5-فېۋرالدىن باشلاپ، جەنۇب ئاۋىئاتسىيەسىگە ئولتۇرغان يولۇچى «كىملىكى ۋە تىزىمغا ئالدۇرۇش كىنىشكىسى»گە تايىنىپ، جەنۇب ئاۋىئاتسىيىسىنىڭ ئەزالىرى (كىملىك ۋە ئەزالىق كارتىسى)غا تايىنىپ، جەنۇب ئاۋىئاتسىيەسى شىنجاڭ تارماق شىركىتىنىڭ (ئۈندىدار نومۇرى csairxj) شۇنداقلا گۈزەل نارات ئۈندىدارىغا ئەگىشىۋالسىلا ساياھەت مەنزىرە رايونىنىڭ %0 5 ئېتىبارىغا ئېرىشەلەيدىكەن.

　　مۇخبىرنىڭ جەنۇب ئاۋىئاتسىيەسى شىنجاڭ تارماق شىركىتىدىن ئىگىلىشىچە، شىنجاڭنىڭ قىش پەسلىدىكى ساياھىتىگە ھەمتۈرتكە بولۇش ئۈچۈن، بۇ شىركەت شىنجاڭدىكى بىر ساياھەت مەدەنىيەت شىركىتى بىلەن بىرلىكتە «جەنۇب ئاۋىئاتسىيەسى نارات ساياھىتى»نى يولغا قويغان. بۇ ئېتىبار ياتاق ۋە يېمەك - ئىچمەك تەرەپتىن بولۇپ، ساياھەت سۇس پەسلى، ئادەتتىكى پەسىل، ئاۋات پەسىل دەپ ئۈچ تۈرگە بۆلۈنىدىكەن. بۇنىڭ ئىچىدە ياتاق پۇلى ئەڭ ئاز دېگەندە %70 بولۇپ، ئادەتتىكى ۋە ئاۋات پەسىلدە كوللېكتىپ باھا ئېتىبارىغا ئېرىشكىلى بولىدىكەن. يېمەك - ئىچمەكتە ئەڭ تۆۋەن دېگەندە %80ئېتىبارغا ئېرىشكىلى بولىدىكەن. ساياھەت رايونىنىڭ بېلىتى 31-مارتتىن بۇرۇن، ناراتقا ساياھەت ۋە يولۇچىلار مۇلازىمەت مەركىزىگە تىزىملاتقاندىن كېيىن، كېيىن ناراتقا يەنە بارسا، مۇلازىمەت مەركىزىدىن نارات يايلىقىنىڭ يېرىم باھالىق بېلىتىگە ئېرىشەلەيدىكەن.

　　ئىگىلىنىشىچە، نۆۋەتتە جەنۇب ئاۋىئاتسىيەسىنىڭ ئۈرۈمچىدىن ناراتقا ئۇچىدىغان ئايروپىلانى ھەپتىدە ئۈچ نۆۋەت بولۇپ،چارشەنبە، جۈمە، يەكشەنبە كۈنلىرى قاتنايدىغان بولۇپ، بېلەت باھاسى باجنى ئۆز ئىچىگە ئالمىغاندا 520 يۈەندىن باشلىنىدىكەن. شۇنىڭ بىلەن بىرگە، جەنۇب ئاۋىئاتسىيەسىنىڭ ئۈرۈمچى غۇلجا لىنىيەسىدە جۈمە ۋە شەنبە كۈنلىرى نۆۋەتلىك ئايروپىلان بار بولۇپ، ئەڭ تۆۋەن ئېتىبار باھاسى %15 بولۇپ، بېلەت باھاسى باجنى ئۆز ئىچىگە ئالمىغاندا 220 يۈەندىن باشلىنىدىكەن.