ئاسىيا كىندىكى تورى خەۋىرى، نۇر تورى تەرجىمىسى:

24 ياشلىق سوڭ فامىلىلىك شوپۇر ماشىنا ھەيدەش جەريانىدا، پىيادە كېتىۋاتقان ئادەمنى سوقۇۋەتكەن ھەم قورقۇپ كەتكەچكە ماشىنىسىنى ھەيدەپ كېتىپ قالغان. ماشىنىنى ھەيدەپ نەچچە كىلومېتىر ماڭغاندىن كېيىن، سوڭ فامىلىلىك كۆڭلىدە خاتىرجەم بولالماي، ماشىنىسىنى يول بويىغا توختىتىپ قويۇپ، ئىككى كىلومېتىرچە يول مېڭىپ نەق مەيدانغا قايتىپ كېلىپ ئۆزىنى مەلۇم قىلغان.

خەلق ساقچىلىرىنىڭ كېيىن تەكشۈرۈشىدىن مەلۇم بولۇشىچە، سوڭ فامىلىلىكنىڭ شوپۇرلۇق كىنىشكىسى ساختا بولۇپ، بۇ خىل ئەھۋالدا سوڭ فامىلىلىك ئوسال ئەھۋالدا قالغان.

سوڭ فامىلىلىك يىغلاپ تۇرۇپ خەلق ساقچىلىرىغا مۇنداق دېگەن: مەنمۇ نېمە ئىش بولغانلىقىنى ئېنىق بىلمەيمەن، مەن ئەسلى مۇنتىزىم شوپۇرلۇق مەكتىپىدە شوپۇرلۇقنى ئۆگىنىۋاتاتتىم.

نۆۋەتتە، سوڭ فامىلىلىكنىڭ ئائىلىدىكىلىرى شوپۇرلۇق مەكتەپ بىلەن تەپسىلىي سۆزلىشىۋاتقان بولۇپ، سوڭ فامىلىلىك بۇ قىلمىشى ئۈچۈن ئېغىر بەدەل تۆلىمەكچى بولغان.

21-مارت كېچە سائەت 2 دىن 15مىنۇت ئۆتكەن چاغدا، يېڭى شەھەر رايونلۇق قاتناش ساقچى چوڭ ئەترىتى دېلو مەلۇم قىلىش تېلېفونىنى تاپشۇرۇۋالغان، تېلېفوندا شەھەر ئاھالىسى ليۇۋ فامىلىلىك ئۆزىنى بېيجىڭ يولى بىلەن فۇيۇۋ يولى يول ئېغىزىدا، قانۇنغا خىلاپ سولغا بۇرۇلغان بىر ئاق رەڭلىك دالا ئاپتوموبىلىنىڭ سوقۇۋەتكەنلىكىنى، ھادىسە سادىر قىلغان شوپۇرنىڭ قېچىپ كەتكەنلىكىنى ھەم ئۆزىنىڭ 110 غا دېلو مەلۇم قىلغانلىقىنى ئېيتقان. ئۈرۈمچى شەھەرلىك ج خ ئىدارىسى قاتناش ساقچى تارماق ئەترىتى يېڭى شەھەر رايونلۇق قاتناش ساقچى چوڭ ئەترىتىنىڭ ساقچىلىرى دېلونى تاپشۇرۇپ ئالغاندىن كىيىن، نەق مەيدانغا يېتىپ كەلگەن. ھادىسە بىر تەرەپ قىلغۇچى ئوتتۇرا ئەترەتنىڭ قاتناش ساقچىسى مۇخبىرغا مۇنداق دېگەن: بىز بارغاندا يارىلانغۇچى ئاللىبۇرۇن دوختۇرخانىغا ئېلىپ كېتىلگەن، ۋەقە يۈز بەرگەندىن كېيىن، يارىلانغۇچى ئۆزى ساقچىخانىغا دېلو مەلۇم قىلغان، ساقچىخانىدىكى ساقچىلار ئاۋۋال نەق مەيدانغا يېتىپ بارغان، ۋەقە سادىر قىلغۇچى سوڭ فامىلىلىكمۇ نەق مەيدانغا قايتىپ كېلىپ، ئۆزىنىڭ بۇ ۋەقەنى كەلتۈرۈپ چىقارغانلىقىنى ئىقرار قىلغان.

ۋەقە يۈز بېرىپ دېلو مەلۇم قىلىشتىن تارتىپ، دېلو سادىر قىلغۇچى قايتىپ كەلگۈچە بولغان ئارىلىقتا 40 مىنۇت كەتمەيلا، قاتناش ۋەقەسى سادىر قىلىپ قېچىپ كېتىش دېلوسى پاش قىلىنغان، ئەسلىدە ۋەقە يۈز بەرگەندە سوڭ فامىلىلىك قائىدىگە خىلاپ سولغا بۇرۇلۇپ، پىيادە كېتىۋاتقان ليۇۋ فامىلىلىكنى سوقۇۋەتكەن ھەم ماشىنىنى توختىتىپ تەكشۈرمەستىنلا نەق مەيداندىن قېچىپ كەتكەن، ئۇ بېيجىڭ يولىنى بويلاپ تېببىي ئۇنىۋېرسىتېت يولىدىن ئوڭغا مېڭىپ، گۈللەندۈرۈش يولىغا بۇرۇلۇپ، ۋېنجۇ يولى تەرەپكە قاراپ بىر كىلومېتىر ماڭغاندىن كېيىن، ئاندىن ماشىنىنى يول بويىغا توختىتىپ، پىيادە نەق مەيدانغا قايتىپ كەلگەن.

سوڭ فامىلىلىك قاتناش ساقچىلىرىغا مۇنداق دېگەن: شۇ چاغدا بىر نەرسىگە سوقۇلغاندەك بولدۇم، بىراق بەك قورقۇپ كەتكەچكە ماشىنىنى توختاتماي داۋاملىق ھەيدەۋەردىم، كېيىن ئويلىسام بۇ ئىشىم توغرا بولماپتۇ، شۇنىڭ بىلەن ماشىنىنى توختىتىپ، نەق مەيدانغا قايتىپ كەلدىم.

مۇخبىرنىڭ يېڭى شەھەر رايونى قاتناش ساقچى چوڭ ئەترىتىدىن ئىگىلىشىچە، يارىلانغۇچىنىڭ باش قىسىمىنىڭ سىرتى ۋە بەدىنىنىڭ كۆپ قىسىمىنىڭ يۇمشاق توقۇلمىلىرى زەخىملەنگەن بولۇپ، ھاياتىغا خەۋپ يەتمىگەن.

گەرچە ئۆزىنى مەلۇم قىلغان بولسىمۇ ئەمما سوڭ فامىلىلىكنىڭ قىلمىشى قاتناش ۋەقەسى تۇغدۇرۇپ نەق مەيداندىن قېچىپ كېتىش جىنايىتىنى شەكىللەندۈرگەن. سوڭ فامىلىلىككە پىراۋىسى يوق ماشىنا ھەيدەش، ساختا يول يۈرۈش كىنىشكىسى ئىشلىتىش، قاتناش ۋەقەسى تۇغدۇرۇپ نەق مەيداندىن قېچىپ كېتىش قاتارلىق قىلمىشلىرى ئۈچۈن جەرىمانە قويۇلىدىكەن ھەم مەمۇرى جەھەتتىن توختىتىپ قويۇش جازاسى بېرىلىدىكەن.