1-ئۆكتەبىر ئالتۇن ھەپتىسىدە مەملىكەتنىڭ ھەر قايسى جايلىرىدىكى مەنزىرە رايونلىرىدا ساياھەت يۇقىرى پەللىسى كۆرۈلدى. دەسلەپكى باسقۇچتىكى ئىستاتىستىكىدىن ئايان بولۇشىچە، مەملىكەت بويىچە مەنزىرە رايونلىرىدا كۈتۈۋېلىنغان ساياھەتچى 31 مىليون 692 مىڭ ئادەم قېتىمغا يەتتى. ئومۇمىي جەھەتتىن قارىغاندا، جايلاردىكى مەنزىرە رايونلىرىنىڭ مۇلازىمەت ئىقتىدارى ۋە ساياھەتچىلەرنىڭ مەدەنىيەتلىك ساياھەت قىلىش ئېڭى ئومۇميۈزلۈك ئۆستۈرۈلگەن.

1-ئۆكتەبىر بېيجىڭ يۈەن بويۈەن مەنزىرە رايونىدىكى مۇھىت ئاسراش ئىشچىسى پۇ شيۇچيۇڭ مۇخبىرغا مۇنداق دېدى: بۇ يىل ساياھەتچىلەرنىڭ ساپاسى ئىلگىرىكى يىللاردىكىدىن بىر قەدەر ئاشتى، ئىلگىرى بۇنداق بايرام كۈنلەردە بىر كۈندە شۇنداق كۆپ ئەخلەت يىغىلاتتى، شۇ كۈنى چۈشكە يېقىنلىشاي دەم قالسىمۇ ئەخلەت ساندۇقى توشمىدى، نۇرغۇن ئەخلەتلەرنى ساياھەتچىلەر ئۆزلىرى يىغىپ تاشلىۋەتكەن.

كەسىپ ئەھلى مۇتەخەسسلەر مۇنداق دەپ ھىسابلىدى: ياخشى ساياھەتكە چىقىش ئادىتى، ئەلا سۈپەتلىك مەنزىرە رايون مۇلازىمىتى، قاتتىق ساياھەتنى باشقۇرۇش تەدبىرلىرىنى تەڭ قوللانغاندىلا ئاندىن ھەقىقىي مەدەنىيەتلىك ساياھەتكە چىقىشنى ئىشقا ئاشۇرغىلى بولىدۇ.