭗ
ﺋﻮﺭﯨﻐﺎﻥ ﺑﻪﻫﻪﻳﯟﻩﺕ ﺗﺎﻣﺎﻛﯩﺴﯩﻨﻰ
ﺷﻮﺭﺍﻳﺪﯗ ﺷﺎﺋﯩﺮﻧﯩﯔ ﭘﯩﻜﺮﻯ ﭼﯧﭽﯩﻠﯩﭗ.
ﺋﯚﻟﻤﯩﮕﯩﻦ، ﺋﯚﻟﻤﯩﮕﯩﻦ، ﻣﻪﯕﮕﯜ ﺋﯚﻟﻤﻪ ﺩﻩﭖ،
ﺋﯘﺭﯨﻼﺭ ﺋﺎﻟﻘﯩﺸﻼﺭ ﺑﯧﺸﯩﻐﺎ ﺩﻩﻫﺸﻪﺕ.
ﺋﯚﻟﻤﯩﮕﯩﻦ، ﺭﺍﺳﺘﯩﻨﻼ ﺋﯚﻟﻤﻪ ﺋﻪﻱ ﺷﺎﺋﯩﺮ،
ﺋﯚﻟﯜﻣﻨﻰ ﺑﺎﺷﻘﯩﻼﺭ ﻗﯩﻠﯩﺪﯗ ﻫﻪﺳﻪﺕ.
ﻟﯧﻜﯩﻨﭽﯘ، ﺋﯚﻟﯜﻣﺪﯨﻦ ﭼﯩﻘﻤﺎﻳﺪﯗ ﺩﺍﯕﻘﯩﯔ،
ﺟﺎﻟﻼﺗﻼﺭ ﺗﺎﺭﯨﺨﻨﯩﯔ ﺋﯩﮕﯩﻠﯩﺮﯨﺪﯗﺭ.
ﭘﻪﻗﻪﺗﻼ ﺳﻪﺭﺳﺎﻧﻠﯩﻖ ﺗﻪﺋﻪﻟﻠﯘﻕ ﺳﺎﯕﺎ،
ﺳﻪﺭﺳﺎﻥ ﺑﻮﻝ، ﯞﻩﻳﺮﺍﻥ ﺑﻮﻝ، ﻧﺎﻟﻪ ﻗﯩﻞ، ﺋﺎﻫ ﺋﯘﺭ!
ﺷﯘﻧﺪﺍﻕ ﺑﯩﺮ ﺋﺎﺭﺍﻝ ﺑﺎﺭ ﻳﯩﺮﺍﻕ ﺋﯧﺴﯩﻤﺪﻩ،
ﺑﯩﻠﻤﻪﻳﻤﻪﻥ ﺋﯘ ﺯﺍﺩﻯ ﻗﺎﻳﺴﻰ ﺋﻪﭘﺴﺎﻧﻪ.
ﺗﻮﻟﻐﺎﻧﻤﯩﺶ ﭘﻪﻗﻪﺗﻼ ﺋﺎﻳﺎﻟﻼﺭ ﺑﯩﻠﻪﻥ،
ﭘﻪﻗﻪﺗﻼ ﮔﯜﺯﻩﻟﻠﯩﻚ ﻣﻪﯞﺟﯘﺕ ﺋﯘ ﻳﻪﺭﺩﻩ.
ﺋﺎﻫ، ﺋﯘﻧﺪﯨﻦ ﻛﻪﻟﮕﯜﭼﻰ ﺋﻪﻱ ﺋﻪﺳﻪﺑﯩﻲ ﺋﻮﺕ،
ﻳﯜﺕ ﻛﯧﻠﯩﭗ ﻗﻪﻟﺒﯩﻤﻨﯩﯔ ﺑﻮﺷﻠﯘﻗﯩﺪﺍ ﺟﯩﻢ.
ﺋﯘ ﺋﺎﺭﺍﻝ ﺧﯩﻠﯟﻩﺗﺘﯘﺭ ﭘﯜﺗﯜﻥ ﺋﺎﻟﻪﻣﺪﯨﻦ،
ﺋﺎﻫ ﭼﻮﻏﺪﻩﻙ ﺩﻩﻫﺸﻪﺗﻠﯩﻚ ﻏﻪﻳﺮﻯ ﺑﯩﺮ ﺳﯧﺰﯨﻢ
ﺋﯘ ﺗﺎﻣﺎﻥ ﺳﯚﺭﻩﻳﺪﯗ ﻣﯧﻨﯩﯔ ﻗﻮﻟﯘﻣﺪﯨﻦ.
ﮔﯜﺯﻩﻟﻠﯩﻚ ﻗﺎﻏﺎﻟﻐﺎﻥ، ﺗﯘﺗﻘﺎﻗﻠﯩﻖ ﺗﯘﺗﻘﺎﻥ،
ﺋﻪﺭﻛﯩﻨﻠﯩﻚ ﻗﺎﻏﺎﻟﻐﺎﻥ ﻗﯘﻟﻼﺭ ﺋﺎﻏﺰﯨﺪﺍ.
ﻗﯧﭽﯩﺸﻘﺎ ﻣﺎﻏﺪﯗﺭ ﻳﻮﻕ، ﺗﻮﺧﺘﺎﺷﻘﺎ ﺟﯜﺭﺋﻪﺕ.
ﻗﺎﻧﺴﯩﺰ ﺳﻮﻍ ﻟﻪﯞﻟﻪﺭﺩﯨﻦ ﭼﯩﻘﻤﺎﻳﺪﯗ ﺳﺎﺩﺍ.
ﭘﻪﻗﻪﺗﻼ ﻛﻮﭼﯩﻐﺎ ﺗﻮﻟﻐﺎﻥ ﭼﻮﻗﺎﻧﻼﺭ
ﻣﯧﯖﻪﻣﺪﻩ ﻳﺎﯕﺮﯨﺘﺎﺭ ﭼﯘﯞﺍﻟﭽﺎﻕ ﻧﯩﺪﺍ.
ﺋﯩﺰﺍﻫﺎﺗﻼﺭ:
1.ﻣﻪﺷﺮﻩﭘﻨﯩﯔ ﺷﯧﺌﯩﺮﻟﯩﺮﯨﺪﯨﻦ ﺋﯧﻠﯩﻨﺪﻯ.
2.ﻣﻪﺷﺮﻩﭘﻨﯩﯔ ﺷﯧﺌﯩﺮﻟﯩﺮﯨﺪﯨﻦ ﺋﯧﻠﯩﻨﺪﻯ.
3.ﺋﻪﻟﺸﯩﺮ ﻧﻪﯞﺍﺋﯩﻨﯩﯔ ﺷﯧﺌﯩﺮﯨﺪﯨﻦ، ﺋﻪﺳﻠﻰ ﻣﯘﻧﺪﺍﻕ:
ﺋﯩﺘﻼﺭ ﻗﺎﯞﯨﺸﯘﺭ ﮔﺎﺩﺍﻧﻰ ﻛﯚﺭﺳﻪﺋﺎﺷﯩﻖ ﺳﯚﻳﯜﻧﻪﺭ ﺑﺎﻻﻧﻰ ﻛﯚﺭﺳﻪ
ﻛﯚﭖ ﻧﺎﻟﻪ ﻗﯩﻠﯘﺭ ﺳﻪﻫﻪﺭﺩﻩ ﺑﯘﻟﺒﯘﻝ، ﮔﯜﻟﻨﯩﯔ ﻳﯜﺯﯨﺪﻩ ﺳﺎﺑﺎﻧﻰ ﻛﯚﺭﺳﻪ.
ﭘﻪﺭﯞﺍﻧﻰ ﺋﯘﺭﺍﺭ ﺋﯚﺯﯨﻦ ﭼﯩﺮﺍﻗﻘﺎ، ﺋﻮﺗﻨﯩﯔ ﻳﯜﺯﯨﺪﻩ ﺧﯘﺩﺍﻧﻰ ﻛﯚﺭﺳﻪ.
4.ﻳﯘﻗﯘﺭﯨﻘﻰ ﺋﯩﺰﻫﺎﺗﺘﯩﻜﻰ «ﺋﺎﺷﯩﻖ ﺳﯚﻳﯜﻧﻪﺭ ﺑﺎﻻﻧﻰ ﻛﯚﺭﺳﻪ» ﺩﯦﮕﻪﻥ ﻣﯩﺴﺮﺍﻏﺎ ﻗﺎﺭﺍﯓ.
5.ﻣﻪﺷﺮﻩﭘﻨﯩﯔ ﺷﯧﺌﯩﺮﻟﯩﺮﯨﺪﯨﻦ ﺋﯧﻠﯩﻨﺪﻯ.
6.«ﺋﯩﻨﺠﯩﻞ»ﺩﺍ ﺋﻪﻳﺴﺎ ﺋﻪﻟﻪﻳﻬﯩﺴﺴﺎﻻﻡ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻧﺪﺍ ﻣﻪﺭﻳﻪﻡ ﺋﯘﻧﯩﯖﻐﺎ ﻗﺎﺭﺍﭖ «ﻣﺎﯕﺎ ﻗﺎﻳﺘﯩﺶ ﻳﻮﻟﯩﻨﻰ ﻛﯚﺭﺳﻪﺕ» ﺩﻩﭖ ﺧﯩﺘﺎﺏ ﻗﯩﻠﯩﺪﯗ.
7.ﺳﺎﻛﻴﺎﻣﯘﻧﻰ ﺋﯚﺯﯨﻨﻰ ﺑﻮﺷﻠﯘﻗﻨﯩﯔ ﻳﺎﻛﻰ ﻳﻮﻗﻠﯘﻗﻨﯩﯔ ﭘﺎﺩﯨﺸﺎﻫﯩﻤﻪﻥ ﺩﯦﮕﻪﻥ. ﺑﯘ ﻗﻪﺩﯨﻤﻘﻰ ﺋﯘﻳﻐﯘﺭ ﺗﯩﻠﯩﺪﺍ ﻗﯘﺭﯗﻗﻠﯘﻕ ﺩﯦﻴﯩﻠﯩﺪﯗ. ﻗﯘﺭﯗﻗﻠﯘﻕ ﺩﯦﮕﻪﻥ ﺳﯚﺯ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﯩﺪﺍ ﺩﯦﯖﯩﺰ ﺋﻮﻛﻴﺎﻧﺪﯨﻦ ﺑﺎﺷﻘﺎ ﺯﯦﻤﯩﻨﻨﻰ ﻛﯚﺭﺳﯩﺘﯩﺪﯨﻐﺎﻥ ﺳﯚﺯ ﺑﯩﻠﻪﻥ ﺋﺎﻫﺎﯕﺪﺍﺵ ﺑﻮﻟﻐﺎﭼﻘﺎ ﺑﻮﺷﻠﯘﻕ ﻳﺎﻛﻰ ﻳﻮﻗﻠﯘﻕ ﺩﻩﭖ ﺋﯧﻠﯩﻨﺪﻯ. ﺑﯘ ﺑﺮﺍﺧﻤﺎﻥ ﺩﯨﻨﻰ، ﺑﯘﺩﺩﺍ ﺩﯨﻨﻰ ﯞﻩ ﻣﺎﻧﯩﻲ ﺩﯨﻨﯩﺪﺍ ﻣﯘﻫﯩﻢ ﺑﯩﺮ ﺋﯘﻗﯘﻡ. ﺗﻪﺳﻪﯞﯞﯗﭘﭽﯩﻼﺭ ﺩﺍﺋﯩﻢ ﺗﯩﻠﻐﺎ ﺋﺎﻟﯩﺪﯨﻐﺎﻥ ﻻﻣﺎﻛﺎﻥ ﺑﯩﻠﻪﻥ ﻳﯩﻠﺘﯩﺰﻯ ﺑﯩﺮ.
8.ﻣﻪﺷﺮﻩﭘﻨﯩﯔ ﺗﯚﯞﻩﻧﺪﯨﻜﻰ ﻣﯩﺴﺮﺍﻟﯩﺮﯨﻐﺎ ﻗﺎﺭﺍﯓ:
ﻫﻪﺯﺭﯨﺘﻰ ﺋﺎﺩﻩﻡ ﺑﯩﻨﺎ ﺑﻮﻟﻐﺎﻧﺪﺍ ﻣﻪﻥ ﺑﯩﻠﻠﻪ ﺋﯩﺪﯨﻢ.
ﻫﻪﻕ ﺭﻩﺳﯘﻝ ﻣﯩﺮﺍﺟﯩﻐﺎ ﭼﯩﻘﻘﺎﻧﺪﺍ ﻣﻪﻥ ﺑﯩﻠﻠﻪ ﺋﯩﺪﯨﻢ.
ﭼﯜﻥ ﺧﯧﻠﯩﻞ ﺋﺎﺗﻪﺷﻜﻪ ﻛﯩﺮﺩﻯ، ﺋﻮﺗﻨﻰ ﭘﻪﺭﯞﺍ ﻗﯩﻠﻤﯩﺪﻯ،
ﺋﻮﺗﻨﻰ ﺑﻮﺳﺘﺎﻥ ﺋﻪﻳﻠﯩﮕﻪﻥ ﮔﯜﻟﺸﻪﻧﺪﻩ ﻣﻪﻥ ﺑﯩﻠﻠﻪ ﺋﯩﺪﯨﻢ.
…….
ﭼﯜﻥ ﺋﻪﻧﻪﻟﻬﻪﻕ ﺩﯦﺪﯨﻠﻪﺭ ﻣﻪﻧﺴﯘﺭﻧﻰ ﺩﺍﺭﻏﺎ ﺋﺎﺳﺘﯩﻼﺭ،
ﻗﺎﻥ ﺑﯩﻠﻪﻥ ﻣﻪﻧﺴﯘﺭ ﻳﯜﺯﯨﻦ ﻳﯘﻳﻐﺎﻧﺪﺍ ﻣﻪﻥ ﺑﯩﻠﻠﻪ ﺋﯩﺪﯨﻢ.
9.ﺭﯨﯟﺍﻳﻪﺕ ﻗﯩﻠﯩﻨﯩﺸﯩﭽﻪ ﻗﻪﺩﯨﻤﻜﻰ ﻳﯘﻧﺎﻥ ﭘﻪﻳﻼﺳﻮﭘﻰ ﺳﻮﻗﺮﺍﺕ ﺑﯩﺪﺋﻪﺗﻠﯩﻜﺘﻪ ﺋﯧﻴﯩﭙﻠﯩﻨﯩﭗ ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﯩﻨﻐﺎﻥ. ﺟﺎﻟﻼﺕ ﺋﯘﻧﯩﯖﻐﺎ ﺯﻩﻫﻪﺭ ﺑﯧﺮﯨﭗ، ﻫﯚﻛﯜﻣﻨﻰ ﺋﯩﺠﺮﺍ ﻗﯩﻠﻐﺎﻥ. ﻛﯩﺸﯩﻠﻪﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﻏﯩﻨﻰ ﺷﯘﻛﻰ، ﺳﻮﻗﺮﺍﺕ ﺯﻩﻫﻪﺭﻧﻰ ﺧﯘﺩﺩﻯ ﺋﯧﺴﯩﻞ ﺷﺎﺭﺍﺑﻨﻰ ﺋﯩﭽﻜﻪﻧﺪﻩﻙ ﻟﻪﺯﺯﻩﺗﻠﯩﻨﯩﭗ، ﺧﯘﺷﺎﻝ ﻫﺎﻟﺪﺍ ﺋﯩﭽﻜﻪﻥ.
10.ﻗﻪﺩﯨﻤﻜﻰ ﻣﯩﺴﯩﺮﻧﯩﯔ «ﺋﻮﺳﺮﯨﺲ» ﺋﻪﭘﺴﺎﻧﯩﺴﯩﺪﺍ ﺋﯧﻴﺘﯩﻠﯩﺸﯩﭽﻪ، ﺋﺎﺩﻩﻡ ﺋﯚﻟﮕﻪﻧﺪﯨﻦ ﻛﯧﻴﯩﻦ ﺋﯘ ﺩﯗﻧﻴﺎﻏﺎ ﺑﺎﺭﯨﺪﯗ، ﺩﻭﺯﺍﻕ ﺑﯩﻠﻪﻥ ﺟﻪﻧﻨﻪﺗﻜﻪ ﻫﯚﻛﯜﻡ ﻗﯩﻠﯩﺶ ﺋﺎﻟﺪﯨﺪﺍ ﻫﻪﺭ ﺑﯩﺮ ﻛﯩﺸﯩﻨﯩﯔ ﻳﯜﺭﯨﻜﻰ ﺗﺎﺭﺍﺯﺍ ﺑﯩﻠﻪﻥ ﺋﯚﻟﭽﯩﻨﯩﺪﯗ. ﺑﯘ ﺩﯗﻧﻴﺎﺩﺍ ﮔﯘﻧﺎﻫﻰ ﻗﺎﻧﭽﯩﻠﯩﻚ ﺋﯧﻐﯩﺮ ﺑﻮﻟﺴﺎ ﻳﯜﺭﯨﻜﻰ ﺗﺎﺭﺍﺯﯨﺪﺍ ﺷﯘﻧﭽﻪ ﺋﯧﻐﯩﺮ ﻛﯧﻠﯩﺪﯨﻜﻪﻥ، ﮔﯘﻧﺎﻫﻰ ﺋﺎﺯﻻﺭﻧﯩﯔ ﻳﯜﺭﯨﻜﻰ ﻳﻪﯕﮕﯩﻞ ﻛﯧﻠﯩﺪﯨﻜﻪﻥ.
11.ﺭﯨﯟﺍﻳﻪﺗﻠﻪﺭﺩﻩ ﺋﯧﻴﺘﯩﻠﯩﺸﯩﭽﻪ ﻳﻪﻫﻴﺎ ﺋﻪﻟﻪﻳﻬﯩﺴﺴﺎﻻﻣﻐﺎ ﻗﻪﺩﯨﻤﻜﻰ ﻳﻪﻫﯘﺩﯨﻴﻪ ﺩﯙﻟﯩﺘﯩﻨﯩﯔ ﭘﺎﺩﯨﺸﺎﻫﻰ ﻫﯧﺮﻭﺩ ﺋﺎﻧﺘﯩﭙﺎﺳﻨﯩﯔ ﺟﯩﻴﻪﻥ ﻗﯩﺰﻯ ﻫﯧﺮﻭﺩﯨﺌﺎﺳﻨﯩﯔ ﻗﯩﺰﻯ ﺳﺎﻟﻮﻣﯥ ﺋﺎﺷﯩﻖ ﺑﻮﻟﯘﭖ ﻗﺎﻟﻐﺎﻥ. ﺋﯘﻧﻰ ﻫﻪﺭ ﻗﺎﻧﭽﻪ ﻗﻮﻏﻠﯩﺸﯩﭙﻤﯘ ﻣﯘﺭﺍﺩﯨﻐﺎ ﻳﯧﺘﻪﻟﻤﯩﮕﻪﻥ. ﺑﯩﺮ ﻗﯧﺘﯩﻢ ﺗﯘﻏﯘﻟﻐﺎﻥ ﻛﯜﻧﯩﺪﻩ ﺋﯘﻧﯩﯔ ﺋﻮﻳﻨﯩﻐﺎﻥ ﺋﯘﺳﯘﻟﯩﺪﯨﻦ ﺧﯘﺷﺎﻝ ﺑﻮﻟﻐﺎﻥ ﭘﺎﺩﯨﺸﺎ ﺋﯘﻧﯩﯔ ﺋﯘﺳﯘﻟﻰ ﺋﯜﭼﯜﻥ ﻧﯧﻤﯩﻨﻰ ﺗﻪﻟﻪﭖ ﻗﯩﻠﺴﺎ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ، ﺳﺎﻟﻮﻣﯥ ﭘﺎﺩﯨﺸﺎﻫﺘﯩﻦ ﻳﻪﻫﻴﺎ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻛﺎﻟﻠﯩﺴﯩﻨﻰ ﺋﯧﻠﯩﭗ ﻛﯧﻠﯩﭗ ﺋﯚﺯﯨﮕﻪ ﺳﻮﯞﻏﺎ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ، ﭘﺎﺩﯨﺸﺎﻫ ﮔﯧﭙﯩﺪﯨﻦ ﻳﺎﻧﺎﻟﻤﺎﻱ ﺋﯘﻧﯩﯔ ﺩﯦﮕﯩﻨﻰ ﺑﻮﻳﯩﭽﻪ ﻗﯩﻠﻐﺎﻥ. ﺳﺎﻟﻮﻣﯥ ﻳﻪﻫﻴﺎﻧﯩﯔ ﭘﻪﺗﻨﯘﺳﺘﯩﻜﻰ ﻛﺎﻟﻠﯩﺴﯩﻨﻰ ﺳﯚﻳﯜﺵ ﺋﺎﺭﻗﯩﻠﯩﻖ ﺋﯘﻧﻰ ﺑﯩﺮ ﻗﯧﺘﯩﻢ ﺳﯚﻳﯜﯞﯦﻠﯩﺶ ﻣﻪﻗﺴﯩﺘﯩﮕﻪ ﻳﻪﺗﻜﻪﻥ. ﺋﻪﻧﮕﻠﯩﻴﯩﻠﯩﻚ ﻣﻪﺷﻬﯘﺭ ﻳﺎﺯﻏﯘﭼﻰ ﺋﻮﺳﻜﺎﺭ ﯞﺍﻳﻠﺪﯦﻨﯩﯔ ﻣﻪﺧﺴﯘﺱ ﺑﯘ ﻫﻪﻗﺘﻪ ﻳﯧﺰﯨﻠﻐﺎﻥ «ﺳﺎﻟﻮﻣﯥ» ﻧﺎﻣﻠﯩﻖ ﺩﯨﺮﺍﻣﯩﺴﻰ ﺑﺎﺭ.
12.ﻣﻪﻧﺴﯘﺭ ﻫﻪﻟﻼﺟﻰ ﺑﯩﻠﻪﻥ ﻗﯧﺘﯩﻠﯩﭗ ﻛﯧﺘﯩﺶ ﺧﺎﻫﯩﺸﻰ ﻣﻪﺷﺮﻩﭘﻨﯩﯔ ﺷﯧﺌﯩﺮﻟﯩﺮﯨﺪﺍ ﻛﯚﭖ ﺋﯘﭼﺮﺍﻳﺪﯗ. 19- ﺋﻪﺳﯩﺮﺩﻩ ﺋﯚﺗﻜﻪﻥ ﺋﯘﻳﻐﯘﺭ ﺷﺎﺋﯩﺮﻯ ﻣﻮﻟﻼ ﻣﯘﻫﻪﻣﻤﻪﺩ ﻧﯩﻴﺎﺯﻯ ﻳﺎﺯﻏﺎﻥ «ﺩﺍﺳﺘﺎﻧﻰ ﻣﻪﻧﺴﯘﺭ»ﺩﯨﻤﯘ ﻣﻪﻧﺴﯘﺭ ﺋﯚﻟﺘﯜﺭﯛﻟﮕﻪﻧﺪﯨﻦ ﻛﯧﻴﯩﻦ ﺋﯘﻧﯩﯔ ﺟﻪﺳﻪﺕ ﻛﯜﻟﯩﻨﯩﯔ ﺳﯘﺩﺍ ﺋﯧﻘﯩﭗ ﻛﯧﻠﯩﭗ ﺑﯩﺮ ﻗﯩﺰﻧﯩﯔ ﯞﯗﺟﯘﺩﯨﺪﺍ ﻗﺎﻳﺘﺎ ﺗﯚﺭﻩﻟﮕﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﯩﭗ، ﻣﻪﻧﺴﯘﺭ ﻧﻪﺳﯩﻤﻰ ﻗﺎﺗﺎﺭﻟﯩﻖ ﺑﯩﺮ ﺗﯜﺭﻛﯜﻡ ﺋﺎﺩﻩﻣﻠﻪﺭﻧﯩﯔ ﺭﻭﻫﯩﻨﻰ ﺑﯩﺮﺭ ﺋﻮﻫ، ﭘﻪﻗﻪﺕ ﺗﯧﻨﯩﻼ ﺋﻮﺧﺸﯩﻤﺎﻳﺪﯗ ﺩﯦﮕﻪﻥ. ﺑﯘﻧﺪﺍﻕ ﻗﺎﻳﺘﺎ ﺗﯘﻏﯘﻟﯘﺷﺘﯩﻦ ﺋﯩﺒﺎﺭﻩﺕ ﭘﯩﻜﯩﺮ ﺋﻪﻧﺪﯨﺰﯨﺴﻰ ﻗﻪﺩﯨﻤﻜﻰ ﺋﺎﺭﯨﺌﺎﻧﻼﺭﻧﯩﯔ ﺋﯩﭙﺘﯩﺪﺍﺋﻰ ﺋﯧﺘﯩﻘﺎﺩﯨﺪﯨﻦ ﻛﻪﻟﮕﻪﻥ ﺑﻮﻟﺴﺎ ﻛﯧﺮﻩﻙ. ﺑﯘ ﻳﻪﺭﺩﻩ ﺗﻪﺳﯟﯨﺮﻟﯩﻨﯩﯟﺍﺗﻘﯩﻨﻰ ﻣﺎﻧﺎ ﻣﯘﺷﯘﻧﺪﺍﻕ ﺩﻩﯞﺭ ﻫﺎﻟﻘﯩﻐﺎﻥ ﻣﻪﻧﯩﯟﯨﻲ ﺋﻮﺑﺮﺍﺯ.
13.ﻣﻪﺷﺮﻩﭖ ﺷﯧﺌﺮﻟﯩﺮﯨﻐﺎ ﻗﺎﺭﺍﯓ.
14.ﺗﻪﺧﻤﯩﻨﻪﻥ ﻳﯩﮕﯩﺮﻣﻪ ﺑﻪﺵ ﺋﻪﺳﯩﺮ ﺋﯩﻠﮕﯩﺮﻯ ﺷﺎﻫﺰﺍﺩﻩ ﺳﯩﺪﺩﯨﺨﺎﺭﺗﺎ ﺗﯘﻧﺠﻰ ﻗﯧﺘﯩﻢ ﺋﯚﻳﯩﺪﯨﻦ ﭼﯩﻘﯩﭗ ﻛﻪﺗﻜﻪﻥ. ﺋﯘﻧﺪﯨﻦ ﺋﯩﻠﮕﯩﺮﻯ ﺋﯘﻧﯩﯔ ﺩﺍﺩﯨﺴﻰ ﺋﯘﻧﻰ ﺋﻮﺭﺩﯨﺪﯨﻦ ﭼﯩﻘﻘﯩﻠﻰ ﻗﻮﻳﻤﯩﻐﺎﻥ. ﺭﯨﯟﺍﻳﻪﺗﻠﻪﺭﺩﯨﻦ ﻗﺎﺭﯨﻐﺎﻧﺪﺍ، ﺋﯘﻧﯩﯔ ﺩﺍﺩﯨﺴﻰ ﺋﯘ ﺳﯩﺮﺗﻘﺎ ﭼﯩﻘﺴﺎ ﺩﯗﻧﻴﺎﺩﺍ ﻛﯧﺴﻪﻝ، ﺋﯚﻟﯜﻡ ﻗﺎﺗﺎﺭﻟﯩﻖ ﻛﯩﺸﯩﻨﻰ ﺋﺎﺯﺍﺑﻼﻳﺪﯨﻐﺎﻥ ﺋﯩﺸﻼﺭﻧﯩﯔ ﺑﺎﺭﻟﯩﻘﯩﻨﻰ ﺑﯩﻠﯩﭗ ﻗﺎﻟﯩﺪﯗ، ﻣﻪﻥ ﺋﯘﻧﯩﯖﻐﺎ ﺩﯗﻧﻴﺎﺩﯨﻜﻰ ﺋﺎﺯﺍﺑﻼﺭﻧﻰ ﺑﯩﻠﺪﯛﺭﻣﻪﻳﻤﻪﻥ ﺩﻩﭖ ﺷﯘﻧﺪﺍﻕ ﻗﯩﻠﻐﺎﻥ. ﺋﯘ ﺋﯚﻳﯩﺪﯨﻦ ﭼﯩﻘﯩﭙﻼ ﻛﯩﺸﯩﻠﻪﺭﻧﯩﯔ ﺑﯩﺮ ﺋﯚﻟﯜﻛﻨﻰ ﺩﻩﭘﻨﻪ ﻗﯩﻠﯩﺸﻘﺎ ﺋﯧﻠﯩﭗ ﻣﺎﯕﻐﺎﻧﻠﯩﻘﯩﻨﻰ ﻛﯚﺭﮔﻪﻥ، ﺷﯘﻧﺪﯨﻦ ﻛﯧﻴﯩﻦ ﺋﯘ ﻫﺎﻳﺎﺕ ﯞﻩ ﺋﯚﻟﯜﻡ ﻫﻪﻗﻘﯩﺪﻩ ﺋﯘﺯﺍﻗﻘﺎ ﺳﻮﺯﯗﻟﻐﺎﻥ ﭘﻪﻟﺴﻪﭘﯩﯟﯨﻲ ﺋﻮﻳﻠﯩﻨﯩﺸﯩﻨﻰ ﺑﺎﺷﻠﯩﻐﺎﻥ.
1991-ﻳﯩﻞ 30-ﻳﺎﻧﯟﺍﺭ، ﻣﻪﻛﯩﺖ، ﻳﺎﻧﺘﺎﻕ ﻳﯧﺰﯨﺴﻰ
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.