ﺋﻮﻗﯘﻏﯘﭼﯩﻼﺭﻧﻰ ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺸﻜﻪ ﻗﺎﻧﺪﺍﻕ ﻳﯧﺘﻪﻛﻠﻪﺵ ﻛﯧﺮﻩﻙ ؟

ﺋﻮﺗﺘﯘﺭﺍ ﻣﻪﻛﺘﻪﭖ ﺗﺎﺭﯨﺦ ﺩﻩﺭﺱ ﺋﻮﻗﯘﺗﯘﺷﯩﺪﺍ ﺩﺍﺋﯩﻢ ﺗﺎﺭﯨﺨﻲ ﺷﻪﺧﺴﯩﻠﻪﺭﮔﻪ ﺑﺎﮬﺎ ﺑﯧﺮﯨﺶ ﻣﻪﺳﻠﯩﺴﯩﮕﻪ ﺩﯗﭺ ﻛﯧﻠﯩﻤﯩﺰ. ﺋﯘﻧﺪﺍﻗﺘﺎ ، ﺋﻮﻗﯘﻏﯘﭼﯩﻼﺭﻧﻰ ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺸﻜﻪ ﻗﺎﻧﺪﺍﻕ ﻳﯧﺘﻪﻛﻠﻪﺵ ﻛﯧﺮﻩﻙ ؟ ﻗﺎﻳﺴﻰ ﺟﻪﮬﻪﺗﺘﯩﻜﻰ ﻣﻪﺳﯩﻠﯩﻠﻪﺭﮔﻪ ﺋﻪﮬﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ ؟ ﺗﯚﯞﻩﻧﺪﻩ ﺋﯚﺯﯛﻣﻨﯩﯔ ﺋﻮﻗﯘﺗﯘﺵ ﺋﻪﻣﻪﻟﯩﻴﺘﯩﻤﮕﻪ ﺑﯩﺮﻟﻪﺷﺘﯜﺭﯛﭖ ﺑﯘ ﮬﻪﻗﺘﯩﻜﻰ ﻗﺎﺭﺷﯩﻤﻨﻰ ﺳﯚﺯﻟﻪﭖ ﺑﺎﻗﻤﺎﻗﭽﯩﻤﻪﻥ .
1. ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺸﻨﯩﯔ ﺗﯜﭖ ﺋﯚﻟﭽﯩﻤﻰ .
ﺗﺎﺭﯨﺨﻲ ﺷﻪﺧﯩﺴﻠﻪﺭﻧﻰ ﺋﯘﻻﺭﻧﯩﯔ ﺗﺎﺭﯨﺨﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ، ﺟﻪﻣﺌﯩﻴﻪﺗﻨﯩﯔ ﺋﯩﻠﮕﯩﺮﻟﯩﺸﯩﮕﻪ ﻧﯩﺴﺒﻪﺗﻪﻥ ﺗﯜﺭﺗﻜﻪ ﺑﻮﻟﻐﺎﻥ ﻳﺎﻛﻰ ﺗﻮﺳﻘﯘﻧﻠﯘﻕ ﻗﯩﻠﻐﺎﻧﻠﯩﻘﯩﻐﺎ ، ﺧﻪﻟﯩﻘﻘﻪ ﭘﺎﻳﺪﺍ ﻳﻪﺗﻜﯜﺯﮔﻪﻥ ﻳﺎﻛﻰ ﺯﯨﻴﺎﻥ ﺳﺎﻟﻐﺎﻧﻠﯩﻘﯩﻐﺎ ﺋﺎﺳﺎﺳﻪﻥ ﻣﯘﺋﻪﻳﻴﻪﻧﻠﻪﺷﺘﯜﺭﯛﺵ ﻳﺎﻛﻰ ﺋﯩﻨﻜﺎﺭ ﻗﯩﻠﯩﺶ ﻛﯧﺮﻩﻙ . ﺑﯘ ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺸﻨﯩﯔ ﺗﯜﭖ ﺋﯚﻟﭽﯩﻤﻰ. ﺋﯚﻟﭽﻪﻡ ﺋﯧﻨﯩﻖ ﺑﻮﻟﻐﺎﻧﺪﯨﻼ ، ﺋﺎﻧﺪﯨﻦ ﺩﯨﺌﺎﻟﻜﯩﺘﯩﻚ ﻣﺎﺗﯩﺮﻳﺎﻟﯩﺰﯨﻢ ﯞﻩ ﺗﺎﺭﯨﺨﻲ ﻣﺎﺗﯩﺮﻳﺎﻟﯩﺰﯨﻢ ﻧﻪﺯﻩﺭﯨﻴﻠﯩﺮﯨﻨﻰ ﻳﯩﺘﻪﻛﭽﻰ ﻗﯩﻠﯩﭗ ، ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺗﻮﻏﺮﺍ ﺑﺎﮬﺎ ﺑﻪﺭﮔﯩﻠﻰ ﺑﻮﻟﯩﺪﯗ.
2. ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺸﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ
1) ﺭﻭﺷﻪﻥ ﺗﺎﺭﯨﺨﻴﻠﯩﻘﻘﺎ ﺋﯩﮕﻪ ﺑﻮﻟﯘﺵ
ﻟﯧﻨﯩﻦ : << ﮬﻪﺭ ﻗﺎﻧﺪﺍﻕ ﺋﯩﺠﺘﯩﻤﺎﺋﻲ ﻣﻪﺳﻠﯩﻨﻰ ﺗﻪﮬﻠﯩﻞ ﻗﯩﻠﻐﺎﻧﺪﺍ ، ﻣﻪﺳﻠﯩﻨﻰ ﺑﻪﻟﮕﯩﻠﯩﻚ ﺗﺎﺭﯨﺨﻲ ﻣﻪﺯﮔﯩﻠﯩﮕﻪ ( ﺩﺍﺋﯩﺮﯨﮕﻪ ) ﺗﻪﯞﻩ ﻗﯩﻠﯩﭗ ﺗﻪﮬﻠﯩﻞ ﻗﯩﻠﯩﺶ ﻛﯧﺮﻩﻙ . ﺑﯘ ، ﻣﺎﺭﻛﯩﺴﺰﯨﻢ ﻧﻪﺯﻩﺭﯨﻴﺴﻨﯩﯔ ﻣﯘﺗﻠﻪﻕ ﺗﻪﻟﯩﭙﻰ >> ﺩﻩﭖ ﻛﯚﺭﺳﻪﺗﻜﻪﻥ . ﺑﯘ ، ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﻪﺭﮔﻪﻧﺪﻩ ، ﺟﻪﺯﻣﻪﻥ ﺷﻪﺧﯩﺴﻠﻪﺭﻧﻰ ﺋﯘﻻﺭ ﻳﺎﺷﯩﻐﺎﻥ ﺷﯘ ﺗﺎﺭﯨﺨﻲ ﺷﺎﺭﺍﺋﯩﺘﻘﺎ ﻗﻮﻳﯘﭖ ﺑﺎﮬﺎﻻﺵ ، ﮬﻪﺭﮔﯩﺰﻣﯘ ﺷﯘ ﯞﺍﻗﯩﺘﺘﯩﻜﻰ ﺋﯩﺠﺘﯩﻤﺎﺋﻲ ﺋﻪﻣﻪﻟﯩﻴﻪﺗﺘﯩﻦ ﺋﺎﻳﺮﯨﭗ ﻗﺎﺭﯨﻤﺎﺳﻠﯩﻖ ﻛﯧﺮﻩﻙ ، ﺩﯦﮕﻪﻧﻠﯩﻜﺘﯘ . ﭘﻪﻗﻪﺕ ﻣﯘﺷﯘﻧﺪﺍﻕ ﻗﯩﻠﻐﺎﻧﺪﯨﻼ ، ﺋﺎﻧﺪﯨﻦ ﺗﯚﯞﻩﻧﺪﯨﻜﻰ ﺧﺎﺗﺎﻟﯩﻘﻼﺭﺩﯨﻦ ﺧﺎﻟﯩﻲ ﺑﻮﻻﻻﻳﻤﯩﺰ. : (1) ﻗﻪﺩﯨﻤﻜﯩﻠﻪﺭﮔﻪ ﺑﯜﮔﯜﻧﻜﻰ ﺋﯚﻟﭽﻪﻡ ﺑﻮﻳﯩﭽﻪ ﻳﯘﻗﯩﺮﻯ ﺗﻪﻟﻪﭖ ﻗﻮﻳﯘﺵ . ﻣﻪﺳﯩﻠﻪﻥ ، ﺧﻪﻥ ﻓﯩﺰﯨﻴﻨﯩﯔ ﻣﯘﺳﺘﻪﺑﯩﺖ ﭘﺎﺩﯨﺸﺎﮬﻠﯩﻖ ﺗﯜﺯﻣﯩﺪﻩ ﭼﯩﯔ ﺗﯘﺭﯗﺷﻨﻰ ﺋﻪﻛﺴﯩﻴﻪﺗﭽﯩﻠﯩﻚ ﺩﻩﭖ ﻗﺎﺭﺍﺵ ﻗﺎﺗﺎﺭﻟﯩﻘﻼﺭ . (2) ﺗﺎﺭﯨﺨﻲ ﺷﻪﺧﺴﻠﻪﺭﻧﯩﯔ ﺋﯩﻘﺘﯩﺪﺍﺭﯨﻨﯩﯔ ﭼﻪﻛﻠﯩﻚ ﺋﯩﻜﻪﻧﻠﯩﻜﯩﻨﻰ ﺗﻮﻟﯘﻕ ﭘﻪﺭﻩﺯ ﻗﯩﻠﻤﺴﺎﻟﯩﻖ ، ﺋﯘﻻﺭﻧﻰ ﻧﺎﻣﯘﯞﺍﭘﯩﻖ ﻛﯚﭘﺘﯜﺭﯛﺵ ، ﺗﻪﺭﯨﭙﻠﻪﺵ ، ﮬﺎﺯﯨﺮﻗﻰ ﺯﺍﻣﺎﻥ ﻛﯩﺸﻠﯩﺮﯨﺪﻩﻙ ﻗﯩﻠﯩﭗ ﺗﻪﺳﯩﯟﯨﺮﻟﻪﺵ ؛ (3) ﻗﻪﺩﯨﻤﻜﻰ ﻛﯩﻠﺸﻪﺭ ﺑﯩﻠﻪﻥ ﮬﺎﺯﯨﺮﻗﯩﻼﺭﻧﻰ ﺯﻭﺭﻻﭖ ﭼﯧﺘﯩﯟﯦﻠﯩﭗ ، ﻳﯜﺯﻩﻛﻰ ﺳﯧﻠﯩﺸﺘﯘﺭﯗﺵ، ﺷﯘﻧﯩﯔ ﺋﯜﭼﯜﻥ ، ﺋﻮﺗﺘﯘﺭﺍ ﻣﻪﻛﺘﻪﭖ ﺗﺎﺭﯨﺦ ﺋﻮﻗﯘﺗﯘﺷﯩﺪﺍ ﺋﻮﻗﯘﻏﯘﭼﯩﻼﺭﻏﺎ ﺗﺎﺭﯨﺨﻲ ﺋﺎﺭﻗﺎ ﻛﯚﺭﯛﻧﯜﺷﻜﻪ ﺋﻪﮬﻤﯩﻴﻪﺕ ﺑﯧﺮﯨﺸﻨﯩﯔ ﻣﯘﮬﯩﻤﻠﯩﻘﯩﻨﻰ ﺟﻪﺯﻣﻪﻥ ﺋﻪﺳﻜﻪﺭﺗﯩﺶ ﻛﯧﺮﻩﻙ . ﺗﺎﺭﯨﺨﻲ ﺋﺎﺭﻗﺎ ﻛﯚﺭﯛﻧﯜﺵ ﯞﻩ ﺩﻩﯞﺭ ﺋﺎﻻﮬﯩﺪﯨﻠﯩﻜﯩﻨﻰ ﭼﯩﻘﯩﺶ ﻗﯩﻠﯩﭗ ﺗﯘﺭﯗﭖ ، ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺶ ﻛﯧﺮﻩﻙ .
2) ﺋﻮﻣﯘﻣﻴﯜﺯﻟﯜﻙ ﺑﻮﻟﯘﺵ .
ﺗﺎﺭﯨﺨﻲ ﺷﻪﺧﺴﯩﻠﻪﺭﮔﻪ ﺑﺎﮬﺎ ﺑﯧﺮﯨﺸﺘﻪ ﺋﯘﻻﺭﻏﺎ ﺯﯨﺪﺩﯨﻴﻪﺕ ﻧﯘﻗﺘﯩﺌﯩﻨﻪﺯﻩﺭﻯ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺶ، ﺗﺎﺳﺎﺩﯨﭙﯩﻴﻠﯩﻖ ﺑﯩﻠﻪﻥ ﻣﯘﻗﻪﺭﺭﻩﺭﻟﯩﻚ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻜﻪ ﺋﻪﮬﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ . ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺗﯚﯞﻩﻧﺪﯨﻜﻰ ﺋﯩﻜﻜﻰ ﻧﯘﻗﺘﯩﻐﺎ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ : (1) ﺗﺎﺭﯨﺨﻲ ﺷﻪﺧﺴﻠﻪﺭﮔﻪ ﺑﺎﮬﺎ ﺑﻪﺭﮔﻪﻧﺪﻩ ﺋﯘﻧﯩﯔ ﺧﺎﺳﻠﯩﻘﯩﻐﺎ ﺋﻪﮬﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ . ﻣﻪﺳﯩﻠﻪﻥ ، ﺷﯘ ﻛﯩﺸﯩﻨﯩﯔ ﺋﻪﺧﻼﻕ ﭘﻪﯨﺰﯨﻠﯩﺘﻰ ، ﺗﻪﺭﺑﯩﻴﻠﯩﻨﯩﺸﻰ ﯞﻩ ﻣﯩﺠﻪﺯ ﺧﺎﺭﺍﻛﯩﺘﯧﺮﻯ ﻗﺎﺗﺎﺭﻟﯩﻘﻼﺭﻏﺎ ﺋﻪﮬﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ . ﭼﯜﻧﻜﻰ ، ﺋﻮﺧﺸﺎﺵ ﺑﯩﺮ ﺗﺎﺭﯨﺨﻲ ﺷﺎﺭﺍﺋﯩﺘﺘﺎ ﻣﻪﺭﺗﯩﯟﯨﺴﻰ ﺋﻮﺧﺸﯩﺸﯩﭗ ﻛﯧﺘﯩﺪﯨﻐﺎﻥ ﺷﻪﺧﺴﻠﻪﺭﻧﯩﯔ ﺋﯩﭙﺎﺩﯨﻠﻰ ﯞﻩ ﺭﻭﻟﯩﻤﯘ ﺗﺎﻣﺎﻣﻪﻥ ﺋﻮﺧﺸﯩﺸﯩﭗ ﻛﻪﺗﻤﻪﻳﺪﯗ . ﻣﻪﺳﯩﻠﻪﻥ ، ﺋﻮﺧﺸﺎﺷﻼ ﺋﯩﻜﻰ ﻓﯩﺌﻮﺩﺍﻝ ﭘﺎﺩﯨﺸﺎﮬﻨﯩﯔ ﺋﯩﭽﯩﺪﻩ ﭘﺎﺩﯨﺸﺎﮬ ﺳﯜﻱ ﻳﺎﯕﻨﯩﯔ ﺋﯩﭽﻰ ﺗﺎﺭ ﺑﻮﻟﻐﺎﭼﻘﺎ ﺑﯩﺮ ﺗﯜﺭﻛﯜﻡ ﻳﺎﺯﻏﯘﭼﯩﻼﺭﻧﯩﻤﯘ ﻗﯩﺮﯨﭗ ﺗﯜﮔﯩﺘﯩﯟﯦﺘﻪﺗﺘﻰ؛ ﺗﺎﯓ ﺗﻪﻳﺰﯗﯕﻨﯩﯔ ﻛﯚﻛﺴﻰ - ﻗﺎﺭﻧﻰ ﻛﻪﯓ ، ﺩﺍﻧﺎﻻﺭﻧﯩﯔ ﺗﻪﻛﻠﯩﭗ - ﭘﯩﻜﯩﺮﻟﯩﺮﯨﻨﻰ ﻗﯘﺑﯘﻝ ﻗﯩﻠﯩﺸﻘﺎ ﻣﺎﮬﯩﺮ ﺋﯩﺪﻯ. ﻳﻪﻧﻪ ﺋﺎﻻﻳﻠﯘﻕ ، ﺯﻭﺯﯗﯕﺘﺎﯓ ﺑﯩﻠﻪﻥ ﻟﻰ ﺧﯘﯕﺠﯩﻴﺎﯓ ﮬﻪﺭ ﺋﯩﻜﻜﻠﯩﺴﻰ ﭼﻪﺕ ﺋﻪﻟﭙﻪﺭﻩﺳﻠﻪﺭ (ﺋﯩﺸﻼﺭﻧﻰ ﭼﻪﺕ ﺋﻪﻟﻠﻪﺭﻧﯩﯖﻜﯩﮕﻪ ﺗﻪﻗﻠﯩﺪ ﻗﯩﻠﻐﯘﭼﯩﻼﺭ ﺗﻪﺭﻩﭘﺪﺍﺭﻟﯩﺮﯨﺪﯨﻦ ) ﺑﻮﻟﯘﭖ ، ﮬﻪﺭ ﺋﯩﻜﻜﺴﯩﻼ ﭼﯩﯔ ﮬﯚﻣﯜﺗﯩﻨﯩﯔ ﺗﯚﺭﯨﻠﯩﺮﻯ ، ﺑﯩﺮﺍﻕ ﺷﯩﻨﺠﺎﯕﻨﻰ ﻗﺎﻳﺘﯘﺭﯞﯦﻠﯩﺶ ﻣﻪﺳﻠﯩﺴﯩﺪﻩ ﺑﯘ ﺋﯩﻜﻜﺴﯩﻨﯩﯔ ﻗﺎﺭﺷﻰ ﺗﺎﻣﺎﻣﻪﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ . ﺋﻪﻟﯟﻩﺗﺘﻪ ، ﺧﺎﺳﻠﯩﻖ ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﯧﺮﯨﺸﻨﯩﯔ ﺋﯚﻟﭽﯩﻤﻰ ﺋﻪﻣﻪﺱ، ﻳﻪﻧﻪ ﺗﺎﺭﯨﺨﻲ ﺷﻪﺧﯩﺴﻠﻪﺭﻧﯩﯔ ﺗﺎﺭﯨﺨﯩﻐﺎ ﻧﯩﺴﺒﻪﺗﻪﻥ ﻗﺎﻧﺪﺍﻕ ﺗﻪﺳﯩﺮ ﻛﯚﺭﺳﻪﺗﻜﻪﻧﻠﯩﻜﯩﮕﻪ ﻗﺎﺭﺍﺵ ﻛﯧﺮﻩﻙ . ﻣﻪﺳﯩﻠﻪﻥ ، ﯞﯗﺯﯦﺘﻴﻪﻥ ﮔﻪﺭﭼﻪ ﮬﻪﺩﻩﭖ ﻗﯩﺮﻏﯩﻨﭽﯩﻠﯩﻖ ﺋﯧﻠﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ ، ﺑﯩﺮﺍﻕ ﺋﯘ ﮬﯚﻛﯜﻣﺮﺍﻧﻠﯩﻖ ﻳﯜﺭﮔﯜﺯﯞﺍﺗﻘﺎﻥ ﻣﻪﺯﮔﯩﻠﯩﺪﻩ ﺋﯩﻘﺘﺴﺎﺩ ﺳﯩﺠﯩﻞ ﺗﻪﺭﻩﻗﻘﯩﻲ ﻗﯩﻠﻐﺎﻧﻠﯩﻘﺘﯩﻦ ﮔﻮ ﻣﻮﺭﻭ ﺋﯘﻧﯩﯖﻐﺎ : << ﻛﻪﻳﻴﯜﻩﻥ ﻳﯩﻠﻠﯩﺮﯨﻐﺎ ﻳﻮﻝ ﺋﭽﯩﭗ ، ﺟﯩﯖﮕﯜﻩﻥ ﻳﯩﻠﻠﯩﺮﯨﺪﯨﻜﻰ ﮔﯜﻟﻠﯩﻨﯩﺸﻜﻪ ﺋﺎﺳﺎﺱ ﺳﺎﻟﻐﺎﻥ >> ﺩﻩﭖ ﻳﯘﻗﯩﺮﻯ ﺑﺎﮬﺎ ﺑﻪﺭﮔﻪﻥ . (2) ﺳﻮﺑﻴﯧﻜﺘﯩﭗ ﻣﯘﺩﺩﯨﺌﺎ ﺑﯩﻠﻪﻥ ﺋﻮﺑﯩﻴﻜﺘﯩﭗ ﺋﯜﻧﯜﻡ ﺋﻮﺗﺘﯘﺭﺳﯩﺪﯨﻜﻰ ﻣﯘﻧﺎﺳﯩﯟﻩﺗﻜﻪ ﺋﻪﮬﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ . ﺗﺎﺭﯨﺨﻲ ﺷﻪﺧﯩﺴﻠﻪﺭﻧﯩﯔ ﻣﻪﻟﯘﻡ ﺑﯩﺮ ﺋﯩﺸﻨﻰ ﻗﯩﻠﯩﺸﺘﯩﻜﻰ ﺳﯘﺑﯩﻴﯧﻜﺘﯩﭗ ﻣﯘﺩﺩﯨﺌﺎﺳﻰ ﺑﯩﻠﻪﻥ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﻪﻣﻪﻟﯩﻲ ﺋﯜﻧﯜﻣﻰ ﺗﺎﻣﺎﻣﻪﻥ ﺋﻮﺧﺸﺎﺵ ﺑﻮﻟﯘﭖ ﻛﻪﺗﻤﻪﻳﺪﯗ . ﻣﻪﺳﯩﻠﻪﻥ ، ﭼﯩﻦ ﺷﯩﺨﯘﺍﯓ ﺋﯚﺯ ﮬﯚﻛﯜﻣﺮﺍﻧﻠﯩﻘﯩﻨﻰ ﺋﻪﯞﻻﺩﻣﯘ ﺋﻪﯞﻻﺩ ﺩﺍﯞﺍﻣﻼﺷﺘﯘﺭﯗﺵ ﺋﯜﭼﯜﻥ ﯞﯨﻼﻳﻪﺕ ، ﻧﺎﮬﯩﻴﻪ ﺗﯜﺯﯛﻣﯩﻨﻰ ﻳﻮﻟﻐﺎ ﻗﻮﻳﻐﺎﻧﯩﺪﻯ ، ﮬﺎﻟﺒﻮﻛﻰ ، ﮬﻮﻗﯘﻗﻨﻰ ﻣﻪﺭﻛﻪﺯﮔﻪ ﻣﻪﺭﻛﻪﺯﻟﻪﺷﺘﯜﺭﯛﺵ ﺗﯜﺯﯛﻣﯩﻨﯩﯔ ﻳﻮﻟﻐﺎ ﻗﻮﻳﯘﻟﯘﺷﻰ ﺟﻮﯕﮕﯘﻧﯩﯔ ﺗﺎﺭﯨﺨﻲ ﺗﻪﺭﻩﻗﻘﯩﻴﺎﺗﯩﻐﺎ ﺯﻭﺭ ﺗﯜﺭﺗﻜﻪ ﺑﻮﻟﺪﻯ . ﺑﯘﻧﯩﯔ ﻛﯧﻴﻨﻜﻰ ﺋﻪﺳﯩﺮﻟﻪﺭﮔﻪ ( ﻛﯧﻴﯩﻨﻜﻰ ﻛﯜﻧﻠﻪﺭﮔﻪ ) ﻛﯚﺭﺳﻪﺗﻜﻪﻥ ﺗﻪﺳﯩﺮﯨﻤﯘ ﻧﺎﮬﺎﻳﺘﻰ ﭼﻮﯓ ﺑﻮﻟﺪﻯ . ﺧﻪﻥ ﯞﯗ ﺩﯨﻨﯩﯔ ﺟﺎﯓ ﭼﯩﻴﻪﻧﻨﻰ ﻏﻪﺭﺑﯩﻲ ﺭﺍﻳﻮﻧﻼﺭﻏﺎ ﺋﻪﯞﻩﺗﯩﺸﺘﯩﻜﻰ ﻣﻪﻗﺴﯩﺘﻰ ﺋﯘﻟﯘﻍ ﻳﺎﯞﭼﯩﻼﺭ ( ﺗﻮﺭﺧﯩﻴﻼﺭ ) ﺑﯩﻠﻪﻥ ﺑﯩﺮﻟﯩﺸﯩﭗ ﮬﻮﻧﻼﺭﻏﺎ ﻗﯩﺴﺘﺎﭖ ﺯﻩﺭﺑﻪ ﺑﯧﺮﯨﺶ ﺋﺎﺭﻗﯩﻠﯩﻖ ، ﮬﻮﻧﻼﺭﻧﯩﯔ ﺗﻪﮬﺪﯨﺘﯩﺪﯨﻦ ﻗﯘﺗﯘﻟﯘﺵ ﺋﯩﺪﻯ. ﺋﻪﻣﻪﻟﯩﻴﻪﺗﺘﻪ ﺑﯘ ، ﻣﯩﻠﻠﻪﺗﻠﻪﺭ ﺋﺎﺭﺳﯩﺪﯨﻜﻰ ﺋﺎﻻﻗﯩﻨﻰ ﻛﯜﭼﻪﻳﺘﯩﭗ ، ﻳﯩﭙﻪﻙ ﻳﻮﻟﯩﻨﻰ ﺋﺎﭼﺘﻰ . ﺩﯦﻤﻪﻙ ، ﺗﺎﺭﯨﺨﻲ ﺷﻪﺧﯩﺴﻠﻪﺭﮔﻪ ﺑﺎﮬﺎ ﺑﻪﺭﮔﻪﻧﺪﻩ ، ﻣﻪﻗﺴﻪﺕ ﺑﯩﻠﻪﻥ ﺋﯜﻧﯜﻣﻨﻰ ﺑﯩﺮﻟﻪﺷﺘﯜﺭﯛﭖ ﺗﻪﮬﻠﯩﻞ ﻗﯩﻠﯩﺶ ﻛﯧﺮﻩﻙ . ﺋﻮﺑﯩﻴﻜﺘﯩﭗ ﺋﯜﻧﯜﻣﻨﻰ ﺋﺎﺳﺎﺱ ﻗﯩﻠﯩﺸﻨﻰ ﺳﻮﺑﯩﻴﻜﺘﯩﭗ ﻣﯘﺩﺩﯨﺌﺎ ﺑﯩﻠﻪﻥ ﺑﯩﺮﻟﻪﺷﺘﯜﺭﮔﻪﻧﺪﯨﻼ ، ﺋﺎﻧﺪﯨﻦ ﺷﻪﺧﯩﺴﻠﻪﺭﮔﻪ ﺋﻪﺗﺮﺍﭘﻠﯩﻖ ، ﺩﯦﺌﺎﻟﯧﻜﯩﺘﻜﻠﯩﻖ ﺑﺎﮬﺎ ﺑﻪﺭﮔﯩﻠﻰ ﺑﻮﻟﯩﺪﯗ.

<< ﺷﯩﻨﺠﺎﯓ ﻣﺎﺋﺎﺭﯨﭗ >> ﮊﻭﺭﻧﯩﻠﯩﺪﯨﻦ ﺋﯧﻠﯩﻨﻐﺎﻥ .|