سېزىمچان ئېكرانلىق يانفونلارنىڭ باشلامچىسى بولغان ئالما شىركىتى ئايفونغا تايىنىپ ئەقلىي ئىقتىدارلىق يانفون بازىرىنىڭ مۇتلەق كۆپ قىسىم پايدىسىغا ئىگە بولۇۋاتىدۇ. ھالبۇكى، جوبس ۋاپات بولغاندىن كىيىن، شۇنداقلا ئەقلىي ئىقتىدارلىق يانفون كەسپى ئۈزلۈكسىز تېز سۈرئەتتە تەرەققىي قىلغاندىن كىيىن، ئالما شىركىتىمۇ يېڭىلىق يارىتىش قىيىن بولۇش مەسىلىگە دۇچ كەلمەكتە. گەرچە iPhone 6s نىڭ لايىھەسى مۇۋەپپەقىيەتلىك چىققان بولسىمۇ، ئەمما يەنىلا بىر قىسىم ئابونت ئايفوندىمۇ ئەمەلىي كۇنۇپكا تاختىسى بولۇشنى ئارزۇ قىلىدىغانلىقىنى بىلدۈرگەن. يېقىندىن بۇيان، يېڭى بىر ئەۋلاد ئايفوننىڭ ئۇقۇم لايىھەسى كەينى-كەينىدىن ئاشكارىلانغان، بۇنىڭ ئىچىدە پۈتۈن كۇنۇپكا تاختىسى سەپلەنگەن ئايفوننىڭ لايىھەسى ئادەملەرنىڭ دىققىتىنى ئۆزىگە تېخىمۇ جەلپ قىلغان.

  يىقىندا، چەتئەلدىكى مەلۇم بىر لايىھەلەش گۇرۇپپىسى ئۆزلىرىنىڭ تەسەۋۋۇرىدىكى يېڭى ئايفوننى لايىھەلەپ چىققان، گەرچە ئومۇمىي تۇرقى ھازىرقى iPhone 6s تۈرىدىكى يانفونلاردىن ئانچە پەرقلەنمىسىمۇ، ئەمما ئۇنىڭغا قارا بۆلجۈرگەن يانفونىدىكىگە ئوخشاش پۈتۈن كۇنۇپكا تاختىسى سەپلەنگەن بولۇپ، بۇ تەرىپى ئۇنىڭ ئەڭ يارقىن نۇقتىسىغا ئايلانغان. بولۇپمۇ، قارا بۆلجۈرگەن شىركىتى يېقىندا سىيرىلما شەكىلدىكى پۈتۈن كۇنۇپكىلىق ئاندىرويىد يانفونى Priv نى ئوتتۇرىغا چىقارغاندىن كېيىن، بۇ خىل لايىھەنى تېخنىكا جەھەتتىن ئىشقا ئاشۇرۇشنىڭ قىيىن ئەمەسلىكى ئىسپاتلانغان.

  ئەلۋەتتە، بۇ پەقەت لايىھە ئۇستىلىرىنىڭ نەزەرىدىكى ئايفون، ئالما شىركىتى يېڭى بىر ئەۋلاد ئايفونىغا بۇ خىل لايىھەنى قوللىنىشى ناتايىن. بىر تەرەپتىن، ئالما شىركىتىنىڭ نەزەرىدە، كۇنۇپكا تاختىسى دېگەن ئاللىقاچان تارىخ تەرىپىدىن شاللىۋېتىلگەن بىر ئۇقۇم بولۇپ، قوللىنىشقا ئەرزىمەيدۇ؛ يەنە بىر تەرەپتىن، ئابونتلار كۇنۇپكا تاختىسى سەپلەنگەن ئايفوننىڭ مەيدانغا چىقىشىنى ئۈمىد قىلغان تەقدىردىمۇ، ئەمما ئالما شىركىتى يەنىلا بۇ مەسىلىنى يېنىكلىك بىلەن قارار قىلالمايدۇ، بۇندىن بۇرۇن كۆپلىگەن كارخانىلار قارا بۆلجۈرگەننىڭ كۇنۇپكا تاختا لايىھەسىنى كۆچۈرگەن دەپ ئەيىبلەنگەن.

  بىراق، تىم كۇك باشلامچىلىقىدىكى ئالما شىركىتى جوبس دەۋرىدىكىگە ئوخشىمايدۇ، ھازىر ئايفونغا ھەر قانداق بىر خىل لايىھەنىڭ قوللىنىلىشى تامامەن مۇمكىن، شۇنداقلا ئاشۇرىۋېتىلگەن دەپمۇ قارالمايدۇ. بۇندىن ئىلگىرى، ئالما iOS سىستېمىسىغا WebOS دىكىگە ئوخشاش كارتۇچكا شەكىللىك كۆپ ۋەزىپە مەشغۇلات ئۇسۇلىنى كىرگۈزگەن، يېڭى نەشىردىكى iOS سسىتېمىسى يەنە ئاندىرويىدتىكى بىر قىسىم ئالاھىدىلىكلەرنى ئۆزىگە قوبۇل قىلغان. ئەلۋەتتە، بازارنى يېتەكچى قىلىشنىڭ خاتا يېرى يوق، مەھسۇلات ئىشلىتىشكە ياخشى بولسىلا بولدى، ئەگەر كۇنۇپكا تاختىسى سەپلەنگەن ئايفون مەھسۇلاتنىڭ ئىشلىتىش تەسىراتىنى تېخىمۇ ياخشىلىيالىسا، ئۇنداقتا ئالما شىركىتىمۇ بۇ نۇقتىغا چوقۇم ئەھمىيەت بېرىدۇ.