سېمىزلىكنىڭ يەنە بىر زىيىنى
 

ئامېرىكىلىق مۇتەخەسسىسلەر يېقىندا تاماملىغان تەتقىقات نەتىجىسىدىن يېقىندا مۇنداق نەتىجە چىقتى: بەدەن ئېغىرلىقىنىڭ ئېشىپ كېتىشى ئاياللارنىڭ تۇخۇمدان راكىغا گىرىپتار بولۇش خەۋىپىنى ئاشۇرۇۋېتىدىكەن. بەدەن كۆرسەتكۈچى ھەر بەش پىرسەنت ئاشسا، ئاياللارنىڭ تۇخۇمدان راكىغا گىرىپتار بولۇش نىسبىتى %6 كۈچىيىدىكەن، يەنى بەدەندىكى ياغ ئاياللاردا تۇخۇمدان راكىنى پەيدا قىلىدىغان ئامىللارنىڭ ئەڭ مۇھىمى ئىكەن. ئۇنىڭدىن باشقا بوي ئىگىزلىك بىلەن ئىرسىيەت ئامىلىمۇ بۇ كېسەلنىڭ پەيدا بولىشىدا مۇھىم رول ئوينايدىكەن.
مۇتەخەسسىسلەر مۇنداق دېيىشتى: «سېمىزلىك ھورمۇننىڭ ئاجرىلىشىغا تەسىر كۆرسىتىپ، راك كېسىلى خەۋىپىنى يۇقىرىلىتىدىكەن. سېمىزلىك يەنە بەدەندىكى ئىنسۇلىننىڭ كۆپىيىشى ۋە ئىنسۇلىنلىشىشقا تاقابىل تۇرۇپ، بەدەندە سوزۇلما ياللۇغ پەيدا قىلىدىكەن، ياللۇغ ئاياللاردا تۇخۇمدان راكىنى پەيدا قىلىدىغان ھەم ھاياتلىق سۈپىتىنى تۆۋەنلىتىدىغان بىر مۇھىم ئامىل».
مەنبە: ئۈرۈمچى كەچلىك گېزىتى

ئەسكەرتىش: مەزكۇر ئەسەر ئاللاقاچان ئۈندىدار (ۋېيشىن) سالونىغا يوللىنىپ بولغان! ئوكيان قامۇسىغا ئەگىشىپ سەرخىل مەزمۇنلاردىن ۋاقتىدا بەھرىمان بولۇڭ، ئىزدەش نامى: okyanqamus