ھازىر سوزۇلما يۇتقۇنچاق ياللۇغىغا گىرىپتار بولغانلار بارغانسېرى كۆپىيىۋاتىدۇ، بۇنىڭ سەۋەبى يەنىلا ناچار تۇرمۇش ئادىتى بولىۋاتىدۇ. بولۇپمۇ ياشلار ئۇخلاشتىن بۇرۇن ئۇششاق-چۈششەك يېمەكلىك يەيدىغان، بىراق چىشىنى ۋاقتىدا چوتكىلىمايدىغان بولۇۋالدى، بۇنداق ئادەت ئۇزاق داۋاملاشسا، يېمەكلىك يۇقۇندىلىرى چىش ئارىلىقى ۋە ئېغىز بوشلۇقىدا تۇرۇپ قالىدۇ ۋە باكتېرىيەگە ئايلىنىپ، گالغا يۆتكىلىپ يۇتقۇنچاق ياللۇغىنى پەيدا قىلىدۇ.
بۇ خىل ياللۇغلىنىشنىڭ ئالدىنى ئېلىش ئۈچۈن، ئۆينىڭ تېمپېراتۇرىسى ۋە نەملىكىنى مۇۋاپىق ساقلاش بىلەن بىللە، ھاۋاسىنى ۋاقتىدا ئالماشتۇرۇپ، ئۆي ھاۋاسى قۇرغاق، سوغۇق ياكى ئىسسىق بولۇپ كېتىشتىن ساقلىنىش. يەنە چىشىنى ئەتىگەن ۋە كەچتە ئۈچ مىنۇتتىن چوتكىلاپ ئىلمان سۇ بىلەن چايقاشمۇ ئادەمنى سوزۇلما يۇتقۇنچاق ياللۇغىدىن خالاس قىلىدۇ.
مەنبە: «ئۈرۈمچى كەچلىك گېزىتى» دىن ئېلىندى